5 minute read
Góðar næringarreglur fyrir árangur í golfi
Hugum að öllum þáttum árangurs: NÆRINGU – ÆFINGUM – SVEFNI – SÁLARLÍFI
Til þess að ná árangri í erfiðri íþrótt þarf að huga að öllum þessum þáttum og tengja þá alla saman, því „enginn keðja er sterkari en veikasti hlekkurinn“. Ef t.d. næringin er ómarkviss og léleg eru meiri líkur en minni að það bitni á árangrinum á golfvellinum. Flestir leggja mikið í æfingar og mót á golfvellinum og eru með flottustu og bestu kylfurnar og annan útbúnað en eru svo með súkkulaðistykki og koffíndrykk í pokanum til að næra sig! Með þessu er miklu meiri líkur á meiðslum, veikindum (veikt ónæmiskerfi) og að þú verðir langt frá þeim árangri sem þú stefndir að.
Leggið líka áherslu á að ná 7 – 8 klst. nætursvefni (fullorðnir einstaklingar) og það mun skila mun betri árangri í golfinu, því í svefni erum við byggja okkur upp og endurnýja líkamann. Það má því segja að með því að ná góðum og endurnærandi nætursvefni séum við á æfingu, því líkamlegu og andlegu áhrifin af góðum svefni eru meiri en af hörkuæfingu.
Sálarlífið er líklega það svið árangurs sem skilur milli þeirra sem skara fram úr og þeirra sem eru sífellt að reyna það án þess að takast. Ef þú hefur óbilandi trú á þér og þínum verðleikum þá eru mun meiri líkur á því að það skili sér í golfinu og lífinu almennt. Sjálfstraust, einbeiting og sigurhugsun er sérlega mikilvæg í golfi þar sem ein hola eða tvær geta klikkað, það má ekki láta það skemma allan leikinn. „Mikilvægasta sveiflan í golfi er næsta sveifla“ – Ben Hogan
Almennt hollt fæði – Góðar daglegar venjur
Mikilvægt er að tryggja góða almenna daglega og fjölbreytta næringu með næringarríkum máltíðum reglulega yfir daginn.
Ekki vera í endalausum átökum eða kúrum en þess á milli í rugli næringarlega séð. Á leiðinlegum hversdagslegum þriðjudögum um miðjan vetur er líka mikilvægt að nærast vel eins og í kringum æfingar og mót.
Með þessu almenna holla fæði ertu að stuðla að betri svefni, meiri einbeitingu og stöðugri árangri í golfinu.
Munum kolvetnin fyrir úthaldið – Besta bensínið
Golf er úthaldsíþrótt þar sem iðkendur geta verið á hreyfingu í 4 klst. og orkunotkun getur orðið 1500 – 2000 hitaeiningar í hverjum leik. Besta bensín líkamans í úthaldsíþróttum eru kolvetnin. Þó er mikilvægt að nærast af réttum kolvetnum sem veita langvarandi orku s.s. ávöxtum, grófum kornvörum, haframjöli og baunum en forðast kolvetnamatvörur með viðbættum sykri eins og sætindi, gosdrykki, kökur, kex og kruðerí. Setjum góð kolvetni í golfpokann, en munið einnig að drekka vel með kolvetnunum.
Prótein – Frábær til endurheimtar og uppbyggingar
Prótein eru m.a. uppbyggingarefni vöðva, taka þátt í efnahvörfum og það orkuefni sem allir íþróttamenn þurfa að huga vel að. Amínósýrur eru byggingareiningar próteins og það eru 20 amínósýrur sem mynda prótein og 9 af þeim eru lífsnauðsynlegar því líkaminn getur ekki myndað þær sjálfur. Því er mikilvægt að neyta próteina sem innihalda allar þessar lífsnauðsynlegu amínósýrur.
