ﺍﯙﺗﻮﺭﻯ :ﺷﻪﺭﻗﺎﻥ ﻣﯘﺭﺗﺎﺯﺍ.. ﻣﺎﻣﯩﺮ ﺍﻳﻰ ﺍﻳﺎﻗﺘﺎﻟﯩﭗ ،ﻣﺎﯞ-ﺳﯩﻢ ﺍﻳﻰ ﺑﺎﺳﺘﺎ-ﻻﺭ ﺗﯘﺳﺘﺎﻋﻰ ﺟﻪﻛﺴﻪﻧﺒﻰ >ﻣﺎﻟﺸﯩﻼﺭ ﻛﯘﻧﻰ< ﺩﻩﭖ ﻗﺎﯞﻟﻰ ﻗﺎ-ﺑﯩﻠﺪﺍﻧﻌﺎﻟﻰ ﺑﯘﻝ ﻛﯘﻧﺪﻯ ﻣﺎﻟﺸﯩﻼﺭ ﻗﺎﯞﯨﻤﻰ ،ﺍﺳﯩﺮﻩﺳﻪ ﺷﻮﭘﺎﻧﺪﺍﺭ ﺍﺳﯩﻌﺎ ﻛﯘﺗﻪﺩﻯ . ﺍﻗﯩﺮﻯ ﺳﺎﻋﯩﻨﺪﯨﺮﯨﭗ ،ﺍﯕﺴﺎﺗﯩﭗ ﺑﺎﺭﯨﭗ ﺳﻮﻝ ﻛﯘﻥ ﺩﻩ ﻛﻪﻟﺪﻯ-ﺍﯞ . ﺀﺗﺎﯕﯩﺮﺗﺎﯞﺩﯨﯔ ﺍﺭﺷﺎﻟﻰ ﺍﺗﺘﻰ ﺑﺎﯞ-ﺭﺍﻳﻰ ﺍﺩﺍﻡ ﺗﺎﻧﯩﻤﺎﺳﺘﺎﻱ ﻭﺯﮔﻪﺭﺩﻯ .ﺳﯩﺮﺗﯩﻦ ﺍﻕ ﻣﺎﺗﺎﻣﻪﻥ ﻗﺎﭘﺘﺎﻋﺎﻥ ﻛﻴﯩﺰ ﯗﻳﻠﻪﺭ ﺟﺎﯕﺎ ﺗﯘﺳﻜﻪﻥ ﻛﻪﻟﯩﻨﺸﻪﻛﺘﻪﺭﺩﻩﻱ ﺀﺗﯩﺰﯨﻠﯩﭗ ،ﺍﻟﯩﺴﺘﺎﻥ ﺍﻕ ﺷﺎﯕﻘﺎﻥ ﺑﻮﻟﯩﭗ ﻛﻮﺭﯨﻨﻪﺩﻯ . ﻗﯩﺰﯨﻠﺪﻯ-ﺟﺎﺳﯩﻠﺪﻯ ﺟﺎﻻﯞﻻﺭ ...ﺀﺍﻥ ﺳﺎﻟﻌﺎﻥ ﺭﺍﺩﻳﻮ ...ﺍﻕ ﯗﻳﻠﻪﺭ ﺳﯩﺮ-ﺗﯩﻨﺪﺍ ﺍﯞﯨﻠﺪﻯ ﻗﻮﺭﺷﺎﻋﺎﻥ ﺍﯙﺗﻮﺀﻣﺎﺷﻴﻨﻪﻟﻪﺭ... ﺀﺗﯘﺗﯩﻨﻰ ﺗﯟﻻﭖ ﯗﺷﻘﺎﻥ ﺟﻪﺭ ﻭﺷﺎﻗﺘﺎﺭ ...ﺳﻮﻳﯩﻠﻌﺎﻥ ﻣﺎﻟﺪﯨﯔ ﻗﺎﻥ-ﺟﯩﻨﯩﻨﺎ ﺗﻮﻳﻌﺎﻥ ﻣﺎﯓ ﺗﻮﺑﻪﺗﺘﻪﺭ... ﺷﯩﺮﻛﯩﻦ ،ﺑﻴﯩﻠﻌﻰ ﻛﻮﻛﺘﯩﯔ ﯨﺮﻋﯩﻨﻰ-ﺍﻱ .ﺗﺎﯞﺩﯨﯔ ﺗﺎﺭﻋﯩﻞ ﺗﺎﺳﯩﻨﺎ ﺩﻩﻳﯩﻦ ﮔﯘﻟﺪﻩﭖ ﻛﻪﺗﻜﻪﻥ ﺀﺗﺎﺭﯨﺰﺩﻯ، ﺍﺭﺍﺳﯩﻨﺪﺍ ﺟﯘﺭﮔﻪﻥ ﻣﺎﻝ ﻛﻮﺭﯨﻨﺒﻪﺱ ﺷﺎﺑﯩﻨﺪﯨﻖ . ﺑﺎﻳﺎﻋﯩﻨﯩﯔ ﺍﻗﯩﻨﻰ> :ﺟﺎﺗﯩﭗ ﻗﺎﻟﻌﺎﻥ ﺀﺑﯩﺮ ﻗﻮﺯﻯ ﺟﺎﻳﯩﻠﯩﭗ ﻣﯩﯔ ﻗﻮﻱ ﺑﻮﻟﻌﺎﻥ ﺟﻪﺭ< ،ﺩﻩﺭ ﻩﺩﻯ ﻣﯘﻧﺪﺍﻱ ﺟﺎﺯﺩﻯ .
>ﻗﻮﺯﻯ< ﺩﻩﻣﻪﻛﺸﻰ ،ﺑﺎﺳﺘﻰ ﺍﯕﮕﯩﻤﻪ ﺗﻮﻱ ﺩﺍ ﻩﻣﻪﺱ ،ﻭﺳﻰ ﻗﻮﺯﻯ ﺗﯟﺭﺍﻟﻰ ﺑﻮﻻﻳﯩﻦ ﺩﻩﭖ ﺗﯘﺭ . ﻭﺳﯩﺪﺍﻥ ﺑﯩﺮﻧﻪﺷﻪ ﺟﯩﻞ ﺑﯘﺭﯨﻦ ﺳﻮﻝ ﻛﻪﺯﺩﻩﮔﻰ ﭘﺎﺗﺸﺎ ﺣﺮﯞﺷﺸﻪﯙ ﻛﻪﻟﮕﻪﻧﺪﻩ ،ﺀﺑﯩﺰﺩﯨﯔ ﺑﻪﻟﺴﻪﻧﺪﯨﻠﻪﺭ ﻭﻋﺎﻥ ﺗﯘﻟﭙﺎﺭ ﻣﯩﻨﮕﯩﺰﯞﺩﯨﯔ ﻭﺭﻧﯩﻨﺎ ،ﺍﻕ ﻗﻮﺯﻯ ﺳﯩﻴﻼﻋﺎﻥ . ﻛﯩﻤﻨﯩﯔ ﻳﺪﻩﻳﺎﺳﻰ ﻩﻛﻪﻧﻰ ﺑﻪﻟﮕﯩﺴﯩﺰ ،ﺍﻳﺘﻪﯞﯨﺮ ﺍﻕ ﻗﻮﺯﻯ ﺗﺎﺑﯩﻠﺪﻯ .ﻭﻝ ﺑﻪﻳﻜﯘﻧﺎ ﺑﻪﻳﺸﺎﺭﺍ ﭘﺎﺗﺸﺎﯕﺪﻯ ﻗﺎﻳﺪﺍﻥ ﺀﺑﯩﻠﺴﯩﻦ ،ﭘﺎﺗﺸﺎ ﻭﻧﻰ ﻗﻮﻟﯩﻨﺎ ﺍﻻ ﺑﻪﺭﮔﻪﻧﺪﻩ ﻗﯘ-ﻣﺎ-ﻻﻗﺘﺎﭖ ﺟﯩﺒﻪﺭﺳﻪ ﻣﺎﺳﻘﺎﺭﺍ ﻋﻮﻱ .ﺳﻮﻧﺪﯨﻘﺘﺎﻥ ﻣﺎﻝ ﺩﻭﻛﺘﻮﺭﻻﺭﻯ ﺍﻕ ﻗﻮﺯﯨﻨﯩﯔ ﺀﯨﺸﯩﻦ ﻛﻠﻴﺰﻣﺎﻣﻪﻥ ﺍﺑﺪﻩﻥ ﺗﺎﺯﺍﻻﻋﺎﻥ . ﻣﯩﻨﺎ ﺑﻴﯩﻠﻌﻰ ﺗﻮﻳﺪﯨﯔ ﻳﻪﻟﻪﺭﻯ ﺯﺍﻣﺎﻧﯩﻨﺪﺍ ﺳﻮﻝ ﺣﺮﯞﺷﺸﻪﯙﺗﯩﯔ ﺍﻕ ﻗﻮﺯﯨﻨﻰ ﻛﻮﺗﻪﺭﮔﻪﻧﯩﻦ ﻛﻮﺭﮔﻪﻥ . ﺑﯘﻝ ﻛﻪﺯﺩﻩ ﺣﺮﯞﺷﺸﻪﯙ ﺟﻮﻕ .ﺀﺑﯩﺮﺍﻕ ﺍﯞﺩﺍﻥ ﺑﺎﺳﺸﯩﻼﺭﻯ ﺀﯗﺷﯩﻦ ﺣﺮﯞﺷﺸﻪﯙﺗﻪﻥ ﻛﻪﻡ ﻩﻣﻪﺱ ،ﻭﺑﻠﯩﺲ ﺍﻛﯩﻤﯩﻨﯩﯔ ﻣﺎﻝ ﺷﺎ-ﺭﯞﺍﺷﯩﻠﯩﻌﻰ ﺳﺎﻻﺳﯩﻨﺪﺍﻋﻰ ﻭﺭﯨﻨﺒﺎ-ﺳﺎﺭﻯ ﺳﺎﺯﺍﻧﺒﺎﻳﻪﯙ ﻣﯩﺮﺯﺍ ﻭﺳﻰ ﺗﻮﻳﻌﺎ ﺍﺩﻩﻳﻰ ﺍﺭﻧﺎﭖ ﻛﻪﻟﯩﭗ، ﭘﺮﻩﺯﻳﺪﻳﯟﻣﺪﺍ ﻗﺎﺳﻘﺎﻳﯩﭗ ﻭﺗﯩﺮ ﻩﻣﻪﺱ ﭘﻪ؟! ﺍﯞﺩﺍﻥ ﺑﺎﺳﺸﯩﻼﺭﻯ ،ﻭﺑﺎﻟﻰ ﻧﻪ ﻛﻪ-ﺭﻩﻙ ،ﺍﻕ ﻗﻮﺯﯨﻨﻰ ﺗﺎﯕﺪﺍﯞﯨﻦ ﺗﺎﯕﺪﺍﭘﺘﻰ-ﺍﯞ ،ﺀﯗﺳﺘﻰ-ﺑﺎﺳﯩﻦ ﺳﺎﺑﯩﻨﺪﺍﭖ ﺟﯟﻋﯩﺰﯨﭗ، ﺍﺭﺷﯩﻌﺎﻥ ﺟﺎﯞﻗﺎﺯﯨﻨﺪﺍﻱ ﻩﺗﯩﭗ-ﺍﻕ ﻗﻮﻳﻌﺎﻥ ﻩﻛﻪﻥ . ﺍﯞﺩﺍﻥ ﺍﻛﯩﻤﻰ ﺀﺗﺎﭖ-ﺗﺎﯞﯨﺮ ﺑﺎﻳﺎﻧﺪﺍﻣﺎ ﺟﺎﺳﺎﭖ ،ﺟﻴﻨﺎﻟﻌﺎﻥ ﺣﺎﻟﯩﻖ ﺷﺎﺗﯩﺮﻻﺗﺎ ﻗﻮﻝ ﺳﻮﻗﻘﺎﻧﻨﺎﻥ ﻛﻪﻳﯩﻦ ،ﺀﺳﻮﺯ ﻭﺑﻠﯩﺲ
ﺍﻛﯩﻤﯩﻨﯩﯔ ﻭﺭﯨﻨﺒﺎﺳﺎﺭﻯ ﺳﺎﺯﺍﻧﺒﺎﻳﻪﯙ ﻣﯩﺮ-ﺯﺍ-ﻋﺎ ﺑﻪﺭﯨﻠﺪﻯ . ﺳﻮﯕﯩﻨﺎﻥ ﻭﺯﺍﺕ ﻣﺎﻟﺸﯩﻼﺭ ﺀﺳﻮﺯ ﺍﻟﺪﻯ . ﻩﻧﺪﯨﮕﻰ ﻛﻪﺯﻩﻛﺘﻪ ﺳﻮﻝ ﻭﺯﺍﺗﺘﺎﺭﺩﻯ ﻣﺎ-ﺭﺍ--ﭘﺎﺗﺘﺎﯞ ،ﺳﯩﻴﻠﯩﻖ ﺗﺎﭘﺴﯩﺮﯞ ﺀﺭﺍﺳﯩﻤﻰ ﺑﺎﺳﺘﺎﻟﺪﻯ . ﺍﯞﺩﺍﻥ ﺍﻛﯩﻤﻰ ﺟﺎﭘﺴﺎﺭﺑﺎﻳﻪﯙ ﻭﺑﻠﯩﺴﺘﺎﻥ ﻛﻪﻟﮕﻪﻥ ﺳﺎﺯﺍﻧﺒﺎﻳﻪﯙ ﻣﯩﺮﺯﺍﻋﺎ ﻩﻟﺪﻩﻥ ﻩﺭﻩﻛﺸﻪ ﯨﻘﯩﻼﺱ ﺗﺎﻧﯩﺘﯩﭗ ،ﺀﺩﯗﻳﯩﻢ ﺟﯘﺭﺗﺘﻰ ﺗﺎﯓ ﻗﺎﻟﺪﯨﺮﯨﭗ ،ﺗﯩﺮﯨﺪﻩﻱ ﺍﻕ ﻗﻮﺯﻯ ﺳﯩﻴﻼﺩﻯ . ﻣﯘﻧﺪﺍﻳﺪﻯ ﻛﻮﺭﻣﻪﮔﻪﻥ ﺍﯞﯨﻞ ﺍﺩﺍﻣﺪﺍﺭﻯ ﺩﯗﺭﻛﯩﺮﻩﺗﻪ ﻗﻮﻝ ﺳﻮﻋﯩﭗ ،ﻭﺭﻛﻪﺳﺘﺮ ﻗﯘﺗﺘﯩﻘﺘﺎﯞ ﻣﺎﺭﺷﯩﻦ ﮔﯘﺭﺱ ﻩﺗﻜﯩﺰﮔﻪﻧﺪﻩ ﻗﻮﺯﻯ ﺑﺎﻳﻌﯘﺱ ﺳﺎﺯﺍﻧﺒﺎﻳﻪﯙﺗﯩﯔ ﯗﺳﺘﯩﻨﻪ ﻗﯘﻣﺎﻻﻕ ﺗﺎﺳﺘﺎﭖ ،ﺀﺳﻴﯩﭗ-ﺀﺳﻴﯩﭗ ﺟﯩﺒﻪﺭﮔﻪﻧﻰ-ﺍﻱ… ﻗﺎﻟﯩﯔ ﺀﻧﻮﭘﯩﺮ ﻗﯩﺮﺍﻥ ﻛﯘﻟﻜﻰ .ﺍﻧﺎﯞ-ﻣﯩﻨﺎﯞ ﻛﻮﻧﺘﺴﻪﺭﺗﯩﯖﻨﻪﻥ ﻭﺳﻰ ﻛﻮﺭﯨﻨﯩﺲ ﻣﯩﻘﺘﻰ ﺀﻧﻮﻣﯩﺮ ﺑﻮﻟﯩﭗ ﺷﯩﻘﺘﻰ! ﻭﺑﻠﯩﺲ ﺑﺎﺳﺸﯩﺴﻰ ﺳﺎﺑﯩﺮﻟﻰ ﻛﯩﺴﻰ ﻩﻛﻪﻥ ،ﻣﻴﻜﺮﻭﻓﻮﻧﺪﻯ ﻗﻮﻟﯩﻨﺎ ﺍﻟﯩﭗ: – ﺑﻪﺭﻩﻛﻪ ،ﺑﺎﻳﻠﯩﻖ ،ﻣﻮﻟﺸﯩﻠﯩﻖ ﺑﻮﻻﺩﻯ! – ﺩﻩﮔﻪﻧﺪﻩ ﺍﻟﮕﻰ ﻛﯘﻟﻪﻛﻪﺵ ﺀﻧﻮ-ﭘﯩﺮ ﻗﺎﻳﺘﺎﺩﺍﻥ ﺩﯗﺭﯨﻠﺪﻩﺗﻪ ﻗﻮﻝ ﺳﻮﻗﺘﻰ . ﻗﯩﺮﺍﻥ ﻛﯘﻟﻜﻰ ﻛﻮﭘﻜﻪ ﺩﻩﻳﯩﻦ ﺗﯩﻴﯩﻠﻤﺎﺩﻯ .ﺀﺑﺎﺭﯨﺒﯩﺮ ﻛﯘﻟﻜﻰ ﺗﯩﻴﯩﻠﻌﺎﻧﻤﻪﻥ ،ﮔﯟ-ﮔﯟ ﺍﯕﮕﯩﻤﻪﮔﻪ ﯗﻻﺳﺘﻰ: – ﺑﺎﻳﺎﻋﯩﺪﺍ ﺍﻟﻤﺎﺗﯩﻌﺎ ﺣﺮﯞﺷﺸﻪﯙ ﻛﻪﻟﮕﻪﻧﺪﻩ ﻭﺳﻰ ﺍﻟﮕﻰ ﻭﭘﻪﺭﺍ ﺗﻪﺍﺗﺮﯨﻨﺪﺍ ﺳﻮﻝ ﻛﻮﺳﻪﻣﮕﻪ ﻭﺳﯩﻨﺪﺍﻱ ﻗﻮﺯﻯ
