Avviżi 17 ta' April 2022

Knisja Arċipretali San Sebastjan Ħal Qormi

Avviżi Tal-Kommunità

Ħadd il-Għid

17 ta’ April 2022

____________________________________________________________________________________ 

Il-Quddies kollu llum, f’Ħadd il-Għid, ikun bħal nhar ta’ Ħadd. Fid-9.00am toħroġ mill-Knisja l-purċissjoni bl-istatwa ta’ Kristu Irxoxt u li tgħaddi minn dawn it-toroq: Triq il-Vitorja, San Rafel, San Sebastjan, San Bartilmew, Kbira, San Sebastjan, San Bartilmew sal-Knisja. Fl-12.00pm fuq iz-zuntier tal-Knisja nitolbu t-talba tar-Reġina Coeli u jsir it-tberik tal-figolli tat-tfal. Mad-dħul tal-istatwa ta’ Kristu Rxoxt fil-Knisja nirċievu l-Barka Sagramentali. Fis-6.00pm: Quddiesa Solenni tal-Għid il-Kbir bis-sehem tal-Kor taż-Żgħażagħ.



Infakkru li minn nhar it-Tnejn, il-ħin tal-Quddies ta’ filgħaxija jkun fis-6.30pm filwaqt li is-Sibt, il-Quddies ikun fil-5.00pm, fis-6.30pm u fit-7.45pm.



Nhar il-Ġimgħa l-Kbira bdiet in-Novena tal-Ħniena Divina, għalhekk matul il-ġimgħa li ġejja mit-Tnejn sal-Ġimgħa wara l-Quddiesa tas-6.30pm, nitolbu flimkien in-novena u nirċievu l-Barka Sagramentali.



Nhar it-Tnejn ikollna, n-Nofs Siegħa mal-Kelma bi tħejjija għall-Evanġelju tal-Ħadd, mis-7.00pm sas-7.30pm fil-Knisja. Ilkoll mistiedna biex nattendu, ħalli l-Kelma ta’ Alla napprezzaw aktar fil-ħajja tagħna.



Nhar l-Erbgħa, il-Grupp tal-Ladies Circle tal-Parroċċa ser jorganizza ħarġa ta’ Gurnata għall-Għawdex. It-Tluq ikun fis-7.00am minn ħdejn il-Knisja u niġu lura mal-vapur tal-5.00pm.

Dan il-mument jinkudi l-Quddiesa fil-Knisja tax-Xagħra u l-ikla ta’ nofsinhar. Dawk li jixtiequ jattendu, għandhom jagħmlu dan sa nhar it-Tnejn.



Nhar il-Ħamis fis-7.30pm, ssir il-laqgħa tal-Grupp Familji Nsara fiċ-Ċentru Parrokkjali



Nhar il-Ħadd li ġej il-Quddiesa tal-11.00am tkun bis-Sagrament tal-Magħmudija.

TRIQ SAN BARTILMEW, ĦAL QORMI QRM 2184

•

TE L : 2 14 8 63 5 0

•

E -M A I L: in f o @q or mi sb pari sh . o r g



Il-Ħadd 24 ta’ April niċċelebraw il-festa tal-Ħniena Divina. Fil-5.00pm ikollna l-Adorazzjoni quddiem Ġesù Ewkaristija fil-Knisja u li tkun animata mill-Grupp ta’ talb tal-Ħniena Divina u fis-6.00pm ikollna Quddiesa kantata. Għalhekkk, għal din il-ġimgħa, l-Adorazzjoni ma ssirx l-Ġimgħa, imma nagħmluha l-Ħadd, fil-festa tal-Ħniena Divina.



Matul il-ġranet li ġejjin aħna s-saċerdoti ser inqassmu l-flixkun tal-ilma mbierek lill-familji tal-Parroċċa tagħna. Kienet xewqa tagħna s-saċerdoti li kieku nagħmlu t-tberik tal-familji, imma ħsibna li fiċ-ċirkostanzi jkun aħjar li nibżgħu għal xulxin. Minn imma għal xi raġuni, jkun jixtieq li nbierku d-dar jistà jkellem lil xi wieħed mis-saċerdoti.



Nirringrazzjaw lil dawk kollha li f’dawn il-jiem ġabulna fjuri bojod u weraq tal-belladonna għas-sepulkru u għal festi tal-Għid. Inġabru wkoll €225 f’donazzjoniet għall-istess għan. Grazzi lil kulħadd.



