Kjemiske hevemiddel

Prinsippet ved kjemiske hevemiddel er å tilsetje kjemiske stoff som frigjer gassar som CO2, og som dermed gir heving av bakeproduktet. Ved produksjon av brød og bakevarer er bakepulver det mest aktuelle av dei kjemiske hevemidla.

Bakepulver består av det kjemiske stoffet natriumbikarbonat (natron), eit salt som gir ei syre når det kjem i kontakt med vatn, og stivelse for å halde bakepulveret tørt. Når bakepulveret kjem i kontakt med deigvæska, gjer kjemiske reaksjonar at det blir danna CO2. I dag er det vanleg å bruke såkalla totrinns bakepulver. Det vil seie at bakepulveret inneheld fl eire kjemiske salt som verkar til at frigjeringa av CO2 skjer ved høge temperaturar, som under steikinga.