ﺳﯩﻴﻼﻋﺎﻥ – ،ﺩﻩﺩﻯ ﺑﯩﺮﻩﯞ . – ﺍﭘﯩﺮ-ﺍﻱ ،ﺳﻮﻧﺪﺍ ﺳﻮﻝ ﺣﺮﯞﺷﺸﻪﯙ >ﺑﯘﻻﺭﯨﯔ ﻧﻪ؟< ﺩﻩﭖ ﺍﺷﯟﻻﻧﻌﺎﻥ ﺟﻮﻕ ﻩﻱ! – ﺩﻩﺩﻯ ﻩﻛﯩﻨﺸﻰ ﺑﯩﺮﻩﯞ . – ﺀﺑﯩﺮﺍﻕ ﻭﻧﺪﺍﻋﻰ ﺍﻕ ﻗﻮﺯﻯ ﻣﯩﻨﺎ ﺍﻕ ﻗﻮﺯﻯ ﺳﻴﻴﺎﻗﺘﻰ ﺀﺗﺎﺭﺗﯩﭙﺴﯩﺰ ﺑﻮﻟﻌﺎﻥ ﺟﻮﻕ ﻗﻮﻱ! ﻣﯩﻨﺎﻧﺪﺍﻱ ﻣﺎﺳﻘﺎﺭﺍ ﺑﻮﻟﺴﯩﻨﺸﻰ ،ﻧﻪ ﺑﻮﻻﺭ ﻩﻛﻪﻥ؟ – ﺩﻩﺩﻯ ﺀﯗﺷﯩﻨﺸﻰ ﺑﯩﺮﻩﯞ . – ﻩ ،ﻭﻝ ﻗﻮﺯﻯ ﺍﺑﺪﻩﻥ >ﻭﺑﺮﺍﺑﻮﺗﻜﺎ-ﺩﺍﻥ< ﻭﺗﻜﻪﻥ ﻋﻮﻱ :ﻭﻋﺎﻥ >ﻛﻠﻴﺰﻣﺎ< ﺟﺎﺳﺎﭖ ،ﺍﺑﺪﻩﻥ ﺩﺍﻳﯩﻨﺪﺍﻋﺎﻥ .ﻣﯩﻨﺎﻻﺭ ﺳﻴﻴﺎﻗﺘﻰ ﺍﻗﯩﻤﺎﻕ ﻩﻣﻪﺱ-ﺗﻪ . – ﺀﺍﻱ ،ﻗﻮﻳﯩﯖﺪﺍﺭ ،ﺟﺎﭘﺴﺎﺭﺑﺎﻳﻪﯙ ﻩﺳﺘﯩﺴﻪ ﯗﻳﺎﺕ ﺑﻮﻻﺩﻯ . – ﻩ ،ﺑﻮﻻﺭﻯ ﺑﻮﻟﺪﻯ ،ﺑﻮﻳﺎﯞﻯ ﺀﺳﯩﯖﺪﻯ .ﻩﻧﺪﻯ ﺍﻟﮕﻰ ﺍﻕ ﻗﻮﺯﻯ ﻗﯟﯨﺮﺩﺍﻕ ﺑﻮﻻﺗﯩﻦ ﺷﯩﻌﺎﺭ . – ﺗﯩﺸﻘﺎﻕ ﻗﻮﺯﯨﻨﯩﯔ ﻩﺗﯩﻦ ﺟﻪﯞﮔﻪ ﺗﺎﺑﻪﺗﻰ ﺷﺎﭘﭙﺎﻳﺘﯩﻦ ﺩﺍ ﺑﻮﻻﺭ . – ﻗﻮﻳﯩﯖﺪﺍﺭ ﻗﯩﺴﯩﺮ ﺍﯕﮕﯩﻤﻪﻧﻰ… ﺳﻮﺩﺍﻥ ﻛﻪﻳﯩﻦ ﺷﯩﻨﯩﻨﺪﺍ ﺩﺍ ﻗﯩﺴﯩﺮ ﺍﯕﮕﯩﻤﻪ ﺗﯩﻴﯩﻠﯩﭗ، ﻗﺎﻟﯩﯔ ﺀﻧﻮﭘﯩﺮ ﺟﺎﻥ-ﺟﺎﻗﻘﺎ ﯨﺪﯨﺮﺍﻱ ﺑﺎﺳﺘﺎﺩﻯ .ﺑﯩﺮﻩﯞﻟﻪﺭ ﭘﺎﻟﯟﺍﻧﺪﺍﺭ ﻛﯘﺭﻩﺳﯩﻦ ﺗﺎﻣﺎﺷﺎﻻﭖ ،ﺀﺑﯩﺮ-ﺳﯩﭙﯩﺮﺍﺳﻰ ﺍﺕ ﺟﺎﺭﯨﺴﯩﻦ ﻗﯩﺰﯨﻘﺘﺎﭖ ،ﺟﺎﻧﻜﯘﻳﻪﺭﻟﻪﺭ ﺍﻳﻘﺎﻱ-ﺷﯟ . ﻛﻮﮔﻰ ﺗﺎﭘﺘﺎﻟﻌﺎﻥ ﺍﻻﯕﻘﺎﻳﺪﺍ ﺍﺳﻜﻪﺭ-ﺷﻪ ﻛﻴﯩﻨﮕﻪﻧﺪﻩﺭ ﺀﺗﯘﺭﻟﻰ-ﺀﺗﯘﺳﺘﻰ ﺷﺎﺭﻋﺎ ﺟﻪﻝ ﺗﻮﻟﺘﯩﺮﯨﭗ ﺟﺎﺗﯩﺮ . ﭘﯩﺴﻜﯩﻠﻪﯞﺩﻩﻥ ﻗﺎﺭﻧﻰ ﻗﺎﻣﭙﻴﯩﭗ ﻗﺎﻟﻌﺎﻥ ﺀﺗﯘﺭﻟﻰ-ﺀﺗﯘﺳﺘﻰ
ﺟﯩﺒﻪﻙ ﺷﺎﺭ ﺟﺎﺭﯨﺴﻘﺎ ﺟﯘﻟﻘﯩﻨﻌﺎﻥ ﺟﯘﻳﺮﯨﻜﺘﻪﺭ-ﺷﻪ ﺗﯩﭙﯩﺮﺷﯩﭗ ،ﺍﺭﻯ-ﺑﻪﺭﻯ ﺍﯞﻧﺎﻗﺸﻴﺪﻯ . ﺀﺩﺍﻝ ﻭﺳﻰ ﻛﻪﺯﺩﻩ ﺟﺎﭘﺴﺎﺭﺑﺎﻳﻪﯙﺗﯩﯔ ﻛﻮﻣﻪﻛﺸﯩﺴﻰ ﺍﻟﮕﻰ ﺗﯩﺸﻘﺎﻕ ﺍﻕ ﻗﻮﺯﯨﻨﻰ ﻗﯘﺷﺎﻗﺘﺎﭖ ،ﺍﻟﻘﯩﻦ-ﺟﯘﻟﻘﯩﻦ ﺟﻪﺗﯩﭗ ﻛﻪﻟﺴﯩﻦ . ﺍﺩﻩﺗﺘﻪ ﺍﺩﺍﻡ ﻭﺗﯩﺮﺍﺗﯩﻦ ﻗﻮﺭﺍﭘﻘﺎ ﺍﻕ ﻗﻮﺯﯨﻨﻰ ﺗﺎﯕﯩﭗ ﺗﺎﺳﺘﺎﺩﻯ .ﺍﺳﺎﯞ ﺍﺗﺸﺎ ﺍﻟﻘﯩﻨﯩﭗ ،ﺟﯘﻟﻘﯩﻨﯩﭗ ﺗﯘﺭﻋﺎﻥ ﺷﺎﺭﺩﻯ ﺟﯩﺒﻪﺭﮔﻪﻧﺪﻩ ﻛﻪﭖ ﺑﻮﺳﺎﺗﯩﭗ ﻗﺎﺯﯨﻘﺘﺎﻥ ﻗﯩﺰﯨﻠﺪﻯ-ﺟﺎﺳﯩﻠﺪﻯ ،ﺳﺎﺭﻯ ﺟﻮﻻﻕ ﺍﻟﮕﻰ ﺷﺎﺭ ﺍﺳﭙﺎﻧﻌﺎ ﻩﻧﺘﯩﮕﻪ ﻛﻮﺗﻪﺭﯨﻠﯩﭗ ،ﺗﻮﻱ ﺍﻻﯕﯩﻨﯩﯔ ﯗﺳﺘﯩﻨﻪ ﺷﺎﺭﯨﻘﺘﺎﻱ ﺑﻪﺭﺩﻯ . ﺑﯘﺭﯨﻦ ﻣﯘﻧﺪﺍﻳﺪﻯ ﻛﻮﺭﻣﻪﮔﻪﻥ ﺍﯞﯨﻞ-ﺍﻳﻤﺎﻕ ﺀﺑﺎﺭﻯ ﺑﺎﺳﺘﺎﺭﯨﻦ ﻛﻪﮔﺠﻴﺘﯩﭗ ﺍﺳﭙﺎﻧﻌﺎ ﻗﺎﺭﺍﭖ ﻗﺎﻟﺪﻯ .ﺍﻳﻨﺎﻻ ﯞ ﺩﺍ ﺷﯟ .ﺗﺎﯕﺪﺍﻱ ﻗﺎﻗﻘﺎﻥ ﺗﺎﯕﻌﺎﻟﯩﺲ . ﺗﻪﺭﯨﺴﺘﯩﻜﺘﻪﻥ ﻩﺳﻜﻪﻥ ﺟﯟﺍﺱ ﺟﻪﻝ ﺍﻻ-ﻗﯘﻻ ﺷﺎﺭﺩﻯ ﺀﺗﺎﯕﯩﺮﺗﺎﯞﻋﺎ ﻗﺎﺭﺍﻱ ﯨﻌﯩﺴﺘﯩﺮﺍ ﺑﻪﺭﺩﻯ .ﺍﻕ ﻗﻮﺯﻯ ﺷﺎﺭﺩﯨﯔ ﺀﺗﯩﻠﯩﻦ ﺑﯩﻠﻤﻪﻳﺪﻯ .ﻭﻝ ﻩﻧﺪﻯ ﺑﯘﻝ ﯗﺷﻘﯩﺶ ﺟﯩﺒﻪﻙ ﻣﺎﺗﺎﻧﻰ ﻗﻮﻧﺪﯨﺮﺍ ﺩﺍ ﺍﻟﻤﺎﻳﺪﻯ > .ﯗﺷﺎﺭﯨﻦ ﺟﻪﻝ ﺑﯩﻠﻪﺩﻯ، ﻗﻮﻧﺎﺭﯨﻦ ﺳﺎﻱ ﺑﯩﻠﻪﺩﯨﻨﯩﯔ< ﺀﺩﺍﻝ ﺀﻭﺯﻯ . ﺑﯘﻝ ﺗﻮﻳﻌﺎ ﻭﺳﻰ ﻭﻟﻜﻪﮔﻪ ﻛﻪﻟﯩﭗ ﻭﺭﻧﺎ-ﻻﺳﻘﺎﻥ ﺍﺳﻜﻪﺭﻱ ﮔﺎﺭﻧﻴﺰﻭﻧﻨﯩﯔ ﺑﺎﺳﺸﯩﻼﺭﻯ ﺩﺍ ﺷﺎﻗﯩﺮﯨﻠﻌﺎﻥ .ﻣﯩﻨﺎ ﻛﻮﺭﯨﻨﯩﺲ ﺳﻮﻻﺭﺩﯨﯔ ﻣﺎﻟﺸﯩﻼﺭﻋﺎ ﺗﺎﺭﺗﻘﺎﻥ ﺳﯩﻴﻰ ﻋﻮﻱ .
ﺀﺑﯩﺮﺍﻕ ﺍﻕ ﻗﻮﺯﯨﻨﯩﯔ ﻭﺭﻧﯩﻨﺪﺍ ﺍﺩﺍﻡ ﻭﺗﯩﺮﯞﻯ ﻛﻪﺭﻩﻙ ﻩﺩﻯ . ﺗﻮﻱ ﺑﻮﻟﻌﺎﻥ ﺳﻮﯓ ﯨﺸﯩﯖﻜﯩﺮﻩﭖ ﺍﻟﻌﺎﻥ ﺍﺳﻜﻪﺭﻳﻠﻪﺭ ﺑﯘﻝ ﺀﺗﺎﺭﺗﯩﭙﺘﻰ ﯗﻣﯩﺘﯩﯖﻘﯩﺮﺍﭖ ﻛﻪﺗﻜﻪﻥ ﺳﻴﻴﺎﻗﺘﻰ .ﺍﯞﻩﻟﻰ ﺍﺳﭙﺎﻧﻌﺎ ﺍﻕ ﻗﻮﺯﻯ ﯗﺷﻘﺎﻧﯩﻨﺎ ﺀﻣﺎﺯ ﺑﻮﻟﯩﭗ ،ﻭﻻﺭ ﺩﺍ ﻗﻮﻝ ﺷﺎﭘﺎﻻﻗﺘﺎﭖ ﻩﺩﻯ ،ﻩﻧﺪﻯ-ﻩﻧﺪﻯ ﻩﺳﺘﻪﺭﻯ ﻛﯩﺮﻩ ﺑﺎﺳﺘﺎﻋﺎﻧﺪﺍ: >ﺷﺎﺭﺩﻯ ﻗﺎﻻﻱ ﻗﻮﻧﺪﯨﺮﺍﻣﯩﺰ< ﺩﻩﭖ ﯞﺍﻳﯩﻢ ﺟﻪﭖ ﻗﺎﻟﺪﻯ . ﻩﻧﺪﻯ ﻭﻝ ﺷﺎﺭﻋﺎ ﺍﻳﻘﺎﻳﻼﺳﺎﯓ ﺩﺍﯞﺳﯩﯔ ﺟﻪﺗﭙﻪﺱ ،ﺍﻳﺘﻘﺎﻧﯩﯖﺎ ﻛﻮﻧﺒﻪﺱ ،ﺗﺎﯞﺩﯨﯔ ﺷﺎﺗﻘﺎ-ﻟﯩﻨﺎ ﻛﯩﺮﯨﭗ ،ﻛﻮﺯﺩﻩﻥ ﺗﺎﺳﺎ ﺑﻮﻻ ﺑﻪﺭﺩﻯ . ﺍﺳﻜﻪﺭﻳﻠﻪﺭ ﻛﻪﻧﺪﯨﺮ ﺗﻮﺑﻪﻟﻰ ﻣﺎﺷﺎﻧﻌﺎ ﺀﻣﯩﻨﯩﭗ ،ﺀﺑﯩﺮﺍﺯ ﻗﯟﯨﭗ ﻛﻮﺭﯨﭗ ﻩﺩﻯ ،ﺗﯘﻳﻪ ﺗﺎﺳﺘﺎﺭﺩﺍﻥ ﻭﺗﻪ ﺍﻟﻤﺎﻱ ﺗﻮﻗﺘﺎﺩﻯ . ﻗﻮﺷﺎﻗﺎﻥ ﺑﺎﻳﻌﯘﺱ ﺍﻕ ﻗﻮﺯﻯ ﺑﻮﻟﯩﭗ ﺗﯟﻋﺎﻧﯩﻨﺎ ﺟﺎﺯﯨﻘﺘﻰ ﻣﺎ؟ ﺍﺑﯩﻞ ﻣﻪﻥ ﻗﺎﺑﯩﻠﺪﯨﯔ ﺯﺍﻣﺎﻧﯩﻨﺎﻥ ﺑﻪﺭﻯ ﻣﺎﻝ ﺑﺎﻋﯩﭗ ﻛﻪﻟﻪ ﺟﺎﺗﻘﺎﻥ ﻗﺎﺯﺍﻕ ﺀﻭﻣﯩﺮﯨﻨﯩﯔ ﯨﺸﯩﻨﺪﻩ ﺍﺳﭙﺎﻧﻌﺎ ﻗﻮﺯﻯ ﯗﺷﯩﺮﯨﭗ ﻛﻮﺭﻣﻪﮔﻪﻥ .ﻗﺎﺯﺍﻕ ﺀﯗﺷﯩﻦ ﻣﺎﻟﺪﯨﯔ ﺍﻋﻰ ﻧﻪ، ﻗﺎﺭﺍﺳﻰ ﻧﻪ – ﺀﺑﺎﺭﻯ ﺀﺑﯩﺮ ﻩﻣﻪﺱ ﭘﻪ؟ ﻻﯞﺍﺯﯨﻤﻰ ﺑﻴﯩﻜﺘﻪﺭﮔﻪ ﺍﻕ ﻗﻮﺯﻯ ﺳﯩﻴﻼﯞ ﺀﺭﺍﺳﯩﻤﻰ ﻗﺎﻳﺪﺍﻥ، ﻛﯩﻤﻨﻪﻥ ﺷﯩﻘﻘﺎﻥ؟ ﺣﺮﯞﺷﺸﻪﯙﺗﻪﻥ ﺑﺎﺳﺘﺎﭖ ﻭﻧﺪﺍﻱ ﺯﺍﯓ-ﺯﺍﻛﻮﻧﻌﺎ ﻩﺷﻘﺎﻳﺴﯩﺴﻰ ﻗﻮﻝ ﻗﻮﻳﻤﺎﭖ ﻩﺩﻯ ﻋﻮﻱ .ﺑﯘﻝ ﻗﺎﻳﺪﺍﻥ ﺷﯩﻘﻘﺎﻥ ﺍﺩﻩﺕ-ﻋﯘﺭﯨﭗ؟ ﺍﻕ ﻗﻮﺯﻯ ﻣﯘﻧﯩﯔ ﺀﺗﯘﭖ-ﺗﺎﻣﯩﺮﯨﻦ ﯨﺰﺩﻩﭖ ﺍﯞﺭﻩ ﺑﻮﻟﻌﺎﻥ ﺟﻮﻕ .ﺑﺎﻟﻜﯩﻢ ،ﻭﻋﺎﻥ ﻣﯘﻧﺸﺎﻣﺎ ﺑﻴﯩﻜﻜﻪ ﻛﻮﺗﻪﺭﯨﻠﯩﭗ ﯗﺷﯟ
