Strategiplan 2023 - 2026

VISIT FJORDKYSTEN OG SUNNFJORD

STRATEGIPLAN 2023 – 2026

Det nye selskapet Visit FjordKysten og Sunnfjord, er ei samanslåing av dei to destinasjonsselskapa Visit FjordKysten og reiselivsdelen av Sunnfjord Utvikling (Visit Sunnfjord), og har vore operativ som ei eining sidan 01.04.22.

Med denne fusjonen har vi i nasjonal samanheng eit sterkt destinasjonsselskap som er betre rusta til å utnytte det potensiale som finst i marknaden. Både ved ein forbetra utøving av marknads- og utviklingsrelaterte oppgåver samt at ein betre kan utnytte det potensiale som området har og med det bidra til å styrke utviklinga av næring og samfunn.

Nasjonale og internasjonale kartleggingar peiker på at Norden, Noreg og Vestlandet spesielt kan komme styrka ut som reisemål inn i framtida. Både i den nasjonale og ikkje minst den internasjonale marknaden. Næringa i FjordKysten og Sunnfjord si oppgåve vert å utnytte situasjonen, styrke innsatsen, og drive utvikling for å auke marknadsandelane til FjordKysten og Sunnfjord. Herunder å jobbe for at reiselivsaktørane skal levere så høg kundeverdi, at betalingsvilje og gjenkjøpsfaktor aukar.

1. Forretningsidé, visjon og mål

1.1 Forretningsidé

Visit FjordKysten og Sunnfjord skal gjennom målretta marknadsføring skape reiselyst til FjordKysten og Sunnfjord. Vi skal jobbe systematisk med merkevarebygging av FjordKysten og Sunnfjord som destinasjon. Vår hovudoppgåve vil vere marknadsføring og sal, produktutvikling og kompetanseheving, og slik medverke til auke i trafikk heile året, lokal verdiskaping og betre lønsemd og konkurranseevne for medlemsbedriftene.

Visit FjordKysten skal vere reiselivsnæringa sin felles reiskap, nettverksorgan, produktkoordinator og spydspiss i marknadsføringa av kommunane, lokale reisemål og opplevingar. Gjennom samla og koordinert innsats skal det arbeidast for å utvikle totalproduktet FjordKysten og Sunnfjord slik at det fører til ei positiv utvikling til beste for medlemsbedrifter, arbeidstakarar og lokalsamfunn.

1.2 Visjon

Vi skaper reiselyst for FjordKysten og Sunnfjord heile året.

1.3 Misjon

FjordKysten og Sunnfjord skal gjennom berekraftig reiselivsutvikling, innhaldsutvikling, kompetanseheving, marknadsføring og historiefortelling skape engasjement, begeistring og samhandling, både internt og eksternt.

1.4 Hovudmål

FjordKysten og Sunnfjord skal vere eit attraktivt val for kvalitetsbevisste gjestar som etterspør ekte opplevingar, og som er gode bidragsytarar til lokal verdiskaping.

1.5 Resultatmål

Reiselivsbedrifter og samarbeidspartar vel Visit FjordKysten og Sunnfjord som den sterke og naturlege aktøren for å skape reiselyst og verdiar for reiselivet i regionen.

1.6 Våre verdiar

Prinsippet om ei berekraftig utvikling skal vere gjennomgåande for all aktivitet i verksemda til Visit FjordKysten og Sunnfjord og for destinasjonen.

Visit FjordKysten og Sunnfjord har fokus på god samhandling på alle nivå i sin aktivitet. Vi utviser begeistring og engasjement i vårt arbeid for reiselivet, og formidlar ekte og særeigne opplevingar. Vi har fokus på lønsemd og høg kvalitet i heile verdikjeda.

2. Marknad og segment

2.1 USP FjordKysten og Sunnfjord – reason to go

Kombinasjonen av kontrastfylte natur- og kulturopplevingar i eit romsleg og urørt del av Vestlandet. Møte med vestlendingen, oppleve kulturarven. Fred og ro, god plass, ekte og autentisk, gjestfritt. Eldorado for varierte natur- og kulturopplevingar i pakt med og i respekt for natur og kulturarv.

2.2 Marknad

Visit FjordKysten og Sunnfjord skal rette sin aktivitet mot marked og segment som vil tilføre lønsam og berekraftig trafikk. I vårt marknadsarbeid skal vi rette oss hovudsakleg mot Noreg og våre nære marknader.

2.3 Målgrupper eksternt

Visit FjordKysten og Sunnfjord sine målgrupper eksternt er turoperatørar, transportselskap, bedrifter, media og den individuelle turisten.

2.4 Målgrupper internt

Reiselivsbedrifter, øvrig nærings- og organisasjonsliv, kommunane og lokalsamfunna i regionen. Media regionalt og nasjonalt. Marknadsføring, informasjons- og salsverksemd skal bidra til å skape auka aktivitet, fleire tilreisande til FjordKysten og Sunnfjord og betre lønsemd for våre medlemsbedrifter.

2.5 Segment

Innsatsen skal rettast både mot den norske marknaden og mot internasjonale marknader, og mot prioriterte segment. Dei prioriterte segmenta er: 1. Dei eventyrlystne 2. Dei kunnskapssøkande.

Felles for målgruppene er at dei er velutdanna, bereiste og har over gjennomsnittleg god økonomi. Dei er interesserte i naturopplevingar, aktivitetar, kultur, historie og søker kunnskap og stadar og opplevingar.

