Roti March 2021

ROTI

Suppliment għad-dilettanti tal-Karozzi u Muturi

Marzu 2021

A M R O F L I B I S J A C U D N MA

Minn Antonello Abela

L

-aħħar tiġrijiet li saru millKampjonat Prinċipali tal-V1 Malta Series organizzat minn Velocity Esports Racing raw lissewwieq tal-McLaren Adrian Manduca (ritrat) isib il-forma u jagħti wirjiet konsistenti li taw lilu u lill-partitarji tat-tim li jsuq miegħu diversi sodisfazzjonijiet.

Wara t-tieni post li kiseb ġewwa l-Ungerija, (li fuqu tkellimna fl-aħħar ħarġa ta’ ROTI), Manduca kompla billi kiseb mhux biss l-ewwel żewġ pole positions tal-kar­ riera virtwali tiegħu fil-Belġju u fl-Italja iżda talli fi Spa temm it-tiġrija fit-tieni post, sekonda biss wara r-rebbieħ eventwali, iċ-champion renjanti Ryan Carabott (BWT Racing Point) u f’ Monza kiseb sa flaħħar dik ir-rebħa li tant kien ilu jaħdem għaliha.

F’kummenti mgħoddija esklussivament lil ROTI, Adrian Manduca qal: “Inħoss li bdejt naqbad ir-ritmu wara li qbiżna nofs il-kalendarju. Naħseb li l-aħħar tliet tiġrijiet kienu l-aqwa li kelli s’issa fejn kont konsistenti u rnexxieli naqta’ l-istrateġiji wara li rnexxieli nad­datta s-setup tal-karozza u għall-istil ta’ sewqan li għandi jien. Ninsab sodisfatt li sa flaħħar qed jirnexxieli niġi viċin il-pass ta’ Ryan Carabott u mhux ser nieqaf nistinka sakemm jirnexxieli mmur aħjar minnu. Ittriq għadha twila peró bil-prattika naslu.”

Għall-kronaka, Michael Pace spiċċa fit-tielet post fil-Belġju fuq Renault filwaqt li f’Monza, Jake Sammut spiċċa t-tieni fuq Haas biċ-champion renjanti Ryan Carabott jispiċċa fit-tielet post ġewwa l-Italja.

Dan tal-aħħar għadu jmexxi l-klassifika tas-sewwieqa b’185 punt kontra l-173 ta’ Jake Sammut u l-163 ta’ Michael Pace. Fil-Kampjonat tal-Kostrutturi, is-sitwazzjoni baqgħet stabbli hekk kif il-Haas għadhom imexxu b’274, ir-Racing Point 215 u r-Renault 195. Fit-tieni kategorija kellna l-ewwel verdett hekk kif bit-tielet post miksub fl-Ungerija u t-tieni post miġjub fil-Belġju, Kevin Lucchese mhux biss kompla saħħaħ postu f’ras il-klassifika ta’ din il-kategorija iżda s-sewwieq tar-Renault ġie matematikament promoss għall-Kampjonat Prinċipali tal-istaġun li ġej. Fl-Ungerija, Jamie Zahra rebaħ fuq Haas b’Daryl Pace jispiċċa t-tieni fuq Ferrari filwaqt li fil-Belġju kien imiss lil Tho­mas Elder (Alpha Tauri) li jirbaħ din

it-tiġrija bi Christian Caruana jġib podju ieħor għall-McLaren.

Lucchese għadu jmexxi l-klassifika tas-sewwieqa f’din il-kategorija b’244 punt filwaqt li Thomas Elder jinsab fittieni post b’ 162 punt. Dan tal-aħħar ukoll jinsab pass ‘il bogħod milli jiġi promoss għall-Kampjonat Prinċipali tal-istaġun li ġej. L-aħħar riżultati li kellna għenu lil Christian Caruana jilħaq lil Dayziel Tabone fit-tielet post b’ 81 punt.

Fil-Kampjonat tal-Kostrutturi, is-sitwazzjoni għadha stabbli hekk kif ir-Renault għadhom jillidjaw il-klassifika b’264 kontra l-178 tal-Alpha Tauri u l-152 talHaas.

