Avviżi 29 ta' Mejju 2022

Knisja Arċipretali San Sebastjan Ħal Qormi

Avviżi Tal-Kommunità

It-Tlugħ fis-Sema tal-Mulej

29 ta’ Mejju 2022

____________________________________________________________________________________ 

Għada/Illum, infakkru l-40 sena mill-ftuħ tal-Knisja għażiża tagħna. Kien propju fid-29 ta’ Mejju 1982 li din il-Knisja nfetħet u tbierket mill-Arċisqof Ġużeppi Merċieca, fi żmien il-Kappillan Dun Vincenz Deguara. Dan l-anniversarju għandu jkompli jħeġġina biex mhux biss napprezzaw din il-binja u nieħdu ħsiebha, kif fil-fatt qed nagħmlu, imma ngħożżuha għax din hija d-dar ta’ Alla, li tilqa l-kulħadd u li fiha niċċelebraw l-Ewkaristija u li permezz tagħha nagħrfu li aħna parti mill-familja ta’ Alla u allura lkoll aħwa bejnietna, għax aħna familja waħda. Nieħdu l-okkażjoni sabiex nirringrazzjaw lis-saċerdoti tad-disponibiltà tagħhom, kif ukoll lis-sagristan u l-voluntiera kollha li jżommu din il-Knisja nadifa u bl-aqwa mod.



Nhar it-Tnejn/Għada, bejn is-7.00pm u s-7.30pm issir n-Nofs Siegħa mal-Kelma fil-Knisja. Din il-lectio Divina tkun bi tħejjija għall-festa ta’ Pentecoste u tkun miftuħa għal kulħadd.



Nhar l-Erbgħa fis-7.00pm tiltaqà l-Kummissjoni familja u fit-8.15pm l-Kummissjoni Djakonija fid-dar parrokkjali.



Nhar il-Ġimgħa, ikun l-ewwel ġimgħa tax-xahar ta’ Ġunju, lkoll mħeġġa biex nersqu għall-Qrar u t-Tqarbin u għalhekk mis-6.00pm ‘l quddiem ikun hawn fil-Knisja għall-Qrar Patri Alex Scerri O.Carm bħalha konfessur barrani. Imbgħad bejn is-7.00pm u s-7.30pm ilkoll mistiedna biex bħalha Komunità nieħdu sehem fl-Adorazzjoni quddiem Ġesù Ewkaristija u li ser tkun animata mill-Grupp ta’ Talb għall-Vokazzjoniet u l-abbatini tal-Parroċċa.



Il-Ħadd li ġej niċċelebraw il-festa ta’ Għid il-Ħamsin, fejn infakkru l-bidu tal-ħidma tal-Knisja permezz tal-Appostli bil-qawwa tal-Ispirtu s-Santu. Il-Quddiesa tal-11.00am tkun bis-sehem tal-addoloxenti subien li ser jirċievu s-Sagrament tal-Griżma tal-Isqof din is-sena u l-ġenituri tagħhom, filwaqt li l-Quddiesa tas-6.00pm tkun bis-sehem tal-addoloxenti bniet li ser jirċievu s-Sarament tal-Griżma tal-Isqof u l-ġenituri tagħhom. Dakinhar dawn l-addoloxenti ser jressqu t-talba tagħhom lill-Knisja biex f’Novembru li ġej jirċievu dan is-Sagrament.

TRIQ SAN BARTILMEW, ĦAL QORMI QRM 2184

•

T EL: 21 48 6 35 0

•

E-M AI L: i nf o @q or m i sb p ari s h . org



Il-Ħadd li ġej ukoll, l-Quddiesa tat-8.00am tkun bis-sehem tal-Banda, fl-okkażjoni tal-160 sena mit-twaqqif tas-Soċjetà Filarmonika Pinto Banda San Sebastjan, għalhekk l-Quddiesa tkun waħda ta’ radd il-ħajr lil Alla.



Mill-Ħadd li ġej, il-Kappella tas-Sorijiet Agostinjani ser tkun miftuħa għall-Quddies bis-sehem tal-pubbliku, għalhekk nhar ta’ Ħadd l-Quddiesa tkun fis-7.15am u mit-Tnejn sal-Ġimgħa tkun fis-6.30am u s-Sibt fis-7.30am.



Il-Ħadd li ġej, ikun l-ewwel Ħadd tax-xahar u għalhekk ikollna l-ġabra speċjali b’risq il-proġett tal-koppla tal-Knisja. Grazzi bil-quddiem tal-ġenerożità tagħkom.



Il-Ħamis 9 ta’ Ġunju, ser ikollna l-ikla għall-irġiel fl-okkażjoni ta’ Jum il-Missier. Dakinhar fis-7.00pm ikollna l-Quddiesa fil-Knisja u wara ikollna t-trasport għall-ikla f’ta’ Ċanti, Ħaż-Żebbuġ.

Il-booking jsir mill-Uffiċċju Parrokkjali waqt il-ħinijiet tal-ftuħ.



Il-Parroċċa ser toffri l-Kors ta’ Kana għall-għarajjes bi tħejjija għas-Sagrament ta’ Żwieġ. Danmm il-Kors jibda l-Ħadd 25 ta’ Settembu u huwa mibni fuq għaxar laqgħat li jsiru l-Ħadd bejn l-10.00am u l-12.00pm fiċ-Ċentru Parrokkjali. Biex wieħed jagħmel dan il-kors huwa mitlub li jimla formula mill-Uffiċċju Parrokkjali waqt il-ħinijiet tal-ftuħ. Aktar dettalji issibuhom minn fuq il-paġna tal-facebook tal-Parroċċa u minn fuq in-noticeboards tal-Knisja.



Nirringrazzjawl lil diversi benefatturi li matul din il-ġimgħa offrew b’€300 f’donazzjoniet b’risq il-proġett tal-Koppla tal-Knisja. Grazzi dejjem lil kulħadd tal-fiduċja u l-ġenerożità tagħkom.



Dawk li jixtiequ kopja tal-programm tal-gita li l-Parroċċa ser torganizza f’Awwissu għal Sqallija, jistgħu jagħmlu dan mis-Sagristija jew mill-Uffiċċju Parrokkjali.



Nitollbu flimkien it-talba, li bħala Parroċċa, għażilna biex nitolbu matul din is-sena: "Tkellem, Mulej, għax il-qaddej tiegħek qiegħed jisma’." 1 Samwel 3, 9

Paċi u barka Fr. Eucharist Zammit Arċipriet TRIQ SAN BARTILMEW, ĦAL QORMI QRM 2184

•

T EL: 2 14 8 63 5 0

•

E -M AI L: i n f o @q o r mi sb par i s h. o rg

TRIQ SAN BARTILMEW, ĦAL QORMI QRM 2184

•

T EL: 2 14 8 63 5 0

•

E -M AI L: i n f o @q o r mi sb par i s h. o rg

TRIQ SAN BARTILMEW, ĦAL QORMI QRM 2184

•

T EL: 2 14 8 63 5 0

•

E -M AI L: i n f o @q o r mi sb par i s h. o rg

TRIQ SAN BARTILMEW, ĦAL QORMI QRM 2184

•

T EL: 2 14 8 63 5 0

•

E -M AI L: i n f o @q o r mi sb par i s h. o rg