Jaio zintuzten mundura egokitu izena, abizenak eta jantzi zizuten jertsetxo arrosa. Eta gero amamak erakutsi eztula egitean eskua jartzen, andere単o Bego単ak, gona apur bat altxatzean eskuekin jaisten.
Eta gero Unibertsitatean jakintza jakintza bera kredituekin nola erosi merkatu honetara nola egin salto irakatsi zizuten. Irakatsi, erakutsi, inposatu zizuten. Zizuten, zizuten.
Baina gaur gauean, lana bukatzean, Eroskiko poltsak bi eskuetan, bi haurrak txamarratik tiraka, etxera sartzean Iñakik: “Zer dago afaltzeko?” Amantala erantzi, Ruper topera jarri. “Zoratu egin zara?” “Ez naiz zoratu, greban nago!”
8 orduko lanaldia borrokatu zuten pasa den mendean, fabriketako proletario komunistek. Marx, Lenin, Mao, Fidel. Baina gure amamei ez zitzaien bizitzarik duindu. Emakumeen izenak apenas pasa dira Historiara.
Baina zuk gaur greba egin duzu, DESOBEDIENTZIA zara, eta Historia morez jantzi ostean, gona igo duzu …gura duzulako.