Antonello Abela huwa l-editur tal-paġna fuq Facebook ‘Antonello’s Sports Blog’ fejn fiha, u fuq issit antonellosportsblog.wordpress. com issibu l-aħħar aħbarijiet fuq diversi sports li jinkludu l-Formula 1, Formula 2 u Moto GP

EDITUR - Jesmond Moore | DISINN - Stacy Grech | ADVERTISING DEPARTMENT - 2590 0200 - adverts@unionprint.com.mt

II |

ROTI

ARM YOUR METAL

AGAINST RUST!

No primer, no undercoat, no rust!

|

o n a f i l e t a c S i n e m o D

W

aqt li tkunu qegħdin taqraw dan l-artiklu, il-Kampjonat tal-F1 2021 ikun qiegħed fil-bidu tiegħu bl-ewwel tiġrija ġewwa l-Bahrain, kampjonat fejn se nerġgħu naraw kontinwazzjoni tal-2020. Nafu li din is-sena, ir-regolamenti kellhom jinbidlu biss wara li s-sena li għaddiet kollox beda tard fejn ġie deċiż li dawn ir-regolamenti ġodda jidħlu fis-seħħ fl-2022. Żgur li se naraw kampjonat ieħor sabiħ u wieħed jistenna u jara l-qawwa tal-Mercedes u Lewis Hamilton sa fejn jistgħu jaslu biex jirbħu kampjonat ieħor li jkun it-tmien wieħed għas-sewwieq Ingliż.

Interessanti huwa l-fatt li t-tibdil se jkun is-suġġett tal-lum, għax fil-quċċata tat-tmexxija tal-Formula 1 kellna xi tibdil.

Il-Formula 1 għamlet żmien twil immex­ xija minn Bernie Eccelestone u l-imperu li kellu madwaru. Nafu wkoll li dan minħabba ċirkostanzi varji, biegħ din il-kumpanija lill-konsorzju Amerikan, bl-isem ta’ F1 Liberty u Chase Carey ħa t-tmun tal-F1. Niftakar li l-istess Carey ġewwa l-Grand Prix ta’ Singapore fejn hu kien għaddej fil-paddock u ftit kienu dawk li sellmulu jew kellmuh.

Jien għamilt ftit kuraġġ u mort inkellmu. Filfatt dak il-ħin irrealizzajt, li dan il-bniedem ma kienx ġej mill-kamp tal-karrozzi u kellu muntanja quddiemu; il-kultura tal-Formula 1 kienet xi ftit ġdida għalih, biss ir-raġel għamel biċċa xogħol tajba u kien bniedem soċjevoli ħafna. Matul il-perjodi tiegħu, Carey mexxa sew u pprova jdaħħal ftit kultura Amerikana fil-F1. Biss il-Formula 1 hi storja unika bbażata l-iktar fuq kultura Ewropea. Niftakru l-bidu tal-kampjonat ġewwa Silverstone fl-1950. Dawn huma snin ta’ storja kontinwa li kull sena wieħed ma jieqafx hemm imma jistenna s-sena ta’ wara b’ħeġġa kbira.

Nafu dak kollu li laqat lid-dinja fl-2020.

Il-Formula 1 intlaqtet ukoll ... il-pjani nbidlu b’dak kollu li kien ippjanat għal din is-sena kellu jiġi ttrasferit għas-sena 2021, jiġifieri t-tibdil li qegħdin naraw huwa kontinwaz­ zjoni tal-karozzi tal-2020. Kellna sewwieqa li telqu u oħrajn ġodda li ġew. Biss naħseb li l-iktar mossa pożittiva li seħħet kienet il-wasla jew aħjar ir-ritorn ta’ Stefano Domenicali. Dan kien persuna li kellu t-tmun tat-team Ferrari tal-Formula 1 għall-perjodu twil; biss minħabba ċ-ċirkostanzi li seħħew fis-sena 2013, kellu jkun il-ħaruf tas-sagrifiċċju fejn dan kellu jitlaq lit-team li hu kien ingħaqad miegħu u deher li kellu futur sabiħ. Biss, bħal kwalunkwe ħaġa

A T L A M RA F’

