Ezinbesteko Guatemala

Urruneko Zirkuituak

Tikal

Ezinbesteko Guatemala

12 EGUNEKO ZIRKUITUA

10 Gaueko egonaldia

Erref. Data Plazak Prezioa 2159 Azaroak 11 25 3.680 €

Batentzako logelaren gehigarria: 720 €

%100Kutxabank ez diren bezeroen prezioa

Erreserbak Martzoak 30tik aurrera

2159 Azaroak 11 25 3.880 €

1. Eguna: Jatorri puntua - Guatemala

Irteera jatorri puntutik Loiu - Bilbo aireportura. Fakturatze eta ontziratze tramiteak Guatemalara joateko, Madril bidez. Iritsi eta hotelera joango gara. Afaria eta ostatua.

2. Eguna: Guatemala hiria - Copan

Gosaria. Guatemalatik irten, Honduras - eko muga zeharkatu eta Copan bisitatuko dugu, bertako estelak, piramideak, pilota jokoak eta maien munduko ehorzketa bitxiak ezagutzeko. Bazkaria. Arratsalde librea Copanek eskeintzen duen edertasuna miresteko. Tokiko jatetxe batean afaria eta ostatua.

3. Eguna: Copan - Quirigua - Livingston (Izabal ingurunea)

Gosaria. Copanetik irtengo gara Guatemalako Kariberantz. Bidetik, maia munduko estela garrantzitsuenak biltzen dituen Quiriguako multzo arkeologikoa bisitatuko dugu. Bazkaria lekuko jatetxe batean. Arratsaldean Izabal ingurunera iritsiko gara, Guatemalako naturaren mirarietako bat. Livingston - era iritsi eta bertako kale nagusitik ibiliko gara, bere kultura berezia ezagutzeko. Afaria eta ostatua.

4. Eguna: Livingston (Izabal eremua) - Dulce ibaia - Peten eremua

Gosaria. Goizean txalupa motordunaz ibiliko gara Dulce ibaian barrena, aberastasun ekologiko oso handiko ingurua da. Bidean Cayo Quemado leku turistikora hurbilduko gara, eta bertako komunitatearekin tailer gastronomiko bat partekatuko dugu, koko urtean ondutako arrain ceviche goxo - goxo bat prestatuko dute, 4. egun honetako bazkaria izango dugu. Txalupaz jarraituko dugu Rio Dulce herrixkaraino iristeko, eta han izango dugu zain Peteneko oihanera eramango gaituen garraioa. Zuzenean joango gara barruti natural pribatu handi baten barruan dagoen hotelera, Petenchel eta Monifata aintziren bazterrean. Bertan bizi dira espezie asko eta askotako hegaztiak eta flora eta zuhaitz apartak. Hotelean afalduko dugu eta hartuko dugu ostatu.

5. Eguna: Peten eremua - Flores uhartea - Ilunabarra Yaxhan - Peten eremua

Gosaria. Goiza libre hotelaz eta ingurune naturalaz gozatzeko, bideetan ibiltzeko edo, besterik gabe, igerilekuan atseden hartzeko. Flores Uharterantz irtengo gara, hango jatetxe batean bazkalduko dugu eta kale txikietan barrena ibiliko gara Peten Itza aintziratik iristen den brisak lagunduta. Arratsaldean, 9 akropoli eta 500 egitura dauzkan Yaxha hiri handia bisitatuko dugu; 216. tenplutik zoragarria da aintziraren eta inguratzen duen oihanaren ikuspegia, eta ilunabarraz eta Yaxhako aintzira gaineko hodei itsaso ederraz gozatuko dugu. Ilundu baino lehenago itzuliko gara hotelera. Han afalduko dugu eta hartuko dugu ostatu.

6. Eguna: Peten eremua - Tikal - Guatemalako Hiria

Gosaria. Gaur joango gara Tikal hirira, maien hiri ezagun handienera. Arkeologo batzuen kalkuluen arabera, 100.000 lagun bizi izan ziren Tikalen. Gaur egun, hiria abandonatu zutenetik mila urtetik gora igaro direnean, eraikinek zutik diraute irensten saiatzen den landaretzari aurre eginez. Plaza Nagusia ezagutuko dugu, Jaguar Handiaren Tenpluarekin, Piramide Handiarekin, Akropoliarekin eta IV. tenpluarekin batera. IV. tenplu horren gainetik ukitu gabeko oihanaren 50 km - tik gorako eremua ikus daiteke. Eremu arkeologikoan egingo dugu landako otordu bat. Arratsaldean Flores Uhartean barrena ibiliko gara aireportura joan baino lehen Guatemalako Hirira itzultzeko hegaldi erregularra hartzeko. Harrera egin eta La Antiguako hotelera eramango gaituzte. Hiri kolonial ederra da, XVII. mendeko xarma guztia gordetzen du, kaleak harriztatuak, burdin forjatuzko balkoiak, teilez egindako teilatuak eta estilo barrokoan landutako eraikin asko eta asko ikusiko ditugu, “Gizateriaren Ondare” izendatua du Unescok. Hotelean afalduko dugu. Ostatua. (Flores - Guatemala Hiria hegaldiaren gutxi gorabeherako ordutegia: 18:30 - 19:30).