ﯗﻧﺎﻋﺎﻥ ﺩﺍ ﺷﯩﻌﺎﺭ .ﺑﺎﻟﻜﯩﻢ ،ﺑﺎﺳﻰ ﺍﻳﻨﺎﻟﯩﭗ ،ﺯﺍﺭﻩﺳﻰ ﺀﺯﺍﺭ ﺗﯘﺑﯩﻨﻪ ﻛﻪﺗﯩﭗ ،ﻗﻮﺭﯨﻘﻘﺎﻥ ﺩﺍ ﺷﯩﻌﺎﺭ .ﺀﺳﯩﺮﺍ ،ﺳﻮﻧﺎﯞ ﺯﺍﯞ ﺑﻴﯩﻜﺘﻪﻥ ﺟﻪﺭﮔﻪ ﺳﻪﻛﯩﺮﯨﭗ ﺗﯘﺳﻜﯩﺴﻰ ﺩﻩ ﻛﻪﻟﮕﻪﻥ ﺷﯩﻌﺎﺭ .ﺀﺑﯩﺮﺍﻕ ﺑﺎﻳﻼﯞﻟﻰ ﻋﻮﻱ .ﺍﺭﻗﺎﻧﯩﻦ ﺷﻪﺷﯩﭗ ﺟﯩﺒﻪﺭﻩﺗﯩﻦ ﺩﻩ ﻩﺷﻜﯩﻢ ﺟﻮﻕ . ﺀﺑﯩﺮ ﻗﯘﺩﺍﻳﺪﺍﻥ ﺑﺎﺳﻘﺎ ﻩﺷﻜﯩﻢ ﺩﻩ ﺍﺭﺍﺷﺎ ﺗﯘﺳﻪ ﺍﻟﻤﺎﻳﺪﻯ . ﻭﻧﯩﯔ ﺯﺍﺭﯨﻦ ﻗﯘﺩﯨﺮﻩﺗﻰ ﻛﯘﺷﺘﻰ ﻗﯘﺩﺍﻱ ﻋﺎﻧﺎ ﻩﺳﺘﯩﺮ ﻣﻪ ﻩﺩﻯ، ﺀﺑﯩﺮﺍﻕ ﺍﻕ ﻗﻮﺯﻯ ﻣﺎﯕﯩﺮﺍﻣﺎﻳﺪﻯ .ﺯﺍﺗﻰ ﻗﻮﻱ ﺑﺎﻻﺳﻰ ﺑﺎﯞﯨﺰﺩﺍﻳﯩﻦ ﺩﻩﭖ ﺍﻟﻘﯩﻤﯩﻨﺎ ﭘﯩﺸﺎﻕ ﺳﺎﻟﯩﭗ ﺟﺎﺗﺴﺎﯓ ﺩﺍ ﺩﯨﺒﯩﺲ ﺷﯩﻌﺎﺭﻣﺎﻳﺪﻯ ،ﻗﺎﺭﺳﯩﻠﯩﻌﻰ ﺟﻮﻕ؛ ﻛﻪﺑﻪﻧﻪﻙ ﻩﺷﻜﻰ ﺳﻴﻴﺎﻗﺘﻰ ﺑﺎﻗﯩﺮﻣﺎﻳﺪﻯ . ﺳﻮﻧﺎﯞ ﯨﺒﯩﺮﺍﻳﯩﻢ ﭘﺎﻳﻌﺎﻣﺒﺎﺭﺩﯨﯔ ﺩﺍﯞﯨﺮﯨﻨﻪﻥ ﺑﻪﺭﻯ ﻗﺎﺭﺍﻱ ﺳﻮﻻﻱ .ﯨﺒﯩﺮﺍﻳﯩﻢ ﭘﺎﻳﻌﺎﻣﺒﺎﺭﻋﺎ ﺍﺳﭙﺎﻧﻨﺎﻥ ﺍﺯﯨﺮﻩﻳﯩﻞ ﺟﻪﺗﯩﭗ ﻛﻪﻟﺪﻯ . – ﺍﻟﻼﻧﯩﯔ ﺀﺍﻣﯩﺮﻯ :ﺗﻮﻗﺎﻟﯩﯔ ﺍﺟﺎﺭ-ﺩﺍﻥ ﺗﯟﻋﺎﻥ ﯗﻟﯩﯔ ﺳﻤﺎﻳﯩﻠﺪﻯ ﺑﺎﯞﯨﺰﺩﺍﭖ ،ﻗﯘﺩﺍﻱ ﺟﻮﻟﯩﻨﺎ ﻗﯘﺭﺑﺎﻧﺪﯨﻘﻘﺎ ﺷﺎﻻﺳﯩﯔ! – ﺩﻩﺩﻯ . ﺍﻟﻼﺩﺍﻥ ﺀﺍﻣﯩﺮ ﺟﻪﺗﺴﻪ ،ﯨﺒﯩﺮﺍﻳﯩﻢ ﭘﺎﻳﻌﺎﻣﺒﺎﺭ ﻭﻧﻰ ﻭﺭﯨﻨﺪﺍﻣﺎﻱ ﺗﯘﺭﺍ ﺍﻟﻤﺎﺱ ،ﺳﻤﺎﻳﯩﻠﺪﻯ ﺑﺎﯞﯨﺰﺩﺍﻳﯩﻦ ﺩﻩﭖ ﺟﺎﺗﻘﺎﻧﺪﺍ ،ﺍﻟﻼﺩﺍﻥ ﺭﺍﺣﯩﻢ ﺀﺗﯘﺳﺘﻰ: – ﻩﻱ ،ﯨﺒﯩﺮﺍﻳﯩﻢ ،ﺑﺎﻻﻧﻰ ﺑﻮﺳﺎﺕ ،ﻭﺭﻧﯩﻨﺎ ﻣﯩﻨﺎ ﻛﻮﻙ ﻗﻮﺷﻘﺎﺭﺩﻯ ﺷﺎﻝ! – ﺩﻩﭖ ﺍﺳﭙﺎﻧﻨﺎﻥ ﻛﻮﻙ ﻗﻮﺷﻘﺎﺭ
ﺀﺗﯘﺳﯩﺮﺩﻯ . ﺍﻧﻪ ﺳﻮﺩﺍﻥ ﺑﻪﺭﻯ ﻗﻮﻱ ﺑﺎﻻﺳﻰ ﻗﯘﺭﺑﺎﻧﺪﯨﻘﻘﺎ ﺷﺎﻟﯩﻨﺎﺩﻯ . ﺟﺎﻧﯟﺍﺭ ﻗﯩﯖﻖ ﺩﻩﻣﻪﻳﺪﻯ .ﺀﺗﻮﺭﺕ ﺍﻳﺎﻋﻰ ﺑﺎﻳﻼﻧﯩﭗ، ﺗﺎﻣﺎﻋﯩﻨﺎ ﭘﯩﺸﺎﻕ ﺗﺎﻳﺎﻧﻌﺎﻧﺪﺍ ﻋﺎﻧﺎ ﻛﻮﺯﺩﻩﺭﯨﻦ ﻗﺎﻟﯩﯔ ﻗﺎﻳﻌﻰ ﻗﺎﭘﺘﺎﻳﺪﻯ .ﺀﺑﯩﺮﺍﻕ ﺩﯨﺒﯩﺲ ﺷﯩﻌﺎﺭﻣﺎﻳﺪﻯ .ﺍﺳﭙﺎﻧﻨﺎﻥ ﺗﯘﺳﻜﻪﻥ ﻛﻮﻙ ﻗﻮﺷﻘﺎﺭﺩﺍﻥ ﺑﻪﺭﻯ ﺳﻮﻻﻱ . ﺍﻳﺘﭙﺎﻗﺸﻰ ﺳﻮﻝ ﻛﻮﻙ ﻗﻮﺷﻘﺎﺭﺩﺍﻥ ﻛﻪﻳﯩﻦ ﺀﺑﯩﺮﯨﻨﺸﻰ ﺭﻩﺕ ﺍﺳﭙﺎﻧﺪﺍ ﺟﯘﺭﮔﻪﻥ ﻣﯩﻨﺎ ﺍﻕ ﻗﻮﺯﻯ! *** ﺍﻕ ﻗﻮﺯﻯ ﺍﺳﭙﺎﻧﺪﺍ .ﯨﻠﺪﻳﺪﺍ ﺗﻮﻱ ،ﻗﯩﺰﯨﻖ-ﺩﯞﻣﺎﻥ . ﺍﻝ ﻭﺳﯩﻨﯩﯔ ﺀﺑﺎﺭﯨﻦ ﻗﯘﺝ-ﻗﯘﺝ ﻗﻮﺗﯩﺮﺍﺵ ﺟﺎﺭﺗﺎﺳﺘﯩﯔ ﯗﺳﺘﯩﻨﺪﻩ ﺷﻮﻗﻴﯩﭗ ﻭﺗﯩﺮﻋﺎﻥ ﺍﻕ ﺷﯟﻻﻥ ﺍﻗﺴﺎﻕ ﺀﺑﻮﺭﻯ، ﺍﺭﻳﻨﻪ ،ﻛﻮﺭﻩﺩﻯ .ﺍﻗﺴﺎﻕ ﺍﺑﺎﺩﺍﻥ ﺍﺩﺍﻣﺪﺍﺭﺩﯨﯔ ﯨﻠﺪﻳﺪﺍﻋﻰ ﺍﻳﻘﺎﻱ-ﺷﯟ ،ﻛﻮﻛﭙﺎﺭ ﺗﺎﺭﺗﻘﺎﻥ ﺗﺎﻳﺘﺎﻻﺳﯩﻨﺎﻥ ﮔﻮﺭﻯ ،ﺍﺳﭙﺎﻧﺪﺍ ﻗﺎﻟﯩﻘﺘﺎﭖ ،ﺍﯕﻌﺎﺭﻋﺎ ﺳﯘﯕﮕﯩﭗ ﻛﻪﻟﻪ ﺟﺎﺗﻘﺎﻥ ﺀﺗﯘﺭﻟﻰ-ﺀﺗﯘﺳﺘﻰ ﻋﺎﺟﺎﻳﯩﭙﻘﺎ ﺳﯘﻗﺘﺎﻧﺎ ﻗﺎﺭﺍﭖ ﻗﺎﻟﺪﻯ . ﺍﺳﯩﺮﻩﺳﻪ ﻭﻧﯩﯔ ﺗﺎﯓ ﻗﺎﻟﻌﺎﻧﻰ – ﺍﻻ ﺷﺎﺭﺩﯨﯔ ﻗﯘﻳﺮﯨﻌﯩﻨﺪﺍ ﺳﺎﻟﺒﯩﺮﺍﻋﺎﻥ ﻛﺎﺭﺯﯨﻨﻜﻪﻧﯩﯔ ﯨﺸﯩﻨﺪﻩﮔﻰ ﻛﺎﺩﯨﻤﮕﻰ ﺍﻕ ﻗﻮﺯﻯ ﻩﺩﻯ .
ﺍﻗﺴﺎﻕ ﺍﺑﺎﺩﺍﻥ ﺍﻗﯩﻠﻰ ﺍﺳﻘﺎﻥ ﻋﯘﻻﻣﺎ ﻩﻣﻪﺱ ،ﺍﺭﻳﻨﻪ .ﺍﻻﻳﺪﺍ ﺍﻟﻪﻡ-ﺟﺎﻟﻪﻡ ﻣﺎﺗﺎﻋﺎ ﺑﺎﻳﻼﻧﻌﺎﻥ ﺍﻕ ﻗﻮﺯﻯ ﺍﯞﺍﺩﺍ ﻗﺎﻟﯩﻘﺘﺎﭖ ﺟﯘﺭﻩ ﺑﻪﺭﻣﻪﻱ ،ﺟﻪﺭﮔﻪ ﺍﻳﺘﻪﯞﯨﺮ ﺀﺑﯩﺮ ﺗﯘﺳﻪﺗﯩﻨﯩﻨﻪ ﺀﺗﯘﻳﺴﯩﮕﻰ ﺟﻪﺗﯩﭗ ،ﺍﻟﺪﻩﺀﺑﯩﺮ ﻣﻮﻟﺸﯩﻠﯩﻘﺘﺎﻥ ﺩﺍﻣﻪﻟﻪﻧﯩﭗ، ﺳﯩﻠﻪﻛﻪﻳﻰ ﺷﯘﺑﯩﺮﺍ ﺑﺎﺳﺘﺎﺩﻯ . ﺍﻗﺴﺎﻕ ﺍﺑﺎﺩﺍﻥ ﻛﻮﻛﺘﻪﻥ ﻛﻮﺯﯨﻦ ﺍﻟﻤﺎﺩﻯ .ﺑﯘﺩﺍﻥ ﺑﯘﺭﯨﻦ ﺍﺳﭙﺎﻧﺪﺍ ﻗﺎﻧﺎﺗﺘﺎﺭﯨﻦ ﺍﻧﺪﺍ-ﺳﺎﻧﺪﺍ ﺀﺑﯩﺮ ﻗﺎﻋﯩﭗ ﻗﻮﻳﯩﭗ، ﺑﺎﻳﺎﯞ ﻗﺎﻟﻘﯩﭗ ﺟﯘﺭﮔﻪﻥ ﻗﯩﺮﺍﻥ ﺑﯘﺭﻛﯩﺘﺘﻰ ﻛﻮﺭﮔﻪﻥ .ﻗﺎﺯﯨﺮ ﻭﻝ ﺍﻟﻪﻡ-ﺟﺎﻟﻪﻡ ﺀﺗﯘﺭﻟﻰ-ﺀﺗﯘﺳﺘﻰ ﺍﻟﯩﭗ >ﻗﯘﺳﺘﻰ< ﻛﻮﺭﯨﭗ ،ﺗﺎﻳﺴﺎﻟﯩﯖﻘﯩﺮﺍﭖ ﻛﻪﺗﻜﻪﻥ . ﺳﻮﻧﺪﺍ ﺍﻗﺴﺎﻕ ﺍﺑﺎﺩﺍﻥ> :ﺍﺗﺘﻪﯓ ،ﻗﯩﺮﺍﻥ ﺑﯘﺭﻛﯩﺖ ﺑﻮﻟﺴﺎﻡ ﻋﻮﻱ ،ﺍﻧﺎﯞ ﺍﻕ ﻗﻮﺯﯨﻨﻰ ﺀﯨﻠﯩﭗ ﺍﻛﻪﺗﻪﺭ ﻩﺩﯨﻢ-ﺍﯞ< – ،ﺩﻩﭖ ﻩﺭﯨﻜﺴﯩﺰ ﻗﯩﯖﺴﯩﻼﭖ-ﻗﯩﯖﺴﯩﻼﭖ ،ﺗﺎﺭﻋﯩﻞ ﺗﺎﺳﺘﻰ ﺗﯩﺮﻧﺎﭖ-ﺗﯩﺮﻧﺎﭖ ﺟﯩﺒﻪﺭﺩﻯ . ﺷﺎﺭﺍﺳﯩﺰ ﯨﺰﺍﺩﺍﻥ ﺗﺎﺭﻋﯩﻞ ﺗﺎﺳﺘﯩﯔ ﻧﻪﺳﻰ ﻛﻪﺗﻪﺩﻯ ،ﻗﺎﻳﺘﺎ ﺍﻗﺴﺎﻕ ﺍﺑﺎﺩﺍﻥ ﺍﻳﺎﻋﯩﻦ ﺍﯞﯨﺮﺗﯩﭗ ﺍﻟﺪﻯ . ﭘﯘﺷﺎﻳﻤﺎﻥ ﺑﻮﻟﻌﺎﻥ ﺍﻗﺴﺎﻕ ﺍﺑﺎﺩﺍﻥ ﻗﺎﻧﺎﺗﺴﯩﺰ ﺟﺎﺭﺍﺗﯩﻠﻌﺎﻧﻰ ﺀﯗﺷﯩﻦ ﺟﺎﺭﺍﺗﯟﺷﻰ ﻗﯘﺩﯨﺮﻩﺗﻜﻪ ﺍﺭﯨﺰ-ﻭﻛﭙﻪ ﺍﻳﺘﻘﺎﻧﺪﺍﻱ ﺑﻮﻟﯩﭗ ،ﻭﺯﺍﻧﺪﺍﺗﺎ ﯗﺯﺍﻋﯩﻨﺎﻥ ﯗﻟﯩﺪﻯ . ﺑﯘﻝ ﯗﺭﻩﻳﻠﻰ ﺀﯗﻥ ﺷﺎﺗﻘﺎﻟﻌﺎ ﺳﯘﻋﯩﻨﺎ ﻛﯩﺮﮔﻪﻥ ﺍﻻ ﺷﺎﺭﺩﺍﻋﻰ ﺍﻕ ﻗﻮﺯﯨﻨﯩﯔ ﻗﯘﻻﻋﯩﻨﺎ ﺷﺎﻟﯩﻨﯩﭗ ،ﺍﺭﻻﻧﻨﯩﯔ ﺍﺯﯞ ﺗﯩﺴﺘﻪﺭﯨﻨﻪﻥ ﺍﻟﯩﺴﺘﺎ ﺑﻮﻟﺴﺎ ﺩﺍ ،ﺗﯘﻻﺑﻮﻳﻰ ﻣﯘﺯﺩﺍﭖ ﻗﻮﻳﺎ
