Ang Tahanan

Ni: Neil Mathew P. De Vera, 9-Roco

Ang aking paaralan ang aking ikalawang tahanan.

Tahanang humuhulma ng pagkatao at pangarap. Kaisa ang aking mga guro at kamag-aral nagiging makulay ang aking pangalawang tahanan. Tahanang kailangan rin ng atensyon at pagkalinga mula sa mga naninirahan dito. Dahil ang tanging nakakaalam ng tunay na pangangailangan ng isang tahanan ay ang mga tayong naninirahan dito.

Nagkakaisa ang mga guro, mag-aaral, mga magulang, mga alumni gayundin ang mga organisasyong bukas palad na nagbibigay tulong para sa aming paaralan.

Sa muling pagbubukas ng klase, pinalakas ang mantra ng aming paaralan ang #SULONGCCHS: 3r’s RESILIENT, RESPONSIVE at REVITALIZED.

ResilientUpang

maging handa ang paaralan sa kaligtasan ng mga

Cramenians sa pamamagitan ng mga kagamitan na makakatulong para rito. Sa tulong ng iba’t ibang organisasyon ay naging batang matatag ang mga

Cramenians katulad na lamang ng Project READY ng Philippine National Police (PNP) kung saan maingat ang mga estudyante mula sa ipinagbabawal na druga.

Ang mga Braiden Mannequins na ibinigay ng Defense Technologies Inc. upang maging handa sa pagsagip ng mga buhay ang mga Cramenians. Dahil sa mga katulad nito ay naging handa ang paaralan para sa pang akademikong taon puno ng mga pagpupulong ukol sa kaligtasan ng mga mag aaral sa sintang paaralan.

ResponsiveUpang mapunan ang mga pangangailangan ng mga estudyante at mga kasapi nito sa pamamagitan ng mga aktibidad na nakatuon sa pag-aaral at serbisyo na kalidad. Bayanihan ang naging solusyon upang mapunan ang mga pangangailangan ng mga Cramenians. Katulad na lamang ng libreng gupit sa mga lalaki bago magsimula ang klase na pinangunahan ni Jay Arr T. Cagnaan na presidente ng General Parents-Teachers Association (GPTA).

RevitalizeUpang mapaghandaan ang mga pasilidad sa paaralan para sa pagbabalik ng mga mag-aaral. Mga bagong kagamitan panlinis, electric fans, libro, halaman, at samu’t saring pagtutulungan ang naging dahilan upang maging posible ang paghahanda ng sintang paaralan para brigada matapos ang dalawang taon pagkakulong sa mga tahanan ay hindi pa rin nawala sa mga ito ang paglilingkod ng walang hinihintay na kapalit.

Tunay na ang mga programang ito ay isang malaking pinto sa pagbabago ng aming paaralan. Ang aming pangalawang tahanan na apat na dekana ng nagbibigay daan sa pangarap ng nararami, at bibilang pa muli ng bagong apat na dekada o higit pang pagsulong sa pagbabago ng isang kabataan.