2.6 Geografi

Internasjonalt: Heilårsturisme krev at vi finn lønnsame målgrupper både i europeiske marked og oversjøisk. Hovudvekta av innsatsen skal rettast mot marked i Europa med god tilgjengelegheit til Vestlandet. Dei prioriterte marknadsområda for dei kommande fire åra vil vere: Tyskland, Nederland, USA, Storbritannia, Frankrike, Spania, Italia, Danmark, Sverige.

Norge: Vestlandet, Austlandet. Nær- og regionalmarknaden er viktig for heilårsdrift.

3. Marknadsposisjonering

FjordKysten og Sunnfjord er underkommuniserte geografiske område i Noreg med stort potensiale. Auka marknadsandelar kan realiserast gjennom auka innsats for kompetanseutvikling, innhaldsutvikling / konseptualisering og marknadsføring.

Vi skal ta ein posisjon i marknaden som den kontrastfylte delen av Vestlandet; urørt og berekraftig – «det neste spanande – der ikkje alle andre drar». Dette tiltrekk mange og mest dei som ønsker aktive opplevingar og som vil bruke tid og penger på ekte opplevingar.

VÅRT VERDIFORSLAG:

Målgruppa sine behov og korleis vi kan tilfredsstille

· Frå hav til bre

VERDISKAPING

· Opplevinga av å besøke og ta del i ekte samfunn og livet der

· Ytterpunkt innan korte avstandar Spektakulært fjordlandskap og unike naturog kulturopplevingar som er lett tilgjengelege

· Alt tett innpå – naturen, folket og inntrykka

· Ei oppleving av slik livet kan levast

· Eit romsleg og urørt Vestland

· Spennvidda og komplementariteten er dei fremste eigenskapane: Natur, skjergard, øysamfunn, kulturliv, industrihistorie

· Kopla saman av flotte vegar og fjordar

FJORDKYSTEN SUNNFJORD

HØYDEPUNKT

· Naturfenomen (fjord, fjell, kyst, isbre, foss, dyreliv)

· Livsendrande opplevingar

· Lært noko

Frå hav til bre i eit romsleg og urørt Vestland

· Oppleve noko spektakulært og heilt annleis

BEHOV

INNHALD

· Her slepper ein dei største turistgruppene

· God plass og lite turisme

· Ekte opplevingar

· Mange fastbuande

· Gode vegsamband og få bussar

SMERTEFJERNING

FJORDKYSTEN / SUNNFJORD

Breitt spenn og lett tilgjengeleg – som skapt for eventyr!

• Meir ekte

• Større spennvidde

• Meir å gjere

· Mange andre turistar/ følelsen av masse-turisme

· Dra dit «ingen andre reiser»/ «oppdage nye stadar»

· Kjenne på eventyrlysta; utvide horisonten, utvikle meg

· Kjenne på/ utfordre grensene

· Unike og meiningsfylte opplevingar og ny inspirasjon

· Aktive opplevingar i urørt natur

· Trollfigurar og typiske turistfeller

· Bussar med grupper

SMERTEPUNKT

· Lokal kultur (mat, drikke, menneske, historie)

· Bærekraft (miljø, samfunn...)

TURISTEN / GJESTEN (Kva målgruppa ønsker seg)

4. Formål, oppgåver og utviklingsplan

Visit FjordKysten og Sunnfjord skal vere bedrifter, kommunar og organisasjonar som har interesser knytt til reiselivsnæringa og profilering av regionen sitt felles sals- og marknadsføringsorgan. Selskapet skal ta ei koordinerande rolle for berekraftig reisemålsutvikling samt vere eit kompetansesenter og ein ressurs for reiselivsnæringa og kommunane i Sunnfjord og kystområda frå Solund til Kinn.

Oppgaveområda vil variere over tid og skal definerast iht eigarane sine / medlemmane sine behov. Typiske oppgåver vil vere innan: Marknadsposisjonering, marknadsføring, innhaldsutvikling, digital strategi og gjennomføring. Selskapet skal sikre god samhandling med ressursmiljø og partnarar i Fjord Norge, Visit Norway m.fl. Selskapet skal jobbe internt med aktørane i næringa, mot prioriterte målgrupper i marknaden, samt gjennomføre aktiviteter mot MICE, B2B/turoperatørar. Selskapet skal arbeide for ei sunn utvikling av reiselivsnæringa for å sikre auka sysselsetting og verdiskaping. Selskapet skal opptre som reiselivsnæringa og kommunane sin felles interesseorganisasjon og talerøyr.

Selskapet skal vere reiselivet i regionen sin representant i relevante lokale, nasjonale og internasjonale fora. Mål for og operasjonalisering av innsatsen vert nedfelt i kontinuerlige strategi- og marknadsplanar. Selskapet skal ivareta vertskapsfunksjonen i dei kommunane som har avtale om dette.

Digitalisering bidreg til å korte ned vegen mellom reiselivsbedrift og gjest. Dette er vesentleg for selskapet. Ei satsing på digitalisering av presentasjon, marknadsføring og sal, kortar ned vegen, fjernar mellomledd og bidreg til at meir av verdiskapinga blir i regionen. Reiselivsnæringa og tilstøtande aktørar innan kultur, mat og drikke og opplevingar, vil ha stor nytte av eit effektivt, moderne og digitalisert kompetansesenter for formidling og sal.