ﺑﻪﺭﺩﻯ . ﺍﻗﺴﺎﻕ ﺍﺑﺎﺩﺍﻧﻨﯩﯔ ﯗﻟﯩﻌﺎﻥ ﺀﯗﻧﯩﻦ ﻗﯩﺮﺍﻥ ﺑﯘﺭﻛﯩﺖ ﺗﻪ ﻩﺳﺘﯩﺪﻯ .ﻩﮔﻪﺭ ﻭﻝ ﺍﺭﻻﻥ ﺀﺗﯩﻠﯩﻦ ﯗﻋﺎﺭ ﺑﻮﻟﺴﺎ ،ﺍﻕ ﻗﻮﺯﯨﻨﻰ ﺗﻪﯞﯨﭗ ﺟﻪﺭﮔﻪ ﺀﺗﯘﺳﯩﺮﯨﭗ ،ﺍﻕ ﺷﯟﻻﻥ ﻗﺎﺳﻘﯩﺮ ﻩﻛﻪﯞﻯ ﺀﺑﯩﺮ ﺟﺎﺳﺎﭖ ﻗﺎﻻﺭ ﻩﺩﻯ . ﻗﻮﺱ ﻗﺎﻧﺎﺕ ﻗﯘﺳﻘﺎ ﺑﯩﺘﻜﻪﻥ ﻣﺎﻋﺎﻥ ﺑﯩﺘﺴﻪ، ﺑﺎﺭﺍﺭ ﻩﻡ ﻗﺎﻟﻘﺎﺗﺎﻳﻌﺎ ﺍﻟﺪﻩﻧﻪﺷﻪ! – ﺩﻩﭖ ﺍﻟﭙﯩﺲ ﻩﻛﻰ ﺍﻳﻼﻟﻰ ﺍﺩﺍﻡ ﺍﺭﻣﺎﻧﺪﺍﻋﺎﻧﺪﺍ ،ﻗﺎﺳﻘﯩﺮﺩﯨﻜﻰ ﻧﻪ ﺟﻮﺭﯨﻖ؟ ﺑﯘﻝ ﺀﻭﺯﻯ ﺯﺍﻣﺎﻧﯩﻨﺪﺍ ﻛﻮﻙ ﺑﻮﺭﯨﻠﻪﺭﺩﯨﯔ ﯨﺸﯩﻨﺪﻩﮔﻰ ﻧﻮﻳﺎﻧﻰ ﻩﺩﻯ .ﻭﻧﯩﯔ ﻭﺯﯨﻨﻪ ﺳﺎﻳﻤﺎ ﺳﺎﻱ ﻗﻮﺳﺎﻋﻰ – ﻗﺎﻳﺮﺍﻟﻌﺎﻥ ﻗﺎﻧﺠﺎﺭﺩﺍﻱ ﻗﺎﻧﺸﯩﻌﻰ ﺑﺎﺭ ﻩﺩﻯ .ﻩﻛﻪﯞﻯ ﺑﯩﺮﮔﻪ ﺟﻮﺭﯨﺘﻘﺎﻧﺪﺍ ﻭﻻﺭﺩﺍﻥ ﺍﻗﺴﯟ-ﺟﺎﺑﺎﻋﯩﻠﯩﻨﯩﯔ ﭘﺎﺗﺸﺎﺳﻰ ﺳﺎﻧﺎﻻﺗﯩﻦ ﺗﻪﯕﺒﯩﻞ ﺑﺎﺭﯨﺴﺘﯩﯔ ﺀﻭﺯﻯ ﺟﺎﺳﻘﺎﻧﺎﺗﯩﻦ .ﻛﻪﻳﯩﻦ ﺍﺭﻻﻥ ﻗﺎﺳﻘﯩﺮ ﺍﺭﺗﻘﻰ ﺀﺑﯩﺮ ﺍﻳﺎﻋﯩﻦ >ﺳﺎﺩﺍﻗﺎ< ﺩﻩﭖ ﻗﺎﻗﭙﺎﻧﺪﺍ ﻗﺎﻟﺪﯨﺮﺩﻯ .ﺍﻟﻤﺎﺳﺘﺎﻱ ﻭﺗﻜﯩﺮ ﺍﺯﯞ ﺗﯩﺴﺘﻪﺭﯨﻤﻪﻥ ﺀﻭﺯ ﺗﺎﺭﺍﻣﯩﺴﯩﻦ ﺀﻭﺯﻯ ﻗﻴﯩﭗ ﺟﯩﺒﻪﺭﯨﭗ ،ﻗﯘﺭﯨﺶ ﻗﺎﻗﭙﺎﻧﻨﺎﻥ ﻗﯘﺗﯩﻠﯩﭗ ﻛﻪﺗﻜﻪﻥ . ﺳﻮﺩﺍﻥ ﻛﻪﻳﯩﻦ ﺩﻩ ﻗﺎﻧﺠﺎﺭﺩﺍﻱ ﻗﺎﻧﺸﯩﻌﻰ ﻩﻛﻪﯞﻯ ﺗﺎﻻﻱ ﺑﻮﻟﺘﯩﺮﯨﻚ ﺍﻳﺎﻗﺘﺎﻧﺪﯨﺮﺩﻯ .ﺗﺎﻻﻱ-ﺗﺎﻻﻱ ﻗﺎﻧﺪﻯ ﺟﻮﺭﯨﻘﺘﺎﺭﺩﺍ ﺑﯩﺮﮔﻪ ﺀﺟﯘﺭﯨﭗ ،ﺑﯩﺮﯨﻨﻪ ﺀﺑﯩﺮﻯ ﺳﯘﻳﻪﯞ ﺑﻮﻟﺪﻯ . ﺳﻮﻳﺘﻜﻪﻥ ﻛﻴﻪﻟﻰ ﺑﻮﺭﯨﻠﻪﺭﺩﻯ ﻛﻴﻪ ﺗﺎﻧﯩﻤﺎﺱ ﺍﺩﺍﻣﺪﺍﺭ ﺍﺯﺩﯨﺮﯨﭗ-ﺗﻮﺯﺩﯨﺮﺩﻯ .ﺍﻗﺴﺎﻕ ﺍﺑﺎﺩﺍﻧﻨﯩﯔ ﺍﻳﻨﯩﻤﺎﺱ
ﺳﻪﺭﯨﮕﻰ ،ﻗﺎﻧﺸﯩﻌﻰ ﻭﻗﻘﺎ ﯗﺷﺘﻰ . ﺍﻗﺴﺎﻕ ﺍﺑﺎﺩﺍﻥ ﺟﺎﻟﻌﯩﺰﺩﺍﻥ ﺟﺎﻟﻌﯩﺰ ﻗﺎﺭﺗﺎﻳﯩﭗ ،ﺍﻕ ﺷﯟﻻﻥ ﺗﺎﺭﺗﺘﻰ .ﻩﻧﺪﯨﮕﻰ ﻛﯘﻧﻰ ﺳﯟﯨﺮ ﯗﺳﺘﺎﭖ ،ﺗﯩﺸﻘﺎﻥ ﺍﯞﻻﯞﻣﻪﻥ ﺀﻭﺗﯩﭗ ﺟﺎﺗﺘﻰ . ﺳﻮﻳﺘﻜﻪﻥ ﻛﺎﺭﻯ ﻧﻮﻳﺎﻧﻨﯩﯔ ﯗﺳﺘﯩﻨﻪﻥ ﺀﺗﯘﺭﻟﻰ-ﺀﺗﯘﺳﺘﻰ ﺷﺎﺭﻋﺎ ﯨﻠﯩﻨﮕﻪﻥ ﺍﻕ ﻗﻮﺯﻯ ﯗﺷﺘﻰ ﺩﺍ ﺀﺟﯘﺭﺩﻯ .ﺍﻕ ﻗﻮﺯﯨﺪﺍﻥ ﺩﺍﻣﻪﻟﻰ ﺍﺵ ﻗﺎﺳﻘﯩﺮﺩﯨﯔ ﺍﯞﺯﯨﻨﺎﻥ ﺳﯩﻠﻪﻛﻪﻳﻰ ﺷﯘﺑﯩﺮﺩﻯ . ﺟﺎﻟﻌﯩﺰﺩﯨﻖ ﺗﻪﻙ ﻗﯘﺩﺍﻳﻌﺎ ﻋﺎﻧﺎ ﺟﺎﺭﺍﺳﻘﺎﻥ .ﺟﺎﻟﻌﯩﺰﺩﯨﻘﺘﺎﻥ ﺍﻕ ﺷﯟﻻﻥ ﺍﺑﺎﺩﺍﻧﻨﯩﯔ ﺀﻭﺯﻯ ﻛﻮﭖ ﺟﺎﭘﺎ ﺷﻪﻛﺘﻰ .ﺑﺎﻳﺎﻋﻰ ﻛﻮﻙ ﺳﻪﻣﺴﻪﺭﺩﻩﻱ ﻛﻮﻙ ﺀﺑﻮﺭﻯ ﻛﻪﺯﻯ ﺑﻮﻟﺴﺎ ،ﻭﻋﺎﻥ ﻗﻮﺳﺎﻕ ﯗﺭﻋﺎﺷﻰ ﺗﺎﺑﯩﻼﺭ ﻩﺩﻯ .ﻩﻧﺪﻯ ﺀﻭﺯﻯ ﺍﻗﺴﺎﻕ ،ﺀﻭﺯﻯ ﻗﺎﺭﺗﺎﻳﻌﺎﻥ ،ﻗﺎﻣﭙﻴﻌﺎﻥ ﺳﯩﺮﺗﻘﻰ ﺀﺟﯘﻧﻰ ﺍﻕ ﺷﯟﻻﻥ ﺗﺎﺭﺗﻘﺎﻥ، ﺀﺑﯩﺮﺍﻕ ﺳﻮﻝ ﺀﺟﯘﻧﻨﯩﯔ ﺍﺭﻋﻰ ﺟﺎﻋﻰ ﺍﭖ-ﺍﺭﯨﻖ ،ﻗﺎﺑﯩﺮﻋﺎﺳﻰ ﯨﺮﺳﻴﯩﭗ ،ﻗﺎﯞﺳﺎﻳﯩﻦ ﺩﻩﭖ ﺗﯘﺭﻋﺎﻥ ﻗﺎﯕﻘﺎ .ﻗﺎﯕﻘﺎﻋﺎ ﻛﯩﻢ ﻗﺎﺭﺍﻳﺪﻯ؟ ﻗﺎﯕﻘﺎ ﻧﻪﮔﻪ ﺟﺎﺭﺍﻳﺪﻯ؟ ﺑﯘﻝ ﺩﺍ ﻗﯘﺩﺍﻳﺪﯨﯔ ﺟﺎﺭﺍﺗﻘﺎﻥ ﻣﺎ-ﻗﯘ-ﻟﯩﻌﻰ .ﺀﺑﯩﺮ ﻗﻮﺷﺎﻗﺎﻥ ﺩﯗﻧﻴﻪﮔﻪ ﻛﻪﻟﺴﻪ ،ﻗﯘ-ﺩﺍﻱ ﺀﺑﯩﺮ ﺀﺗﯘﭖ ﺟﯟﺳﺎﻧﺪﻯ ﺍﺭﺗﯩﻖ ﺟﺎﺭﺍ-ﺗﺎ-ﺩﻯ .ﺳﻮﻝ ﯗﻟﮕﯩﻤﻪﻥ ﺍﻕ ﺷﯟﻻﻥ ﺍﺑﺎﺩﺍﻥ ﺍﺷﺘﺎﻥ ﻭﻟﻤﻪﺳﯩﻦ ﺩﻩﭖ ﺀﺩﺍﻝ ﺗﻮﺑﻪﺳﯩﻨﻪﻥ ﺍﻧﺎﯞ ﺍﻕ ﻗﻮ-ﺯﯨﻨﻰ ﺳﺎﻟﺒﯩﺮﺍﺗﯩﭗ ﻗﻮﻳﻌﺎﻥ ﺷﯩﻌﺎﺭ .ﺟﺎ-ﺳﺎﻋﺎﻥ ﻳﻪﻡ ،ﺟﺎﺭﺍﺗﻘﺎﻥ ﻗﯘﺩﯨﺮﻩﺕ ﺭﺍﺣﯩﻤﻰ ﺀﺗﯘﺳﯩﭗ ،ﺍﻕ ﻗﻮﺯﯨﻨﻰ ﺟﻪﺭﮔﻪ ﺟﯩﺒﻪﺭﻩﺭ... ﻩﺭﺗﻪﺩﻩ ،ﺑﺎﻋﺰﻯ ﺯﺍﻣﺎﻧﺪﺍ ﯨﺒﯩﺮﺍﻳﯩﻢ ﭘﺎﻳﻌﺎﻣﺒﺎﺭﺩﯨﯔ ﺍﺟﺎﺭ ﺍﺗﺘﻰ
ﺗﻮﻗﺎﻟﯩﻨﺎﻥ ﺗﯟﻋﺎﻥ ﺳﻤﺎﻳﯩﻞ ﺑﺎﺑﺎﻣﯩﺰﺩﻯ ﺍﻛﻪﺳﻰ ﻗﯘﺭﺑﺎﻧﺪﯨﻘﻘﺎ ﺷﺎﻻﻳﯩﻦ ﺩﻩﭖ ﺟﺎﺗﻘﺎﻧﺪﺍ ﺍﻟﻼﺩﺍﻥ ﭘﺎﺭﻣﻪﻥ ﻛﻪﻟﯩﭗ ،ﺳﻤﺎﻳﯩﻠﺪﯨﯔ ﻭﺭﻧﯩﻨﺎ ﺍﺳﭙﺎﻧﻨﺎﻥ ﺗﯘﺳﻜﻪﻥ ﻛﻮﻙ ﻗﻮﺷﻘﺎﺭ ﺑﺎﯞﯨﺰﺩﺍﻟﻤﺎﭖ ﭘﺎ ﻩﺩﻯ .ﺍﻕ ﺷﯟﻻﻥ ﺍﺑﺎﺩﺍﻧﺪﻯ ﺍﺷﺘﯩﻖ ﺍﺟﺎﻟﺪﺍﻥ ﺍﻟﯩﭗ ﻗﺎﻟﯟ ﺀﯗﺷﯩﻦ ﺍﻟﻼ ﺗﺎﻋﺎﻻ ﺍﺳﭙﺎﻧﻨﺎﻥ ﺍﻕ ﻗﻮﺯﯨﻨﻰ ﺀﺗﯘﺳﯩﺮﺳﻪ ،ﺑﺎﻳﺎﻋﯩﻨﯩﯔ ﺟﻮﻟﯩﻨﺎﻥ ﻗﺎﻟﻌﺎﻥ ﺟﻮﺭﺍﻟﻌﻰ ﺑﻮﻻﺭ ﻩﺩﻯ ﻋﻮﻱ... ﺍﻗﺴﺎﻕ ﺍﺑﺎﺩﺍﻥ ﺍﻕ ﻗﻮﺯﯨﻨﻰ ﺍﯕﺴﺎﭖ ،ﺍﺷﯩﻌﯩﭗ ﺟﻮﺭﺗﻘﺎﻥ ﻭﺳﻰ ﯞﺍﻗﯩﺘﺘﺎ؛ ﯨﻠﺪﻳﺪﺍ ﺀﺗﺎﯕﯩﺮﺗﺎﯞﺩﯨﯔ ﺍﺭﺷﺎﻟﻰ ﺍﺗﺘﻰ ﺑﻮﻛﺘﻪﺭﯨﻨﺪﻩ، ﺍﺭﺷﺎﻻﺭﺩﯨﯔ ﺷﻴﭙﺎﻟﻰ ﻳﯩﺴﯩﻨﻪﻥ ،ﺍﺳﺘﺎ-ﺗﻮﻙ ﻣﻮﻟﺸﯩﻠﯩﻘﺘﺎﻥ؛ ﺯﻩﯕﺒﯩﺮﻩﻛﺘﻪﺭﺩﯨﯔ ﺑﻮﺳﺎﭖ ﻗﺎﻟﻌﺎﻥ ﮔﻴﻠﺰﺍﻻﺭﯨﻨﺪﺍﻱ ﺑﻮﺗﻪﻟﻜﻪﻟﻪﺭﺩﻩﻥ ،ﺳﺎﺑﺎ-ﺳﺎﺑﺎ ﻗﯩﻤﯩﺰﺩﺍﻥ ﻗﯩﺰﯨﭗ ﺍﻟﻌﺎﻥ ﺍﺩﺍﻣﺪﺍﺭ ﻗﻴﻘﯟ ﺳﺎﻟﯩﭗ ،ﻛﻮﻛﭙﺎﺭ ﺗﺎﺭﺗﯩﭗ ﻣﺎﺭﻩ-ﺳﺎﺭﻩ ﺑﻮﭖ ﺟﺎﺗﻘﺎﻥ ﻛﻪﺯ . ﻧﻪﺳﯩﻦ ﺍﻳﺘﺎﺳﯩﯔ ،ﻣﺎﻟﺸﻰ ﺑﺎﻳﻌﯘﺳﺘﯩﯔ ﺟﯩﻠﯩﻨﺎ ﺀﺑﯩﺮ ﻛﻮﺭﻩﺗﯩﻦ ﻗﯩﺰﯨﻌﻰ – ﺀﺟﺎﻧﻨﺎﺗﻘﺎ ﻛﯩﺮﮔﻪﻧﺪﻩﻱ ﺟﺎﻳﺴﺎﯓ ﻛﻪﺯ . ﻣﯘﻧﺪﺍﻱ ﺷﺎﻟﻘﯩﻤﺎ ﺷﺎﻗﺘﺎ ﻛﻮﭘﺸﯩﻠﯩﻚ ﺑﺎﻋﺎﻧﺎﻋﻰ ﺍﻻ ﺷﺎﺭﺩﻯ ﺩﺍ ،ﺍﻕ ﻗﻮﺯﯨﻨﻰ ﺩﺍ ﯗﻣﯩﺘﻘﺎﻥ ،ﯨﻘﯩﻼﺳﻰ ﻛﻮﻛﭙﺎﺭ ﻣﻪﻥ ﺍﻻﻣﺎﻥ ﺑﺎﻳﮕﻪﮔﻪ ﺍﯞﻋﺎﻥ . ﺩﯗﻧﻴﻪ ﺩﻩﮔﻪﻥ ﺷﯩﺮﻛﯩﻨﻨﯩﯔ ،ﻛﻪﻟﺒﻪﺗﻰ ﺩﻩ ،ﻛﻪﭘﻴﻪﺗﻰ ﺩﻩ ﺳﻮﻧﺪﺍﻱ :ﺑﯩﺮﻩﯞ ﺗﻮﻗﺘﯩﻘﺘﺎﻥ ﻛﻪﻛﯩﺮﯨﭗ ﺟﯘﺭﻩﺩﻯ ،ﺑﯩﺮﻩﯞ ﺍﺷﺘﯩﻘﺘﯩﯔ ﺍﺯﺍﺑﯩﻨﺎﻥ ﺗﺎﻣﺎﻕ ﯨﺰﺩﻩﭖ ﺳﻪﻛﯩﺮﯨﭗ ﺟﯘﺭﻩﺩﻯ .
