SKEDA ONE

artist famuż Franċiż miktub bil-lingwa Maltija. Jinkludi wkoll rimi addattati għat-tfal ta’ età ’l fuq minn sitt snin u bl-illustrazzjonijiet tagħha tat il-ħajja lil dawn il-kliem. L-illustrazzjonijiet ġew ispirati mill-kelma u mill-arti oriġinali tal-artist.”

Fuq bażi personali, lil Elaine ddejjaqha l-ħajja mgħaġġla u l-fatt li affarijiet ta’ importanza minima saru essenzjali. “Il-flus ħadu l-prijorità ta’ kollox u fuq kulħadd. Dik idejjaqni ħafna u infatti kieku jkolli nagħżel nippreferi ngħix ħajja iktar sempliċi, bħal dik li nisma’ n-nannu jirrakkontali fejn l-ewwel tiġi s-saħħa, l-ikel pur u l-familja.”

Fl-aħħar nett, ħalliet messaġġ għall-qarrejja ta’ din il-gazzetta. “Ħajja waħda u tajjeb li wieħed isib dak li vera jagħmlu kuntent f’din il-ħajja. Nemmen fl-importanza tal-ħolm, li nieħdu ħsieb saħħitna u li nagħmlu ħilitna sabiex il-ħolm nwettquh. Wieħed m’għandux jaħli żmien għax iż-żmien igerbeb u ma jistenna lil ħadd,” temmet tgħid.