Parroċċa San Sebastjan
ĦAL QORMI - MALTA
33 ĦADD C
13 ta’ Novembru 2016
____________________________________________________________________________________
Għada l-Ħadd / Dal-għodu niċċelebraw il-Griżma tal-Isqof lil 64 tifel u tifla mill-parroċċa tagħna. Il-quddiesa tal-Griżma tibda fl-10.00am. Il-quddies tad-9.30 u 11.00am isiru fil-Kripta. Nitolbu biex dawk li sejrin jirċievu dan is-sagrament iħallu l-Ispirtu s-Santu jaħdem aktar fihom. It-Tlieta li ġejjin isir it-Tesserament tan-Nisa tal-Azzjoni Kattolika, fil-quddiesa tat-8.30am. Nhar l-Erbgħa 16 ta’ Novembru ser jibda jiltaqa’ grupp ġdid ta’ meditazzjoni fi tradizzjoni antika ħafna tal-Knisja. Aktar tagħrif issibuh fil-fuljett u fuq il-fliers li għandkom fuq il-bankijiet. Jiltaqa’ fiċ-Ċentru, dħul minn Triq San Edward, 7.15pm. Kulħadd mistieden. Nhar l-Erbgħa fis-7.30pm issir ukoll il-laqgħa tal-Gruppi Familji Nsara, fiċ-Ċentru. Il-Ħamis li ġej issir adorazzjoni wara l-quddiesa ta’ filgħaxija. Nhar il-Ħadd li ġej niċċelebraw il-festa liturġika ta’ Kristu Re. Filgħaxija, fis-6.00pm, Mons. Arċisqof ser imexxi konċelebrazzjoni fil-Katidral tal-Imdina fl-għeluq is-Sena tal-Ħniena. Dawk kollha li jistgħu imħeġġin jieħdu sehem f’din iċ-ċelebrazzjoni. Il-Ħadd li ġej tiġi ċċelebrata l-quddiesa tal-magħmudija fid-9.30am u fil-5.00pm issir l-Adorazzjoni tal-Ħniena Divina. Fil-ġimgħat li ġejjin ser jintlaqgħu applikazzjonijiet għad-dħul ta’ tfal fl-iskejjel tal-Knisja f’Settembru 2017 minn dawk li huma mpjegati fi skola tal-Knisja, għandhom ħuthom fi skola talKnisja, u dawk li qegħdin fi skola tal-Knisja li ma tkomplix. Applikanti oħra minn skejjel tal-Gvern u indipendenti jkunu jistgħu japplika f’Jannar u Frar. Għada filgħaxija / Illejla, fis-6.30pm, fit-Teatru taċ-Ċentru ser jittellgħa id-dramm Il-Martri ta’ Kristu. Dan id-dramm qiegħed jittelgħa mill-Uffiċċju Missjunarju. Kulħadd mistieden għal din ilpreżentazzjoni.
Paċi u barka Fr Joseph Buhagiar Kappillan TRIQ SAN BARTILMEW, ĦAL QORMI QRM 2184
•
T EL : 21 4 8 6 35 0
•
E-M AI L: q or m is b ma l t a@g m ai l . c o m