FJORDKYSTEN SUNNFJORD

Posisjonering

Innholdsproduksjon Kampanje, aktiviteter MICE

Digital / web

B2B turoperatører

SoMe, presse og influence

Strategisk samarbeid (IN, FN, mm)

Det er utvikla følgjande overordna utviklingsplan for selskapet:

Steg 2: UTVIKLING OG VEKST

Steg 3: POSISJON

Steg 1: ETABLERE OG ORGANISERE FOR SAMHALD

· Implementering av merkevare og marknadsmateriell hos reiselivsbedriftene

· Tilrettelegging og satsing mot MICE marknaden

· Etablere selskapet med ny eigarstruktur

· Utvikle strategiplan 2022 – 2026

· Organisering med stillingar og oppgåver

· Samle eigarmassen/ medlemmar til eit fellesskap

· Utvikle marknadsplan, med pakketering av eksisterande tilbod

· Starte arbeidet med “Bærekraftig reisemålsutvikling” Planlegge med kommunane og sikre støtte

· Bevisstgjere og gi innhald “besøksforvaltning”

· Merkevarestrategi, slagord, kommunikasjonsplattform og marknadsføringsmateriell

Marknadsandel 0,11% Medlemmar 100 Salsinntekter 150 Totale inntekter 6 Gj.sn. tal døgn 2,2

· Utvikle felles sal/ bestillingsløysning for B2C og B2B (bidrag til sal for bedriftene)

· Utvikling av nytt tilbod og innhald, strukturering av innhaldspakkar mot definerte målgrupper

· Sertifisert som “Bærekraftig reisemål” (alle kommunar)

Målbilde 2025

Vi skal ta ein posisjon i marknaden som den kontrastfylte delen av Vestlandet; urørt og berekraftig – “det neste spennande – der ikkje alle andre drar”.

Dette tiltrekker mange og mest dei som ønskjer aktive opplevingar som vil bruke tid og pengar på ekte opplevingar.

Fjordkysten og Sunnfjord har nådd nye nasjonale målgrupper og samtidig engasjert tilreisande frå nærområdet.

Våre marknadsandelar mellom internasjonale turistar har auka betydeleg.

› 8 mnok › 5% EBIT

Marknadsandel 0,15% Medlemmar 125 Salsinntekter 400 Totale inntekter 7 Gj.sn. tal døgn 3

Marknadsandel 0,20% Medlemmar 150 Salsinntekter 1 Totale inntekter 8 Gj.sn. tal døgn 4

5. Overordna strategiar og satsingsområde

5.1 Bygge merkevare og ta posisjon

Gjennom felles profilering og marknadsføring skal vi bygge meirverdi for regionen. FjordKysten og Sunnfjord skal vere den mest attraktive destinasjonen i Fjord Norge for prioriterte marknadar og målgrupper som ønsker å oppleve det ekte og autentiske Vestlandet «off the beaten track». Vi skal prioritere tilreisande som respekterer og bidreg til å ta vare på natur- og kulturverdiane våre, og bruker FjordKysten og Sunnfjord heile året. Merkevarestrategi, kommunikasjonsplattform og marknadsmateriell, herunder implementering hos medlemsbedrifter.

5.2 Fokus på marknadsføring og sal

Selskapet skal gjennomføre og koordinere marknadstiltak i form av deltaking i forbrukar- og bransjekampanjar, i eigen regi nasjonalt og internasjonalt i samarbeid med Fjord Norge og Visit Norway med mål om styrka synlegheit i prioriterte marknader gjennom:

• Meir segmentert og effektiv kommunikasjon heile året

• Fortsatt fokus på å fylle opp sommarsesongen

• Fokus på salsutløysande tiltak

• Auka marknadsføring av skulder- og lavsesong

• Tilrettelegging og marknadsføring av destinasjonen og medlemsbedrifter for firmaturar og B2B / turoperatørar. Bidrag til sal for medlemsbedriftene.

• Innhaldsproduksjon og strategisk storytelling som motiverer til deling og engasjement

• Sterk digital synlegheit.

• Aktuelle marknadssegment er Adventures in the world of natural beauty og Broadening my cultural horizon. Kjernen i opplevingane skal vere «Ny energi, opplading og aktivitet i unik natur med påfyll frå kultur og lokalmat» med overordna verdiar som berekraftig, ekte, kontrastar, ro og fred.

Målet med marknadsføringa er auka trafikk og verdiskaping heile året. Vi skal ha fokus på kundereisa, med mål om at FjordKysten og Sunnfjord skal vere lett å forstå, nå og kjøpe.

5.3 Web og sosiale media

Digitalisering av presentasjon, marknadsføring og sal; Digitale plattformar, web, sosiale media.

Utvikle felles sal / bestillingsløysingar for B2C (business2customer) og B2B (business2business).

Vi skal ha ei levande og oppdatert heimeside for FjordKysten og Sunnfjord, og vere godt synlege gjennom Visit Norway sine nettsider. Vi skal ha eigne digitale strategiar og køyre kampanjar på sosiale media og Google både gjennom eigne og kjøpte flater, for destinasjonen og for medlemane. Det er eit mål å gjere medlemsbedriftene gode og synlege på dei digitale plattformane. Det vert satt opp årlege fokuskampanjar for å sikre at måla om auka synlegheit for medlemane vert nådd.

