RED-TAGGING NG DEPED, KINASTIGO NG ACT TEACHERS

Partylist

MARIA ASHLEY DENISE BARBOSA

Red-tagging ang naging tugon ng Department of Education (DepEd) sa kampanya ng Alliance of Concerned Teachers (ACT) sa kanilang panawagang dagdagan ng 30,000 na mga guro at magpatayo ng 50,000 na silid-aralan hanggang taong 2028.

Giniit ni Bise Presidente Sara Duterte, na tumatayong kalihim ng DepEd ngayon, dibersyon lamang ang mga panawagan nito sa Deped sa nangyaring di umanong pag-atake sa Masbate.

“ACT Teachers, while silent about the NPA operations, apparently needed to come up with something outrageous to divert the public’s attention away from the damage that the NPA attacks caused to our Masbate learners,” ani Duterte.

Dagdag ni Duterte, “unrealistic” at “impossible” ang kahilingan ng grupo at hindi ito galing sa tunay na malasakit para sa mga estudyante.

DepEd: We are not blind

Matapos ito ipahayag ni Duterte, agad nitong dinepensahan na hindi bulag sa krisis ng edukasyon ang kagawaran.

“The hiring of teachers, the hiring of administrative staff, as well as the construction of new classrooms and school buildings are among the solutions identified and being pursued now,” giit ni Duterte.

Binigyang diin naman ni House Deputy Minority leader at ACT Teachers partylist Rep. France Castro na lehitimo at lohikal ang kanilang hinaing sa sektor ng edukasyon na tumanggap ng mga bagong guro at magpatayo ng mga silidaralan upang puksain ang kakulangan ng mga guro at silid-aralan upang pahusayin ang kalidad ng edukasyon.

Dagdag pa ni Rep. Castro, dalawang nagdaang administrasyon ang nakayanang lumapit sa kanilang target na tumanggap ng 30,000 na kaguruan. Matatandaang tumanggap ng 29,166 na guro bawat taon ang administrasyong Aquino habang ang ama nitong si dating pangulong Rodrigo Duterte ay tumagap ng 25,000 na guro bawat taon sa ilalim ng kanyang panunungkulan.

“... ngayon lang nangyari na sabihin ng DepEd secretary mismo na ang mga panawagang ito ay ‘unrealistic and impossible’,” paliwanag ni Castro.

Representante ng sektor ng edukasyon

Diin naman ni Duterte, kung tunay na kinatawan ng kagawaran ng edukasyon ang ACT, hindi nito ipagsasawalangbahala ang pag-atake ng NPA sa Masbate.

Ayon kay Castro, dapat lamang ikondena ang nasabing pag-atake sa

Masbate at ugatin ng pamahalaan ang tunay na pinagmulan ng tunggalian.

“These incidents also highlight the need for the resumption of the peace negotiations between the Government of the Republic of the Philippines (GRP) and the National Democratic Front of the Philippines (NDFP) to address the root causes of the armed conflict,” ani Castro.

Sa isang press release naman ng ACT, iginiit nito na maliban sa pagtutol ni Duterte sa pagtaas ng sahod at pagdadagdag ng pasilidad at kaguruan, wala pa rin teaching overload pay, palugit na pahinga mula sa nonteaching duties, at napapanahong benepisyo para sa mga guro.

“She has already squandered too much time and energy on her trash-talk, it is high time that we see her act on the problems of teachers and the education sector. Otherwise, with her penchant for red-tagging and her militaristic style of leadership, she is better appointed as the Department of National Defense head or the spokesperson for the National Task Force to End Local Communist Armed Conflict,” pagtatapos nito.