Avviżi Tal-Kommunità
Parroċċa San Sebastjan
ĦAL QORMI - MALTA
5 RANDAN A
2 ta’ April 2017
____________________________________________________________________________________
Qegħdin noqorbu lejn iċ-ċelebrazzjoni tal-Mewt u Qawmien ta’ Sidna Ġesù Kristu. Inħeġġiġkom li din il-ġimgħa ngħixuha qrib kemm jista’ jkun tal-Mulej, bis-sehem fil-quddiesa ta’ kuljum, fit-talb personali u fiċ-ċaħda personali.
Matul din il-ġimgħa, il-quddies ta’ filgħaxija ikun bil-priedka, li jservu ta’ eżerċizzi għal kulħadd.
Mit-Tnejn li ġejjin eżerċizzi tar-Randan fil-Każin tal-Banda minn Patri Raymond Falzon.
Nhar l-Erbgħa issir il-laqgħa tan-nisa romol u separati fil-Kripta tal-Knisja.
Il-Ħamis issir il-Lectio Divina fil-Kappella tas-Sagrament wara l-quddiesa ta’ filgħaxija.
Il-Ġimgħa huwa Jum id-Duluri. Filgħodu l-quddies ikun bħas-soltu. Ikun hawn quddiesa f’nofs innhar, li tkun indirizzata lit-tfal ta’ l-Iskola Primarja. Fil-5.30pm, issir quddiesa u wara toħroġ ilpurċissjoni bl-istatwa tad-Duluri. Il-purċissjoni tispiċċa fuq iz-zuntier bit-talba tal-konsagrazzjoni lil Ommna Marija. Wara, issir quddiesa oħra.
Il-Ħadd li ġej huwa Ħadd-il Palm, il-bidu tal-Ġimgħa Mqaddsa. Wara l-quddiesa tat-8.00am, toħroġ il-purċissjoni għall-Knisja ż-Żgħira, fejn isir it-tberik taż-żebbuġ, u wara tkompli għall-Knisja Parrokkjali fejn issir quddiesa kantata.
Fuq wara tal-Knisja ser ikun hemm kaxxi apposta għal min f’dawn il-ġranet jixtieq jagħti offerta għall-familji fil-bżonn. Sabiħ li dawn ikunu ġranet ta’ solidarjetà ma’ xulxin.
Nhar il-Ħamis li ġej filgħodu issir attività soċjali ġewwa ż-Żurrieq. Biljetti mill-Uffiċċju Parrokkjali jew mill-helpers tal-Knisja.
Is-Soċjetà Filarmonika Pinto ser tittella edizzjoni speċjali tal-kunċert 'Riflessi' nhar is-Sibt 8 ta' April 2017 fil-Knisja ta' Ġieżu l-Belt fis-7.30 ta' filgħaxija. Qed jiġi organizzat trasport li jitlaq minn quddiem il-kazin fis-6.00pm.
TRIQ SAN BARTILMEW, ĦAL QORMI QRM 2184
•
T EL : 21 48 6 35 0
•
E - M AI L: i nf o @q or mi sb p ari s h. org
Nhar Tlieta 11 u l-Erbgha 12 ta' April fit 8.00pm ser jittella l-Pageant tal-Passjoni Il-Messija, fitTeatru taċ-Ċentru Parrokkjali.
Fis-sajf li ġej ser nagħmlu ġita għas-Slovenia, il-Portugal, mill-1 sat-8 ta’ Awwissu. Min jibbukja malajr jirċievi skont ta’ €50.00.
Naprezzaw ħafna min f’dawn il-ġranet iġib weraq tal-belladonna għat-tiżjin tal-Knisja.
Ritratti tal-Vista Pastorali ta’ Mons Arċisqof jinkisbu minn fuq is-sit www.knisja.org/ritratti.
Paċi u barka Fr Joseph Buhagiar Kappillan