5.4 Konseptutvikling, produktpakking og booking

Visit FjordKysten og Sunnfjord skal forsterke arbeidet med utvikling av differensierte opplevingskonsept og produktpakkar som rettar seg mot ulike lønsame segment. Produktpakkane skal vere bookbare gjennom heimesida til FjordKysten, og gjennom avtaler med andre aktuelle distribusjonsledd. Produktutvikling for skulder- og lavsesong er ein prioritet, og vi skal ha eit spesielt fokus på å synleggjere attraktive tilbod basert på lokale mat- og kulturopplevingar i tillegg til multi adventure.

Produktpakkar og konsept skal ha elementa av det som er genuint for FjordKysten og Sunnfjord. Vi skal fylle destinasjonen med eit bredt spekter av relevante opplevingar som reflekterer marknadsposisjonen vi ønsker å ta; Meir ekte, større spennvidde, meir å gjere. Opplevingar som aleine og samla skaper «reason to go» og aukar betalingsviljen.

Alle produkt skal kvalitetssikrast, og segmenterast etter reisemotiv heller enn demografi.

5.5 Berekraftig reisemål

Starte opp 2-årig prosjekt for å arbeide for å oppnå «Merket for Bærekraftig Reisemål». Implementere verktøy og utvikla handlingsplan i Stategi- og tiltaksplanar for selskapet.

5.6 Innhaldsproduksjon, storytelling og bildedatabase

Godt innhald i form av tekstar, bilete og film er ei prioritert oppgåve for Visit FjordKysten og Sunnfjord, og vår viktigaste kapital framover. Bilete og film vert ein essensiell og viktig del av marknads- og salsarbeidet gjennom digitale flater. Visit FjordKysten og Sunnfjord skal ha fokus på historiefortelling; å utvikle og produsere dei gode fortellingane om FjordKysten og Sunnfjord, naturen og kulturen, folka som bur her og levemåtar.

5.7 Bergen som innfallsport

Bergen er både ein viktig innfallsport og ein stort nærmarknad for FjordKysten og Sunnfjord. Vi skal nytte vår nærheit til Bergen som innfallsport i kommunikasjonen. Vi skal også vidareutvikle samarbeidet med Visit Bergen med tanke på synlegheit og sal gjennom turistinformasjonen i Bergen.

5.8 Vertskap og lokalkunnskap

Visit FjordKysten og Sunnfjord skal vere vertskap for presse- og visningsturar, med mål om å bidra til auka omsetnad for medlemsbedriftene. Vi har ansvar for distribusjon av informasjon om reisemålet til samarbeidspartar og aktuelle reiselivsportalar, samt til reisande i planleggingsfasen og på reisemålet. Dette både gjennom analog informasjon som reiseguidar og brosjyre, og gjennom digital informasjon på websider og i sosiale media. FjordKysten og Sunnfjord skal vere tilgjengeleg og synleg, relevant og oppdatert. Vi skal ta vare på kvalitetar og kjerneverdiar for destinasjonen i utarbeiding av informasjonsmateriell.

5.9 Kompetanseheving

Visit FjordKysten og Sunnfjord har ei klar rolle i å legge til rette for og stimulere til kompetansehevande tiltak for medlemane. Ei viktig oppgåve er å hjelpe bedrifter i oppstart og tidleg fase med deling av bransjekunnskap. Slik kunnskap skal delast direkte med medlemane, gjennom facebookgrupper, nyhendebrev og på nettverkssamlingar. Selskapet skal tilby relevante kompetansehevande kurs, og bidra med kompetanse som kan styrke verdiskapinga i medlemsbedriftene.

5.10 Destinasjons- og produktutvikling

Visit FjordKysten og Sunnfjord skal vere ein samlande faktor som ser marknaden sine behov og løyser fellesoppgåver som er viktige for reisemålet si totale utvikling. Det er viktig å fokusere på dei oppgåvene som gjer at destinasjonen skal utvikle seg og vere attraktiv i marknaden.

Visit FjordKysten og Sunnfjord si viktigaste rolle når det gjeld produktutvikling er å kartlegge og samordne ulike produkttiltak på destinasjonen, samt å initiere og koordinere tiltak i tett samarbeid med medlemer, kommunar og lokalsamfunn. Visit FjordKysten og Sunnfjord si rolle er videre å knyte produkt og opplevingar saman, og initiere til samarbeid mellom overnattingsbedrifter og opplevingsprodusentar.

Visit FjordKysten og Sunnfjord skal gjere produkt og produktpakkar lettare tilgjengeleg for kundar, både på staden og for online booking. Vi skal utvikle turforslag med eigen bil, offentleg transport, sykkel, og gjere desse synlege digitalt saman med lettfatta ruteinformasjon og prisar og kartmateriell.

Det skal vere ei klar rollefordeling mellom utføringsansvar fordelt på destinasjonsselskap, kommunar, lokale næringsselskap og reiselivsaktørar.

Visit FjordKysten og Sunnfjord tek ei koordinerande rolle for å sikre best mogleg samhandling og utvikling i tråd med trendar, behov og destinasjonen sine satsingsområde. Større prosjekt skal forankrast både i kommunar og blant reiselivsaktørane.

