Id-Disgħa u Għoxrin Ħadd tas-Sena | Il-Ħadd 18 ta’ Ottubru 2015
Is 53, 10-11 Salm 32 (33), 4-5.18-19.20.22 Lhud 4, 14-16 Mk 10, 35-45
“Bin il-Bniedem ma ġiex biex ikun moqdi, imma biex jaqdi u biex jagħti ħajtu b’fidwa għall-kotra.” Illum xtaqt li naħsbu fuq sentenza waħda mill-qari kollu tal-lum. “Bin il-Bniedem ma ġiex biex ikun moqdi imma biex jaqdi u biex jagħti ħajtu b’fidwa għall-kotra.” Naħseb din hi waħda mill-isbaħ sentenzi li nsibu fil-Bibbja għax fi ftit kliem tiġbor il-ħajja kollha ta’ Ġesù. Kull fejn kien ikun mhux talli ma kienx iġib ruħu li kien xi ħadd importanti, anzi kien jidher qisu l-qaddej ta’ kulħadd. Minn kull fejn kien jgħaddi kien jagħmel il-ġid. Issa immaġina li f’din is-sentenza flok ‘Bin il-Bniedem’ hemm ismek! X’taħseb? Nistħajjilkom tgħidu: “imma kif nista’ nkun ta’ servizz għall-oħrajn? Kif nista’ nagħmel il-ġid minn kull fejn ngħaddi?” Mistoqsijiet bħal dawn mhux faċli tweġibhom ħlief billi tagħmel l-almu tiegħek u toqgħod attent għal dawk ta’ madwarek. Meta nitgħallmu ninsew ftit
lilna nfusna u noqogħdu attenti għal dak li qed iħossu dawk ta’ madwarna, nibdew nindunaw li bi ftit sagrifiċċju nistgħu nagħmlu differenza. Kulħadd għandu l-mod tiegħu kif ikun ta’ servizz u ta’ għajnuna. L-agħar ħaġa hi jekk naqtgħu qalbna jew ngħidu li dan il-kliem mhux għalina u nispiċċaw ma nagħmlu xejn. Darba kien hemm tifel li l-ġenituri tiegħu bdew jinnutaw li dejjem kien qed jasal aktar tard wara l-iskola. Meta staqsewh għaliex, it-tifel ma ta l-ebda raġuni. Darba l-missier widdeb lit-tifel u avżah li jekk jerġa’ jasal tard wara l-ħin tal-ikel kien se jkollu jiekol biċċa ħobż għax mhux sew ommu toqgħod tinkwieta kif se żżommlu l-ikel sħun. Iżda l-għada t-tifel reġa’ wasal tard. Il-ġenituri żammew kelmthom u kif daħal isibhom jistennewh u għad li quddiemhom
kien hemm platt għaġin sħun u jfuħ, fil-post fejn is-soltu joqgħod kien hemm biss ‘sandwich’. Ħass qalbu nieżla. Il-ftehim kien jaf bih u fil-fond ta’ qalbu kien jaf li kellhom raġun. Kemxejn ma qabżulux id-dmugħ. Imma eżatt kif poġġa u kien se jaqbad il-ħobż, missieru għamel dak li qatt ma stenna. Qabad il-platt tat-tifel u ħadu għalih filwaqt li lilu tah il-platt ifuħ li kellu hu. Bi ftit sagrifiċċju l-missier irnexxielu jilħaq il-qalb ta’ ibnu. Fl-aħħar mill-aħħar dan hu li għamel Ġesù għalina meta sar bniedem u ħa fuqu l-iżbalji tagħna biex ma jkunux ta’ piż għalina. Ejja nżommu dan il-kliem ta’ Ġesù u nibdew bil-mod inkunu ta’ għajnuna għal ta’ madwarna. Nibdew mid-dar u nkomplu l-iskola u kull fejn inkunu. Ejjew inkunu t-tip ta’ ħbieb li nkunu dejjem hemm għal min hu fil-bżonn.
������ � Il-frażi moħbija Sib il-Kelma
Kull numru jirrapreżenta ittra. Qabbel in-numri mal-ittri biex tifforma kliem. Imbagħad, użahom biex tkompli dak li qal Ġesù.
