»
Sliem u ħajja Parroċċa San Sebastjan Ħal Qormi Diċembru 2018
Fejn se jitwieled? Ix-xahar ta’ Diċembru, jġib miegħu l-ferħ tal-Milied. Huma ħafna dawk, li jżejnu d-djar tagħhom għal din l-okkażjoni sabiħa u jaħsbu wkoll minn kmieni kif se jgħixu dawn il-ġranet mal-ħbieb u l-familjari tagħhom. Dan huwa tajjeb u sabiħ, imma jekk ma noqgħodux attenti faċli ħafna jiġrilna li f’dawn il-jiem, nidħlu f’rutina ta’ diversi attivitajiet, nagħmlu ħafna affarijiet li huma tajbin, imma jfixkluna milli ngħixu l-istorja tal-ewwel milied, meta twieled Ġesù Bambin għalina, biex isalvana. Għal dan l-iskop, il-knisja toffrilna, żmien talAvvent, biex jgħinna nirriflettu aktar mill-qrib min hu dan Ġesù; r-rigal li Alla l-Missier, ried jagħtina f’ Ibnu ċkejken tarbija u kif se jsir aktar parti millħajja tiegħi. Ma ninsewx li Ġesù għalhekk ġie fid-dinja, mhux biex jibqà fil-maxtura tal-presepju, imma biex jkun qrib tiegħek u jakkumpanjak fil-mixja tal-ħajja. Din hija t-tifsira vera tal-festa talmilied. Għalhekk din is-sena lil Ġesù Bambin, ħallih jitwieled: » Fil-ħajja tiegħek, biex inti tagħraf tassew l-imħabba kbira li Alla għandu għalik, minkejja d-dnub tiegħek. » Fil-moħħ tiegħek, biex ma tibqax, taħseb ta’ bniedem biss, imma tħalli lil Alla jdawwalek
fil-ħsiebijiet u fid-deċiżjoniet tiegħek. » Fil-qalb tiegħek, biex bħalu tilqa’, tħobb dejjem u taqdi lil kulħadd, b’ mod speċjali minn qed jbati u jitlob l-għajnuna tiegħek. » Fil-familja tiegħek, biex ikun hu li jżommkom magħqudin flimkien u tgħixu bħal aħwa bi sliem u l-paċi. Dan huwa l-Milied, li bħala nsara rridu naslu biex niċċellebraw flimkien, biex b’hekk, dan il-mument, jkun immarkat bil-grazzja ta’ Alla, u allura joħloq fina il-bidla li hemm bżonn, biex b’hekk Ġesù jitwieled fija u jsir aktar parti minni u mill-istorja tal-ħajja tiegħi. Dan ikun milied sabiħ u ta’ veru, għalina lkoll. Fl-aħħarnett, nħeġġeġ lil kulħadd, biex f’dan iżżmien qaddis tal-Avvent nersqu għall-Qrar u biex fil-lejl qaddis tal-Milied ninġabru lkoll fil-Knisja, biex flimkien niċċellebraw dan ir-rigal sabiħ li Alla l-imbierek, fl-imħabba kbira tiegħu, għoġbu jagħtina bħala s-Salvatur tagħna. Filwaqt li nselli ħafna għalikom, nawgura lilkom u l-familji tagħkom Milied sabiħ, mimmli ferħ, paċi u mħabba. Tkunu mberkin Dun Ewkarist Zammit KAPPILLAN
L-ESPERJENZA TIEGĦI BĦALA ABBATI FIL-VATIKAN ISAAC FENECH ABBATI MILL-PARROĊĊA TAGĦNA
Kollox beda fit-22 ta’Jannar li għadda, fejn irċivejt l-ewwel ittra mingħand Dun Frans Bonnici fuq l-ewwel sett ta’laqgħat. Flaħħar waslet l-ewwel laqgħa tant mistennija. Kien is-Sibt, 18 ta’ Frar 2017. Il-laqgħat bdew jgħaddu f’radda ta’ salib u f’daqqa waħda sibt ruħi bilqiegħda nagħmel l-eżami bil-klipbord fuq riġlejja, bil-pinna f’idi tirtgħod u l-għaraq ixoqq għalija għax ħassejtni li ma kontx qed inwieġeb il-mistoqsijiet sewwa, iżda t-Tlieta sibt ittra tistennieni mingħand Dun Frans. Ftaħtha u b’sodisfazzjon kont għaddejt! Il-laqgħat komplew imma issa l-ammont ta’ tfal naqas. Laqgħa wara laqgħa reġa’ wasal dak l-imbierek eżami! Din id-darba kont iktar imbeżża’ għax kienu ser jgħaddu biss l-ewwel għoxrin. L-eżami din id-darba ħassejtu ħafif għax kont preparat u ġibt marka għolja. Illaqgħat issa saru provi u kont immur iktar bil-ħeġġa minn qabel. Illaqgħat għaddew u wasal il-mument tal-prova. Fil-21 ta’ Awwissu fit8.00am, kont qiegħed fuq l-ajruplan bid-destinazzjoni lejn l-ajruport ta’ Fiumicino, Ruma. Dan kien il-bidu ta’
3 ġimgħat li f’ħajti ma jien se ninsa qatt! Kull filgħodu konna nqumu fil-5.30am, biex immorru għasservizz fil-Bażilika. Kellna ukoll il-vestizzjoni fejn il-Kardinal Angelo Commastri berkilna l-faxxa. Nhar ta’ Ħadd kien ikollna l- Quddiesa solenni li tkun kantata bil-Latin u filgħaxija fil5.30pm, kien ikollna l-Vespri. Forsi hawn min jaħseb li l-esperjenza tal-Vatikan hi esperjenza ta’ talb biss iżda xejn minn dan! Kuljum kellna mument ta’talb, mument ta’ logħob, konna noħorġu nduru fil-belt sabiħa ta’ Ruma, niċċajtaw
bejnietna u saħansitra morna naraw logħba futbol. Flimkien ma’ Dun Frans kien hemm Dun Stephen Magro, is-seminarista Jonathan Debattista u Christian Purkiss li ħadu ħsiebna u għenuna biex ikollna tliet ġimgħat ta’ esperjenza mill-isbaħ. L-esperjenza tal-Vatikan tibqa’ f’qalbi: għall-ħbieb ġodda li għamilt u għas-servizz ta’ qima filBażilika sabiħa ta’ San Pietru. Jekk ikolli x-xorti li tiġi opportunita’ biex nerġa’ mmur nagħmel is-servizz t’abbati fil-Vatikan, żgur li qalbi u moħħi ma jgħidux le!
