ICC, IBINASURA ANG SUSPENSYON NG IMBESTIGASYON SA ‘WAR ON DRUGS‘

ERICA JHOY BUCE

Hindi kinatigan ng International Criminal Court (ICC) Appeals Chamber ang kahilingan ng pamahalaan ng Pilipinas na suspendihin ang imbestigasyon sa naging madugong giyera kontra droga ni dating pangulong Rodrigo Duterte at mga kaso ng extrajudicial killings bilang dating alkalde ng lungsod ng Davao.

Ayon kay Judge Marc Perrin de Brichambaut ng ICC Appeals Chamber, “walang sapat na dahilan” upang kailanganing suspendihin ang naunang desisyon na nagpapahintulot sa tagausig ng ICC na ipagpatuloy ang pagsisiyasat nito sa posibleng krimeng lumabag sa karapatang pantao ng mga biktima ng ‘war on drugs’ at EJK sa Pilipinas.

“In the absence of persuasive reasons in support of ordering suspensive effect, the Appeals Chamber rejects the request. This is without prejudice to its eventual decision on the merits of the Philippines’ appeal against the Impugned Decision,” saad sa walong-pahinang desisyon ng ICC noong ika-27 ng Marso.

Dagdag pa ng ICC, tinukoy lamang ng Office of the Solicitor General ang mga implikasyon ng pakikitungo ng piskal sa mga suspek, saksi, at biktima na nagdulot sa Pilipinas na mabigo sa pagbibigay linaw kung paano magiging “napakahirap o imposible nang iwasto ang epekto ng pagsisiyasat ng ICC.”

“The Appeals Chamber is not persuaded that the implementation of the Impugned Decision would cause consequences that ‘would be very difficult to correct or that ‘may be irreversible’ or ‘could potentially defeat the purpose of the appeal,” ayon sa pasya.

Kasunod nito ay nagpahayag si pangulong Ferdinand Marcos, Jr. na pinuputol na ng Pilipinas ang komunikasyon nito sa ICC sa pamamagitan ng isang