HELBURUA AURRERA

Diseinatu horma-irudi bat.

Talde-lanean arituko gara!

• Lauko taldeak egingo ditugu, problemak eta eragiketak asmatzeko: batuketak, kenketak edo adierazpen konbinatuak.

• Talde bakoitzean, bi ikaskidek eragiketen ardura izango dute, eta beste bi ikaskidek, problemena.

• Jolasaren helburua hauxe izango da: beste talde batekin eragiketak eta problemak trukatzea, ahalik lasterren ebatz ditzaten, akatsik egin gabe.

• Amaitzeko, arduradunek emaitzak egiaztatuko dituzte, eta, besteek zailtasunak izan badituzte edo akatsak egin badituzte, lagundu egingo diete.

Geure buruari galdezka a) Kopiatu eta osatu antolatzailea koadernoan. b) Diseinatu horma-irudi bat, talde-lanean aritzeak zer onura dituen azaltzeko.

Alderdi guztiak aztertu estrategia erabiliz, aztertuko dugu zergatik den garrantzitsua talde-lanean aritzea.

N o la ikasi dut?

Kopiatu koadernoan esaldiak eta, bakoitzaren ondoan, margotu honela:

• Problema bat nola ebatzi dudan nire hitzetan esplikatzeko gai naiz.

• Taldekideok ados ez gaudenean, ez naiz aztoratzen, lasai egoten naiz.

• Lanak ondo egiteko ahalegina egiten dut.

Zer egin dezakezu zu talde-lanean hobeto aritzeko?