Begiartean duzuen fanzine hau azken hilabeteotan egiten aritu garen harreman biraren emaitza da.
Irailean hasi eta orain artean, Zumaiako gazte ugarirekin bildu gara, hiru bloke nagusiren gainean hitz egiteko:
1) Zerk kezkatzen gaitu?
2) Zein da gure kezkekiko dugun jarrera?
3) Nolakoak gara Zumaiako gazteak, eta
nolakoa Gazte Mugimendua?
Orain, sei hilabeteren ostean, herriko gazte askorekin egon ostean, harreman bira martxan jarri genuen talde motoreak behin-behineko ondorioak atera ditugu. Eta behin-behinekoak dira, hain justu, orain zuek guztiokin eskuartean dugun hau aztertu eta ondorio bateratuak ateratzeko momentua delako. Horretarako, martxoaren 22an elkartu eta ideiak bateratuko ditugu!
