2.1.2. Sostantifs y agetifs mascolins

2.1.2. Sostantifs y agetifs mascolins

L plural di sostantifs y di agetifs mascolins mostra na casistica scialdi rica tl ladin. An cumpeida deplù tipologies de plural (con -s o “sigmatich”, con -i, con mudazion/palatalisazion dl consonant final, invarié) aldò dla desinenza dla parola tl singolar; emplù pò n grup de sostantifs avei deplù formes dl plural, p.ej. una per paroles vedles y una per empresç y neologisms. Les regoles de basa vel per les paroles arpedes y i empresç plu o manco assimilés. Les paroles forestes (nia assimiledes) tol en general la desinenza -s desche formant tipich dl plural mascolin, p.ej. te teritore - teritores; valch iade mantégneles endere la strutura foresta, p.ej. te bafo - bafi. Chisc doi grups fej pert de n sotsistem periferich che conviv con l sistem zentral o tradizional dla formazion dl plural dl ladin: les paroles che nen fej pert se comporta ti idioms te na maniera desvaliva y mostra ence tendenzes a se integré tl sistem tradizional. Indicazions plu menudes vegnirà dedes can che an trata i singoi caji y tl Met averda! junsom.

singolar plural ejempli

(vocal tonich o ditongh) -é talpiné - talpinés, tablé - tablés, taié - taiés, studié - studiés Ezezions: • pe - piesc, fre - fredesc, re - resc -ì / -i di - dis, fi - fis, emplenì - emplenis, desflorì - desfloris -ò + -s rulò - rulos, metrò - metros -ù palù - palus, menù - menus, nasciù - nascius, conesciù - conescius -ai tai - tais -ei plajei - plajeis, consei - conseis -oi cernadoi - cernadois -ui tarlui - tarluis -esc berba - berbesc, papa - papesc, gorila - gorilesc

-a (nia tonich) (sce la parola se referesc demé a ei) -es ciochera - ciocheres (sce la parola pò se referì sibe a ei che a eles)

-e (nia tonich) paroles arpedes + -sc pere - peresc, vare - varesc, tume - tumesc, lize - lizesc Ezezions: • Die - Dis, rie - riei, mie - miei, tie - tiei, sie - siei

(neologisms)

stude - studes, dube - dubes -ere ministere - ministeres, batistere - batisteres -ire martire - martires -ore + -s comprenjore - comprenjores -ize giudize - giudizes -aje passaje - passajes, salvataje - salvatajes -ane demane - demanes -one matrimone - matrimones -o (nia tonich) -i moro - mori, auto - auti, scerio - sceri

-b + -s verb - verbs, proverb - proverbs, desturb - desturbs -ch -c banch - banc, pech - pec rich - ric, blanch - blanc, stanch - stanc Ezezions: • fuech - fuesc, luech - luesc, juech - juesc amich - amisc, nemich - nemisc • sterch - stersc -cs sluch - slucs, veluch - velucs, polach - polacs, baroch - barocs -sch -sc bosch - bosc, todesch - todesc, fosch - fosc Ezezion: • rosch, rosç -'ich (nia tonich) -ics politich - politics, publich - publics democratich - democratics -d leopard - leopards, miliard - miliards, suizid - suizids -f + -s cerf - cerfs, jouf - joufs, valif - valifs, bonorif - bonorifs -gh teologh - teologs, archeologh - archeologs cons. + l + -i ejempl - ejempli, uedl - uedli scempl - scempli, dopl - dopli

