Avviżi Tal-Kommunità Parroċċa San Sebastjan
ĦAL QORMI - MALTA
3 ta’ Novembru 2019
Il-31 Ħadd ta’ Matul is-Sena
____________________________________________________________________________________
Għada/Illum ser issir seminar għall-għarajjes li se jiżżewwġu s-sena dieħla. Dan ikun mid-9.00am sa 12.00pm fil-Kripta u jkun jinkludi l-Quddiesa tal-Ħadd.
Għada/Illum fl-4.00pm issir il-Quddiesa fiċ-Ċimiterju u wara jsir it-tberik tal-oqbra. Navzaw li matul ix-xahar ta’ Novembru, kull nhar ta’ Tnejn fl-10.00am ikun hemm Quddiesa fiċ-Ċiimiterju.
Minn nhar it-Tnejn/Għada, il-Quddies ta’ filgħaxija mit-Tnejn sal-Ġimgħa fil-Parroċċa tibda tkun fis-6.00pm.
Minn nhar it-Tnejn/Għada fl-4.00pm, fl-Uffiċċju Parrokkjali, jiftaħ il-booking tal-intenzjoniet tal-Quddies għas-sena dieħla. Filwaqt li tkun ħaġa xierqa u qaddisa li noffru l-Quddies għal ħutna l-mejtin, tajjeb li niftakru li hemm oħrajn li jixtiequ joffru Quddies għall-membri mejtin tal-familji tagħhom, għalhekk tajjeb li nuru l-prudenza mixtieqa.
Nhar il-Ħamis mill-5.00pm sas-6.00pm fil-Knisja ssir il-prova ġenerali għal dawk l-adoloxxenti li ser jirċievu l-Griżma tal-Isqof. Fl-istess ħin, ikun hawn fil-Knisja, l-Qrar għall-ġenituri u l-parrini ta’ dawn l-adolexxenti. Minħabba f’hekk, ir-rużarju u l-Quddiesa ta’ filgħaxija, nhar il-Hamis li ġej, isiru fil-Knisja ż-Żgħira.
Nhar il-Ħamis ser isisr laqgħa għall-Ministri Straordinarji tat-Tqarbin. Din issir fil-Knisja ż-Żgħira u tibda fis-7.00pm.
Il-Ġimgħa, il-Grupp taż-żgħażagħ IMPACT, ser jibda l-ħidma tiegħu bi grupp ġdid għal żgħażagħ bejn il-15 u 25 sena. Il-laqgħat jibdew jkunu kull nhar ta’ Ġimgħa, fis-7.30pm, fiċ-Ċentru Parrokkjali.
TRIQ SAN BARTILMEW, ĦAL QORMI QRM 2184
•
T EL: 2 14 8 63 5 0
•
E -M AI L: i n f o @q o r mi sb par i s h. org
Is-Sibt issir l-Adorazzjoni ta’ bil-lejl għal qdusija tas-saċerdoti. Din ser issir fil-Knisja Parrokkjali ta’ Ħal Lija u tibda fit-8.00pm bil-Quddiesa u wara tkompli bl-Adorazzjoni sal-10.00pm.
Nhar il-Ħadd li ġej 71 adolexxent mill-Parroċċa tagħna, ser jirċievu s-Sagrament tal-Griżma tal-Isqof waqt Quddiesa li tibda fl-10.00am u li ser tkun immexija minn Mons Hector Scerri. Tajjeb li matul din il-ġimgħa, nżommu lil dawn l-adolexxenti fit-talb tagħna. Navżaw li dakinhar l-Quddiesa tal-11.00am ssir fil-Kripta.
Il-Ġimgħa 15 ta’ Novembru, ser isir l-ikla għall-irġiel fl-okkażjoni tal-festa ta’ San Martin. Nibdew fis-6.30pm, bil-Quddiesa fil-Knisja u wara jkollna trasport għall-ikla f’ ta’ Ċanti, Ħaż-Żebbuġ. Il-booking mill-Uffiċċju Parrokkjali u mis-Sagristija.
Id-distributuri li jqassmu l-FLIMKIEN huma mitluba sabiex jieħdu l-kopji tagħhom mill-Kripta.
Il-Ġabra li saret bl-envelopes tal-Missjoni kienet ta’ €4,030 filwaqt li l-ġabra li saret fil-Knisja fil-weekend tal-missjoni kienet ta’ €2,174. B’kollox il-ġabra hija ta’ €6,214. Grazzi ħafna mill-qalb lil kulħadd.
Dawk l-għarajjes li jixtiequ jagħmlu l-Kors ta’ Kana, organizzat mill-Parroċċa f’Jannar li ġej, huma mitluba sabiex jimlew formula mill-Uffiċċju Parrokkjali.
Navżaw li minn Jannar li ġej, ser ikollna bidla fil-ħinijiet tal-Quddies ta’ matul il-ġimgħa mit-Tnejn sas-Sibt filgħodu. Il-Quddies ser jibda jkun fis-6.00am, fis-6.30am, għand is-Sorijiet Agostinjani, fis-7.00am, fit-8.00am u fis-6.00pm.
Fit-talb tagħna niftakru f’Alexandra Agius u Joseph Micallef, li mietu fil-Parroċċa tagħna matul din il-ġimgħa. Nitolbu għalihom u għal ħutna l-mejtin kollha. Agħtihom O Mulej il-mistrieħ ta’ dejjem....
Paċi u barka Fr. Eucharist Zammit Arċipriet