Ħadd tas-Sena | Il-Ħadd 28 ta’ Ġunju 2015 �It-Tlettax-il ��������� �
Għerf 1, 13-15; 2, 23-24 Salm 29 (30), 2.4.5-6.11.12a.13b 2 Kor 8, 7.9.13-15 Mk 5, 21-43
Iżda Ġesù sema’ x’kienu qegħdin jgħidu, u qal lill-kap tas-sinagoga: “Tibżax, biss inti emmen.” Gilbert kien tifel fuq tiegħu, moħħu jilħaqlu, tajjeb fl-iskola u kapaċi fl-isport. Kien imur tajjeb ma’ kulħadd u fuq kollox ma kienx jippretendi li hu aħjar milloħrajn. Kien dak kollu li tixtieq issib fi sħabek. Imma l-istorja tiegħu tinbidel f’daqqa meta ta’ għaxar snin jindunaw li kellu marda serja. Kellu jitla’ aktar minn darba l-Ingilterra għall-kura u għallewwel beda jidher li l-agħar żmien kien għadda. Iżda aktar ma beda jgħaddi ż-żmien aktar bdew jindunaw li l-marda kienet daħlet ġmielha u ma tantx kien hemm x’jistgħu jagħmlu. Il-kura li kien qed jieħu bdiet tħalli effett, u għalkemm il-futbol dejjem baqa’ jħobbu, kulma seta’ jagħmel hu li jara lil sħabu jilagħbu fil-bitħa. Mhux l-ewwel
darba li dawn ftehmu biex flok joqogħdu jilagħbu jintefgħu ħdejh jitkellmu u jgħidu ċ-ċajt. Imma malli jinduna Gilbert kien jgħidilhom li kien gost tiegħu jarahom jilagħbu. Iżda l-aktar ħaġa li kienet tolqtok meta tiltaqa’ ma’ Gilbert kienet il-ferħ u l-paċi li kellu f’qalbu. Għalkemm il-marda kienet ħaditlu ħafna minn saħħtu, l-ispirtu tiegħu qisu sar aktar b’saħħtu. Sewwa jgħid il-Malti, li Alla jagħlaq bieb u jiftaħ mija. Il-marda, lil Gilbert, ġabitu aktar qrib ta’ Alla. Filgħodu kmieni kien jgħid lil missieru biex iwasslu għall-quddiesa tal-ewwel. Kien jitlob kuljum u qatt ma kien jitlef l-opportunità li jmur il-MUSEUM għax kien iħoss li dik il-laqgħa ta’ kuljum kienet tgħinu ħafna. Hemm, ħafna drabi, kont issibu maġenb il-bitħa jitkellem ma’ xi
tfal oħra, jgħaddilhom xi pariri u jwegħedhom li jitlob għalihom. Mhux l-ewwel darba li kont tisimgħu jgħid li jħossu ppreferut minn Alla! Il-marda ma kienx iħares lejha bħala xkiel iżda bħala opportunità biex jagħmel il-ġid. Sħabu jistqarru li qatt ma kienu daqshekk magħqudin daqs meta Gilbert kien ikun magħhom. Ilpreżenza tiegħu kienet biżżejjed biex tnissel spirtu ta’ paċi fil-post. San Pawl jikteb: “Jekk Alla hu magħna min jista’ jkun kontra tagħna?” Gilbert għaraf iħalli lil Alla jgħix fih u b’hekk rebaħ il-mumenti diffiċli li kellu, anzi fid-dgħufija tiegħu għaraf jibdel il-ħajja ta’ dawk ta’ madwaru. Min jaf x’nistgħu nagħmlu kull wieħed u waħda minna jekk inħallu lil Alla jkun tassew magħna f’dak kollu li ngħaddu minnu?
Agħti l-kulur �����
Minnufih it-tfajla qamet u qabdet timxi; għax kellha tnax-il sena. U baqgħu miblugħin bil-għaġeb.
������ � Sib id-differenzi
Qabbel dawn iż-żewġ stampi u ara ssibx id-differenzi. Fl-istampa ta’ taħt għandek issib tnax-il differenza, uħud differenzi kbar waqt li oħrajn trid tfittex ftit iktar. Pinġi ċirku madwar l-affarijiet differenti li hemm fit-tieni stampa.
Biex nifhem aħjar ���� �
Kollha kemm aħna ngħaddu minn esperjenza ibsin. F’dawn is-sitwazzjonijiet x’nagħmlu? Għand min infittxu l-għajnuna? Il-Vanġelu tal-lum jagħtina t-tweġiba. Ġajru, li kien bniedem importanti ħafna, ma joqgħodx jaħseb x’se jgħidu n-nies meta jarawh imur għand Ġesù, imma jmur dritt għandu għax kien jemmen li jista’ jgħin lil bintu tfieq. L-istess għamlet dik il-mara marida bit-tnixxija tad-demm. Din kienet temmen li anke jekk tmiss ħarira lbiesu kienet tfieq. It-tnejn rebħu għax fdaw f’Ġesù.
Din il-Ġimgħa… ����
Ftakar fil-morda. Forsi xi ħadd fil-klassi tiegħek jew xi ħadd jiġi minnek. Mur żurhom u fittalb tiegħek ftakar fihom.
Veru je le? ��� �
Ġajru kien bniedem imlaħħaq fis-Sinagoga. Vera / Falz
Minnufih it-tfajla qamet u qabdet timxi; għax kellha tnax-il sena. U baqgħu miblugħin bil-għaġeb.
Il-mara ta’ Ġajru kienet marida għall-mewt. Vera / Falz Il-mara marida, bit-tnixxija taddemm, niżlet għarkubbtejha u talbitu jfejjaqha. Vera / Falz In-nies bdew jiddieħqu b’Ġesù għax qalilhom li t-tifla ma kinitx mejta imma rieqda. Vera / Falz Ġesù qalilhom biex imorru jgħidu lil kulħadd dak li kien għamel. Vera / Falz Promozzjoni ����
Issa tista’ tirreklama fuq
Aħbar Tajba Dan il-fuljett joħroġ kull ġimgħa u jitqassam fil-parroċċi kollha ta’ Malta u Għawdex. Ċemplilna fuq 2569 9100 jew ibgħatilna email fuq info@sayitmalta.com
Aħbar Tajba hija inizjattiva tal-Media Centre flimkien mal-Fondazzjoni YOUTHEME u tiddependi mill-ħidma ta’ diversi voluntiera u benefatturi. Għandna bżonn ukoll ta’ ħafna talb biex din il-ħidma tħalli l-frott mixtieq. Min jixtieq jgħin, finanzjarjament, bit-talb jew b’xi ħidma oħra jista’ jibagħtilna fuq
ahbartajba@youtheme.eu Grazzi.
ordnah online fuq www.sayitmalta.com
€20
Tista’ tordnah bil-posta billi tibgħat ċekk lil Say It Publications, Say It Fairtrade Shop, 32, Tarxien Road, Paola
AĦBAR TAJBA hija pubblikazzjoni tal-Media Centre flimkien ma' SayIt Publications u YouTheme Foundation. Min jixtieq jagħti kontribuzzjoni finanzjarja jew jordna aktar kopji ta’ dan il-fuljett jista’ jibagħtilna email fuq info@sayitmalta.com jew iċempel fuq 2569 9100.