Is-Sebgħa u Għoxrin Ħadd tas-Sena | Il-Ħadd 4 ta’ Ottubru 2015
Ġen 2, 18-24 Salm 127 (128), 1-2.3.4-5.6 Lhud 2, 9-11 Mk 10, 2-16
“Ħalluhom it-tfal żgħar jiġu għandi; iżżommuhomx, għax ta’ min hu bħalhom hija s-Saltna ta’ Alla.” Kultant aktar ma nikbru, aktar nikkumplikaw il-ħajja. Naħsbu li dawk ta’ madwarna għandhom xi ħaġa x’jaħbu. Jekk narawhom serji naħsbu li qed ixewxu kontrina filwaqt li jekk narawhom jitbissmu naħsbu li qed jiddieħku bina. Inqattgħu ħafna mill-ġranet tagħna nippjanaw u nimmaġinaw x’nistgħu nagħmlu fil-futur imma ninsew il-preżent. Qisu aktar ma nikbru, inqas inkunu kapaċi ngawdu s-sabiħ ta’ madwarna. Anzi, kultant nispiċċaw naraw periklu u ħażen fejn ma hemm xejn ħlief is-sabiħ tal-ħolqien. Kien għalhekk li meta xi dixxipli bdew ikeċċu grupp żgħir ta’ tfal, għax Ġesù kien qed jgħallem lil folla kbira ta’ adulti, Ġesù mhux talli inkorla magħhom u qalilhom biex iħalluhom jiġu ħdejh, anzi lil dawk ta’ quddiemu qalilhom li kull min irid ikun parti mis-Saltna
ta’ Alla jrid isir jixbah lil dawn it-tfal. Min jaf kif baqgħu dawk innies u kemm mistoqsijiet faqqsu f’moħħhom. X’ried jgħid biha li s-Saltna ta’ Alla hi tagħhom u ta’ min hu bħalhom? Għalkemm fis-soċjetà tagħna nippretendu li t-tfal huma dawk li jitgħallmu mill-kbar, Ġesù jurina li l-iżgħar fostna jistgħu jgħallmu wkoll. Imma dawn ma jgħallmux bi kliem diffiċli u bi ħsibijiet ikkumplikati. Iż-żgħar jgħallmu lil dawk ta’ madwarhom billi jkunu żgħar, u billi jaraw id-dinja ta’ madwarhom b’għajnejn li jaraw biss is-sbuħija. Meta nikbru hemm il-periklu li dan is-sens ta’ sbuħija nħalluh jaħarbilna u għalhekk Ġesù qed iħeġġiġna biex dan ma nħalluhx jiġrilna. Qed iħeġġeġ lit-tfal biex ikunu dak li huma, tfal li jieħdu
pjaċir b’affarijiet żgħar u jqattgħu l-jiem tagħhom bi tbissima kbira fuq wiċċhom. Hekk, mingħajr ma jafu, ikunu qed ifakkru lil dawk li huma ikbar, li fil-ħajja m’hemmx biss problemi u perikli, imma anke ferħ, sbuħija u ħafna tajjeb. Fis-Saltna li Ġesù ixandar, kulħadd għandu post importanti. B’differenza minn żmien Ġesù, li qisu l-qassisin u dawk li jaħdmu fit-tempju kienu jafu kollox, u l-oħrajn riedu jisimgħu, Ġesù jurina li anke l-iżgħar fostna għandhom missjoni speċjali. Għalhekk, kull fejn tkunu, ftakru li għandkom biċċa xogħol importanti ħafna li twasslu l-ferħ. Fil-familja, fil-klassi taliskola u fil-grupp tal-MUSEUM, jew jekk tattendi f’xi għaqda oħra jew nursery, tinsa qatt li inti ‘missjunarju’ żgħir tal-ferħ.