6. Organisering

STYRET

Visit FjordKysten og Sunnfjord skal gjennom kunnskap om lokalt reiseliv og opplevingsnæring (handel, tenesteytande, mat & drikke, kultur og opplevingar mm) sikre god oversikt. Vidare skal destinasjonselskapet etablere nokre spesialistgrupper som er mindre grupper der FjordKysten og Sunnfjord sin fremste ekspertise innan eit spesielt viktig område vert samla. Disse blir eit kompetansesenter / fagleg råd til selskapet. Eksempel på slike spesialistgrupper kan vere innan; Digitalisering, den profesjonelle MICE marknaden (B2B, konferansar, møter, hotell etc.) og innan opplevingssturisme. Det er ønskeleg at flest mogleg næringsaktørar / bedrifter blir aktive i det nye selskapet. Slike grupper er eit av tiltaka for å få til dette.

MICE / B2B

ADVENTURE / OPPLEVING DIGITALISERING KUNST OG KULTUR

SPESIALISTGRUPPER

DAGLEG LEIAR

MARKNAD OG SALSANSVARLEG

INNHALD OG KOMMUNIKASJONSANSVARLEG ANSVAR FOR DIGITALISERING

Dette er nokre av dei lokale reiselivsmiljøa som det nye selskapet vil forholde seg til og jobbar for.

MEDLEMMER

For at selskapet skal vere operativt effektivt og ivareta medlemsbedrifter og eigarkommunar på ein god måte vert det lagt opp til ein desentralisert driftsmodell for selskapet. Ein desentralisert driftsmodell vil også gi fleksibiltet og attraktivitet og bidra til å kunne rekruttere kvalifisert kompetanse til selskapet.

6.1. Organisasjonsstrategi

• Alle tilsette er engasjerte, samarbeidsfokuserte, får ansvar og tillit og er inspirerte for å få resultat.

• Styrke reisemålet med gode alliansar og auka samarbeid på tvers av regionar

• Vere ein aktiv samarbeidspart for medlemane, Fjord Norge og Visit Norway / Innovasjon Norge.

• God på kommunikasjon internt og eksternt.

• Jobbe i.h.t. oppsette planar.

• 4 tilsette innan utgangen av 2023.

• Fast styresamling og internsamling årleg.

• Fokus på inntektsbringande aktivitet og god prosjektstyring.

• Det skal utarbeidast årlege handlings- og marknadsplanar. Kvart år skal vi utarbeide ein statusrapport på måla i Strategiplanen. Slik vil vi få indikasjonar på om vi arbeider rett og vi kan justere arbeidet slik at vi når måla i planen.

6.2. Kjernekompetanse

• Visit FjordKysten og Sunnfjord skal ha oppdatert marknadskunnskap. Vi skal sikre god marknadskommunikasjon og effektive marknadsføringstiltak.

• Selskapet skal ha god kompetanse på reisemålsutvikling, marknadsføring, sal og innhaldsproduksjon.

6.3. Medlemsstrategi

• Vi skal ha 2 årlege møter; Kick-Off i januar/februar, og haustmøte.

• Det skal vere minst to årlege medlemsmøte lokalt i kvar kommune.

• Visit FjordKysten og Sunnfjord skal utvikle og formidle kravspesifikasjonar og «beste praksis» til medlemane innan relevante tema.

• Vi skal halde medlemane oppdatert gjennom nyhendebrev, facebookgrupper, mail og direkte kontakt. Medlemane forpliktar seg til å halde Visit FjordKysten oppdatert om tilbod, produkt, prisar, sesong, opningstider m.m. på sine produkt, samt å delta på medlemsmøter m.m.

• Vi skal legge til rette for kompetansehevande tiltak for medlemsbedriftene.

• Vi forutset sponsing av presse- og visningsturar.

• Vi skal tilby personleg rådgjeving og konsulent-tenester for medlemsbedrifter etter behov.

• Visit FjordKysten og Sunnfjord skal initiere til samarbeid mellom medlemsbedrifter.

7. Reiselivet si verdiskaping

Reiselivet er ikkje lengre ei særeigen næring, litt på sida av anna næring og samfunnsutvikling. Både PWC og E&Y har i 2021 utvikla verdiskapingsanalyser som peikar på reiselivet si stadig meir sentrale rolle på Vestlandet. Opphavet til ei bedrift, innbyggjarane sin identitet og regionen sitt omdømme er alle faktorar i regional attraktivitet. Reiseliv kan knytast tett mot «bulyst», rekruttering av talent og investeringar.

Spektakulær og variert natur, god plass, trygg samfunnsstruktur, teknologisk utvikling og tjenesteintegrasjon, elektrifisering og berekraftig utvikling er nokre av komponentane som er knytt tett saman i forståinga av moderne samfunn som mange ønskjer å besøke og lære av. Dette passar FjordKysten og Sunnfjord godt. Det ligg eit unytta potensiale i å knytte dette tettare og betre saman.

Ei kartlegging gjennomført av Menon 2021, om destinasjonsselskapa si verdiaukande rolle peiker på to sentrale bidrag til næring og samfunn.

Destinasjonsselskap produserer fellesgode og tjenester for lokalbefolkninga og turistar. Ved å bygge tilgjengeliggjerande infrastruktur for naturopplevingar, aukar sannsynet for at lokalbefolkninga har glede av naturen. Samtidig vert slitasje og skade som følge av bruk, redusert. Destinasjonsselskap forbetrar konkurranseevna til reiselivsnæringa gjennom marknadsføring, koordinering av produkttilbod og fellesgodeproduksjon.