JA Ż L E ĦAM

1, G F L A KAP T

IL-

III

fil-ħajja, id-destin jew aħjar in-nies ta’ madwarek ikollhom ħsibijiet oħra. Jien lil Stefano kellimtu għall-ewwel darba waqt il-Ferrari Finals ġewwa Valencia xi ftit tassnin qabel, fejn bdejna nitkellmu u għidtlu li jien minn Malta u hu qalli li l-mara tiegħu kienet ġiet Malta u kellha ħbieb minn Għawdex. Dakinhar bdejna ħbiberija talġenn u żgur li qatt ma mmaġinajt li kellha tibqa’ għaddejja sal-ġurnata tal-lum.

Fil-perjodu meta Stefano Domenicali kien telaq lill-Ferrari, jien kont qiegħed f’kuntatt mal-Kunsill tal-Inġiniera ta’ Malta fejn staqsewni jekk stajtx inġib f’Malta lil xi ħadt b’esperjenza fil-F1. Jien mill-ewwel ħsibt fi Stefano u saqsejtu jekk kellux ilħin, bir-risposta tiegħu kienet fil-pożittiv u mhux dik biss imma kien ġej ukoll mal-mara tiegħu. Kienet okkażjoni tal-ġenn meta tara personalità bħal dik li fostna fejn tkellem waqt attività ġewwa lukanda lokali u indirizza lill-inġiniera u lil dawk kollha li għandhom għal qalbhom l-F1. Kienet ukoll opportunitá fejn kellu ċ-ċans li jmur l-Università ta’ Malta u għal darb’oħra tkellem mal-istudenti. Kienet vera ġurnata storika għalina; persuna b’tant esperjenza u tant umiltà. Jien komplejt inżomm kuntatt miegħu fejn konna niltaqgħu fil-fiera tal-karozzi ġewwa Ġinevra meta hu kien il-Kap Eżekuttiv tal-Lamborghini. Dejjem sab il-ħin biex nitkellmu, ngħidu xi ċajta u jagħtina dik l-intervista esklussiva għalina waqt il-programm ‘Wheelspin’. Huwa mexxa l-kumpanija Lamborghini minn suċċess għall-ieħor, fetaħ orizzonti ġodda u anke bidel il-mod kif din il-kumpanija kienet taħdem.

Tajjeb li ngħidu li Domenicali żamm rabta tajba mal-Formula 1 peress li huwa kien parti mill-FIA fejn jieħu ħsieb il-kummissjoni tas-single seaters, biss il-kbir kien għadu ġej. Stefano Domenicali hu

minn PIERRE P. VELLA

persuna unika ... li dejjem isib il-ħin biex jitkellem fuq dak li huwa jħobb ħafna – il-karozzi. Meta l-kumpanija Lamborghini kienet għaddejja minn suċċess għall-ieħor, faqqgħet sajjetta. Tajjeb li ngħidu li wara l-mewt għall-għarrieda tal-mexxej tal-FIAT Group, Sergio Marchionne, isem Domenicali ssemma’ u reġa’ ssemma’ meta t-tim tal F1 tal-Ferrari kien għaddej minn żmien xejn feliċi. Biss, is-sajjetta kienet in-naħa l-oħra tad-dinja fejn tħabbar li Chase Carey li kien qiegħed imexxi l-F1 kien ħalla l-post tiegħu u minfloku kien ġej Stefano Dome­ nicali. Jien stennejt li l-aħbar tkun uffiċjali u mill-ewwel bgħattlu messaġġ biex nifraħlu u weġibni ftit wara. Hemm tara kemm hu kbir u umli dan ir-raġel. Issa nafu li l-futur tal-F1 huwa wieħed tajjeb u sikur. Tajjeb li nfakkru li parti mit-tmexxija qiegħda wkoll f’idejn Ross Brawn. It-tnejn li huma - Brawn u Domenicali - ħadmu fl-istess perjodu mal-Ferrari.

Fejn irid jieħu l-Formula 1? Domenicali ġej minn perjodu twil mal-Ferrari, ħadem mal-aqwa nies u sewwieqa, għandu passjoni lejn l-isport u l-iktar ħaġa importanti hija dik li jisma’ lil kulħadd. Irid jerġa’ jġib il-Formula 1 fejn jixraqilha u li l-udjenza tiżdied.