Agħti l-kulur ����
������ � Fittex il-kelma
1
Sib il-Kelma
Ġesù qalilhom: “Ħalluhom it-tfal żgħar jiġu għandi; iżżommuhomx, għax ta’ min hu bħalhom hija s-Saltna ta’ Alla. Tassew ngħidilkom, li min is-Saltna ta’ Alla ma jilqagħhiex bħala tifel ċkejken ma jidħolx fiha.” Mk 10, 14-15
2
3
4
WEQFIN
1. X’għamel Ġesù lit-tfal li kienu ħdejh? 2. Fejn jidħol min jilqagħha bħat-tfal? MIMDUDIN
3. Ma’ min kien Ġesù f’din is-silta tal-Vanġelu? 4. Liema mill-evanġelisti kiteb dan ir-rakkont?
�� � Talba
Ikteb talba qasira għal xi ħadd li taħseb li jħossu ftit imdejjaq jew waħdu. Fi tmiem it-talba itlob lil Alla jgħinek biex tferraħ lil din il-pesuna.
Biex nifhem aħjar �����
Fil-Vanġelu tal-lum Ġesù jipprova juri lin-nies li mingħajr ma kienu jafu kienu qed jitbiegħdu mix-xewqa kbira ta’ Alla li l-familji jibqgħu magħqudin. Fi żmienu, kien hemm diversi rġiel li kienu jiddeċiedu li jħallu lil marthom u hekk jifirdu l-familja u jġibu fuqhom u fuq il-familja tagħhom ħafna tbatija u dwejjaq. Madankollu ma kinux qed jidunaw li t-tbatija kienu qed iġibuha fuqhom infushom. Għalhekk ipoġġi lit-tfal bħala eżempju biex jurihom kif isibu l-ferħ veru.
Veru je le? � ���
Ġesù kien jaqbel ma’ dak li kienu jgħidu l-fariżej. Vera / Falz Mosè ta l-permess li wieħed jagħmel il-kitba tad-divorzju. Vera / Falz Dan għamlu minħabba l-ebusija ta’ qalb il-Lhud. Vera / Falz
Ġesù jikkonkludi: “Mela dak li għaqqad Alla m’għandux jifirdu l-bniedem.” Vera / Falz Ġesù kellu bżonn jistrieħ u bagħat lit-tfal jilagħbu barra. Vera / Falz
Din il-Ġimgħa… ����
Ara ftit jekk tafx lil xi ħadd minn sħabek li jkun waħdu jew jidher imdejjaq u pprova għinu kif tista’. Ibda bi tbissima u stiednu jilgħab miegħek jew inkella oqgħod tkellem ftit miegħu. Itlob lil Alla biex jgħinek iġġib il-ferħ ma’ dawk kollha li tiltaqa’.
Aħbar Tajba hija inizjattiva tal-Media Centre flimkien mal-Fondazzjoni YOUTHEME u tiddependi mill-ħidma ta’ diversi voluntiera u benefatturi. Għandna bżonn ukoll ta’ ħafna talb biex din il-ħidma tħalli l-frott mixtieq. Min jixtieq jgħin, finanzjarjament, bit-talb jew b’xi ħidma oħra jista’ jibagħtilna fuq
info@sayitmalta.com Grazzi.
design • video production • animation • publishing • web
AĦBAR TAJBA hija pubblikazzjoni tal-Media Centre flimkien ma' SayIt Publications u YouTheme Foundation. Min jixtieq jagħti kontribuzzjoni finanzjarja jew jordna aktar kopji ta’ dan il-fuljett jista’ jibagħtilna email fuq info@sayitmalta.com jew iċempel fuq 2569 9100.
Promozzjoni ����
Issa tista’ tirreklama fuq
Aħbar Tajba Dan il-fuljett joħroġ kull ġimgħa u jitqassam fil-parroċċi kollha ta’ Malta u Għawdex. Ċemplilna fuq 2569 9100 jew ibgħatilna email fuq info@sayitmalta.com