Destinasjonar med ei sterk reiselivsnæring har typisk fleire opplevingstilbod, noko lokalbefolkninga nyt godt av. I tillegg vil lokal verdiskaping og arbeidsplassar, og auke sannsynet for tilflytting og vekst i kommunen og andre næringar.

2021 – Næringsstrategi for Vestlandet, PwC

8. Rolleavklaring aktørar

FjordKysten og Sunnfjord opererer i eit økosystem der verdiskaping skjer i samhandling med fleire aktørar. Nokre av dei viktigaste aktørane er:

NÆRINGSAKTØRANE I REISELIVET: Ansvar for eige sal, produktutvikling i bedrifta, eigen kompetanseheving og aktiv deltaking i nettverkssamlingar.

KOMMUNANE: Ansvar for å implementere reiseliv i planverk, tilrettelegging av areal for reiselivsverksemd, sikre rask sakshandsaming ved søknader, lokal infrastruktur som veg, parkering, skilting, toalett, tømmestasjonar, strandrydding/avfallshandtering, sikre at reiselivet sine behov er teke med ved innspel til offentlege ruter for buss/ferje/båt. Forplikte seg til langsiktig satsing for å bygge ein attraktiv destinasjon gjennom 3-årige avtaler

LOKALE REISELIVS-/ NÆRINGSFORUM: Representerer lokalt reiseliv og bidreg til tettare samarbeid mellom besøksnæringa lokalt, og mellom kommunen og besøksnæringa. Reiselivsforuma definerer og prioriterer lokale produktutviklingstiltak som fremjar det lokale reisemålet si utvikling og attraktivitet for besøkande.

NÆRINGSFOREININGAR/ FØRSTELINJETENESTE: Samarbeidspartar i prosjekt og næringsutvikling. Disse er både breide næringsforeningar og meir spesialiserte samarbeid relatert til reiseliv.

VISIT NORWAY: Nasjonalt destinasjonsselskap med hovudoppgåve å posisjonere, merkevarebygge og marknadsføre Norge. Betydelig innsats innan marknadsinnsikt og segmentering.

INNOVASJON NORGE: Nasjonalt og regionalt utvikling- og innovasjonsselskap som er ein del av det offentlege verkemiddelapparatet. Støtter kompetanseutvikling og satsingar bl.a. innan reiselivet.

FJORD NORGE: Regionalt destinasjonsselskap for Vestland, Rogaland og Møre & Romsdal. Koordinerer utviklingsinitiativ i næringa samt internasjonal merkevarebygging og marknadsføring av Fjord Norway.

VESTLAND FYLKESKOMMUNE:

Sentral støttespelar til reiselivet i FjordKysten & Sunnfjord ift planutvikling, innhaldsutvikling og finansiering av aktiviteter.

FJORDKYSTEN OG SUNNFJORD: Ansvar for sal og marknadsføring av destinasjonen, på vegne av medlemskommunar og medlemsbedrifter. Sikre god og profesjonell vertskapsfunksjon i regionen. Stimulere til kompetanseheving og produktutvikling, og arbeide for berekraftig og positiv utvikling til beste for reiselivsnæringa og lokalsamfunna. Dokumentasjon og måling av resultat og måloppnåing.

9. Reisemålet FjordKysten og Sunnfjord

Ein står midt i ein teknologisk revolusjon, der både reisemålet, infrastrukturen og bedriftene må levere på stadig meir digitaliserte gjestar. Stadig fleire av dei besøkande er opptekne av helse og sunnheit, både i form av fysisk aktivitet, velvære og sunn mat. Aktivitetsferie som kombinerer kulturell utveksling og aktivitetar i naturen veks raskare enn bransjen elles, og mjuk aktivitetsferie utan spesielle krav til ferdigheiter og låg risiko er størst i volum. Milleniumsgenerasjonen, som er framtidas kundar, er opptekne av selskap som har eit formål. Dei er engasjerte og ønsker å bli engasjerte.

Når ein legg til rette for besøkande gjennom produkttilbod, marknadsføring og sal er det viktig at utviklinga blir gjort på lokale interesser sine premiss. Lokale verdiar og identitet må vere førande for utviklinga. Det må vere eit mål å tiltrekkje seg gjestar som har god betalingsevne- og vilje, som blir lengre på staden og ynskjer eit opphald som harmonerer med lokalt verdigrunnlag.

Gjestar som i hovudsak kjem for å oppleve naturen, kan i langt større grad bli freista til å bli lengre og bruke meir ved at vi gjer mat- og kulturopplevingar meir tilgjengeleg for turistane.

Heilårs aktivitet i bedriftene er nøkkelen til auka verdiskaping, betre vilkår for både bedrift og tilsette og eit gode for lokalsamfunnet. Næringa er i stor grad prega av sesongaktivitet. Lukkast ein i å trekke nok gjestar til reisemålet til å oppretthalde eit attraktivt tilbod heile året vil ein også sikre betre inntening for bedriftene, betre vilkåra for dei tilsette og sikre fleire heilårs busette i kommunen. Innbyggjarane og nærmarknaden er ei viktig kundegruppe, og ved å produktutvikle også for desse kan ein sikre viktig aktivitet året rundt.