Il-pandemija se tkun sfida kbira għal kulħadd, biss fil-Formula 1, din tista’ tkun biċċa xogħol ikbar. Domenicali għandu żgur sfida quddiemu, ma tkunx l-ewwel waħda u lanqas l-aħħar. Naf żgur, li t-tbissima tiegħu se tibqa’ hemm, xi ftit xagħar griż se naraw, biss il-Formula 1 qiegħda f’idejn taj­ bin, anzi eċċellenti u jien nista’ ngħid li dan hu ħabib ieħor tiegħi. Il-Formula 1 hu sport interessanti u din is-sena se naraw wieħed mill-isbaħ kampjonati, fejn żgur li se naraw titjib u anke xi affarijiet interessanti. J’Alla din il-pandemija tgħaddi, u nerġgħu nibdew immorru naraw it-tiġrijiet, fejn wieħed jista’ jgħaddi minn esperjenza tal-ġenn!

IV |

ROTI

|

MALTA’S MOST AFFORDABLE SUV!

STARTING FROM

€22,400 ON THE ROAD

V

BOOK YOUR TEST DRIVE TODAY

Focus Building, Level 1, Mdina Road, Attard, ATD 9037.

Telephone: (+356) 2339 2340/1, Mobile: (+356) 9977 0708.

Email: sales@smotor.mt www.ssangyong.mt

SsangYong_Korando_Malta_29.01.2021.indd 1

29/01/2021 13:07

VI |

ROTI

Regolamenti ġodda tal-F1 għall-istagun 2021

B

l-istaġun il-ġdid tal-F1, se jingħata bidu proprju għada wara waqfa prattikament iqsar, nazzarda ngħid li dan se jkun kontinwazzjoni tal-istaġun preċedenti fejn għandhom x’jaqsmu regolamenti tekniċi u dawk sportivi meta nqisu li l-bażi tal-karozzi li ntużaw fl-2020 se jergġħu jintużaw fl-2021, wara li r-regolamenti l-ġodda li kellhom jidħlu fis-seħħ din is-sena ġew posposti għall-2022. Peró, jekk nidħlu aktar fid-dettall, insibu ċerti tibdiliet żgħar imma sinjifikanti għal dan l-istaġun li huwa ppjanat li jibda eżattament fi tmiem din il-ġimgħa ġewwa l-Bahrain.

Għalhekk se nagħtu ħarsa rigward x’se nkunu qed naraw ġdid fl-2021, kemm min-naħa teknika kif ukoll mill-aspett sportiv!

Minn

Jason Sultana 1. Tibdil fl-art tal-karozzi L-aktar tibdil li wieħed se jinnota fuq il-karozzi din is-sena, hija l-forma tal-art tal-istess karozzi. Fl-aħħar snin jekk kont tħares minn fuq (plan view), kont tara l-art tal-karozza b’forma rettangolari b’mod speċjali quddiem it-tyres ta’ wara, u b’numru ta’ slots skolpiti għattul fil-ġenb tal-istess art. Dawn kienu jsiru biex iżidu l-ammont ta’ downforce ġġenerata qrib it-truf tal-art tal-karozza, jagħmlu suction taħt il-karozza, kif ukoll biex jirfinaw il-vortices li jiffurmaw f’din il-parti ferm importanti għad-downforce biex ittejjeb il-kunċett ground effect.

Għal dan l-istaġun dawn l-islots ġew projbiti, bir-regolamenti jgħidu li l-art kollha tal-karozza trid tkun ħaġa waħda solida, kif ukoll fil-parti ta’ quddiem ittyres ta’ wara se naraw biċċa mill-art maqtugħa dijagonali li tibda mil-punt ta’ 1800mm wara l-fus ta’ quddiem u tidħol ‘il ġewwa 100mm u 175mm millfus ta’ wara, bil-għan li titnaqqas ftit mid-downforce ġġenerata u ttaffi xi ftit mil-loadings li jesperjenzaw it-tyres ta’ wara.