Unbroken er niðurbrotið laxaprótein með stökum amínósýrum eða dí- eða trípeptíðum (tvær eða þrjár amínósýrur) og því mjög fljótt upptekið, þetta tryggir mjög hraða endurheimt. Auk þess inniheldur það allar nauðsynlegu amínósýrurnar, þar af BCAA (branched chain amino acids).
Prótein í bland við kolvetni er öflugt í endurheimt eftir æfingar. Á mjög löngum golfæfingum og mótum mætti taka fjórar Unbroken töflur, eina fyrir æfingu, aðra á fyrstu 9 holunum, þriðju á seinni 9 og svo þá fjórðu í lok æfingar/hrings. Á léttari dögum er æskilegt að taka 2 – 3 töflur á dag.
Drekkum nægan vöka
Vatn er lífsins vökvi og þurfum við að gæta vel að því að fá nægan vökva og sérstaklega þegar íþróttir eru stundaðar. Hlutverk vatns í líkamanum er m.a. að stjórna hitastigi líkamans, bera næringarefni og súrefni um líkamann, smyrja liði og vera höggdeyfir. Heilinn er um 73% vatn og vatn hjálpar til við meltingu matvæla.
Stefna ætti að því að drekka a.m.k. 2 l af vatni á dag (8 vatnsglös) og meira á dögum sem við svitnum og æfum mikið. Við ættum að drekka um 500 ml á klst. miðað við meðal álag en 750 ml – 1l á klst. ef álagið er mjög mikið og sérstaklega í miklum hita.
Þegar mikið er svitnað og erfiðað er gott að vera með kolvetnadrykk með steinefnum. Sá drykkur ætti að vera um 6% sykurlausn og hægt er að búa hann til heima hjá sér með því að blanda 600 ml af ávaxtasafa í 400 ml af vatni og bæta við hálfri teskeið af salti.
Það er hægt að líta á litinn á þvaginu til að sjá hvort við séum að drekka nóg, þvagið á að vera ljósgult en ekki dökkt. Við erum að drekka of mikið ef þvagið er litlaust.
Unbrokentafla í 500 ml af vatni er frábær leið til að bæta vökva- og steinefnatap hvort sem það er á golfhring eða dagsdaglega. Í hverri töflu eru steinefni eins og kalíum, natríum, magnesíum og kalk.
Forðumst mikið koffín Koffín er mikið selt og neytt í kringum íþróttir. Það er mikið auglýst til orku- og árangursbætingar en staðreyndin er sú að koffín er meiri „túrbína“ í styttri spretti en í heilu og hálfu golfhringina þar sem langvarandi orka er mikilvægust.
Að nærast bara á koffíni í golfi er dæmt til að mistakast og getur einnig haft neikvæð áhrif á einbeitingu sem er mjög mikilvæg í golfi.
Skynsamleg notkun og kaup fæðubótarefna
Þið tryggið góðan árangur í golfi með hollu og fjölbreyttu fæði en fæðubótarefni gætu aðstoðað til að ná hámarks árangri. Þó verður að nota þau skynsamlega og það getur beinlínis verið hættulegt að neyta of mikið af fæðubótarefnum, eins og t.d. fituleysanlegum vítamínum.
GSÍ er aðili að ÍSÍ og því er mikilvægt að tryggja að fæðubótarefnin sem þið notið séu 100% “doping free” og séu frá viðurkenndum aðilum. Í því samhengi er vert að benda á það að Unbroken notast við óháðan aðila, “Informed Sports” sem tryggir að fæðubótarefni séu “doping-free”.
Forðist fæðubótarefni frá framleiðendum eða endursöluaðilum sem lofa nær ótrúlegum árangri á ótrúlega stuttum tíma.
Einnig þarf að forðast fæðubótarefni sem keypt eru “on-line” frá óþekktum framleiðendum, sérstaklega skal vera á varðbergi með fæðubótarefni frá USA þar sem reglugerðir og eftirlit fæðubótarefna eru mun sveigjanlegra en hérlendis.