ﻣﯩﺴﺎﻟﻰ ،ﻣﯩﻨﺎ ﺀﺗﯘﺭﻟﻰ-ﺀﺗﯘﺳﺘﻰ ﺷﺎﺭ ﺟﻪﻝ ﻗﺎﻱ ﺟﺎﻗﺘﺎﻥ ﺀﯗﭖ ﻩﺗﺴﻪ ،ﺳﻮﻝ ﺟﺎﻗﺘﺎﻥ ﺍﯞﯨﺘﻘﯩﭗ ،ﺷﺎﺗﻘﺎﻟﺪﯨﯔ ﺀﯨﺸﯩﻦ ﻛﻪﺯﺩﻯ ﺩﻩ ﺀﺟﯘﺭﺩﻯ .ﺍﻕ ﻗﻮﺯﯨﺪﺍﻥ ﻛﻮﺯﯨﻦ ﺍﻟﻤﺎﻋﺎﻥ ﺍﻗﺴﺎﻕ ﺍﺑﺎﺩﺍﻥ ﺍﺳﭙﺎﻧﻨﯩﯔ ﻣﺎﮔﻨﻴﺘﻰ ﺗﺎﺭﺗﻘﺎﻧﺪﺍﻱ ،ﺷﺎﺭ ﻗﺎﻱ ﺟﺎﻗﻘﺎ ﺍﯞﻧﺎﺳﺎ ،ﺑﯘﻝ ﺩﺍ ﺳﻮﻻﻱ ﻗﺎﺭﺍﻱ ﺗﯩﺴﺘﻪﺭﯨﻦ ﺳﺎﻗﯩﻠﺪﺍﺗﯩﭗ، ﺷﻮﻳﻨﺎﯕﺪﺍﭖ ﺍﻻ ﺟﻮﻧﻪﻟﻪﺩﻯ .ﻗﯟ ﺗﺎﻣﺎﻕ ﻧﻪ ﯨﺴﺘﻪﺗﭙﻪﻳﺪﻯ . ﻛﻪﻧﻪﺕ ﺷﺎﺗﻘﺎﻟﺪﻯ ﻭﺭﻟﻪﻱ ﻗﯟﺍﻻﭖ ،ﻗﯘﻳﯩﻦ ﯗﻳﯩﺘﻘﯩﭗ ﻭﺗﻜﻪﻧﺪﻩﻱ ﺑﻮﻟﻌﺎﻥ .ﺟﺎﻳﺒﺎﺭﺍﻗﺎﺕ ﻗﺎﻟﯩﻘﺘﺎﭖ ﺟﯘﺭﮔﻪﻥ ﺷﺎﺭ ﺗﯘﻟﻪﻥ ﺗﯘﺭﺗﻜﻪﻧﺪﻩﻱ ﻭﻗﯩﺲ ﺟﯘﻟﻘﯩﻨﯩﭗ ،ﺟﺎﻋﺎﻻﯞ-ﺩﺍ-ﻋﻰ ﺟﺎﺭﺗﺎﺳﻘﺎ ﺑﺎﺭﯨﭗ ﺳﻮﻗﺘﯩﻌﯩﺴﺘﻰ ﺩﺍ ﺗﺎﺭﺱ ﺟﺎﺭﯨﻠﯩﭗ ،ﺟﻪﻟﻰ ﺷﯩﻌﯩﭗ ﻛﻪﺗﯩﭗ ،ﺗﻮ-ﻣﻪﻧﺪﻩ ﺍﻟﻘﯩﻨﯩﭗ ،ﺍﺭﻗﯩﺮﺍﭖ ،ﻛﻮﺑﯩﻚ ﺷﺎ-ﺷﯩﭗ ﺟﺎﺗﻘﺎﻥ ﺍﻋﯩﺴﻰ ﻗﺎﺗﺘﻰ ﻭﺯﻩﻧﮕﻪ ﺑﺎﺭﯨﭗ، ﺑﯩﻠﻖ-ﺳﯩﻠﻖ ﻩﺗﯩﭗ ،ﻗﯘﻻﺩﻯ ﺩﺍ ﻗﺎﻟﺪﻯ . ﺍﻋﯩﺴﻰ ﻗﺎﺗﺘﻰ ﺍﺳﺎﯞ ﻭﺯﻩﻥ ﺍﻟﮕﻰ ﺟﺎﺭﯨﻠﻌﺎﻥ ﺷﺎﺭﺩﻯ ﻗﺎﻗﭙﺎﻗﯩﻞ ﻭﻳﻨﺎﭖ ،ﺍﻋﯩﺰﯨﭗ ﺍﻟﺪﻯ ﺩﺍ ﺟﻮﻧﻪﻟﺪﻯ .ﻛﺎﺭﺯﯨﯖﻜﻪ ﻗﺎﻳﺪﺍ ،ﺍﻕ ﻗﻮﺯﻯ ﻗﺎﻳﺪﺍ ،ﯗﻳﭙﺎ-ﺗﯘﻳﭙﺎ ،ﺍﺩﺍﻡ ﺍﻳﯩﺮﯨﭗ ﺑﻮﻟﻌﯩﺴﯩﺰ ،ﺍﻕ ﻛﻮﺑﯩﻜﭙﻪﻥ ﺍﺭﺍﻻﺳﯩﭗ ،ﺍﺩﺍﺳﺘﯩﺮﯨﭗ ﻛﻪﺗﺘﻰ . ﺍﺩﺍﺳﯩﭗ ﻗﺎﻟﯟﺩﺍﻥ ﻗﺎﺗﺘﻰ ﻗﺎﯞﯨﭙﺘﻪﻧﮕﻪﻥ ﺍﻗﺴﺎﻕ ﺍﺑﺎﺩﺍﻥ ﻩﻧﺪﻯ ﺍﻋﯩﺴﭙﻪﻥ ﺟﺎﺭﯨﺴﯩﭗ ،ﯨﻠﺪﻳﻌﺎ ﻗﺎﺭﺍﻱ ﺀﯗﺵ ﺍﻳﺎﻗﺘﺎﭖ ﺟﺎﻧﯘﺷﯩﺮﺍ ﻗﺎﺭﻋﯩﭗ ،ﻛﻪﻳﺪﻩ ﻭﻣﺎﻗﺎﺳﺎ ﺟﯩﻌﯩﻠﯩﭗ ،ﻗﺎﻳﺘﺎ ﺗﯘﺭﯨﭗ ،ﺍﻕ ﻗﻮﺯﯨﺪﺍﻥ ﻛﻮﺯ ﺍﻟﻤﺎﻱ ،ﺟﺎﻧﺘﺎﻻﺳﯩﭗ ﻛﻪﻟﻪﺩﻯ .ﺍﻕ ﻗﻮﺯﯨﻨﻰ ﺗﺎﯕﯩﭗ ﺗﺎﺳﺘﺎﻋﺎﻥ ﻛﺎﺭﺯﯨﯖﻜﻪ ﺀﺑﯩﺮ ﺩﻩ ﻛﻮﺭﯨﻨﯩﭗ
ﻗﺎﻟﯩﭗ ،ﺀﺑﯩﺮ ﺩﻩ ﻛﻮﺭﯨﻨﺒﻪﻱ ﺑﺎﺗﯩﭗ ﻛﻪﺗﯩﭗ ،ﻗﺎﻗﭙﺎﻗﯩﻞ ﻭﻳﻨﺎﭖ ﺑﺎﺭﺍ ﺟﺎﺗﺎﺩﻯ . ﻩﻧﺪﻯ ﺑﯩﺮﺩﻩ ﺳﺎﺭﻗﯩﺮﺍﻣﺎ ﺑﻴﯩﻜﺘﻪﻥ ﻗﯘﻻﭖ ،ﺍﻕ ﻛﻮﺑﯩﻚ ﺍﺭﺍﺳﯩﻨﺎﻥ ﻛﻮﺭﯨﻨﺒﻪﻱ ﻛﻪﺗﺘﻰ ﺩﻩ ،ﻩﺩﺍﯞﯨﺮ ﯞﺍﻗﯩﺘﺘﺎﻥ ﻛﻪﻳﯩﻦ، ﺍﻟﺪﻩﻗﺎﻳﺪﺍ ﯨﻠﺪﻳﺪﺍﻥ ﻗﺎﻳﻘﺎﯓ ﻩﺗﯩﭗ ﻗﺎﻳﺘﺎ ﺷﯩﻘﺘﻰ . ﻭﺳﻰ ﺍﺭﺍﺩﺍ ﺍﺳﺎﯞ ﻭﺯﻩﻥ ﻩﻛﻰ ﺍﻳﯩﺮﯨﻠﺪﻯ ،ﻭﺭﺗﺎﺩﺍ ﻧﺎﺭﺩﯨﯔ ﻭﺭﻛﻪﺷﯩﻨﺪﻩﻱ ﺩﻭﯕﻪﺳﺘﻪﻧﯩﭗ ﺷﺎﻋﯩﻦ ﺍﺭﺍﻝ ﺟﺎﺗﺘﻰ . ﺳﯩﻠﯩﻜﭙﻪﺳﻰ ﺷﯩﻘﻘﺎﻥ ﺀﺗﯘﺭﻟﻰ-ﺀﺗﯘﺳﺘﻰ ﻣﺎﺗﺎﻧﻰ ﺍﺳﺎﯞ ﺗﻮﻟﻘﯩﻦ ﻭﺭﻛﻪﺷﺘﯩﯔ ﯗﺳﺘﯩﻨﻪ ﻻﻗﺘﯩﺮﯨﭗ ﺗﺎﺳﺘﺎﻱ ﺳﺎﻟﺪﻯ . ﺍﺳﺎﯞ ﺗﻮﻟﻘﯩﻦ ﺀﺗﯘﺭﻟﻰ-ﺀﺗﯘﺳﺘﻰ ﺷﺎﺭﺩﻯ ﻻﻗﺘﯩﺮﯨﭗ ﺗﺎﺳﺘﺎﻋﺎﻥ ﺗﯘﻳﻪﺗﺎﻳﻠﻰ ﻭﺭﻛﻪﺷﺘﯩﯔ ﺗﯘﺳﯩﻨﺎ ﺍﻟﻘﯩﻦ-ﺟﯘﻟﻘﯩﻦ ﺀﯗﺷﺎﻳﺎﻗﺘﺎﭖ ﺍﻗﺴﺎﻕ ﺍﺑﺎﺩﺍﻥ ﺩﺍ ﺟﻪﺗﺘﻰ-ﺍﯞ . ﻣﯘﺣﻴﺘﺘﺎﻋﻰ ﻣﯘﺯﺟﺎﺭﻋﯩﺶ ﻛﻪﻣﻪﺩﻩﻱ ﺟﻮﺗﺎﻻﻧﯩﭗ ﺟﺎﺗﻘﺎﻥ ﻭﺭﻛﻪﺷﻜﻪ ﻗﺎﻻﻱ ﻭﺗﻪﺭﯨﻦ ﺑﯩﻠﻤﻪﻱ ﺍﻗﺴﺎﻕ ﺍﺑﺎﺩﺍﻥ ﺍﻻﺱ ﯗﺭﺩﻯ .ﺑﯟﯨﺮﻗﺎﻧﻌﺎﻥ ،ﺍﻕ ﻛﻮﺑﯩﻚ ﺍﺗﻘﺎﻥ ﺍﻻﭘﺎﺕ ﺍﻋﯩﺴﻘﺎ ﺳﻪﻛﯩﺮﯨﭗ ﺗﯘﺳﻪﻳﯩﻦ ﺩﻩﺳﻪ ﺑﺎﺗﯩﻠﻰ ﺑﺎﺭﻣﺎﻱ ،ﺍﺭﺍﻟﺪﯨﯔ ﺗﯘﺳﯩﻨﺪﺍ ﺷﻮﻳﻨﺎﯕﺪﺍﭖ ﺍﺭﻯ-ﺑﻪﺭﻯ ﺀﺟﯘﺭﺩﻯ ﺩﻩ ﻗﻮﻳﺪﻯ . ﺀﺳﻮﻳﺘﯩﭗ ﺀﺟﯘ-ﺭﯨﭗ ،ﻛﯘﯕﮕﯩﺮﺕ ﺗﺎﺭ-ﺗﺎ ﺑﺎﺳﺘﺎﻋﺎﻥ ﺍﺳﭙﺎﻧﻌﺎ ﻛﻮﺯﻯ ﺀﺗﯘﺳﺘﻰ .ﺍﺳﭙﺎﻧﺪﺍ ﺑﺎﻳﺎﻋﻰ ﻗﯩﺮﺍﻥ ﺑﯘﺭﻛﯩﺖ ﺑﺎﻳﺎﯞ ﻗﺎﻟﯩﻘﺘﺎﭖ ﺀﺟﯘﺭ ﻩﻛﻪﻥ .ﺀﻭﺯﯨﻦ ﻗﯘﺩﺍﻳﺪﯨﯔ ﻗﺎﻧﺎﺗﺴﯩﺰ ﺟﺎﺭﺍﺗﻘﺎﻧﯩﻨﺎ ﻧﺎﺯﺍﻻﻧﯩﭗ ،ﺍﻗﺴﺎﻕ ﺍﺑﺎﺩﺍﻥ ﻛﻮﺑﯩﻚ ﺷﺎﺷﯩﭗ ﺟﺎﺗﻘﺎﻥ ﺩﯗﻟﻪﻱ ﺳﯟﻋﺎ ﻗﻮﻳﺪﻯ ﺩﺍ ﻛﻪﺗﺘﻰ .ﺍﻕ ﻗﻮﺯﯨﻨﻰ ﻣﯩﻨﺎ
ﺑﯘﺭﻛﯩﺖ ﺟﻪﭖ ﻗﻮﻳﺎﺩﻯ-ﺍﯞ ﺩﻩﮔﻪﻥ ﻗﯩﺰﯨﻞ-ﺷﻴﻘﺎﻥ ﻗﯩﺰﻋﺎﻧﯩﺶ ﺷﯩﺪﺍﺗﭙﺎﭖ ﻩﺩﻯ ،ﺀﺑﯩﺮﺍﻕ ﻛﻮﻛﺒﻪﺕ ﺍﺑﺎﺩﺍﻧﺪﻯ ﺍﺳﺎﯞ ﻭﺯﻩﻥ ﺷﻮﭘﺸﻪﻙ ﻗﯘﺭﻟﻰ ﻛﻮﺭﻣﻪﻱ ﻗﺎﻗﭙﺎﻗﯩﻠﺪﺍﭖ ﺍﺭﻯ-ﺑﻪﺭﻯ ﺍﯞﻧﺎﺗﯩﭗ ﺍﻟﺪﻯ ﺩﺍ ﺟﻮﻧﻪﻟﺪﻯ . ﺍﻟﻘﯩﻨﻌﺎﻥ ﺗﺎﯞ ﻭﺯﻩﻧﯩﻨﯩﯔ ﺍﻟﺒﯩﺮﺗﺘﯩﻌﻰ ﺷﺎﺗﻘﺎﻟﺪﺍﻥ ﺀﻭﺗﯩﭗ، ﺟﺎﺯﯨﻘﻘﺎ ﺷﯩﻘﻘﺎﻧﺸﺎ ﻋﺎﻧﺎ ﻩﻛﻪﻥ ،ﻩﻧﺪﻯ ﺀﺑﯩﺮ ﺳﺎﺗﺘﻪ ﺍﻗﺴﺎﻕ ﺍﺑﺎﺩﺍﻥ ﺳﯟﻯ ﺗﺎﺭﺗﯩﻠﻌﺎﻥ ﻣﺎﻟﺘﺎ ﺗﺎﺳﺘﺎﺭﺩﯨﯔ ﯗﺳﺘﯩﻨﺪﻩ ﻗﺎﻟﻌﺎﻧﯩﻦ ﺳﻪﺯﯨﭗ ،ﻩﺳﯩﻦ ﺟﻴﺪﻯ . ﺗﯘﻧﻪﺭﯨﭗ ﺀﺗﯘﻥ ﺀﺗﯘﺳﯩﭗ ﻛﻪﻟﻪ ﺟﺎﺗﯩﺮ ﻩﻛﻪﻥ . * * * ﺍﻟﻘﺎﺭﺍﻛﻮﻙ ﺍﺳﭙﺎﻧﺪﺍ ﭘﯩﺮﺩﺍﻱ ﺑﻮﻟﯩﭗ ﺟﯘﻟﺪﯨﺰﺩﺍﺭ ﻗﺎﭘﺘﺎﭖ ﻛﻪﺗﯩﭙﺘﻰ .ﺀﺗﺎﯕﯩﺮﺗﺎﯞﺩﯨﯔ ﺗﯘﻳﻪ ﻭﺭﻛﻪﺵ ﺷﯩﯖﺪﺍﺭﯨﻨﯩﯔ ﺍﺭﺍﺳﯩﻨﺎﻥ ﯙﯞﻟﻜﺎﻥ ﺍﺗﻘﯩﻼﻋﺎﻧﺪﺍﻱ ،ﺀﺩﯗﻥ-ﺩﯗﻧﻴﻪﻧﻰ ﺍﭘﭙﺎﻕ ﺳﯘﺗﻜﻪ ﺷﻮﻣﯩﻠﺪﯨﺮﯨﭗ ،ﺟﺎﺭﻗﯩﺮﺍﭖ ﺍﻱ ﺷﯩﻌﯩﭗ ﻛﻪﻟﻪ ﺟﺎﺗﯩﺮ ﻩﻛﻪﻥ . ﻛﯘﻧﺪﯨﺰ ﺗﻮﻱ ﺑﻮﻟﻌﺎﻥ ﺟﯘﺭﺗﺘﯩﯔ ﻭﺭﻧﻰ ﺟﯩﻢ-ﺟﯩﺮﺕ . ﺀﺗﯩﭙﺘﻰ ﻩﺷﺘﻪﯕﻪ ﺑﻮﻟﻤﺎﻋﺎﻧﺪﺍﻱ .ﻗﻴﻘﯟ ،ﺍﻳﻘﺎﻱ ،ﺍﺕ ﺷﺎﭘﺘﯩﺮﯨﭗ ،ﻛﻮﻛﭙﺎﺭ ﺗﺎﺭﺗﯩﻠﻤﺎﻋﺎﻧﺪﺍﻱ .ﺭﺍﺩﻳﻮﺩﺍﻥ ﻛﯘﻱ ﺗﻮﮔﯩﻠﯩﭗ ،ﺍﻗﺒﻮﺯ ﯗﻳﻠﻪﺭﺩﻩﻥ ﺀﺍﻥ ﺷﯩﺮﻗﺎﻟﻤﺎﻋﺎﻧﺪﺍﻱ .
