Ladies Circle Qormi San Sebastjan
25ta’April,2016
Din l-għaqda bdiet dsatax- il-sena ilu b’inizjativa ta’ Dun Walter Cauchi bil ħsieb li jkun hawn post fil-parroċċa fejn jinġabru n-nisa tad-dar. Grazzi għall kumitati li kien hawn qabilna, komplejna nibnu fuq dak li bdew huma. Il-kumitat prezenti hu maghmul minn Miriam Cauchi Presidenta, Rita Cardona Segretarja, Irene Libreri Kaxxiera, Lizi Scicluna u Frances Falzon membri attivi fil-kumitat. Ghanda ukoll team ta’ nies li jagħtuna għajnuna fostom Lucia Casha, Rita Orland u oħrajn li jgħinu fil-kċina. Maria Mifsud għal kemm mhux membru tgħin flistampar tal-programm u riklamar.
Aħna team li naħdmu ħafna flimkien biex inżommu ħajja din il-għaqda fejn kull waħda minnha tuza il-kapaċitajiet tagħha biex nagħtu servizz lil 80 membru li jiġu l-laqgħat. Fil-ħarġiet jitilgħu għal 100 ruħ.
Niltaqgħu kull nhar ta’ Erbgħa fid-9.00am. Nibdew billi nieħdu cafe u kulħadd jgħid kelma. Fid9.30am tibda laqgħa ta’ siegħa. Aħna ingibu nies professjonisti fil -qasam tagħhom, Nutritionist, Psikologist, Fizjoterapist u ma jonqsux ukoll soċji tal-museum u saċerdoti li jieħdu ħsiebna spiritwalment.
Il-ħarġiet inzewquhom kemm nistgħu. Morna il-bird park, mużewijiet, żorna lil President fejn tajniha donazzjoni ta 300 Euro u ser imorru il-Parlament.
Ikliet għal Jum l-omm u breakfast għall festa ta San Sebastjan. Mill fondi nagħtu rigal f’Jum lomm, f’Jum il-mara u fil-Milied. Nagħtu somma li Kappillan biex jitħallsu is-siġġijiet u bzonnijiet oħra. Irregalajna pjaneta għal knisja z-zgħira. Ser nagħtu somma ukoll għal refuġjat li ser tisponsorja l-parroċċa.
Għamilna mezz ukoll biex niltaqgħu mal ladies circle tal –parroċċa ta’ San Ġorg, fejn stedina lil kumitat u wara morna aħna ukoll għall laqgħa tagħhom. F’ Novembru iltqajna iż-żewg għaqdiet u flimkien mal-Kappillan tagħna Fr. Joseph Buhagiar u l-Arċipriet ħadna sehem fil-quddiesa filkappella taċ-ċimiterju u wara morna nieħdu kafe flimkien.
Nagħmlu party fi ġranet tal-Milied fejn nistiednu lill- kumitat ta’ San Ġorg u membri oħra talgħaqdiet tal-parroċċa li jagħtuna għajnuna matul is-sena. Inkunu madwar 150 ruħ.
Għall- grazzja t’Alla qegħdin vera team maqgħud u ghandna ħafna entużjażmu biex il-membri tagħna nagħtuhom servizz minn qalbna u nofrulhom ħin ta’ edukazzjoni u divertiment ukoll. Aħna kuntenti għaliex il-membri japprezzaw ħafna li nagħmlu magħhom. Issa bdejna nagħtuhom kartolina f’għeluq sninhom għax hekk iħossuhom li qegħdin ġo familja. Ilkoll kemm aħna lesti li nkomplu din il-ħidma bl-għajnuna t’Alla biex inkomplu nsaħħu lLadies Circle.
Miriam Cauchi Presidenta