It-Tnejn 25 ta’ April ssir il-laqgħa tal-Grupp tat-Terzjarji Karmelitani. Din tkun fl-4.00pm fil-Knisja ż-Żgħira u tibda bit-talba tar-Rużarju u wara ssir laqgħa spiritwali minn Patri Ivan Sciclina O.Carm.



It-Tlieta 26 ta’ April, is-Superjur Joe Fenech, imexxi l-Adorazzjoni quddiem Ġesù Ewkaristija, mid-9.00am sal-10.00am, fil-Knisja. Kulħadd Mistieden.



Nirringrazzjaw lil diversi benefatturi li matul din il-ġimgħa offrew b’€630 f’donazzjoniet b’risq il-proġett tal-Koppla tal-Knisja. Navżaw ukoll li sa issa għal dan il-proġett tal-koppla nġabret is-somma ta’ €113,150, jiġifieri fadal jinġabru €6,850. Grazzi ħafna mill-qalb lil kulħadd.

Napprezza l-ftit mingħand il-ħafna. Navżaw ukoll li matul il-ġimgħa li ġejja u ta’ wara ser jibda tielgħa fuq il-bejt tal-knisja l-ħadid tal-scaffolding, li ser jintrama f’fażijiet differenti mad-dawra tal-koppla.

TRIQ SAN BARTILMEW, ĦAL QORMI QRM 2184

•

TE L: 2 14 8 63 5 0

•

E -M AI L: i n f o @q o r mi sb par i sh . o rg



Matul ir-Randan, bħala Parroċċa għamilna żewġ inizjattivi tal-karità b’risq il-ħidma ta’ Dun Anton Grech fil-Gwatemala, waħda mat-tfal biex ngħinu istitut tat-tfal u waħda oħra biex ngħinu lill-familji biex jkollhom fuqhiex isajru l-ikel tagħhom aħjar. Mill-karus ta’ mħabba t-tfal inġabru €962 u mill-kaxxa ta’ ħdejn l-istatwa tal-kurċifiss inġabret is-somma ta’ €6,000. Infakkru wkoll li matul ir-Randan, ġbarna wkoll €2,892 għall-familji fl-Ukrajna. Għalhekk b’kollox f’dik li hija karità matul ir-Randan, inġabret is-somma sabiħa ta’ €9,854. Grazzi mill-qalb ta’ dan il-ġest sabiħ ta’ mħabba lejn dawn ħutna fil-bżonn. Grazzi wkoll lil dawk kollha li f’dawn il-jiem ġabu affarijiet tal-ikel u tal-ħasil tal-ħwejjeġ u tal-art għall-familji fil-bżonn tal-parroċċa tagħna.



Il-Parroċċa bdiet tħejji l-pubblikazzjoni tagħha tal-Ktieb tal-festa ta’ San Sebastjan għal din is-sena.

Dawk li jixtiequ jirreklemaw f’din il-ħarġa u jixtiequ aktar informazzjoni huma mitluba biex jagħmlu kuntatt fis-Sagristija jew fl-Uffiċċju Parrokkjali.



Fit-talb tagħna nitolbu għal Doris Axisa, Anthony Bongailas u Catherine Reale li mietu fil-Parroċċa tagħna matul din il-ġimgħa. Nitolbu għalihom u għall-mejtin kollha. Agħtihom O Mulej il-mistrieħ ta’ dejjem ….



L-Arċipriet u l-Kleru tal-Parroċċa flimkien mal-Kunsill Pastorali Parrokkjali jawguraw lill-familji kollha, l-Għid it-Tajjeb. Napprezzaw li twasslu l-awguri tagħna lil ħutna l-morda u dawk li ma joħorġux minn djarhom.



Nitollbu flimkien it-talba, li bħala Parroċċa, għażilna biex nitolbu flimkien matul din is-sena: "Tkellem, Mulej, għax il-qaddej tiegħek qiegħed jisma’." 1 Samwel 3, 9

Paċi u barka Fr. Eucharist Zammit Arċipriet

TRIQ SAN BARTILMEW, ĦAL QORMI QRM 2184

•

TE L: 2 14 8 63 5 0

•

E -M AI L: i n f o @q o r mi sb par i sh . o rg

TRIQ SAN BARTILMEW, ĦAL QORMI QRM 2184

•

TE L: 21 4 8 6 35 0

•

E-M AI L: in f o @q or m i sb p ari sh . org