»
Sliem u ħajja Parroċċa San Sebastjan Ħal Qormi Ġunju 2019
Ir-Rigal tal-Ewkaristija Matul dan ix-xahar, fil-Parroċċa tagħna, nifirħu mat-tfal tal-Ewwel Tqarbina, li ser jirċievu lil Ġesù Ewkaristija għallewwel darba. Imbagħad mistiedna biex flimkien malKnisja niċċellebraw l-festi Ewkaristċi ta’ Corpus Christi u tal-Qalb ta’ Ġesù. F’dawn il-mumenti, aħna lkoll msejħin biex bi ħġarna nersqu lejn l-Ewkaristija, li hija rigal għażiż li l-Knisja tgħożż b’ imħabba u b’qima kbira, mogħti lilna minn Ġesù nniffsu. Fl-Ewkaristija, aħna naduraw il-presenza reali ta’ Ġesù, li għażel li jibqà magħna, sabiex iqawwina filmixja tal-ħajja tagħna. Lill-Appostli, fil-lejl ta’ Ħamis ixXirka, meta waqqaf dan is-Sagrament Ġesù qallilhom: “Agħmlu dan b’tifkira tiegħi.” Għalhekk il-Knisja, sal-aħħar taż-żmien, permezz tas-saċerdoti tagħha, tibqà tagħtina dan l-ikel, biex mhux biss nirċevuh ġewwa qalbna, imma biex iħejjina u jqawwina filmixja tagħna lejn is-sema. Aħna u niċċellebraw dawn il-festi Ewkaristiċi, tajjeb li nitolbu biex ma nonqsux mill-apprezzament tagħna lejn dan ir-rigal għażiż, li Ġesù tagħna, frott l-imħabba tiegħu. Għax faċli jiġri, li peress li aħna nidraw nagħmlu ċerti affarijiet li nagħmluhom ta’ spiss, nibdew nonqsu min dik l-istima, rispett u mħabba lejhom u kollox jibda jsir mhux apprezzat. B’din il-mentalità, l-Quddiesa tal-Ħadd ma nibqgħux nagħtuha l-importanza tagħha, l-adorazzjoni tasSagrament fil-Knisja ż-Żgħira ma nibqgħux nagħrfuha bħala grazzja biex inkunu ftit ħin ma’ Ġesù u bil-mod
il-mod affarijiet oħra jibdew jieħdu l-post ta’ Alla filħajja tiegħi, b’riżultat li faċli ħafna iżjed li nitfixxkel. Għalhekk ejjew nagħrfu li l-Ewkaristija, ma nistgħux ngħaddu mingħajrha, xejn u ħadd ma jistà jieħu l-post tagħha. Fl-Ewkaristija li niċċellebraw, aħna : 1. Niftakru fl-għotja, fis-sagrifiċċju li Ġesù għamel għalina darba għal dejjem fuq is-salib, biex iħobbna u biex jeħlisna mid-dnub. 2. F’kull Quddiesa, Ġesù jsir preżenti għalina b’ mod ħaj, biex aħna jkollna l-grazzja li nilqgħuh fil-qalb tagħna. Xi grazzja kbira għandna li f’ kull Quddiesa li nieħdu sehem fiha, nistgħu nirċievu lil Ġesù! 3. F’dan is-Sagrament, msejħin biex nibqgħu miegħU filwaqt li nitolbu biex ma ninfirdu qatt minnhu. 4. Msejħin biex inħallu din il-presenza tibdilna, billi nwarrbu l-egoiżmu tagħna u nilbsu l-imħabba li trid twassalna biex insiru qaddejja ta’ xulxin. It-Talba tagħna, fid-dawl ta’ dawn il-festi għeżież li ser nagħmlu, ejjew inħalluha tkun din: O Ġesù Ewkaristija, kun int il-ferħ u l-hena ta’ ħajti kollha. Nselli ħafna għalikom u tkunu mberkin Dun Ewkarist Zammit ARĊIPRIET
IL-FESTI TAL-EWKARISTIJA FIL-PARROĊĊA TAGĦNA Il-Ħamis 20 ta’ Ġunju: SOLENNITÀ TAL-ĠISEM U D-DEMM TAL-MULEJ Fis-6.30pm Quddiesa fil-Knisja bis-sehem tat-tfal tal-Ewwel Tqarbina. Wara purċissjoni b’Ġesù Ewkaristija li tgħaddi minn Triq il-Vitorja, Triq iż-Żinżell, Triq San Dwardu, Triq il-Ġdida, Triq San Bastjan u Triq San Bartilmew. Ilkoll mistiedna nieħdu sehem f’din il-purċissjoni.
Il-Ġimgħa 21 ta’ Ġunju: Fis-7.15pm issir Quddiesa fi Triq tal-Bajjada (in-naħa ta’ fuq). Wara jkollna purċissjoni bl-Ewkaristija mat-toroq tal-inħawi. Inħeġġu lir-residenti biex jattendu u jieħdu sehem. Il-Ħadd 23 ta’ Ġunju: BIDU TAL-ĠIMGĦA EWKARISTIKA Il-Knisja ż-Żgħira tkun miftuħa l-ġurnata kollha għall-Adorazzjoni Ewkaristika. Fis-7.00pm issir itTalba tal-Għasar u tingħata l-Barka Sagramentali fil-Knisja ż-Żgħira.
