Nylvallei-Arabies

Die woord Egipte kom van Latyn Aegyptus, via Grieks Aigyptos, uit die Ou Egiptiese E-Ka-Ptah “die huis van die gees van Ptah”. Egiptiese Arabies, Masri (ىرصم) is die eerste taal van sowat 68 miljoen Egiptenare. Dis eintlik die dialek van Kaïro, en word regoor die Nyldelta gepraat in verskeie subdialekt e. Die ander dialekgroep is Ṣa ʽīdi (ىديعص) wat van Giza tot by Nubiё gepraat word. Masri (ىرصم) word oor die hele Arabiese wêreld verstaan danksy die Egiptiese media en die uitsaaibedryf. Boonop woon studente uit die Arabiese wêreld Egiptiese universiteite en kolleges by.

Die Arabiese dialekte van Egipte is deur Kopties – die laaste fase van Egipties – beïnvloed, in die leksikon, fonologie en sintaks. Kopties is nog tot die 17de eeu gepraat toe dit eindelik deur Arabies vervang is.

Fonologies verskil Masri van die skryftaal, Klassieke Arabies, as volg:  Vyf vokale /a, e, i, o, u/ teenoor die drie van Klassieke Arabies /a, u, i/  Die [q] – ‘n k wat agter in die keel artikuleer word, word as stembandklapper uitgespreek  Die Klassieke [dž] van Jamal word ‘n [g] in Masri  Die interdentale konsonante /θ ð ðˤ/ word /t d dˤ/ of /s z zˤ/ in Egiptiese Arabies. Opper Egiptiese of Ṣa ʽīdi Arabies (ىديعص) is ‘n vorm van gesproke Arabies met sowat 25 miljoen sprekers wat van Nubiё in die suide tot naby die begin van die Nyldelta gepraat word. Ṣa ʽīdi se onderskeidende kenmerk is dat die bovermelde [q] as [g] en die bovermelde [dž] soos in Klassieke Arabies uitgespreek word.

Soedanese Arabies van die Nylvallei is verwant aan Egiptiese Ṣa

ʽīdi Arabies, en is beïnvloed deur Dongolawi Nobiin. Die /q/ word as ‘n [ɢ] uitgespreek, en die [u] van Klassieke Arabies word as [o] uitgespreek.