»
Sliem u ħajja Parroċċa San Sebastjan Ħal Qormi Ottubru 2019
Esperjenza ta’ Ħajja Reliġjuża Jiena Sister Grace Mercieca minn ĦalQormi u nagħmel parti mill-Parroċċatà San Sebastjan. Qabel ma dħalt il-kunvent, għall-ħajja reliġjuża, kont membru attivfisSoċjeta tad-Duttrina Nisranija, il-MUSEUM, fejn ħadt l-ewwel formazzjoni tiegħi, sakemm il-Mulej sejjaħħli biex ngħix aktar viċin tiegħu mall-Kongregazzjoni tasSorijiet Franġiskani Missjunarji tal-Qalb Bla Tebgħa tà Marija, imsejjħin anke tal-Eġittu. Li tagħraf u twieġebgħas-sejħa t’Alla mhix ħaġa faċli. HuwaAlla li jsejjaħ, aħna minn naħa tagħna rridu nwieġbu għal din is-sejħa ta’ mħabba li hu jagħmlilna. Jiena bil-għajnuna t’Alla, permezz tat-talb u d-direzzjoni spiritwali weġibt għal din is-sejħa. Wara mixja daqsxejn twila, kien t-22 tàSettembru 1991 meta ħallejt kollox warajja u għedt iva għas-sejħa li l-Mulej għamilli. Bdejt il-formazzjoni tiegħi ġewwa Ruma, għamilt sena postulandat u sentejn novizzjat. Kienu tlett snin fejn ħallejt lil Alla jgħaġinni u jiffurmani. Wara dawn is-snin, kien l-14 ta’ Settembru 1994 fejn erġajt għedt iva billi għamilt il-professjoni fejn permezz tal-voti tal-ubbidjenza, faqar u safa wegħed lil Alla li se nimxi warajh aktar mill-viċin. Kienet ġurnata indimentikabbli li ma titfissirx bil-kliem, ħassejt l-imħabba t’Alla timlili ‘l ħajti u kont ċerta li mhux se jħallini waħdi.
Il-ħajja kkonsagrata hija don li jagħti Alla, lili tani din il-grazzja,mhux għax kien jistħoqqli imma għax ħares lejn il-miżerja tiegħi u fil-miżerja tiegħi tani imħabbtu. Din is-sena qed nagħlaq 25 sena mill-ewwel professjoni tiegħi,minn dik l-iva li kont tajtu. Kienu 25 sena tlugħ u inżul, imma l-imħabba u l-preżenza t’Alla kienu dejjem miegħi. Qatt ma’ ħallieni waħdi, anke meta forsi ħassejtni waħdi Hu dejjem kien hemm qabli. Jiena nawgura u nitlob għal dawk li qed iħossu s-sejħa t’Alla biex ma’ jibżgħux jwieġbu għal din l-imħabba, għax Alla jħobbhom u jibqa jħobbhom. Sr. Grace Mercieca
IL-FAMILJA
FEJN HI MIEXJA?
Laqgħat formattivi għall-familji kollha organizzati millParroċċa ta’ San Sebastjan, Ħal Qormi flimkien malKulleġġ San Injazju Skola Primarja Qormi San Bastjan. It-Tnejn 28 ta’ Ottubru: Kemm għandi x’ nagħmel! Miniex nlaħħaq! Ma nafx fejn ħa nagħti rasi! Il-Bilanċ fil-ħajja tal-familja. Kelliem: Fr Eric Cachia SDB – Direttur tal-Iskola St Patrick’s, tas-Sliema u Terapsita tal-familja. L-Erbgħa 30 ta’ Ottubru: L-Effett tal-internet fuq il-ħajja tal-familja Kelliem: Tano Vella, Assistant visiting lectureur flUniversita ta’ Malta fil-fakultà tat-Tisħiħ tas-Soċjetà. Dawn il-laqgħat jsiru fil-Kripta tal-Knisja Arċipretali ta’ San Sebastjan, Ħal Qormi mis-7.00pm sast-7.45pm. Ikun hemm child minders biex jieħdu ħsieb it-tfal waqt il-laqgħa. Investi fil-familja tiegħek....nistennewk!!
Kors ta’ Kana għall-Għarajjes FIL-PARROĊĊA TA’ SAN SEBASTJAN, ĦAL QORMI
Il-Kors jibda l-Ħadd 12 ta’ Jannar 2020 Mqassam fuq għaxar laqgħat li jsiru kull nhar ta’ Ħadd Fiċ-Ċentru Parrokkjali mill-10.00am sal-12.00pm Nirriflettu fuq is-Sagrament taż-Żwieġ Kif ser ngħixu s-sejħa ta’ familja nisranija Temi attwali oħra marbutin mal-ħajja talkoppja u tal-familja L-Applikazzjonijiet għall-Kors jinġabru mill-Uffiċċju Parrokkjali. Hu ssuġġerit li l-koppja tagħmel dan il-kors sentejn qabel iż-żwieġ.