Natur og aktivitetsbasert reiseliv

FjordKysten og Sunnfjord har det vestlegaste fyret, dei vestlegaste øysamfunna og den vestlegaste byen i Noreg. Vi har eit mylder av levande øysamfunn og landemerke som stig rett opp frå sjøen og kritkvite strender. I HAFS-regionen og også lenger nordover langs kysten har vi ein unik geologi og geologisk historie. Fjordkysten Regional- og Geopark har ambisjonar om å bli ein UNESCO Global Geopark. Sunnfjord kommune jobber med avklaringar i f.h.t. å bli ein Nasjonalpark-kommune. Nasjonal turistveg Gaularfjellet har særeigne kvalitetar med imponerande fossefall som slynger seg gjennom grøne dalar.

Heile regionen har eit godt utbygt nettverk av toppturar og mindre krevande fotturar. I indre delar av destinasjonen er det gode forhold for ski og isbre-turar og aure- og laksefiske. Langs kysten er det gode forhold for sjøfiske, og idelle forhold for å oppleve det røffe vinterveret med stormwatching.

Destinasjonen har også naturgitte fortrinn for sykling. Forholda ligg godt til rette for å utvikle gode tilbod innan både tursykling, landevegssykling og stisykling / terrengsykling. Å synleggjere moglegheitene som finst for tursykling vil vere steg 1 i ei langsiktig utvikling.

Kajakk er ein attraktiv aktivitet for heile destinasjonen. Det er attraktive område å padle i både langs kysten og i fjordane, og vi har fleire aktivitetsbedrifter som tilbyr padling som produkt. Kyst- og fjordlandskapet med sine kontrastar i lys og vær er ein spennande opplevingsarena for små og store eventyrlystne. Naturleg, forfriskande og ekte. Kontrastar i lys, vær og landskap. God plass, fred og ro.

Kunst og kultur

Destinasjonen har ei rik historie, med lange spor etter levd liv. Kysten vår og spesielt Dalsfjorden er sentral i vikinghistoria. I Gulen i sør ligg Gulatinget, «demokratiets vogge», og i Hyllestad ligg dei største kvernsteinsbrota frå vikingtida og mellomalderen i Skandinavia. Vi har mellomalderkyrkja på Kinn, og sorenskrivargardar på Svanøy og i Fjaler. Vi har helleristingsfelt, museum og galleri på øyar og i byar. Krigshistorie, fiskerihistorie, handelshistorie og industrihistorie. Kunstnerar som Astrup, Eikås, Slettemark og Jakob Sande høyrer heime i regionen vår. Difor er dei historiske banda til kuns lange og sterke. I arbeidet med å utvikle heilskaplege tilbod til turistar i FjordKysten og Sunnfjord er denne delen av kulturarven vår ein stor ressurs. I tillegg har vi Teaterfestivalen i Fjaler, eitt av dei mest aktive teatermiljøa i Noreg, og Førdefestivalen som i 30 år har brakt verda til Sunnfjord. I Jølster ligg Astrup-tunet og Jølstramuseet.

Mat og matopplevingar

I løpet av dei siste åra har ein sett ei positiv utvikling innanfor mat og matopplevingar i FjordKysten og Sunnfjord. Å kunne tilby gode matopplevingar spelar ei viktig rolle når turistar skal velge reisemål. I strategiperioden vil ein jobbe videre med mat og matopplevingar, for å utvikle dette til å bli ein faktor som aukar attraktiviteten til FjordKysten og Sunnfjord som destinasjon.

Næringa

Næringa er prega av mange små og mellomstore aktørar. Hotella i byane har normalt jamt over god trafikk heile året, der yrkesreisande sørger for driftsgrunnlaget. I periodar er det fullt belegg på hotella i byane. Også dei mindre hotella i bygdene har ei hovudvekt av bedriftskundar og yrkesreisande. Variasjonar i aktiviteten i næringslivet lokalt gir utslag også for hotella. For alle hotella er det viktig med tilførsel av ferie- og fritidsreisande i sommarsesongen, og for spesielt hotella i bygdene også i skuldersesongane og om vinteren. Lenger sesong kan bety mykje for utviklinga til desse hotella.

Det er mange som driv med hytteutleige. Fleire har i mange år retta seg mot fiskeglade turistar, hovudsakleg frå Tyskland, og har hatt godt belegg og mykje gjenkjøp og ofte ein sesong som strekker seg frå mars – oktober. Det er fleire mindre kaféar og serveringsstadar kring i bygdene som er avhengig av turistar i sommarsesongen for å overleve. Dette gjeld også mange nærbutikkar kring i bygdene.

Det har vore ei auke i tal aktivitetsbedrifter, men det er framleis prega av få og små aktørar. Dei største arbeidsgjevarane i opplevingssegmentet er knytt til dei heil- eller deleigde offentlege verksemdene som museum, historiske bygg og liknande.

Infrastruktur, transport og reisemønster

Dei offentlege transporttilboda er viktige for reiselivet i regionen. Spesielt gjeld dette ekspressbåten mellom Bergen og Nordfjord, i tillegg til dei lokale båt- og ferjerutene. Flyplassane i Førde og Florø er ein ressurs for reiselivsnæringa i destinasjonen. Innlandsaksen, frå Sogn gjennom Skei til Nordfjord, har i dag stor turisttrafikk og er godt etablert. Bergen er ein viktig innfallsport for turistar som kjem med fly og internasjonale båt- og ferjeruter, og samarbeid med turistinformasjonen i Bergen er sentralt.

Som destinasjon er vi avhengige av å samarbeide med destinasjonsselskapa omkring oss, lokale og sentrale myndigheiter, transportaktørar og reiselivsbransjen for å forbetre kommunikasjonen i form av infrastruktur og rutetilbod til og frå regionen.