2. Appendiċi mal-brake ducts ta’ wara mqassra Flimkien mat-tibdiliet li diġá semmejt fl-art tal-karozza, hemm tibdil ieħor żgħir għall-2021 fejn jidħlu winglets aerodinamiċi li nsibu mal-brake ducts ta’ wara, li f’dawn l-aħħar snin rajna żvilupp enormi f’din iż-żona. It-tibdil se jkun jikkonċerna l-parti t’isfel ta’ dawn il-winglets li se jiqsaru mill-wisgħa b’40mm għal 80mm, waqt li l-winglets ta’ fuq se jibqgħu l-istess, 120mm.

Dawn kif wieħed jista’ jifhem huma partijiet żgħar imma huma kruċjali mmens għax jissuplixxu ammont ta’ downforce effiċjenti lejn il-parti ta’ wara tal-karozza.

3. Tnaqqis fil-qies taddiffuser fences Din it-tibdila flimkien mat-tnejn ta’ qabilha fir-regolamenti tekniċi ġiet miżjuda mill-FIA bl-għan li jitkompla jitnaqqas il-livell tad-downforce ġenerali tal-karozza, li kollettivament hija stmata li se tkun madwar 10% anqas millivell tal-2020. Din ir-regola partikolari

tikkonċerna l-fences tad-diffuser (li huma dawk il-partijiet laterali li naraw matul id-diffuser meta nħarsu minnaħa ta’ wara tal-karozza). Dawn ġew imqassra b’50mm u se jħallu l-istess impatt, bħat-tneħħija tas-slots fl-art, għax se jagħmel tnaqqis fl-effiċjenza ta’ kemm iseħħ floor seal f’waħda mil-aktar partijiet tal-karozza li tiġi ġġenerata downforce.

4. L-introduzzjoni talfamuża Budget Cost Cap Bla ebda dubju, l-aktar bidla li tant ilha mistennija u li se tara l-bidu tagħha għall-ewwel darba fil-F1, hija l-introduzzjoni tal-budget cost cap.

L-ammont fl-ispiża ta’ kull tim li se jkun impost għal dan l-istaġun se jkun ta’ $145 miljun, għalkemm jista’ jkun ftit iżjed għal $147.4m, jekk isiru 23 tellieqa kif previst, b’konċessjoni ta’ $1.2m għal kull tellieqa miżjuda mal-21 miftehma fir-regolamenti. Dan il-pjan mistenni jieħu tliet snin bil-budget jitnaqqas għal $140m fl-2022 u $135m fl-2023 ris­ pettivament.

|

Din il-kappa se tkopri kull aspett li bih jopera u jitmexxa tim tal-F1 bl-eċċezzjonijiet ikunu s-salarji tassewwieqa u t-tliet l-aktar membri fittim li huma mħallsa, kif ukoll l-ispejjeż tal-marketing. Ta’ min isemmi ukoll li l-ispejjeż tal-leave tal-maternitá, paternitá u tas-sick kif ukoll il-benefiċċji għall-bżonn ta’ saħħa u pakketti ta’ rtirar kmieni għall-istess impjegati, huma esklużi mill-istess budget cap. It-timijiet huma permessi li jonfqu $45m f’kapital li jinkludi makkinarju għall-fabbriki eċċ. bejn din is-sena u t-tmiem tal-2024.

Din is-sistema se tkun immoniterjata strettament mill-FIA u kull tim huwa obbligat li jgħaddi l-informazzjoni eżatta ta’ kif u fiex qed jintefqu l-flus.

Min jinqabad jipprova jiddikjara anqas hemm pieni ħorox jistennewh, fosthom esklużjoni mill-istess kampjonat!

5. Sistema ġdida rigward it-testijiet aerodinamiċi Żvilupp interessanti ieħor li se naraw jiġi introdott minn dan l-istaġun, hija sistema magħrufa bħala Sliding scale for Aaerodynamic Testing Regulations (ATR) - fattur importanti ħafna għax din is-sena se naraw lit-timijiet jiffinalizzaw il-karozzi l-ġodda tagħhom għallistaġun tal-2022 li fih se jseħħ tibdil rivoluzzjonarju.