Il-Ġimgħa 28 ta’ Ġunju: SOLENNITÀ TAL-QALB IMQADDSA TA’ ĠESÙ Fis-6.30pm: Quddiesa fil-Knisja bissehem tat-Tfal tal-Ewwel Tqarbina. Wara purċissjoni bl-Ewkaristija bis-sehem tas-Soċjetà Filarmonika Pinto Banda San Sebastjan li tgħaddi minn Triq San Bartilmew, Triq il-Kbira, Triq San Bastjan u tidħol fil-knisja. Ilkoll mistiedna nieħdu sehem f’din il-purċissjoni.
ĦINIJIET
TAL-UFFIĊĊJU PARROKKJALI
NIĊĊELLEBRAW JUM IL-MISSIER
ATTIVITA GĦALL-IRĠIEL KOLLHA IL-ĠIMGĦA 14 TA’ ĠUNJU 2019
Fis-7.00pm: Quddiesa fil-Knisja Arċipretali Fit-7.45pm: Jitlaq it-trasport minn ħdejn il-Knisja għall-ikla miftuħa għall-irġiel kollha f’ ta’ Ċanti – Ħaż-Żebbuġ. Prezz: €20 li jinkludi t-trasport Booking mill-Uffiċċju Parrokkjali jew mis-Sagristija.
It-Tnejn, l-Erbgħa u l-Ġimgħa: Filgħodu: Mid-9.00am sal-10.30am Filgħaxija: Mill-5.00pm sas-7.00pm. IT-TLIETA U L-ĦAMIS L-UFFIĊĊJU PARROKKJALI JKUN MAGĦLUQ.
PROGRAMM GĦAX‑XAHAR TA’ ĠUNJU Il-Ħadd 2:
L-Ewwel Ħadd tax-xahar – Ġabra Speċjali għall-bżonnijiet tal-Knisja. Il-Quddiesa tal-11.00am, tkun bis-Sagrament tal-Magħmudija.
Il-Ġimgħa 7: L-Ewwel Ġimgħa tax-xahar. Nieħdu sehem fil-Quddiesa u nersqu għas-Sagrament tal-Qrar. Il-Ħadd 9:
Festa ta’ Pentecoste. Fil-11.00am: Quddiesa bis-sehem tal-ġenituri u addoloexenti li ser jagħmlu l-Ġriżma tal-Isqof f’ Novembru li ġej. Pelleġrinaġġ għall-Grotta ta’ San Pawl biex inġeddu l-fidi tagħna Fil-5.00pm: Tluq bit-Trasport għar-Rabat minn ħdejn il-Knisja Fil-5.30pm: Ċelebrazzjoni ta’ fidi fil-Grotta ta’ San Pawl u wara nkomplu bil-Quddiesa tal-Ħadd. Kulħadd Mistieden.
Il-Ġimgħa 14: Il-Quddiesa ta’ filgħaxija tkun fis-7.00pm u wara ikla miftuħa għall-irġiel kollha. Il-Ħadd 16:
Jum il-Missier Fid-9.30am Quddiesa fiċ-Ċimiterju għall-Missirijiet mejtin. Jum l-Ewwel Tqarbina Fl-10.00am: It-tfal jitilqu f’ purċissjoni mill-Knisja ż-Żgħira għall-Knisja Parrokkjali. Fl-10.30am: Quddiesa tal-Ewwel Tqarbina fil-Knisja Il-Quddies tad-9.30am u tal-11.00am jsir fil-Kripta tal-Knisja.
L-Erbgħa 19: Fis-7.30pm laqgħa tal-Grupp Familji Nsara fiċ-Ċentru Parrokkjali. Il-Ħamis 20: Festa ta’ Corpus Domini fil-Parroċċa tagħna. Quddiesa fis-6.30pm u wara purċissjoni bisSagrament. Il-Ħadd 23: Bidu tal-Ġimgħa Ewkaristika fil-Parroċċa tagħna. Ġurnata Adorazzjoni fil-Knisja ż-Żgħira. Il-Ġimgħa 28: Festa tal-Qalb ta’ Ġesù – Fis-6.30pm Quddiesa u wara purċissjoni bis-Sagrament. Is-Sibt 29:
Festa ta’ San Pietru u San Pawl – l-Imnarja.
Il-Ħadd 30: Nifirħu ma’ ħutna l-Qriema fil-festa ta’ San Ġorġ Martri.
IL-QUDDIES TAL-ĦADD
FIL-PARROĊĊA TA’ SAN SEBASTJAN, ĦAL QORMI Is-Sibt: Fil-Knisja Parrokkjali: 5.15pm, 6.30pm u 7.45pm.
Fil-Kappella tad-Duluri fi Triq San Edwardu: 8.15am.
Il-Ħadd: Fil-Knisja Parrokkjali: 6.30am, 8.00am, 9.30am, 11.00am u 6.00pm.
Fil-Kappella tas-Sorijiet Agostinjani fi Triq San Bartolomew: 7.00am.