eereeb iärásij (uán

Kirjeárvuštâllâm: Kuobžâ-saammâl

Čällee: Henna Aikio

Lokkekove: Kuobžâ-Saammâl (Kove: Anarâškielâ servi ry.)

Kuobžâ-Saammâl Matti (Matti Morottaja) lii čáállám eejis eellimkeerdi, mut tast siämmást meid uási anarâšâi historjást já eellimvyevist. Kuobžâ-Saammâl almostui ive 2020 (Anarâškielâ servi).

Kuobžâ-Saammâl ivnáás mainâseh láá-uv ánsášâm peessâđ oovtâi luuhij siisâ. Veik tááláá ääigi ulmuuh vala mušteh suu já mainâsteh sust – joba mun 80-lovo pärnin lam kuullâm saavâid Kuobžâ-Samâlist – mainâseh láppojeh tađe mield ko ulmuuh-uv. Nuuvtpa lii-uv uáli jo šiev taho, ete Morottaja lii čáállám eejis historjá mijjân puohháid luuhâmnáálá. Ulmuuh, kiäh láá iällám mainâsij tábáhtusääigi, tobdeh vissásávt ulmuid, kiäh láá fáárust. Munjin sij iä lah innig uáppáseh eereeb äijih-rokkám já motomeh eres aldakuávlui ulmuuh já hyelhih. Tot ij hettii luuhâm. Morottaja čäällimvyehi lii nuuvt pyeri, ete tábáhtusah puátih lohhee čoolmij oovdân tego eidu tääl lijjii tábáhtuđ.

Lii meiddei suotâs peessâđ luuhâđ njuolgist Kuobžâ-Saammâl jieijâs muštâlusâid. Morottaja lii paddim eejis muštâlusâid 70-lovvoost já čáálá taid kiirján. Tienuuvt lohhee piäsá masa jo kuullâđ peljijnis