ﺟﯩﻢ-ﺟﯩﺮﺕ .ﻗﯘﻻﻗﻘﺎ ﯗﺭﻋﺎﻥ ﺗﺎﻧﺎﺩﺍﻱ . ﺍﻗﺴﺎﻕ ﺍﺑﺎﺩﺍﻥ ﺍﺷﺘﯩﻘﺘﺎﻥ ﺑﯘﺭﺍﻟﯩﭗ ،ﻛﯘﻟﯩﻨﯩﯔ ﻗﯩﺰﯞﻯ ﺀﺍﻟﻰ ﺗﯩﻤﯩﺴﻜﯩﻠﻪﭖ، ﻭﺷﺎﻗﺘﺎﺭﺩﻯ ﻗﻮﻳﻤﺎﻋﺎﻥ ﺑﺎﺳﯩﻼ ﺳﯘﻳﻪﻙ-ﺳﺎﻳﺎﻕ ﯨﺰﺩﻩﺩﻯ .ﺍﻕ ﺗﯘﻳﻪﻧﯩﯔ ﻗﺎﺭﻧﻰ ﺟﺎﺭﯨﻠﻌﺎﻥ ﯗﻟﻜﻪﻥ ﺗﻮﻳﺪﺍﻥ ﺟﯘﻗﺎﻧﺎ ،ﺟﯟﯨﻨﺪﻯ-ﺟﻪﻣﺘﯩﻚ ﻗﺎﻟﻤﺎﯞﻯ ﻣﯘﻣﻜﯩﻦ ﻩﻣﻪﺱ ﻩﺩﻯ ،ﺭﺍﺳﯩﻨﺪﺍ ﺩﺍ ﺟﻪﻟﯩﻨﺒﻪﻱ ﺀﺭﺍﺳﯟﺍ ﺑﻮﻟﻌﺎﻥ ﺗﺎﻣﺎﻕ ﻣﻮﻝ ﻩﻛﻪﻥ ،ﻣﻪﻟﺪﻩﻛﺘﻪﭖ ﺗﻮﻳﻌﺎﻥ ﺍﺩﺍﻣﺪﺍﺭ ﺗﺎﻣﺎﻗﺘﯩﯔ ﻗﺎﻟﺪﯨﻌﯩﻦ ﺷﯘﻗﺎﻧﺎﻕ ﻗﺎﺯﯨﭗ ،ﺳﻮﻋﺎﻥ ﺗﻮﮔﻪ ﺑﻪﺭﯨﭙﺘﻰ... ﺍﺷﺘﺎﻥ ﺑﯘﺭﺍﻟﻌﺎﻥ ،ﺍﺳﺎﯞ ﻭﺯﻩﻥ ﺟﺎﯕﻘﺎ ﻋﯘﺭﻟﻰ ﻛﻮﺭﻣﻪﻱ، ﺗﺎﺳﺘﺎﻥ ﺗﺎﺳﻘﺎ ﺳﻮﻋﯩﭗ ﺍﻋﯩﺰﻋﺎﻥ ﺍﺑﺎﺩﺍﻥ ﻣﯩﻨﺎ ﺟﯘﺭﺗﺘﺎ ﻗﺎﻟﻌﺎﻥ ﺍﺳﺘﯩﯔ ﻗﺎﻟﺪﯨﻌﯩﻨﺎﻥ ﻛﯘﭘﺘﻰ ﺑﻮﻻ ﺟﺎﺯﺩﺍﭖ ،ﺗﯘﻻ ﺑﻮﻳﻰ ﺍﯞﯨﺮﻻﭖ ،ﺟﻪﺭ ﻭﺷﺎﻗﺘﯩﯔ ﺟﯩﭗ-ﺟﯩﻠﻰ ﻛﯘﻟﯩﻨﻪ ﺟﺎﺗﺎ ﻛﻪﺗﺘﻰ . ﺳﻮﺩﺍﻥ ﺗﺎﯓ ﻗﯩﻼﯓ ﺑﻪﺭﻩ ﺀﺑﯩﺮ-ﺍﻕ ﻭﻳﺎﻧﺪﻯ . ﺟﺎﻥ-ﺟﺎﻋﯩﻨﺎ ﻗﺎﺭﺍﺳﺎ – ﺟﺎﻥ ﺟﻮﻕ .ﺍﺭ-ﺷﺎﻟﻰ ﺍﯕﻌﺎﺭﯨﻨﺎﻥ ﺳﺎﻟﻘﯩﻦ ﻟﻪﭖ ﺳﻮﻋﯩﭗ ﺗﯘﺭ .ﺍﺳﭙﺎﻧﻌﺎ ﻗﺎﺭﺍﭖ ﻩﺩﻯ ،ﺷﻮﻟﭙﺎﻥ ﺟﯘﻟﺪﯨﺰ ﺀﺩﯨﺮ-ﺀﺩﯨﺮ ﻩﺗﯩﭗ ﻗﺎﻟﺘﯩﺮﺍﭖ ،ﺟﺎﯞﺭﺍﭖ ﺗﯘﺭﻋﺎﻥ ﺳﻴﻴﺎﻗﺘﻰ ﻛﻮﺭﯨﻨﺪﻯ .ﺟﻪﻝ ﺟﺎﻗﺘﺎﻥ ﻗﻮﻱ ﻗﻮﺭﺍﻧﯩﯔ ﻗﻮﻻﯕﺴﺎ ﺀﺷﺎﻳﯩﺮ ﺍﺭﺍﻻﺱ ﺀﻳﯩﺴﻰ ﻛﻪﻟﺪﻯ . ﺍﻗﺴﺎﻕ ﺍﺑﺎﺩﺍﻥ ﺷﻮﯕﻘﻴﯩﭗ ﻭﺗﯩﺮﻋﺎﻥ ﺟﻪﺭﯨﻨﻪﻥ ﺷﺎﻳﺎﻥ ﺷﺎﻗﻘﺎﻧﺪﺍﻱ ﯨﺮﺷﯩﭗ ﺀﺗﯘﺳﺘﻰ .ﺍﯞﺯﯨﻨﺎﻥ ﺳﯩﻠﻪﻛﻪﻳﯩﻦ
ﺷﯘﺑﯩﺮﺗﯩﭗ ،ﺳﻮﻧﺸﺎﻣﺎ ﺍﯞﺭﻩ-ﺳﺎﺭﺳﺎﯕﻌﺎ ﺳﺎﻟﻌﺎﻥ ﺍﻕ ﻗﻮﺯﯨﻌﺎ ﻛﻪﺗﻜﻪﻥ ﺍﺷﯟ-ﯨﺰﺍﺳﯩﻦ ﺍﻧﺎ ﺳﺎﻳﺪﺍ ﺟﯟﺳﺎﭖ ﺟﺎﺗﻘﺎﻥ ﺀﺑﯩﺮ ﻭﺗﺎﺭ ﻗﻮﻳﺪﺍﻥ ﺍﻟﻌﯩﺴﻰ ﻛﻪﻟﯩﭗ ،ﺟﺎﺯﺩﺍ ﻗﻮﻳﺸﯩﻼﺭ ﻭﺗﯩﺮﺍﺗﯩﻦ ﺗﺎﺳﭙﻪﻥ ﻗﻮﺭﺷﺎﻟﻌﺎﻥ ﻗﻮﺗﺎﻧﻌﺎ ﺷﻮﻳﻨﺎﯕﺪﺍﭖ ﺍﻻ ﺟﻮﻧﻪﻟﺪﻯ . ﺍﺭﻧﺎﻟﻰ ﺳﺎﻳﺪﯨﯔ ﺍﺭ ﺟﺎﻋﻰ – ﺟﺎﺭﻻﯞﯨﺖ ﺟﺎﺭﺗﺎﺱ .ﺑﻪﺭﮔﻰ ﺟﺎﻋﻰ ﺗﺎﻳﭙﺎﻕ .ﺍﻗﺴﺎﻕ ﺍﺑﺎﺩﺍﻥ ﺗﺎﺳﺘﺎﻥ ﻗﺎﻻﻧﻌﺎﻥ ﺗﻮﺑﻪﺳﻰ ﺍﺷﯩﻖ ﻗﻮﺭﺍﻋﺎ ﺟﺎﻗﯩﻨﺪﺍﭖ ﻛﻪﻟﯩﭗ ،ﺟﻪﺭ ﺑﺎﯞﯨﺮﻻﭖ ﺟﺎﺗﺎ ﻗﺎﻟﯩﭗ ،ﺗﯩﯔ ﺗﯩﯖﺪﺍﺩﻯ . ﺗﻮﯕﯩﺮﻩﻙ ﺟﯩﻢ-ﺟﯩﺮﺕ .ﺗﻪﻙ ﻗﯘﻻﻋﺎﻥ ﻩﺳﻜﻰ ﻗﻮﺭﺍﻻﺭﺩﯨﯔ ﺩﯞﺍﻟﺪﺍﺭﯨﻨﺎﻥ ﺳﯘﯕﻘﯩﻠﺪﺍﭖ ﺟﯩﻼﭖ ﻭﺗﯩﺮﻋﺎﻥ ﺑﺎﻳﻌﯩﺰ ﺩﺍﯞﺳﻰ ﻩﺳﺘﯩﻠﻪﺩﻯ . ﺍﻗﺴﺎﻕ ﺍﺑﺎﺩﺍﻥ ﺍﺩﺍﻡ ﻩﻣﻪﺱ ،ﺍﻳﺘﭙﻪﺳﻪ ﺳﻮﻝ ﺑﺎﻳﻌﯩﺰﻋﺎ ﯨﺸﯩﻨﻪﻥ: – ﺀﻭﺯ ﺑﺎﺳﯩﯖﺎ ﻛﻮﺭﯨﻨﮕﯩﺮ! – ﺩﻩﭖ ﺭﻩﻧﺠﯩﺮ ﻩﺩﻯ .ﻛﯩﻢ ﺑﯩﻠﻪﺩﻯ ،ﻗﺎﺳﻘﯩﺮﻻﺭﺩﯨﯔ ﻗﺎﺭﻋﯩﺴﻰ ﺑﺎﺳﻘﺎ ﺀﺑﯩﺮ ﯗﻧﻤﻪﻥ ﺍﻳﺘﯩﻼﺗﯩﻦ ﺷﯩﻌﺎﺭ . ﺑﺎﻳﻌﯩﺰﺩﯨﯔ ﺯﺍﺭﻯ ﺀﺑﯩﺮ ﺳﺎﺭﯨﻦ ،ﯗﺯﯨﻚ-ﯗﺯﯨﻚ ،ﻗﺎﻳﺘﺎﻻﻱ ﺑﻪﺭﻩﺩﻯ .ﺀﻭﺯ ﺑﺎﺳﯩﯖﺎ ﻛﻮﺭﯨﻨﮕﯩﺮ . ﺑﺎﺳﻘﺎ ﺩﯨﺒﯩﺲ ﺑﺎﻳﻘﺎﻟﻤﺎﻳﺪﻯ .ﺍﻝ ﻩﻧﺪﻯ ﻧﻪﺑﯩﺮ ﺍﻟﯩﭙﺴﻮﻕ ﻣﺎﯕﺘﻮﺑﻪﺗﺘﻪﺭ ﻭﺳﯩﻨﺪﺍ .ﺀﺑﯩﺮﺍﻕ ﻭﻻﺭ ﻛﯘﻧﺪﯨﺰﮔﻰ ﯗﻻﻥ-ﺍﺳﯩﺮ ،ﺍﺳﺘﺎﺗﻮﻙ ﺗﻮﻳﺪﺍﻥ ﯨﯖﻘﻴﻴﺎ ﺗﻮﻳﯩﭗ ﺍﻟﯩﭗ ،ﻩﻧﺪﻯ
ﻗﺎﻟﯩﯔ ﯗﻳﻘﯩﺪﺍ ﺟﺎﺗﻘﺎﻥ ﺳﻴﻴﺎﻗﺘﻰ . ﻳﺘﺘﻪﺭ ﺳﻮﻧﺪﺍﻱ ﺑﻮﻟﻌﺎﻧﺪﺍ> ،ﺍﻱ-ﺣﺎﻱ ﺩﯗﻧﻴﻪ< ﺩﻩﭖ ﺍﺭﺍﻕ ﺀﯨﺸﯩﭗ ،ﺩﺍﺭﯨﻠﺪﺍﭖ ﻭﻟﻪﯓ ﺍﻳﺘﯩﭗ ،ﺗﻮﻱ-ﺗﻮﻳﻼﭖ ،ﺳﯩﻠﻪﺳﻰ ﻗﺎﺗﻘﺎﻥ ﺍﺩﺍﻣﺪﺍﺭﻋﺎ ﻧﻪ ﺟﻮﺭﯨﻖ! ﻧﺎﻋﯩﺰ ﺳﯩﺮﻩﺳﭙﻪ ﯗﻳﻘﻰ ﺳﻮﻻﺭﺩﺍ . ﻭﺳﯩﻨﯩﯔ ﺀﺑﺎﺭﯨﻦ ﺑﺎﺭﻻﭖ ﺍﻟﻌﺎﻥ ﺍﻗﺴﺎﻕ ﺍﺑﺎﺩﺍﻥ ﺳﺎﺩﯨﺮﺍ ﺳﺎﺳﯩﻌﺎﻥ ﻗﻮﺭﺍﻧﯩﯔ ﻳﯩﺴﯩﻨﻪﻥ ﺑﺎﺳﻰ ﺍﻳﻨﺎﻟﯩﭗ، ﯨﺸﭙﻪﻱ-ﺟﻪﻣﻪﻱ ﻣﺎﺱ ﺑﻮ-ﻟﯩﭗ ،ﻭﻧﯩﯔ ﯗﺳﺘﯩﻨﻪ ﺍﺳﭙﺎﻧﺪﺍﻋﻰ ﺍﻕ ﻗﻮ-ﺯﯨﻨﯩﯔ ﯨﺰﺍﺳﻰ ﺑﯟﯨﭗ ،ﺷﯩﺪﺍﻱ ﺍﻟﻤﺎﻱ، ﻛﻮﺯﻯ ﺗﯘﻧﯩﭗ ﻛﻪﺗﯩﭗ ،ﺍﻻﺳﺎ ﺗﺎﺱ ﻗﻮﺭﺍﺩﺍﻥ ﻗﺎﻻﻱ ﻗﺎﺭﻋﯩﭗ ﺗﯘﺳﻜﻪﻧﯩﻦ ﺀﻭﺯﻯ ﺩﻩ ﺑﯩﻠﻤﻪﻱ ﻗﺎﻟﺪﻯ . ﺗﯩﭗ-ﺗﯩﻨﯩﺶ ﺟﯟﺳﺎﭖ ﺟﺎﺗﻘﺎﻥ ﻣﺎﻣﯩﺮﺍ-ﺟﺎﻱ ﻣﺎﯕﯩﺮﺍﻣﺎﻻﺭ ﺀﺩﯗﺭ-ﺭ-ﺭ ﻩﺗﯩﭗ ﻛﻮﺗﻪﺭﯨﻠﯩﭗ ،ﺑﯩﺮﯨﻨﻪ ﺀﺑﯩﺮﻯ ﺗﯩﻌﯩﻠﯩﭗ، ﺀﺑﯩﺮﯨﻦ -ﺀﺑﯩﺮﻯ ﻳﺘﻪﺭﻣﻪﻟﻪﭖ ﯗﻳﻠﯩﻘﺘﻰ ﺩﺍ ﻗﺎﻟﺪﻯ . ﺍﻗﺴﺎﻕ ﺍﺑﺎﺩﺍﻥ ﺩﯗﻧﻴﻪﮔﻪ ﻗﺎﺳﻘﯩﺮ ﺑﻮﻟﯩﭗ ﺟﺎﺭﺍﻟﻌﺎﻟﻰ ﺑﻪﺭﻯ،ﺀﺑﻮﻟﺘﯩﺮﯨﻚ ﺑﻮﻟﯩﭗ ﻛﻮﺯﯨﻦ ﺟﯩﺮﺗﻴﺘﯩﭗ ﺍﺷﻘﺎﻟﻰ ﺑﻪﺭﻯ ﺑﺎﺳﯩﻨﺎﻥ ﻭﺗﻜﻪ-ﺭﯨﭗ ﻛﻪﻟﻪ ﺟﺎﺗﻘﺎﻥ ﺍﺯﺍﭘﺘﻰ ،ﻗﻮﺭﻟﯩﻖ ﺀﻭﻣﯩﺮﯨﻨﯩﯔ ﺀﻭﺷﯩﻦ ،ﺍﻱ ﺀﺑﯩﺮ ﺍﻟﯩﭗ ﻗﺎﻻﻳﯩﻦ ﺩﻩﭖ ﻣﯩﻨﺎ ﻣﯩﯖﻖ ﻩﺗﭙﻪﺱ ﻣﻮﻝ ﺑﺎﻳﻠﯩﻘﺘﯩﯔ ﺍﻟﻘﯩﻤﯩﻨﺎ ﻛﺎﺭﻯ ﺍﺯﯞ ﺀﺗﯩﺴﯩﻦ ﺍﻳﺎﯞﺳﯩﺰ ﺑﺎﺳﺘﻰ ﺩﻩﻳﺴﯩﯔ! . . ﺍﻗﺴﺎﻕ ﺍﺑﺎﺩﺍﻧﻨﯩﯔ ﺍﺭﺍﻧﻰ ﺍﺷﯩﻠﯩﭗ ﻛﻪﺗﺘﻰ .ﺑﯩﺮﻩﯞ-ﻩﻛﻪﯞﯨﻦ ﻣﯩﺴﻪ ﺗﯘﺗﭙﺎﻱ ،ﺷﻪﺗﯩﻨﻪﻥ ﺍﻟﻘﯩﻤﺪﺍﻱ ﺑﻪﺭﮔﻪﻧﺪﻩ ،ﺷﺎﻳﻨﺎﻣﺎﻱ