Satsing på å legge til rette for nullutslepp framdrift for båtar ved bruk av både hydrogen og elektriske motorar i Florø kan gje spanande nye og grøne reiseopplevingar langs kysten. Destinasjonen må ha fokus på utvikling av grøn mobilitet internt.

Samarbeidspartnerar

Visit FjordKysten og Sunnfjord forvaltar reisemålsarbeidet i regionen, og er eigd av kommunane og reiselivsnæringa i området. Kommunane er òg viktige samarbeidspartnarar for å gjennomføre utviklingsprosjekt. I tillegg samarbeider destinasjonsselskapet tett med andre offentlege instansar: Vestland fylkeskommune, departement, Statsforvaltaren og Innovasjon Norge. Visit FjordKysten og Sunnfjord er medlem av NHO reiseliv. I arbeidet med å utvikle dei kommersielle tilboda må det jobbast tett saman med næringa, og på sal- og marknadsarbeidet saman med Fjord Norge og Visit Norway-systemet i tillegg til strategiske forretningssamarbeid.

10. Økonomi og budsjett

Samanslåinga gir oss eit godt høve til å framtidsrette selskapet, aktivitetar og organisasjonen. I budsjetteringa har vi lagt til grunn at reiselivet i FjordKysten og Sunnfjord har eit større verdiskapingspotensial enn det som så langt er realisert.

Reiselivsnæringa si samla omsetning i området Visit FjordKysten og Sunnfjord er i eit normalår (2019) forsiktig estimert til 400 mill. kr. Sjølv om pandemien har treft næringa hardt, så har reiselivet i FjordKysten og Sunnfjord klart seg relativt bra, og viser god utvikling ved inngangen til 2022.

Vi planlegg med ein forsiktig vekst (omsetnadsmessig estimat) på vegne av reiselivsbedriftene i nettverket. Selskapet har ved oppstart 80 medlemsbedrifter. Det er ein ambisjon at tal medlemsbedrifter skal aukast til 150 medlemer gjennom aktivt rekrutteringsarbeid.

Ei auka satsing på digitalisering, berekraftige opplevingar, auka attraktivitet til Vestlandet og produktutvikling på nytt innhald vil bidra til å auke topplinje og lønsemda ytterlegere. Vi legg også til grunn ei auka satsing på «nærturisme» som venteleg vil utvide marknadsgrunnlaget samanlikna med dagens situasjon. Budsjettet vil derfor legge opp til ei svak auke i kostnader for å understøtte det vekstpotensialet som næringa har.

BUDSJETT VISIT FJORDKYSTEN & SUNNFJORD

11. Prioriterte satsingsområde – tiltak på kort og lengre sikt

Prioriterte Satsingsområde

1. Attraktivitet gjennom berekraft

Tiltak kort sikt 2023

• Oppstart av 2-årig prosjekt for å bli merka som berekraftig reisemål (Innovasjon Norge).

2. Noreg

3.

Norden, Europa, USA

4. Digitalisering

– inkl. produktpakking og booking

5. Konseptutvikling

– Målgrupperetta konsept

6. Historier som fenger

• Sette saman langhelg og kortferie konsept retta mot norske segment; venne-, par- og familiemarknadar.

• Sette saman konsept for firmaturar retta mot norske bedrifter.

• Holde kontakten med turoperatørbransjen.

• Segmentering og utvikling av kommunikasjon mot ulike målgrupper, medier og influencere.

• Samarbeid med Fjord Norge og IN.

• Utvikle virtuelle visningsturar og verktøy for turoperatørar.

• Delta i ny, framtidsretta nettløysing for Vestlandet.

• Auke tal produktpakkar og produkt tilgjengeleg gjennom bookingsystem på heimesida, evt. gjennom fleire salskanalar.

• Kompetansebygging for medlemane innan digitalisering og booking.

• Produksjon av innhald som støtter sal.

• Utvikle innsiktsbaserte konsept, som gjer oss meir spiss i marknadskommunikasjonen og som gir grunnlag for produktutvikling hos våre næringsaktørar.

• Produksjon av målgrupperetta innhald og kommunikasjon av konsept.

• Styrka satsing på innhaldsproduksjon, spesielt med bruk av film for produksjon av målgruppeorienterte historier om våre aktørar og opplevingar.

Tiltak lengre sikt 2024 – 2026

• Gjennomføring av tiltak i saman med kommunar og reiselivsnæringa.

• Segmentert innhaldsutvikling.

• Auka innovasjon og tilpassing til nye målgrupper.

• Visningsturar for turoperatørar.

• Delta på workshops i samarbeid med Fjord Norge og Innovasjon Norge.

• Kontinuerleg utvikling av innhald og optimering.

• Fokus på salsutløysande innhald.

• Bevisstgjering og konkrete bidrag for kvalitetsheving i bedriftene.

• Tiltak for å redusere gap ift målgruppe-forventningar.

• Salsutløysande kommunikasjon av konsept.

• Visningsturar for utvalte media og influensere, i eigne regi og i samarbeid med Fjord Norge.

• Kontinuerleg produksjon og distribusjon av målgr.orienterte historier.

7. Utvikle merkevara

FjordKysten og Sunnfjord

• Bevisst bruk av satsingsområda våre gjennom all kommunikasjon.

• Bevisst bruk av satsingsområda våre gjennom all kommunikasjon.