hollusta
Birgitta Líf Björnsdóttir
Gott form er að vera í góðu jafnvægi Birgitta Líf er markaðs- og samfélagsmiðlastjóri hjá World Class og Laugum Spa, eigandi skemmtistaðarins Bankastræti, íþróttakona og áhrifavaldur. Hún er dugleg að sýna frá æfingum og heilbrigðum lífsstíl á samfélagsmiðlum en fjölbreyttar æfingar eru hennar helstu áhugamál. Hver er þín uppskrift að góðum degi? Góður dagur inniheldur án nokkurs vafa æfingu eða hreyfingu af einhverju tagi. Ég fann vel fyrir því í sumar þegar æfingar voru á hliðarlínunni vegna anna við önnur verkefni hvað ég saknaði þess að komast aftur í góða æfingarútínu. Í minni uppskrift að góðum degi er æfing, vinna, samvera með fjölskyldu og vinum og auðvitað góður matur. Hvað gerir þú til að halda þér í góðu formi? Fyrir mér er gott form að vera í góðu jafnvægi bæði andlega og líkamlega. Til að halda því reyni ég að skipuleggja mig vel, næra mig vel, gefa mér tíma fyrir æfingar jafnt sem slökun og „self-care“ og er dugleg að efla tengslin við fólkið mitt. Hvernig er æfingarútínan þín og hvenær/hvernig finnst þér best að æfa? Ég æfi á mismunandi tímum og á frekar auðvelt með að aðlaga æfingatímann að dagskránni minni hverju sinni. Mér finnst skipta rosalega miklu máli að æfa með vinkonum mínum en þær hafa einnig allar mjög fjölbreytta dagskrá og við reynum að skipuleggja okkur til að komast sem oftast saman á æfingar. 42
Ég æfi WorldFit flesta daga vikunnar og reyni að mæta allavega einu sinni í viku á morgunæfingu fyrir vinnu því það er svo gott að eiga „frí“ um eftirmiðdaginn – en á móti kemur að ég er ekki mikil morgunmanneskja svo morgunæfingar eru ekki fastur liður. Flesta daga fer ég á æfingu beint eftir vinnu en það kemur einnig fyrir að ég hoppi í hádegishléinu. Auk WorldFit mæti ég í opna tíma í World Class þar sem HotFit í infrared-sal er í uppáhaldi en mér finnst líka gott að fara stundum ein á cardio-tækin með góða tónlist eða „podcast“ í eyrunum. Svo kemur fyrir að ég detti inn í danstíma á kvöldin hjá DWC. Það var eitt af markmiðum mínum þetta árið að leggja rækt við dansáhugamálið en ég æfði dans frá þriggja ára aldri. Hver er þín uppáhaldsfæða/fæðutegundir? Ég er stoltur pasta-„lover“. Annars er ég mikill matgæðingur og reyni að borða fjölbreytta fæðu. Hvaða vörur eru í uppáhaldi hjá þér á Heilsudögum Nettó? MUNA vörurnar eru allar frábærar og í miklu úrvali. Það er tilvalið að birgja sig upp af höfrum, fræjum, hnetusmjöri, hunangi og fleiri „nauðsynjavörum“ til að eiga inni í skáp. Hvað myndir þú ráðleggja þeim sem vilja koma sér upp góðri rútínu hvað varðar líkamlegt og andlegt heilbrigði; hvert er fyrsta skrefið í átt að bættum lífsstíl? Skipulag, markmið og eitt skref í einu. Þú þarft að finna út hvert þitt persónulega markmið er og gera raunhæft plan til að vinna að því. Ef það er t.d. að byrja að mæta á æfingar þá væri fyrsta skrefið fyrir mig að finna út hvaða æfingar/tíma mig langar að fara í, skrá mig í tíma og mæta á staðinn. Út frá því verður auðveldara að mæta næst og svo styður þetta við hvort annað, andlegt og líkamlegt heilbrigði. Ég get staðhæft að ég hef aldrei séð eftir að mæta á æfingu þrátt fyrir að hafa þurft að hafa mikið fyrir því að koma mér af stað. Manni líður betur eftir á, sérstaklega andlega. Átt þú þér uppáhaldsuppskrift að hollum rétti sem þú vilt deila með lesendum? Græni heilsudrykkurinn sem er á matseðli í Laugum Café er minn „go to“ þegar ég vil fá mér eitthvað sérstaklega hollt og gott. Ég bæti vanillupróteini við sem gerir hann extra sætan og kremaðan.
Heilsudrykkur Dísu 100 g frosið mangó 50 g spínat 20 g engiferrót 20 g sellerí 230 ml pressuð epli 30 g kollagenduft 30 g vanilluprótein Allt nema próteinið sett í blandara og þeytt saman. Próteini bætt við í lokin og hrært stutt.