ﺟﯘﺗﻘﺎﻥ ﯨﺴﺘﯩﻖ ﻗﺎﻧﻨﺎﻥ ﺑﻮﮔﯩﭗ ﻗﺎﻟﻌﺎﻧﺪﺍﻱ ﺑﻮﻟﺪﻯ . ﺳﻮﻧﺪﺍ ﺑﺎﺭﯨﭗ ﻳﺘﺘﻪﺭﺩﯨﯔ ﺷﺎﺑﺎﻻﻧﺎ ﺍﺑﺎﻻﻋﺎﻧﻰ ،ﺍﺩﺍﻣﺪﺍﺭﺩﯨﯔ ﻗﺎﺭﻟﯩﻌﺎ ﺍﻳﻘﺎﻳﻼﻋﺎﻧﻰ ﻩﺳﺘﯩﻠﯩﭗ ،ﺗﺎﺱ ﻗﻮﺭﺍﻧﯩﯔ ﻗﺎﻗﭙﺎﺳﻰ ﺳﯩﻘﯩﺮﻻﭖ ،ﯨﯖﯩﺮﺳﻲ ﺍﺷﯩﻠﺪﻯ . ﺍﻗﺴﺎﻕ ﺍﺑﺎﺩﺍﻥ ﺗﺎﺱ ﻗﻮﺭﺍﺩﺍﻥ ﻗﺎﺭﻋﯩﭗ ﺷﯩﻌﯩﭗ ﻗﺎﺷﭙﺎﻕ ﺑﻮﻟﯩﭗ ﻩﺩﻯ ،ﯗﻟﮕﻪﺭﻩ ﺍﻟﻤﺎﻱ ﻗﺎﭘﻰ ﻗﺎﻟﺪﻯ .ﻗﺎﺭﺗﺎﻳﻌﺎﻥ ﻋﻮﻱ ﺳﻮﺭﻟﻰ؛ ﯗﻳﻠﯩﻌﯩﭗ ،ﺑﯩﺮﯨﻨﻪ ﺀﺑﯩﺮﻯ ﺗﯩﻌﯩﻠﯩﭗ، ﻧﯩﻌﯩﺰﺩﺍﻟﯩﭗ ﻗﺎﻟﻌﺎﻥ ﻗﻮﻳﻼﺭﺩﯨﯔ ﯗﺳﺘﯩﻨﻪﻥ ﺍﺳﯩﭗ ،ﺗﺎﺱ ﻗﻮﺭﺍﺩﺍﻥ ﻗﺎﺭﻋﻲ ﺍﻟﻤﺎﻱ ﻗﺎﻟﺪﻯ . ﻗﺎﻧﺸﺎ ﺍﻳﺘﻘﺎﻧﻤﻪﻥ ﺍﺑﺎﺩﺍﻧﻨﯩﯔ ﺍﺗﻰ ﺍﺑﺎﺩﺍﻥ ﻋﻮﻱ ،ﺍﺯﯞﻯ ﺍﻟﺘﻰ ﻗﺎﺭﯨﺲ ﺍﺭﻻﻥ-ﺗﻮﺑﻪﺗﺘﻪﺭﺩﯨﯔ ﺀﻭﺯﻯ ﺍﺑﺎﺩﺍﻧﻌﺎ ﺑﯩﺮﺩﻩﻥ ﺷﺎﺑﯟﯨﻠﺪﺍﯞﻋﺎ ﺑﺎﺗﺎ ﺍﻟﻤﺎﻱ ،ﯨﺮﻛﯩﻠﯩﭗ ،ﻗﯘﺭ ﺑﻪﻛﻪﺭ ﺑﺎﺟﯩﻠﺪﺍﭖ ﺷﺎﺑﺎﻻﻧﺎ ﺀﯗﺭﯨﭗ ﺗﯘﺭﻋﺎﻧﺪﺍ ،ﻣﯩﻠﺘﯩﻌﯩﻦ ﺍﻻ ﺷﯩﻘﻘﺎﻥ ﺷﻮﭘﺎﻥ ﺍﻳﺘﻪﯞﯨﺮ ﺗﯘﺳﭙﺎﻟﺪﺍﭖ ﺍﺗﯩﭗ ﺳﺎﻟﺪﻯ .ﮔﯘﺭﺱ ﻩﺗﻜﻪﻥ ﻣﯩﻠﺘﯩﻖ ﺩﺍﯞﺳﯩﻨﺎﻥ ﺍﻗﺒﺎﺱ ﺷﯩﯖﺪﺍﺭ ﺳﯩﻠﻜﯩﻨﮕﻪﻧﺪﻩﻱ ﺑﻮﻟﺪﻯ . ﻭﻕ ﺯﺍﻳﺎ ﻛﻪﺗﭙﻪﻱ ،ﺍﻗﺴﺎﻕ ﺍﺑﺎﺩﺍﻧﻨﯩﯔ ﺟﺎﻣﺒﺎﺳﯩﻨﺎﻥ ﺗﻴﮕﻪﻥ ﻩﻛﻪﻥ ،ﯗﻳﻠﯩﻌﯩﭗ ﻩﺳﻰ ﻛﻪﺗﻜﻪﻥ ﻗﻮﻳﻼﺭﺩﯨﯔ ﯗﺳﺘﯩﻨﻪ ﺗﻮﯕﻜﻪﺭﯨﻠﻪ ﻗﯘﻻﺩﻯ . * * *
– ﺷﻮﻻﻕ ﺷﻮﭘﺎﻥ ﺍﻗﺴﺎﻕ ﺍﺑﺎﺩﺍﻧﺪﻯ ﺍﺗﯩﭗ ﺍﻟﯩﭙﺘﻰ . – ﺍﻗﺴﺎﻕ ﺍﺑﺎﺩﺍﻥ ﺷﻮﻻﻕ ﺷﻮﭘﺎﻧﻨﯩﯔ ﺀﺑﯩﺮ ﻗﻮﺭﺍ ﻗﻮﻳﯩﻦ ﻗﯩﺮﯨﭗ ﺗﺎﺳﺘﺎﭘﺘﻰ . ﻭﺳﻰ ﺀﺑﯩﺮ ﺣﺎﺑﺎﺭ ﺟﻪﻟﺪﻯ ﻛﯘﻧﮕﻰ ﻭﺭﺗﺘﻪﻱ ﻻﯞﻻﭖ ،ﻗﺎﯞﻻﭖ، ﯨﻠﺪﻳﺪﺍﻋﻰ ﻩﻟﮕﻪ ﺗﻪﺯ ﺗﺎﺭﺍﺩﻯ . ﺍﺭﺗﯩﻨﺸﺎ: – ﻭﻳﺒﺎﻱ ،ﻧﻪ ﺩﻩﻳﺴﯩﯔ ،ﺷﻮﻻﻕ ﺷﻮﭘﺎﻥ ﻩﻛﻰ ﻧﻪﻣﻪﺭﻩﺳﯩﻦ ﺑﯩﺮﺩﻩﻱ ﺳﯘﻧﺪﻩﺗﺘﻪﺗﯩﭗ ،ﺗﻮﻱ ﺑﻪﺭﯨﭙﺘﻰ .ﺗﻮﻳﺪﺍ ﻛﻮﻛﭙﺎﺭ ﺗﺎﺭﺗﯩﻠﯩﭗ ،ﺍﻻﻣﺎﻥ ﺑﺎﻳﮕﻪ ﺑﻪﺭﯨﻠﯩﭗ ،ﺑﯘﺭﻛﯩﺘﺸﯩﻠﻪﺭ ﻗﺎﺳﻘﯩﺮ ﺍﻟﯩﭙﺘﻰ... ﻭﺳﯩﻨﺪﺍﻱ ﺩﺍ ﺣﺎﺑﺎﺭ ﻩﻟﮕﻪ ﻟﻪﺯﺩﻩ ﺗﺎﺭﺍﺩﻯ . ﺍﻝ ﺷﯩﻨﺪﯨﻌﯩﻨﺪﺍ ﺷﻮﻻﻕ ﺷﻮﭘﺎﻧﻨﯩﯔ ﻗﻮﺗﺎﻧﯩﻨﺎ ﺍﻗﺴﺎﻕ ﺍﺑﺎﺩﺍﻥ ﺀﺗﯘﺳﯩﭗ ،ﺀﯗﺵ-ﺀﺗﻮﺭﺕ ﻗﻮﻳﺪﻯ ﺑﺎﯞﯨﺰﺩﺍﭖ ﺗﺎﺳﺘﺎﻋﺎﻧﻰ ﺭﺍﺱ ﻩﻛﻪﻥ .ﻣﯩﯔ ﻗﻮﻳﺪﯨﯔ ﯨﺸﯩﻨﻪﻥ ﺀﯗﺵ-ﺀﺗﻮﺭﺕ ﻗﻮﻱ ﻛﻪﺗﺴﻪ – ﺳﺎﺩﺍﻗﺎ! ﺍﻝ ﺷﯩﻨﺪﯨﻌﯩﻨﺪﺍ ﺷﻮﻻﻕ ﺷﻮﭘﺎﻧﻨﯩﯔ ﺍﻗﺴﺎﻕ ﺍﺑﺎﺩﺍﻧﺪﻯ ﺍﺗﯩﭗ ﺍﻟﻌﺎﻧﻰ ﺩﺍ ﺭﺍﺱ ﻩﻛﻪﻥ .ﺟﺎﻣﺒﺎﺳﻰ ﻛﯘﻳﺮﻩﭖ ،ﻭﻧﺴﯩﺰ ﺩﺍ ﺍﻗﺴﺎﻕ ﺍﺑﺎﺩﺍﻥ ﺍﻟﺪﯨﯖﻌﻰ ﻩﻛﻰ ﺍﻳﺎﻋﯩﻤﻪﻥ ﺟﻪﺭ ﺑﺎﯞﯨﺮﻻﭖ، ﺍﻗﯩﺮﻯ ﺟﯩﻠﺠﻲ ﺍﻟﻤﺎﻱ> ،ﭘﻠﻪﻧﮕﻪ< ﺀﺗﯘﺳﯩﭙﺘﻰ .ﺷﻮﻻﻕ ﺷﻮﭘﺎﻥ ﺳﺎﻗﻤﺎﻧﺸﯩﻼﺭﻯ ،ﺟﺎﺭﺩﻩﻣﺸﯩﻠﻪﺭﻯ ،ﺀﺑﺎﺭﻯ ﺟﺎﺑﯩﻠﯩﭗ ﺟﺎﺗﯩﭗ ،ﺍﻗﺴﺎﻕ ﺍﺭﻻﻧﻨﯩﯔ ﺑﺎﺱ ﻗﺎﺭﯞﻯ – ﺳﻪﻣﺴﻪﺭﺩﻩﻱ ﺗﯩﺴﺘﻪﺭﯨﻨﻪﻥ ﺳﺎﻗﺘﺎﻧﯟ ﺀﯗﺷﯩﻦ ﺗﯘﻣﺴﯩﻌﯩﻨﺎ ﺗﯘﻣﯩﻠﺪﯨﺮﯨﻖ
ﺳﺎﻟﺪﻯ .ﺟﺎﻋﯩﻦ ﻗﺎﺭﯨﺴﺘﯩﺮﯨﭗ ،ﺍﯞﺯﯨﻦ ﺑﯟﯨﭗ ﺗﺎﺳﺘﺎﺩﻯ . ﺍﻟﺪﯨﯖﻌﻰ ﻩﻛﻰ ﺍﻳﺎﻋﯩﻦ ﺩﺍ ﺑﯩﺮﯨﻜﺘﯩﺮﯨﭗ ﺑﺎﻳﻼﺩﻯ .ﻭﺳﯩﻨﯩﯔ ﺀﺑﺎﺭﻯ ﺍﺯﺩﺍﻱ ،ﺗﺎﺱ ﻗﻮﺭﺍﻋﺎ ﺍﭘﺎﺭﯨﭗ ﻗﺎﻣﺎﭖ ﻗﻮﻳﺪﻯ . ﺳﯘﺭﺍﻕ ﺗﯟﺍﺩﻯ :ﻧﻪﮔﻪ ﺑﯩﺮﺩﻩﻥﺀﻭﻟﺘﯩﺮﻩ ﺳﺎﻟﻤﺎﺩﻯ؟ ﺀﺑﺎﺭﻯ ﺀﺑﯩﺮ ﻩﻧﺪﻯ ﺍﻗﺴﺎﻕ ﺍﺑﺎﺩﺍﻥ ﺗﯩﺮﯨﺪﻩ ﺑﯘﻝ ﻗﻮﺗﺎﻧﻌﺎ ﺗﯩﻨﯩﺸﺘﯩﻖ ﺟﻮﻕ .ﺀﺑﯩﺮ ﻭﻗﭙﻪﻥ ﻭﻟﺘﯩﺮﻩ ﺳﺎﻟﯩﭗ ،ﺗﻪﺭﯨﺴﯩﻦ ﺳﯩﭙﯩﺮﯨﭗ ﺍﻟﯩﭗ ،ﻭﻟﯩﮕﯩﻦ ﻗﯘﺝ-ﻗﯘﺝ ﺟﺎﺭﺗﺎﺳﺘﺎﻥ ﻻﻗﺘﯩﺮﯨﭗ ﺟﯩﺒﻪﺭﮔﻪﻧﺪﻩ – ﺳﻮﻧﺎﯞ ﺷﻪﻛﺴﯩﺰ ﺍﺳﭙﺎﻧﺪﻯ ﻛﻪﺯﯨﭗ، ﺟﻪﻣﺘﯩﻚ ﯨﺰﺩﻩﭖ ﺳﺎﻧﺴﯩﺮﺍﭖ ﺟﯘﺭﮔﻪﻥ ﺗﺎﺯ ﻗﺎﺭﺍﻻﺭﻋﺎ، ﻩﺑﻪﺩﻩﻳﺴﯩﺰ ﻗﯘﻻﺩﯨﻨﺪﺍﺭﻋﺎ ﺳﺎﯞﺍﭖ ﺑﻮﻻﺗﯩﻦ ﻩﺩﻯ .ﺳﻮﻻﺭ ﺀﺑﯩﺮ ﺗﻮﻳﺎﺗﯩﻦ ﻩﺩﻯ ...ﺳﻮﻳﺘﺴﻪ... * * * ﺳﻮﻳﺘﺴﻪ ﺷﻮﻻﻕ ﺷﻮﭘﺎﻧﻨﯩﯔ ﺑﺎﺳﯩﻨﺎ ﺀﺑﯩﺮ >ﻳﺪﻩﻳﺎ< ﺳﺎﺭﺕ ﻩﺗﯩﭗ ﻛﻪﻟﻪ ﻗﺎﻟﻌﺎﻥ ﻋﻮﻱ . ﻩﻛﻰ ﺑﯩﺮﺩﻩﻱ ﻧﻪﻣﻪﺭﻩﺳﯩﻦ >ﺑﻮﭘﺎﻗﺘﺎ-ﺗﺎ-ﺩﻯ< ،ﻳﺎﻋﻨﻲ ﺳﯘﻧﺪﻩﺗﻜﻪ ﻭﺗﯩﺮﻋﯩﺰﺍﺩﻯ .ﻭﻧﺪﺍﻱ ﻩﻟﻪﯞﻟﻰ ﻭﻗﻴﻌﺎ ﺗﻮﻱ-ﺗﻮﻣﺎﻻﻗﺴﯩﺰ ﺑﻮﻟﻤﺎﻳﺪﻯ . ﺗﻮﻱ ﺑﻮﻟﻌﺎﻥ ﺳﻮﯓ ﺍﺕ ﺟﺎﺭﯨﺲ ،ﺑﺎﻳﮕﻪ ﺑﻮﻻﺩﻯ ،ﺑﺎﻟﯟﺍﻧﺪﺍﺭ ﻛﯘﺭﻩﺳﻪﺩﻯ ،ﺍﯞﺩﺍﺭﯨﺴﭙﺎﻕ ،ﻗﯩﺰ ﻗﯟﯞ – ﺑﯘﻻﺭﺩﯨﯔ ﺀﺑﺎﺭﻯ ﻗﯩﺰﯨﻖ ،ﺀﺑﯩﺮﺍﻕ ﺗﺎﯕﺴﯩﻖ ﻩﻣﻪﺱ . ﻭ-ﻭ ،ﺷﻮﻻﻕ ﺷﻮﭘﺎﻧﻨﯩﯔ ﺑﯘﻝ ﺗﻮﻳﻰ ﻩﺳﺘﻪ ﻗﺎﻻﺭﻟﯩﻘﺘﺎﻱ ﻩﺭﻩﻛﺸﻪ ﺑﻮﻟﯟ ﻛﻪﺭﻩﻙ .ﺷﻮﻻﻕ ﺷﻮﭘﺎﻥ ﺑﯘﻝ ﺗﻮﻳﻌﺎ
ﺑﯘﺭﻛﯩﺘﺸﯩﻠﻪﺭﺩﻯ ﺩﻩ ﺷﺎﻗﯩﺮﺍﺩﻯ . – ﺑﯘﺭﻛﯩﺘﺸﯩﻠﻪﺭﻯ ﻧﻪﺳﻰ؟ ﺗﻮﻱ ﺑﻮﻟﻌﺎﻥ ﺟﻪﺭﺩﻩ ﺍﯕﺪﺍﺭ ﺟﻮﺭﺗﯩﭗ ﺟﯘﺭﻩ ﻣﻪ ﻩﻛﻪﻥ؟ – ﻗﺎﺳﻘﯩﺮ ،ﺗﯘﻟﻜﻰ ،ﻗﺎﺭﺳﺎﻕ ﺗﯘﺭﻣﺎﻕ ،ﺀﺗﯩﺮﻯ ﺗﯩﺸﻘﺎﻥ ﺟﻮﻻﻣﺎﺱ! – ﺟﻮﻕ ،ﻭﻳﺒﺎﻱ ،ﺷﻮﻻﻕ ﺷﻮﭘﺎﻥ >ﺳﯘﺭﭘﯩﺮﯨﺰ< ﺩﻩﭘﺘﻰ ﺩﻩﻳﺪﻯ ﻋﻮﻱ . – >ﺳﯘﺭﭘﯩﺮﯨﺰﻯ< ﻧﻪﺳﻰ؟ – >ﺳﯘﺭﭘﯩﺮﯨﺰ< ﺩﻩﭖ ﺟﯘﺭﮔﻪﻧﺪﻩ ﺀﻭﺯﯨﻦ ﺀﭘﯩﺮ ﺍﺗﯩﭗ ﻛﻪﺗﭙﻪﺳﯩﻦ . – ﻧﻪ ﺩﻩ ﺑﻮﻟﺴﺎ ،ﺑﺎﺭﺍ ﻛﻮﺭﻩﻣﯩﺰ... * * * ﺗﻮﻳﺪﯨﯔ ﺑﺎﺳﻘﺎ ﻗﯩﺰﯨﻌﻰ ﺀﻭﺯ ﺍﻟﺪﯨﻨﺎ ،ﺍﻧﺎ ﺳﺎﻳﺎﺗﺸﯩﻼﺭ – ﻗﻮﻟﺪﺍﺭﯨﻨﺎ ﺑﯘﺭﻛﯩﺖ ﻗﻮﻧﺪﯨﺮﻋﺎﻧﺪﺍﺭ ﻧﻪ ﻗﯩﺰﯨﻖ ﻛﻮﺭﺳﻪﺗﻪﺭ ﻩﻛﻪﻥ؟ ﺩﻩﮔﻪﻥ ﯨﻨﺘﯩﻖ ﺀﺍﺭ ﻛﻪﯞﺩﻩﺩﻩ ﺑﺎﺭ ﻩﻛﻪﻥ ،ﺟﯘﺭﺗﺘﯩﯔ ﻛﻮﭘﺸﯩﻠﯩﮕﻰ ﻛﻪﺭﻣﻪﺗﺎﺳﺘﯩﯔ ﻩﺗﻪﮔﯩﻨﻪ ﺟﻴﻨﺎﻟﺪﻯ . ﺑﯘﺭﻛﯩﺘﺸﯩﻠﻪﺭ ﻛﻪﺭﻣﻪﺗﺎﺳﺘﯩﯔ ﺟﻪﻟﻜﻪﺳﯩﻨﺪﻩ ﺀﺗﯩﺰﯨﻠﯩﭗ ﺗﯘﺭ .ﺍﻟﺪﻩﻛﯩﻤﺪﻩﺭ ﺍﺭﯨﺮﻩﻛﻜﻪ ﺑﺎﺭﯨﭗ ،ﺗﻪﻣﯩﺮ ﺗﻮﺭﺩﺍﻥ ﺍﯞﺯﻯ-ﺑﺎ-ﺳﻰ ﺗﯘﻣﺸﺎﻻﻧﻌﺎﻥ ،ﺍﻳﺎﻗﺘﺎﺭﻯ ﺑﯟﯨﻠﻌﺎﻥ، ﺑﻮﻙ-ﺳﻪﺳﻰ ﻗﺎﻧﻌﺎ ﺑﻮﻳﺎﻟﻌﺎﻥ ﻗﺎﺳﻘﯩﺮﺩﻯ ﺷﯩﻌﺎ-ﺭﯨﭗ ﺗﺎﺳﺘﺎﺩﻯ ﺩﺍ ،ﻭﺯﺩﻩﺭﻯ ﺟﯘﮔﯩﺮﯨﭗ-ﺟﯘ-ﮔﯩﺮﯨﭗ ،ﻗﺎﻟﯩﯔ ﺗﻮﭘﻘﺎ ﺑﺎﺭﯨﭗ ﻗﻮﺳﯩﻠﺪﻯ .