PROGRAMM GĦAX‑XAHAR TA’ OTTUBRU It-Tlieta 1:
Wara l-btajjel tas-Sajf jerġa jibda jiltaqà l-Mother & Baby Club, fiċ-Ċentru Parrokkjali mid-9.15am sal-11.15am. Fis-7.15pm: Laqgħa għall-kolletturi u distributuri fiċ-Ċentru Parrokkjali
Il-Ġimgħa 4: L-Ewwel Ġimgħa tax-Xahar. Nieħdu ħsieb il-Qrar u nersqu għat-Tqarbin. Il-Ħadd: L-Ewwel Ħadd tax-Xahar – Ġabra Speċjali. Fil-Parroċċa niċċellebraw il-festa tal-Madonna tar-Rużarju. Il-Ħadd 13: Il-Quddiesa tal-11.00am tkun bis-Sagrament tal-Magħmudija. L-Erbgħa 16: Fis-7.30pm laqgħa tal-Grupp Familji Nsara fiċ-Ċentru Parrokkjali. Il-Ħamis 17: Fit-7.45pm laqgħa tal-Kummissjoni Familja fid-Dar Parrokkjali. Il-Ħadd 20: Niċċellebraw il-Ġurnata Missjunarja. Fil-Knisja ż-Żgħira jkollna jum sħiħ ta’ Adorazzjoni. It-Tnejn 21: Adorazzjoni mmexxija mis-Superjur Joe Fenech, fil-Knisja ż-Żgħira, mill-10.00am sal-11.00am. Il-Ġimgħa 25: Fis-6.30pm Quddiesa Solenni mmexxija mill-Arċisqof Charles J. Scicluna fl-okkażjoni talKonsagrazzjoni tal-Knisja ż-Żgħira. Kulħadd Mistieden. Is-Sibt 26: Ikla miftuħa għal Kulħadd organizzata mill-Parroċċa, fil-pjazza ta’ quddiem il-Knisja ż-Żgħira. Il-Ħadd 27: Fil-11.15am it-tfal kollha huma mistiedna sabiex jinġabru fil-pjazza ta’ quddiem il-Knisja ż-Żgħira, biex isir it-tberik tal-animali/pets li huma iġibu magħhom. Fl-4.30pm: Seminar għal ġenituri, parrini u addolexenti li ser jagħmlu l-Ġriżma tal-Isqof fil-Parroċċa tagħna, fl-iskola St. Michael Santa Venera. Dan ikun jinkludi l-Quddiesa tal-Ħadd. It-Tnejn 28: Fis-7.00pm: Laqgħa għall-familji tal-Parroċċa tagħna fil-Kripta. L-Erbgħa 30: Fis-7.00pm: Laqgħa għall-familji tal-Parroċċa tagħna, fil-Kripta Il-Ġimgħa 1 ta’ Novembru: Ġurnata Għawdex organizzata mill-Grupp tal-Ladies Circle tal-Parroċċa. Tluq fis7.00am minn ħdejn il-Knisja u niġu lura mal-vapur tal-5.00pm. Il-Ħadd 3 ta’ Novembru: Fl-4.00pm Quddiesa fiċ-Ċimiterju u wara tberik tal-oqbra.
IT-TBERIK TAL-FAMILJI FI ŻONA TAS-SOKKORS – IT-TIELET PARTI It-Tlieta 15 ta’Ottubru: Triq Ġorġ Agius, Triq Pawlu Farrugia, Triq Fonzu Meli, Triq Dun Alwiġ Psaila u Triq Ġuże Maria Camilleri. L-Erbgħa 16 ta’ Ottubru: Triq ilBelt Valletta u Triq l-Erba’ Qaddisin. Il-Ħamis 17 ta’ Ottubru: Triq il-Kaċċatur, Triq in-Nassab, Triq irRagħaj u Triq Armal. It-Tlieta 29 ta’ Ottubru: Triq il-Kanun, Triq is-Sebħ, Triq il-Furnar u Triq Marco Montebello. L-Erbgħa 30 ta’ Ottubru: Triq l-Aħwa Zammit u Triq M. A. Vassalli. Il-Ħamis 31 ta’ Ottubru: Triq Karm Debono u Triq Tal-Bajjada.
INFAKKRUKOM: It-tberik jibda fl-4.00pm. Huwa ta’ ferħ kbir għalina s-saċerdoti li niġu filfamilji tagħkom u nwasslulkom ilBarka ta’ Alla. Għalhekk tkun ħaġa sabiħa jekk għat-tberik tkunu preżenti fid-dar bħala familja. Fejn hu possibli napprezzaw li ma tħallux lis-saċerdot iħabbat jew jistenna wara l-bieb. M’hemmx għalfejn li wieħed jipprepara ikel u xorb. Min jixtieq ikellem lis-saċerdot għal tul ta’ ħin jew jixtieq li ssir
żjara fil-familja tiegħu darb’oħra għandu jagħmel appuntament. Min ma jistax ibierek meta jmissu jista’ jagħmel appuntament mal-Kappillan għaldarb ’oħra. Inħallu lis-saċerdot iqassam l-ordni tat-tberik kifjixtieq hu. Min jixtieq jista’ jagħt iofferta tattberik u jpoġġiha f’envelope. Il-flus miġbura jmorru għall-bżonnijiet talKnisja u l-ħtiġijiet tal-Parroċċa. Grazzi ħafna li tagħtuna ċans nidħlu fil-familji tagħkom.