kuás

poccuuh, tain lii aaibâs vaigâd peessâđ taan korrâ täälvi paijeel tassaaš ko kiđđuv puškosággáá já vuáskun vihheelškyettiđ peesih. Jis kuás leš kievhis sämmilâš tutâvâš, te talle ko kiđđuv piäsá vuosmui vorâs kuolijguin čuávjis tevdiđ, sun uáđđáá talle tutâvâžžân, ige suurâ ittáá peeivi.

Aanaar kundáást lii áigumuš rähtiđ uđđâ kundá toimâtáálu. Mut tot lii lamaš náágu vyelni, ete kuábbáá kuvl: Aanaar kirkkopááikán vâi Avelân. Avveeljuuvâ ässeeh tiäđust vigâtteh, et tot kolgâččij rahtuđ Avelân, já kirkkopääihi, Kossâeennâm já puoh ton pele ässeeh vigâtteh tom kirkkopááikán. Mut taan čällee ij lah Avveeljuuvâ ässee, kirkkopääihi ij eisigin, mut kuittâg lii ton mielâst, et kundá toimâtáálu kolgâččij rahtuđ kirkkopááikán. Ton suujâst, et toh, kiäh ääsih tobbeen tyehin kirkkopääihi kiddâ Ucjuv já Kittâl raajijn, te sij uážuččii kirkkopääihist eellimmokken toimâttiđ meiddei kuundán kullojijjee aašijd. Täiđih leđe Avveeljuuvâ ässeeh ton jurdâgist, et jis sij liččii kundá toimâttus uážžuđ Avelân, te sij pesâččii kirkkopääihi nuuvt hilgođ, et ij innig tobbeen tarbâšiččii jotteeđ. Avveelliih láá juo uážžum sirduđ Anarist Avelân tuáhtár, apteek, komserjâs. Kirkko, pappâl já kundá toimâtáálu láá innig sämmilij olottim matteen. Mut kundá toimâtáálu vala kolgâččij uážžuđ meddâl. Mut kirho já pappâl toh täiđih mielâstis unnuđ liijká sämmilijd-uv, kuo juo taid iä kulluu Avelân ahevâššâm.

tulkkumškovliittâsâst vuosâiše stuorrâ tulkkumtáárbun

Čällee: Tiina Jäppinen

Tárbu uđđâ tulháid

Majemui ivij sämikielâi sajattâh lii puáránâm já sárnooh láá lasanâm. Liijkágin sämikielâi mätteeh iä lah lamaš tuárvi toos, et sämikielâlâš ličij puáhtám kevttiđ jieijâs kielâ virgeomâhâšpalvâlusâin ášástâldijnis. Sämmilij päikkikuávlust heiviittuvvoo Säämi kielâlaahâ, mii meerhâš tom, ete virgeomâhâš kalga orniđ äššigâsân mávsuttes tulkkum, jis virgeomâhâš ij pyevti adeliđ ääši sämikielâlii ulmuu tipšomân. Hástun lii, ete sämikielâi tuulhah iä lah lamaš tuárvi ton uáinust, et kielâlaahâ ličij keevâtlávt olášum. Ohtân čuávdusin taas lii sämikielâi tulkkumškovliittâs.

Sämikielâi tulkkum -haavâst vuávájui já olášittui oovtâ luuhâmive pištee sämikielâi tulkkumškovliittâs. Tulkkumkielah lijjii suomâkielâ lasseen anarâškielâ, nuorttâlâškielâ já orjâlâškielâ. Škovliittâs uárnejui sehe aldamáttááttâssân Anarist ete virtuaallávt. Škovliittâs nuuvâi uccâ valmâštumjuuhlán moonnâm kiiđâ 2021. Haavâ váldu-uárnejeijen tooimâi Säämi máttááttâskuávdáš, já ton hahâkyeimin lijjii Giellagas-institut sehe Diakonia áámmátollâškovlâ Diak, mii meid västidij tulkkumškovliittâs vuáváámist. SMK já Giellagas-institut västidii sämikielâi uásist já škovliittâs orniimist. Haavâ válduruttâdeijee lâi Euroop sosiaalruttârááju (ESR). Ton lasseen haavâ ruttâdii Sämitigge sehe Ucjuv, Iänáduv já Aanaar kieldah.

Škovliittâsâst valmâštuvvojii 15 uápped. Uáppein lâi jieškote-uvlágán tuáváášškovliittâs, já uási sist lijjii toimâm tulkkân jo ovdil. Liijká tulkkâpaargon hárjánâm uáppeeh-uv adelii macâttâs, ete ennuv uđđâ ääših pottii oovdân já ete sij-uv finnejii uđđâ uáinuid pargosis.