ﺍﺗﻘﺎ ﻣﯩﻨﮕﻪﻥ ﺗﻮﻱ ﺑﺎﺳﺘﺎﯞﺷﻰ ﺷﯩﻌﺎﺭ ،ﻗﻮﻟﯩﻨﺪﺍﻋﻰ ﻗﯩﺰﯨﻞ ﺟﺎﻻﯞﺩﻯ ﺟﻮﻋﺎﺭﻯ ﻛﻮﺗﻪﺭﯨﭗ ،ﺗﻮﻣﻪﻥ ﻗﺎﺭﺍﻱ ﺳﻪﺭﻣﻪﻱ ﻛﻪﭖ ﻗﺎﻟﺪﻯ . ﺳﻮﻝ ﺳﻮﻝ ﻩﻛﻪﻥ ،ﺳﻮﻧﺎﯞ ﺍﯞﻻﻗﺘﺎ ﺗﯘﺭ-ﻋﺎﻥ ﺑﯟﺩﻛﺎﻧﯩﯔ ﯨﺸﯩﻨﻪﻥ ﺀﺑﯩﺮ ﺗﯘﻟﻜﻰ ﺗﯘﺭﺍ ﻛﻪﭖ ﻗﺎﺷﺘﻰ . ﺟﺎﺭﺗﺎﺱ ﺑﺎﺳﯩﻨﺪﺍ ﺗﯘﺭﻋﺎﻥ >ﺍﯕﺸﯩﻼﺭ< ﺑﯘﺭﻛﯩﺘﺘﻪﺭﯨﻨﯩﯔ ﺗﻮﻣﺎﻋﺎﺳﯩﻦ ﺳﯩﭙﯩﺮ-ﻋﺎﻧﻰ ﺳﻮﻝ ﻩﻛﻪﻥ ،ﺍﻟﮕﻰ ﺗﯘﻟﻜﻰ ﻩﻧﺪﻯ ﻗﺎﻟﯩﯔ ﺟﯘﺭﺕ ﺗﯘﺭﻋﺎﻥ ﺟﺎﻗﻘﺎ ﻗﺎﺭﺍﻱ ﻗﺎﺷﺘﻰ . ﺍﻳﻘﺎﻱ-ﺷﯟ ،ﻣﺎﺷﻴﻨﻪﻟﻪﺭﺩﯨﯔ ﯨﺴﻘﯩﺮﯨﻌﻰ – ﺀﺑﺎﺭﻯ ﺍﺭﺍﻻﺱ، ﺍﺯﺍﻥ-ﻗﺎﺯﺍﻥ . ﺗﯘﻟﻜﯩﻨﻰ ﻛﻮﺯﻯ ﺷﺎﻟﯩﭗ ﻗﺎﻟﻌﺎﻥ ﺀﺑﯩﺮ ﺑﯘﺭﻛﯩﺖ ﻗﺎﻟﯩﯔ ﻧﻮﭘﯩﺮﮔﻪ ﻗﺎﺭﺍﻱ ﺀﺷﯘﻳﯩﻠﺴﯩﻦ .ﺀﺑﯩﺮﺍﻕ ﺍﺩﺍﻣﺪﺍﺭﺩﯨﯔ ﺍﺭﺍﺳﯩﻨﺎ ﻛﯩﺮﯨﭗ ﻛﻪﺗﻜﻪﻥ ﺗﯘﻟﻜﯩﺪﻩﻥ ﺍﺩﺍﺳﯩﭗ ﻗﺎﻟﯩﭗ ،ﺍﻟﮕﻰ ﺑﯘﺭﻛﯩﺖ ﻗﯩﺰﯨﻞ ﻛﻮﻳﻠﻪﻙ ﻛﻴﮕﻪﻥ ﺀﺑﯩﺮ ﻛﻪﻟﯩﻨﺸﻪﻛﺘﯩﯔ ﯗﺳﺘﯩﻨﻪ ﻗﻮﻧﺠﻴﻴﺎ ﻛﻪﺗﺴﯩﻦ . ﺟﯘﺭﺕ ﺟﺎﺑﯩﻠﯩﭗ ﺟﺎﺗﯩﭗ ،ﺳﻮﺭﻟﻰ ﺑﯘﺭ-ﻛﯩﺘﺘﻰ ﻗﺎﻣﺸﯩﻤﻪﻥ ﺳﺎﺑﺎﻻﭖ ﺟﺎﺗﯩﭗ ،ﺍﺭﻩﯓ ﺍﺟﯩﺮﺍﺗﯩﭗ ﺍﻟﺴﯩﻦ .ﻗﺎﻧﺠﺎﺭﺩﺍﻱ ﺗﯘﻳﺎﻗﺘﺎﺭ ﺑﺎﻟﻌﯩﻦ ﻩﺗﻜﻪ ﻛﯩﺮﯨﭗ ﻛﻪﺗﻜﻪﻥ ﻩﻛﻪﻥ ،ﺍﺭﻩﯓ ﺍﺟﯩﺮﺍﺩﻯ .ﺟﺎﺭﺍﻟﻰ ﻛﻪ-ﻟﯩﻨﺸﻪﻙ-ﻛﻪ ﺩﻩﺭﻩﯞ >ﺟﻪﺩﻩﻝ ﺟﺎﺭﺩﻩﻣﺸﯩﻠﻪﺭ< ﺟﻪﺗﺘﻰ .
ﻗﺎﻣﺸﯩﺪﺍﻥ ﻗﺎﻧﺎﺗﻰ ﺟﺎﻳﯩﻼ ﻗﯘﻻﻋﺎﻥ ﺑﯘﺭﻛﯩﺘﺘﻰ >ﺟﻪﺩﻩﻝ ﺟﺎﺭﺩﻩﻡ< ﻣﺎﺷﻴﻨﻪﺳﻰ ﺑﺎﺳﯩﭗ ﺗﺎ ﻛﻪﺗﺘﻰ . ﻛﻪﻟﻪﺳﻰ ﺑﯘﺭﻛﯩﺖ ﺗﯘﻣﺴﯩﻌﻰ ﺗﯘﻣﺸﺎﻻﻧﻌﺎﻥ ،ﺍﻟﺪﯨﯖﻌﻰ ﻩﻛﻰ ﺍﻳﺎﻋﻰ ﺗﺎﺭﺱ ﺑﺎﻳﻼﻧﻌﺎﻥ ﺍﻗﺴﺎﻕ ﺍﺑﺎﺩﺍﻧﻨﯩﯔ ﯗﺳﺘﯩﻨﻪ ﻗﻮﻧﺠﻴﻴﺎ ﻛﻪﺗﭙﻪﻛﺸﻰ ﺑﻮﻟﯩﭗ ﻛﻪﻟﻪ ﺟﺎﺗﻘﺎﻧﺪﺍ ،ﺟﺎﺭﯨﻘﺘﯩﻖ ﺍﻗﺴﺎﻕ ﺍﺑﺎﺩﺍﻥ ﺷﺎﻟﻘﺎﺳﯩﻨﺎﻥ ﺟﺎﺗﺎ ﻗﺎﻟﯩﭗ ،ﺟﺎﻟﻌﯩﺰ ﺳﺎﯞ ﺍﻳﺎﻋﯩﻤﻪﻥ ﻛﻪﭖ ﺗﻪﯞﯨﭗ ﻛﻪﯞﺩﻩﺳﯩﻨﻪﻥ ﺑﯘﺭﻛﯩﺘﺘﻰ ﺍﻟﮕﻰ ﺟﯩﺒﻪﺭﮔﻪﻧﻰ-ﺍﻱ! ﻣﯘﻧﻰ ﺍﯞﻻﻗﺘﺎﻥ ﻛﻮﺭﯨﭗ ﺗﯘﺭﻋﺎﻥ ﺟﯘﺭﺕ ﺷﯟ-ﯞ ﻩﺗﻪ ﻗﺎﻟﺪﻯ . ﺀﺗﯩﭙﺘﻰ ﻗﺎﺳﻘﯩﺮ ﺍﺗﺎﯞﻟﯩﻨﻰ ﺟﻪﻙ ﻛﻮﺭﻩﺗﯩﻨﺪﻩﺭﺩﯨﯔ ﺀﻭﺯﻯ: – ﻭﻱ ،ﺳﻮﺭﻟﯩﻢ-ﺍﻱ! – ﻭﻱ ،ﺍﺭﻻﻧﯩﻢ-ﺍﻱ! –ﺀ ﺍﻱ ،ﻛﯩﻢ ﺀﻭﺯﻯ ﻭﺳﻰ ﺀﯨﺴﺘﻰ ﺑﺎﺳﻘﺎﺭﯨﭗ ﺟﯘﺭﮔﻪﻥ؟ ﺗﻮﻗﺘﺎﺕ ﻣﯩﻨﺎ ﺳﯘﻣﺪﯨﻘﺘﻰ! – ﺩﻩﮔﻪﻥ ﺍﻳﻘﺎﻱ ﺷﯩﻘﺘﻰ . ﻗﯘﺗﯩﺮﯨﻨﻌﺎﻥ ﺍﺳﺎﯞ ﺍﺕ ﻣﯩﻨﮕﻪﻥ ﺑﯩﺮﻩﯞ ﻭﻣﯩﺮﺍﯞﻻﺗﯩﭗ ﺟﻪﺗﯩﭗ ﻛﻪﻟﺪﻯ: – ﺑﯘﻝ ﻧﻪ ﺷﯟ ،ﻧﻪ ﺟﺎﻧﺠﺎﻝ! ﻛﯩﻢ ﻗﺎﺳﻘﯩﺮﺩﻯ ﺑﻮﺳﺎﺕ ﺩﻩﭖ ﺟﺎﺗﻘﺎﻥ؟ ﻛﻮﭘﺘﯩﯔ ﺍﺭﺍﺳﯩﻨﺎﻥ ﺍﻕ ﺟﯩﺒﻪﻙ ﻛﻴﻤﻪﺷﻪﻙ ﻛﻴﯩﭗ ،ﻛﯘﻧﺪﯨﻚ ﺳﺎﻟﻌﺎﻥ ،ﺟﺎﺳﻰ ﯗﻟﻌﺎﻳﯩﯖﻘﯩﺮﺍﻋﺎﻥ ،ﺍﻳﺎﻋﯩﻨﺪﺍ ﺍﻣﯩﺮﻛﻪﻥ ﻛﻪﺑﯩﺲ-ﺀﻣﺎﺳﯩﺴﻰ ﺑﺎﺭ ،ﺳﯩﺮﻟﻰ ﺍﻳﺎﻗﺘﯩﯔ ﺳﯩﺮﻯ ﻛﻪﺗﺴﻪ ﺩﻩ ،ﺳﯩﻨﻰ ﻛﻪﺗﭙﻪﮔﻪﻥ ﻛﻮﺭﻛﻪﻡ ﻛﻪﻣﭙﯩﺮ ﺳﯟﯨﺮﯨﻠﯩﭗ
ﺷﯩﻌﯩﭗ: – ﺍﻝ ﻣﻪﻥ ﺍﻳﻘﺎﻳﻼﻋﺎﻥ ،ﻧﻪﻋﯩﻼ-ﺳﯩﯔ؟ – ﺩﻩﮔﻪﻧﻰ ﻋﻮﻱ – . ﻣﻪﻥ ﺣﺎﺩﻳﺸﺎﻣﯩﻦ! ﺍﺕ ﯗﺳﺘﯩﻨﺪﻩﮔﻰ ﺍﻟﺒﺎﺳﺘﻰ ﯞﺩﺍﻱ ﻣﺎﺱ ﻩﻛﻪﻥ: – ﺀﻭ ،ﺍﻛﻪﯕﻨﯩﯔ – ...ﺩﻩﭖ ﺍﯞﺯﯨﻨﺎﻥ ﺟﯩﻨﻰ ﺷﺎﺷﯩﺮﺍﭖ ،ﺩﯨﺮﺍﯞ ﻗﺎﻣﺸﯩﻤﻪﻥ ﺣﺎﺩﻳﺸﺎﻧﯩﯔ ﺟﻮﻥ ﺍﺭﻗﺎﺳﯩﻨﺎﻥ ﺀﺑﯩﺮ ﻭﺳﯩﭗ ﺀﻭﺗﯩﭗ ،ﺍﺗﺘﯩﯔ ﺑﺎﺳﯩﻦ ﻗﺎﻳﺘﺎ ﺑﯘﺭﯨﭗ ،ﻗﺎﻣﺸﯩﺴﯩﻦ ﻗﺎﻳﺘﺎ ﯗﻳﯩﺮﻩ ﺑﻪﺭﮔﻪﻧﺪﻩ ،ﺣﺎﺩﻳﺸﺎ ﻩﻛﻰ ﺑﯩﻠﻪﻛﺘﻰ ﺳﯩﺒﺎﻧﯩﭗ، ﺟﻪﯕﯩﻦ ﺀﺗﯘﺭﯨﭗ ﺟﯩﺒﻪﺭﯨﭗ ،ﺟﺎﺱ ﺍﺩﺍﻣﺪﺍﻱ ﺍﺗﯩﻠﯩﭗ ،ﻭﻧﻰ ﯗﺭﻣﺎﻗﺸﻰ ﺑﻮﭖ ،ﻩﯕﻜﻪﻳﻪ ﺑﻪﺭﮔﻪﻥ ﻣﺎﺱ ﺑﺮﻳﮕﺎﺗﺘﻰ ﺟﺎﻋﺎﺳﯩﻨﺎﻥ ﺷﺎﭖ ﺑﻪﺭﯨﭗ ،ﺀﺑﯩﺮ-ﺍﻕ ﺟﯘﻟﻘﯩﭗ ،ﺍﺗﺘﯩﯔ ﯗﺳﺘﯩﻨﻪﻥ ﺟﯘﻟﯩﭗ ﺀﺗﯘﺳﯩﺮﺩﻯ . ﺀﺳﻮﻳﺘﯩﭗ ،ﺑﯘﻝ ﺳﯘﻧﺪﻩﺕ ﺗﻮﻳﺪﯨﯔ ﻩﯓ ﻩﻟﻪﯞﻟﻰ ﻭﻗﻴﻌﺎﺳﻰ ﺩﺍ، ﻩﯓ ﻗﯩﺰﯨﻌﻰ ﺩﺍ ،ﻩﯓ ﺳﯘﺭﺍﭘﯩﻠﻰ ﺩﺍ ﺣﺎﺩﻳﺸﺎ ﻛﻪﻣﭙﯩﺮﺩﯨﯔ ﻭﺳﻰ ﻩﺭﻟﯩﮕﻰ ﺑﻮﻟﺪﻯ . ﺑﯘﻝ ﻛﻪﺯﺩﻩ ﻗﯘﺩﺍﻳﻌﺎ ﻗﺎﺭﺍﻋﺎﻥ ،ﺭﺍ-ﺣﯩﻢ-ﻧﯘﺭﺩﺍﻥ ﺣﺎﺑﺎﺭﻯ ﺑﺎﺭ ﺑﯩﺮﻩﺭ ﻛﯩﺴﻰ ﺑﺎ-ﺭﯨﭗ ﺍﻗﺴﺎﻕ ﺍﺑﺎﺩﺍﻧﻨﯩﯔ ﺑﯟﯞﻟﻰ ﻩﻛﻰ ﺍﻳﺎ-ﻋﯩﻨﯩﯔ ﻗﯩﻞ ﺍﺭﻗﺎﻧﯩﻦ ﻗﻴﯩﭗ ،ﺗﯘﻣﺴﯩﻌﯩﻨﺪﺍﻋﻰ ﺗﻮﻣﯩﻠﺪﯨﺮﯨﻌﯩﻦ ﺍﻟﯩﭗ ﺗﺎﺳﺘﺎﭖ ﻩﺩﻯ . ﺍﻗﺴﺎﻕ ﺍﺑﺎﺩﺍﻥ ﻭﻻﺭﻋﺎ ﻗﺎﺭﺳﯩﻠﯩﻖ ﻛﻮﺭﺳﻪﺗﻜﻪﻥ ﺟﻮﻕ . ﺟﯘﺭﺕ ﺳﻮﻋﺎﻥ ﺗﺎﯓ ﻗﺎﻟﺪﻯ .ﺳﻮﺩﺍﻥ ﺍﻗﺴﺎﻕ ﺍﺑﺎﺩﺍﻥ >ﺍﯞﻟﻴﻪ ﻗﺎﺳﻘﯩﺮ< ﺍﺗﺎﻧﯩﭗ ﻛﻪﺗﺘﻰ .
ﺀﺑﯩﺮﺍﻕ ﺀﺑﯩﺮ ﺍﻳﺎﻋﻰ ﺑﯘﺭﯨﻨﻨﺎﻥ ﺍﻗﺴﺎﻕ ،ﻭﻧﯩﯔ ﯗﺳﺘﯩﻨﻪ ﻭﻕ ﺀﺗﻴﯩﭗ ،ﺀﺑﯩﺮ ﺟﺎﻣﺒﺎﺳﻰ ﻗﻴﺮﺍﻋﺎﻥ ﺍﺑﺎﺩﺍﻥ ﻛﻴﺮﻩﻟﻪﯕﺪﻩﭖ، ﻭﺭﻧﯩﻨﺎﻥ ﻛﻮﺗﻪﺭﯨﻠﻪ ﺍﻟﻤﺎﺩﻯ .ﺗﻪﻙ ﺍﺳﭙﺎﻧﻌﺎ ﻗﺎﺭﺍﭖ ﺗﯘﻣﺴﯩﻌﯩﻦ ﻛﻮﺗﻪﺭﯨﭗ ،ﺍﺭﯨﺰﯨﻦ ﺍﻟﻼﻋﺎ ﺍﺭﻧﺎﭖ ،ﺍﻟﻼﺩﺍﻥ ﻋﺎﻧﺎ ﻣﻪﺩﻩﺕ ﺗﯩﻠﻪﭖ ،ﺍﺯﯨﻨﺎﭖ ﺀﺑﯩﺮ ﯗﻟﯩﺪﻯ ﺩﻩﻳﺴﯩﯔ .ﺍﻱ ،ﺍﯕﯩﺮﺍﺗﺎ ﺀﺑﯩﺮ ﯗﻟﯩﺪﻯ ﺩﻩﻳﺴﯩﯔ... ﻣﯘﻧﻰ ﻩﺳﺘﯩﮕﻪﻥ ﺍﺩﺍﻣﺪﺍﺭﺩﯨﯔ ﻳﻤﺎﻧﻰ ﻗﺎﺳﯩﻢ ﺑﻮﻟﯩﭗ، ﺟﯘﺭﻩﻛﺘﻪﺭﻯ ﻣﯘﺯﺩﺍﭖ ،ﻭﻟﯩﻚ ﺷﯩﻌﺎﺭﻋﺎﻧﺪﺍﻱ ،ﺀﯗﻳﺪﻯ-ﯗﻳﯩﻨﻪ ﺀﯗﻥ-ﺀﺗﯘﻧﺴﯩﺰ ﺗﺎﺭﺍﭖ ﺑﺎﺭﺍ ﺟﺎﺗﺘﻰ . )ﺳﻮﯕﻰ(