PROGRAMM GĦAX‑XAHAR TA’ DIĊEMBRU Il-Ħadd 2:
L-Ewwel Ħadd tal-Avvent. Gabra Speċjali b’ risq il-Knisja. Fid-9.30am: Quddiesa għat-tfal kollha tal-Parroċċa.
It-Tnejn 3:
Mill-10.00am sal-11.00am is-Superjur Joe Fenech imexxi l-Adorazzjoni fil-Kripta.
Il-Ġimgħa 7:
L-Ewwel Ġimgħa tax-xahar. Nersqu għall-Qrar u nieħdu sehem fil-Quddiesa.
Is-Sibt 8:
Festa tal-Immakulata Kunċizzjoni. Xieraq li f’ din il-ġurnata nieħdu sehem fil-Quddies li jkun fil-Parroċċa bħal nhar ta’ Sibt.
Il-Ħadd 9:
It-Tieni Ħadd tal-Avvent. Fil-11.00am: Quddiesa bis-Sagrament tal-Magħmudija.
Is-Sibt 15:
Bidu tan-Novena tal-Milied – disa’ t’ijiem bi tħejjija għall-festa ta’ Ġesù Bambin.
It-Tlieta 18:
F’dan il-jum niċċellebraw it-tmenin sena mill-wasla f’ Ħal Qormi tal-istatwa ta’ San Sebastjan. Fis-6.00pm: Il-Quddies tan-Novena tkun animata mill-għaqdiet tal-festa.
Il-Ħadd 16:
It-Tielet Ħadd tal-Avvent. Fil-5.00pm: Adorazzjoni mill-Grupp tal-Ħniena Divina fil-Knisja.
L-Erbgħa:
Fis-7.15pm: Laqgħa fiċ-Ċentru tal-Grupp Familji Nsara.
Il-Ħadd 23:
Ir-Raba’ Ħadd tal-Avvent. Fil-Quddiesa tad-9.30am jsir it-tberik tal-Bambini u preepji li t-tfal jkunu ġabu magħhom fil-Quddiesa.
It-Tnejn 24:
Lejlet il-Milied. Fil-5.15pm: Quddiesa fil-Knisja. Fil-5.30pm: Tibda mill-Museum tas-Subien id-Dimostrazzjoni (Purċissjoni) bil-Bambin organizzata mill-membri tal-MUSEUM. Fl-10.15pm: Tiftaħ il-Knisja għall-Lejl tal-Milied. Fil-10.45pm: Tibda l-play tal-Millied KARATTRI mtellgħa miż-żgħażagħ tal-Parroċċa. Wara ssir il-Priedka tal-Milied mill-abbati Gabriel Camilleri. Fl12.00am tibda l-konċelebrazzjoni Solenni tal-lejl tal-Milied. Wara l-Quddiesa nagħtu l-awguri lil xulxin fuq iz-zuntier tal-Knisja. Inħeġġu lil kulħadd biex fil-lejl tal-Milied ninġabru l-Knisja biex flimkien niċċellebraw it-twelid tal-Bambin.
It-Tlieta 25:
Jum il-Milied. Il-Quddies kollu jkun bħal nhar ta’ Ħadd u fis-6.00pm ikollna l-Quddiesa Solenni tal-Milied.
Il-Ħamis 27:
Fid-9.30am: Quddiesa tal-Milied għall-anzjani u morda Qriema fil-Knisja Parrokkjali organizzata mill-Kummissjoni Djakonija. Tingħata tifkira lil dawk l-anzjani li jattendu.
Is-Sibt 29:
Fis-6.30pm Quddiesa organizzata mill-Kummissjoni Familja, fl-okkażjoni tal-festa tal-Familja Mqaddsa. Mistiedna speċjali dawk li żżewwġu matul din l-aħħar sena u dawk li għalqu ħmistax u għoxrin sena miżżewwġin. Wara nkompli flimkien waqt bibita fiċ-Ċentru Parrokkjali.
Il-Ħadd 30:
Il-ġbir kollu li ser issir waqt il-Quddies ser imur kollu għall-karità b’ risq id-Dar tal-Providenza.
It-Tnejn 31:
Il-Quddiesa tat-8.30am ssir fil-Knisja ż-Żgħira u wara tkompli ġurnata sħiħa ta’ Adorazzjoni f’dan l-aħħar jum tas-sena sal-5.00pm. Fil-5.15pm: Quddiesa fil-Knisja u fis-6.30pm: Quddiesa Solenni ta’ Radd il-ħajr fi tmiem is-sena. Wara t-Tqarbin jitkanta l-innu ta’ radd il-ħajr (Te Deum) u tingħata l-Barka Sagramentali.
It-Tlieta 1 ta’ Jannar: Bidu ta’ Sena Ġdida 2019. Festa ta’ Marija Omm Alla. Il-Quddies ikun bħal nhar ta’ Ħadd u l-Quddiesa tas-6.00pm tkun kantata.