agham

Upuan para sa mga batang krame

Yassen M. Usman 9-Roco at ligtas para sa kalikasan ang gawang plastik.

“Malaking pasasalamat ang buong upuan, syempre ang school natin sa kanila dahil natutulungan nila ang mga bata rito sa Camp Crame na magkaroon ng maayos na kagamitan sa paaralan para lalo silang ganahan na mag-aral nang mabuti dahil magaganda ang mga gamit nila,” ayon kay Bb. Maricar Convencido, isang guro sa CCHS. Tunay na nakahahanga ang proseso ng paggawa sa mga upuang ito. Hindi mo aakalaing gawa ang mga ito sa mga patapon nang bagay sapagkat napakaganda ng kalidad nito. Kagaya lamang ito ng mga ginagamit na upuang gawa sa mga hilaw na materyales ngunit mas mababa ang gastos

Ang mga kompanyang tulad ng Sentinel ay hulog ng langit. Hindi lang sa mga natutulungan nito, kundi maging sa ating inang kalikasan. Parami nang parami ang mga basura na naiipon sa mga landfill kaya kung minsan, kinakailangang magpatayo ng bago. Kung mas marami at lalaki ang mga basura natin, mababawasan ang espasyo para sa mga tao at sa ibang mga hayop. Matagal na ring inaanyayahan ang mga mamamayan na gumamit ng ibang bagay maliban sa mga single use na plastik. Halimbawa na lamang, ikaw ay pupunta ng grocery o mamamalengke, imbes na plastik na isang beses mo lang magagamit, sa isang eco bag mo na lang ito ilagay

Ayon naman sa punong guro ng CCHS, G. Edwin M. Abengoza, bago pa man ang pandemya ay inaanyayahan na ng paaralan ang mga mag-aaral nito na iwasan ang paggamit ng single use plastics.

Kilala ang Sentinel UpCycling Technologies bilang kumpanya na gumagawa o nagmamanupaktura ng mga produktong yari sa sachet, boteng plastik at mga tarpolin na ipinamigay ng mga may mabubuting loob. Nitong Setyembre 20, 2022 kung kailan nagsipagbalikan na ang mga mag-aaral sa paaralan, ginawaran ng 45 upuan ng Sentinel ang mataas na paaralan ng Kampo Crame. Naging malaking tulong ito sa huli sapagkat ang ibang upuan nito ay matagal na at ang iba ay sira-sira na.

“Nakakatuwa na kami ay may mga bagong upuan at hindi na sasakit ang aming mga likod dahil hindi na kahoy ang aming sasandalan at hindi na kami mangangawit sa tuwing kami ay uupo at magaaral” ani Raphael Peralta Ramilo

Tunay ngang maiibsan na ang pangangawit ng mga estudyante at lalong mas mapabubuti ang kanilang pagaaral sa mga komportable na upuan, ang mga plastik na nakasisira ng ating kalikasan ngayo’y inuupuan na ng mga esstudyante. Ngayo’y hindi lang ang kanilang kapaligiran ang

AI: Ang makabagong paraan ng pagkilos

Editoryal na Pang-agham

Ang ating mga nakasanayan ay patuloy ang pagbabago, kakayanin pa ba natin na makasabay dito?Ang Artificial Intelligence (AI) ang naging alternatibo para sa kabataan noong kasagsagan ng pandemya lalo na ang mga kompyuter at ngayon ay patuloy pa rin ang pag usbong nito dahil sa makabagong anyo ng pag-aaral.

Ngunit matutulungan ba talaga nito ang mga mag-aaral upang mahubog ang kamalayan nito o natututo lang sila na umasa sa modernong anggulo. Maging sa mga trabaho ng tao ay kaya na nitong palitan at higitan pa, gayundin ito na ang makabago. Kailangan pa ba tayong mga tao sa pagseserbisyo?

Kaya na rin nitong gumawa ng desisyon para sa ibang bagay, ngunit hindi ba ito kayang gawin ng mga tao o ipauubaya na lang nila lahat ang trabaho na wala naman hahantungan na pagkatuto. Hindi ba’t nagtatrabaho ang isang tao upang umunlad ang kanyang kakayahan na pinag aralan ng ilang taon, na ngayon ay ginagawa na ng makabagong teknolohiya na tao rin ang nakaisip.Taong 2022 ay tinatala na 35 porsyento ng negosyo sa buong mundo ang gumagamit nito. Kung ganito rin naman ay para saan pa ang pagbabanat ng mga buto ng mga mag aaral kung pagkatapos ng kanilang pag aaral ay hindi rin nila ginagamit ang kanilang mga kakayahan. Magkakaroon pa ba tayo ng silbi paglipas ng ilang taon o magsisilbing palamuti nalang tayo sa mga opisina. Kaya pati ang kabataan ngayon ay umaasa na lamang sa mga ito dahil alam na nila ang kanilang hahantungan pagkatapos ng pagaaral.