Ċ Ġ O T F R GĦ M L D U V J P E 1 2 3 4 5 6 7 8 9 10 11 12 13 14 15
Z W Ħ IE Q A S X I Ż G N K H B
16 17 18 19 20 21 22 23 24 25 26 27 28 29 30 L-EWWEL KELMA:
8 - 24 - 27
IT-TIENI KELMA:
24 - 28 - 11- 27
IT-TIELET KELMA:
28 - 30 -24 - 6
IR-RABA’ KELMA:
13 - 28 - 11 - 27
IL-ĦAMES KELMA:
20 - 21- 10 - 10- 15 - 13
Ġesù qal: “ irid fostkom, għandu tagħkom.”
�� � Aħseb f’xi ħadd li taħseb li tista’ tgħinu din il-ġimgħa. Ikteb talba lill-Ġesù għal din il-persuna Talba
biex waqt li titlob għalih titolbu jgħinek issib mod kif tkun ta’ għajnuna għalih u għall-oħrajn.
Agħti l-kulur ����
Biex nifhem aħjar �����
Fil-Vanġelu tal-lum Ġesù jurina xi tfisser tkun mexxej tajjeb. Mhux li kulħadd jibża’ minnek jew inkella li tippretendi li kulħadd joqgħod għal kliemek imma li tkun xi ħadd li lest tagħmel kollox għal dawk li Alla fdalek f’idejk. Il-mexxej vera hu dak li bħal Ġesù lest li jħalli l-kumdità u jsir qaddej ta’ kulħadd.
���� Din il-Ġimgħa…
Oqgħod attent għall-bżonnijiet ta’ dawk ta’ madwarek u titlef l-ebda opportunità li tagħti daqqa t’id. Ibda mid-dar billi tgħin ftit fixxogħol tad-dar. Jekk tuża xi ħaġa ara li xħin tkun lest tpoġġiha lura f’postha. Jekk ma taqbilx ma’ xi ħadd fuq liema logħba se tilgħab jew inkella liema channel tat-TV se taraw, ċedi l-opinjoni tiegħek. Fi tmiem il-ġimgħa ara ftit jekk din il-ġimgħa kinitx esperjenza isbaħ milli ħsibt.
Veru je le? � ���
Ġwanni u Ġakbu talbu ’l Ġesù li jkunu mexxejja fis-Saltna l-ġdida tiegħu. Vera / Falz Ġesù jurihom li s-Saltna tiegħu mhix waħda tal-mexxejja u dawk li jiġu mmexxija. Vera / Falz
“ Bin il-Bniedem ma ġiex biex ikun moqdi, imma biex jaqdi u biex jagħti ħajtu b’fidwa għall-kotra.”
L-appostli l-oħra ħadu gost bilkliem ta’ Ġakbu u Ġwanni. Vera / Falz Il-mexxejja tad-dinja jieħdu gost ikunu qaddejja tal-oħrajn. Vera / Falz Ġesù jgħidilhom li se jurihom bil-fatti kif għandu jkun tassew mexxej. Vera / Falz
Aħbar Tajba hija inizjattiva tal-Media Centre flimkien mal-Fondazzjoni YOUTHEME u tiddependi mill-ħidma ta’ diversi voluntiera u benefatturi. Għandna bżonn ukoll ta’ ħafna talb biex din il-ħidma tħalli l-frott mixtieq. Min jixtieq jgħin, finanzjarjament, bit-talb jew b’xi ħidma oħra jista’ jibagħtilna fuq
info@sayitmalta.com Grazzi.
design • video production • animation • publishing • web
AĦBAR TAJBA hija pubblikazzjoni tal-Media Centre flimkien ma' SayIt Publications u YouTheme Foundation. Min jixtieq jagħti kontribuzzjoni finanzjarja jew jordna aktar kopji ta’ dan il-fuljett jista’ jibagħtilna email fuq info@sayitmalta.com jew iċempel fuq 2569 9100.
Promozzjoni ����
Issa tista’ tirreklama fuq
Aħbar Tajba Dan il-fuljett joħroġ kull ġimgħa u jitqassam fil-parroċċi kollha ta’ Malta u Għawdex. Ċemplilna fuq 2569 9100 jew ibgħatilna email fuq info@sayitmalta.com