meiddei

AnArâškielâ seervi kirjetoimâ

Čällee: Fabrizio Brecciaroli

Seervist láá tääl almostum Márjá-Liisá Olthuis scifi-roomaan “Masa jo Mánudáást”, mon algâalgâlâš kielâ lii anarâškielâ, já Jeff Kinney särjikoveroomaan “Čuovâuáivi peivikirje 2”, mon Fabrizio Brecciaroli lii jurgâlâm anarâškielân. Puátimin lii meid Fabrizio Brecciaroli jurgâlem “Čuovâuáivi peivikirje 3”, mii lii tääl tuáijimmuddoost já almostuvá vyesimáánust. Maŋeláá taan ive almostuveh aainâs-uv Katarina von Bredow kirje Liijkás stuorrâ rähisvuotâ, mon lii jurgâlâm Sáárá Seipiharju, André Kuipers kirje “3, 2, 1, Go!”, mon Márjá-Liisá Olthuis lii jurgâlmin anarâškielân, já Ann-Helén Laestadius kirje “Dušše bijadit”, mon lii jurgâlâm Neeta Jääskö.

Jurgâlum já kuástidemnáál leijee kiirjij listo lii kukke, nuuvt et almostittem ij ooroost muádi kirje maŋa. Juurdân lii finniđ kiirjij almostittem juátkojeijee toimân nuuvt ete uđđâ jiäráskittee já hävskis luhâmuš ličij fáállun jyehi ive. Ennuv luuhâmmohtâ uđđâ kirjijguin!

Lokkekoveh: Masa jo Mánudáást já Čuovâuáivi 2 (Koveh: Anarâškielâ servi ry.)