(voc. + l) (voc. + i) -al -ai local - locai, manual - manuai personal - personai, statal - statai -ol -oi control - controi, col - coi mol - moi -ul -ui popul - popui, baul - baui encherscioul - encherscioui -il -ii profil - profii, ciampanil - ciampanii sotil - sotii, stabil - stabii -el (tonich) -iei agnel - agniei, restel - restiei, bel - biei Ezezions: • ciavel - ciavei, pavel - pavei, vel - vei, el - ei • nadel - nadei, bochel - bochei, dedel - dedei, stivel - stivei fossel - fossei, toel - toei, tel - tei, sel - sei, mel - mei -uel -uei lenzuel - lenzuei, ciajuel - ciajuei, peciuel - peciuei cons. + -el cons.+l+i debel - debli, desponibel - desponibli (nia tonich) -m ejam - ejams, ram - rams, gram - grams, ultim - ultims

-n (tonich)

cian - cians, artejan - artejans, fascian - fascians + -s ladin - ladins, plan - plans Ezezions: • bon - bogn, degun - degugn, gran - gragn -'en (nia tonich) termen - termegn, orghen - orghegn, orden - ordegn -gn cuecen - cuecegn, joen - joegn -nn ann - agn (y derivac), dann - dagn -gn + -s segn - segns, bujegn - bujegns, degn - degns -p ciamp - ciamps, grop - grops, crep - creps, truep - trueps

-r (tonich)

mur - murs, per - pers, fer - fers cler - clers, cer - cers + -s scritour, scritours, mandatar - mandatars familiar - familiars, ejemplar - ejemplars papier - papiers, mestier - mestiers, sciafer - sciafers entier - entiers, senzier - senziers

-'r (nia tonich) -'cher sciacher - sciacheri, idraulicher - idraulicheri -'ler tisler - tisleri, spangler - spangleri, sotler - sotleri -'mer + -i numer - numeri, cromer - cromeri -'ner chelner - chelneri, lerner - lerneri, zigainer - zigaineri -'sser slosser - slosseri -'zer scizer - scizeri

-'ber -bri alber - albri -'der -dri tender - tendri -'fer -fri cheifer - cheifri -'gher -gri iagher - iagri, peigher - peigri -'per -pri clomper - clompri, incomper - incompri -'ter -tri maester - maestri, auter - autri -'ver -vri cadaver - cadavri, fever - fevri -s -sc gras - grasc, nes - nesc, os - osc enteres - enteresc, gros - grosc, golous - golousc -t -c ambolt - ambolc, tet - tec mat - mac, freit - freic Ezezions: • dent - dents, mut - mutons -st -sç cest - cesç, artist - artisç Ezezion: • chest - chisc -z -c fonz - fonc, piz - pic, paz - pac, fauz - fauc -sc -sc paisc - paisc, servisc - servisc, grisc - grisc, pesc - pesc -c -c brac - brac, lac - lac verc - verc, aranc - aranc, douc - douc

Met averda!

• Les paroles che vegn scrites tl singolar con -ì, -ò, -ù azentés perd l azent tl plural.

• L plural dles paroles che va fora con -e nia tonich preveid en general formes con -esc tl cajo de paroles arpedes o vedles y -s tl cajo de paroles nueves o neologisms. Dlongia chestes categories él ence n grup strent y relativamenter instabel che à l plural con -i; per chestes paroles végnel consié de cialé do tl dizionar (frate - frati, eroe - eroi, tamburle tamburli, …). • L plural dles paroles che va fora con -o nia tonich preveid en general l plural con -i. Les paroles internazionales à normalmenter l plural con -s(ufo - ufos). • Les paroles che fenesc con -io à tl plural -i scempl (scerio - sceri, sozio - sozi). • La grafia muda ma la pronunzia resta unfat pro: -co / -chi fiasco - fiaschi -go / -ghi frigo - frighi -cio / -ci conicio - conici

Les paroles che va fora con -ch à en general l plural con -c. Ence per chesta desinenza végnel dant na desferenzia de comportament anter paroles vedles y neologisms o paroles forestes. Chestes ultimes mostra la tendenza a formé l plural con -s(austriach - austriacs, persech - persecs, pitoch - pitocs, reziproch - reziprocs, parch - parcs, autarch - autarcs). An consieia de cialé do tl dizionar.