1 minute read
4.1.2. Olà méten pa l azent?
4.1.2. Olà méten pa l azent?
An mess mete l azent: a) sun vigni parola ossitona (con la ultima silba azenteda) de deplù silbes che se ruva con n vocal tonich:
Advertisement
-à -é -ì -ò -ù
el starà jené proibì aldò palù el vegnirà fumé chirì chilò virtù ei laudarà cugné saurì ciamò benvolù eles balarà tablé davegnì laprò pasciù
b) pro l infinitif dl verb y l partizip perfet mascolin singolar (y plural per la I coniugazion) méten l azent ence sce chest à demé una na silba, p.ej.: fé, sté, dì, jì, rì. c) sun la 1. y 3. persona dl singolar y sun la 3. persona dl plural di verbs dé, savei y avei y sun la 3. persona di verbs avei, ester y podei:
dé savei avei ester podei
ie dé sé é [son] [posse] el/ela/ei/eles/an dà sà à é pò
d) sun les formes dla 3. persona singolara y plurala di verbs tla inverscion, ence sce ales ne porta nia l azent grafich, ajache ales à demé una na silba, cfr. al ri, al va, al sta, p.ej.: al va - vàl al sta - stàl ela dij - dìjela ei cianta - ciàntei al mangia - màngel eles porta - pòrteles
e) pro paroles con la desinenza -és tonica, tl cajo dl plural dles paroles che se ruva con -é tonich, p.ej.: cugné - cugnés moliné - molinés aboné - abonés tablé - tablés zité - zités verité - verités poscibelté - poscibeltés dificolté - dificoltés
y dl partizip perfet mascolin di verbs dla I coniugazion, p.ej.: porté - portés deslié - desliés destiné - destinés cianté - ciantés
La forma plurala di autri partizips ne à endere degun azent, p.ej.: metù - metus chersciù - cherscius florì - floris spedì - spedis