7. Eguna: Guatemalako Hiria - Chichicastenango - Atitlan aintzira

Gosaria. Goizean Guatemalako goi lautadara abiatuko gara, Chichicastenango hirira joango gara, eta han Latinoamerika osoko azoka indigena ospetsuenetako batean ibiliko gara. Hiri honetan plaza nagusia da erdigunea, bertan egiten dira “masheñoen” (Chichicastenangoko herritarrak) arteko salerosketak. Azoka horretan loreak, landareak, frutak, animaliak, artisautza lanak eta ehunak topatuko dituzu. Egun honetan esperientzia bat biziko dugu denok, izan ere, tokiko emakumeek lagunduta artoa ontzeko tailer bat egingo dugu, artoa baita Guatemalako oinarrizko elikagaia. Komunitateko kideekin batera bazkalduko dugu. Arratsaldean Atitlan Aintzirarantz jarraituko dugu, Huxleyren arabera munduko aintzira ederrena denerantz. Eguraldia lagun badugu, ibilaldi labur bat egingo dugu Santander kale pintoreskoan barrena, bertan biltzen dira jatetxe asko, zuzeneko musika emanaldiak eskaintzen dituzten lokalak, arte galeriak eta artisautza lanen saltokiak. Kale amaieran Atitlan aintziraren ikuspegi ezin hobeak eskaintzen dituen kai harrigarri bat topatuko dugu. Afaria hotelean. Ostatua.

Antigua

8. eguna. Atitlan aintzira - San Juan eta Santiago - La Antigua

Gosaria. Gaur txalupa motordun bat erabiliko dugu aintzira eder hau inguratzen duten hamabi herrietatik bi ikusteko. San Juan La Lagunako Tzutuhil herria ezagutuko dugu, bertako herritarren eta naturaren eta kulturaren arteko harmoniak ezaugarritzen du. Eguraldia lagun badugu, Tuc - Tuc hartuko dugu Kiaq’Aiswaan mendiko behatokira joateko, bertatik ezin ederragoa baita Atitlan aintziraren eta San Juan La Lagunaren ikuspegia. Santiago Atitlanerantz jarraituko dugu, han arrantzaz eta artisautzaz bizi diren Tzutuhil indigenak bizi dira, baina ezagunagoak dira Maximon deitzen dioten jainko maia - katolikoa gurtzen dutelako. Bertako jatetxe batean bazkalduko dugu. Arratsaldean hotelera itzuliko gara, han izango dugu zain La Antiguara eramango gaituen garraioa. Hiri kolonial ederra da La Antigua, XVII. mendeko xarma guztia gordetzen du, kaleak harriztatuak, burdin forjatuzko balkoiak, teilez egindako nteilatuak eta estilo barrokoan landutako eraikin asko eta asko ikusiko ditugu, “Gizateriaren Ondare” izendatua du Unescok. Afaria hotelean. Ostatua.

9. Eguna: La Antigua - bisita kulturala

Gosaria. Gaur txangoa izango dugu hiri kolonial hontan zear. Cerro De la Cruz bisitatzen hasiko gara, nondik hiriaren eta sumendien ikuspegi bikaina izango dugun. Antiguako kale harriztatuetan barrena ibiliko gara, XVII mendean gaudela sentituz. Honakoetatik igaroko gara; Kapitain generalaren Jauregia, Mesedeetako eliza, San Frantzisko eta zenbait txoko kolonial. Atzean Agua sumendia izango dugu gure ibilbidearen lekuko mutu. Bazkaria lekuko jatetxe batean. Arratsalde librea hiriaz gozatzeko. Afaria eta ostatua.

10. Eguna: La Antigua - Finca Cafetera - La Antigua

Gosaria. Munduko kaferik onenetako bat nola ekoizten den ezagutuko dugu; mintegia, plantazioa, lehortze patioa etab. Ondoren Maia Musikaren Museora joango gara. Bazkaria. Arratsaldean Antigua inguruan kokaturiko herri interesgarrietako batzuk ezagutuko ditugu; besteak beste, San Juan del Obispo, Macadamia intxaurren plantazio bat, Ciudad Vieja, San Pedro Las Huertas, San Antonio Aguas Calientes eta Jocotenango. Itzuli, afaria eta ostatua.

11. Eguna: Antigua - Guatemala hiria - Madril

Gosaria. Guatemala hirirantz abiatuko gara han bisitaldi panoramikoa egin eta arkitektura kolonialaren eta eraikin modernoen arteko kontrastea ikusteko. Honakoak ezagutuko ditugu; Konstituzioaren plaza (Parque Central), katedrala, Jauregi Nazionala, Seigarren etorbidea… Bazkaldu eta adierazitako orduan aireportura abiatuko gara, Madrilera doan hegaldia hartzeko. ria. Gaua hegazkinean.

12. Eguna: Madril - Jatorri - puntua

Madril - go aireportura iritsi eta Bilbora doan hegaldia hartuko dugu. Iritsi eta jatorri puntura joango gara. Bidaiaren amaiera.

Bidaiaren barnean:

• Viajes Azul Marinoren berariazko joan - etorriak Loiu - Bilboko aireportura • Joan etorriko hegaldiak Bilbo eta Guatemala hiriaren artean, línea erregularrean, turista klasean, Madril bidez • Ostatua 3* sup, 4* eta 5* hoteletan, birentzako gelan • Mantenu osoa, 1 eguneko afaritik 11 eguneko bazkaria arte (edariak ez daude barne) • Gida baten laguntza bidaia osoan zehar • Linea erregularreko hegaldiak, turista - mailan • Ibilbidean zehaztutako zerbitzu eta bisita guztiak, joan - etorriak barne • Aireportuko tasak • Bidaia laguntzeko asegurua eta ezeztatzen gastuen estaldura

Bisiten hurrenkera aldatu egin daiteke, antolakuntza edo osasun arrazoiengatik

Betebeharrak:

Pasaporteak indarrean egon behar du eta, gutxienez, 6 hileko baliozkotasuna eduki behar du. Gutxienez 20 laguneko taldea.

Irteera puntuak:

Bilbao, Vitoria, Donostia, Zarautz, Eibar eta Loiuko aireportua.