puisi-puisi sisia smpn 1 ubud

Manik Sudra

Deo Anandaputra Guru Rupaka

Guru Rupaka Ento tuah rerama iraga di jumah Ento tuah pinakné mémé lan bapa Ento sané patut iraga hormatin

Guru Rupaka Sang sané ngaénang iraga idup di guminé Sang sira sané miara iraga nganti kelih Sang sané nyayangang lan ngarawat iraga uli lekad nganti kelih

Eda nganti nyakitan rerama Krana ento sané ngaryanin iraga Nemu sengkala tur neraka I raga patut subakti tekén mémé lan bapa Nika guru i raga di jumah

Cokorda Gedé Yogiswara Nanda Arimbawa Pakéling

Guminé suba wayah Kadirasa berag nandang layah Makejang pada ngéndah

Suba liu jani benyah Pegat tan pakah Kahyun ba goyah Énggal suba serah

Élingang jadma corah Kramané tan salah

Anggén pawarah Minab sampun Lali ring natah

Gusti ayu tiwi cahyani Sekolah

Kruyuk-kruyuk munyin siapé Tekak-tekok munyin penginané Matanda jagat sampun semeng Sang hayang surya nyunarin jagat sami Kedis-kedis sané mangunci Sarasa nundun tiang uli ngipi Tiang matangi, ngalantas masiram Taler nyiapang buku pelajahan Dina sané mangkin Tiang jagi ngeranjing ka sekolah Apang polih kaweruhan Nénten lali

Mapamit saking guru rupaka Apang iraga selamat rahayu