Biex nispjegaha faċilment, din issistema se taħdem hekk: it-tim li jkun spiċċa fl-aħħar post fil-kampjonat talkostrutturi li jkun għadu kif għadda (f’dan il-każ tal-2020), se jkollu l-aktar ħin permess lilu f’testijiet fil-wind tunnel jew CFD (Computational Fluid Dynamics) biex itejjeb u jiżviluppa l-karozza pre­ ċedenti u dik tal-kampjonat li jkun jmiss. Fit-tabella ta’ hawn taħt, wieħed jista’ jifhem aħjar kif din is-sistema se titħaddem. Dawn it-tibdiliet se jsiru aktar sinjifikanti mill-2022 ‘il quddiem.

Il-pożizzjoni finali tattimijiet fil-kampjonat passat

% ta’ testijiet aerodinamici kurrenti permessi għall-2021

% ta’ testijiet aerodinamici kurrenti permessi għall-2022

1

90%

70%

2

92.5%

75%

3

95%

80%

4

97.5%

85%

5

100%

90%

6

102.5%

95%

7

105%

100%

8

107.5%

105%

9

110%

110%

10+ tim ġdid

112%

115%

6. Żieda fil-piż tal-karozzi u dak tal-PU Se naraw żieda żgħira fejn jikkonċerna l-piż minimu tal-karozza (bla fjuwil) li se jiżdied minn 746kg fl-2020 għal 752kg din is-sena, kif ukoll tal-Power Unit (PU) minn 145kg għal 150kg. Din ir-regola ġiet introdotta biex min-naħa tiskoraġġixxi lit-timijiet milli jużaw materjali eżotici. Tajjeb ngħidu li dawn jintużaw għax huma ferm eħfef minn materjali komuni, peró l-ispejjeż huma ferm ogħla biex timmanifatturahom, allura indirettament din il-bidla se tkun minnha nnifisha bħala miżura ta’ awsteritá f’dan ir-rigward.

7. L-ikkuppjar minn karozza għal oħra se jkun projbit Punt diskutibbli għall-2021, meta nqisu li l-maġġor parti taċ-chassis li ntuża fl2020, se jinżamm għal dan l-is­taġun ukoll (bl-eċċezzjoni taż-żewġ tokens li jistgħu jissarrfu f’tibdil notevoli f’partijiet ewlenin tal-karozza). Peró, wara l-furur ikkawżat is-sena li għaddiet minħabba l-fatt li t-tim Racing Point ddisinja u mmanifattura l-karozza RP20 kważi jew simili f’ħafna setturi bħall-karozza Mercedes W10 tal-2019, ir-regolamenti tekniċi tal-2021 ġew mibdula b’tali mod biex din il-possibbiltá ma terġax isseħħ.

Ir-regolamenti issa jgħidu li għalkemm xorta waħda huwa permessibbli li tkun influwenzat bid-disinn jew bil-kunċett ta’ karozza rivali oħra, bil-partijiet individwali esklussivi wżati (magħrufa bhala LTCs, Listed Team Components), wieħed huwa obbligat li l-informazzjoni wżata biex jiġu kkrejati dawn ilpartijiet trid tkun potenzjalment għaddispożizzjoni tal-kompetituri kollha u trid tkun miksuba matul avvenimenti uffiċjali jew it-testijiet – permezz ta’ ritratti, osservazzjoni, videos eċċ milli t-timijiet nfushom jaqblu bejniethom bi ftehim reċiproku għall-bdil ta’ din l-informazzjoni tal-imsemmija LTCs. Addizzjonali ma’ dan kollu hemm ukoll il-projbizzjoni tal-famuża reverse engineering minn karozza rivali li teskludi l-użu ta’ kameras 3D biex wieħed jiskenja karozzi tal-kompetituri.

8. Tyres b’compound ġdid minn Pirelli Pirelli ħejjew tyres aktar robusti għal dan l-istagun. Dan qalu Mario Isola, il-kap tal-istess manifattur tat-tyres tal-F1, bil-għan ewlieni se jkun li jtejbu

l-kostruzzjoni tat-tyres użati fl-2020 biex itejbu l-integritá tagħhom! Dan wara li fl-2020 l-istess tyres esperjenzaw l-akbar stress fil-kantunieri li qatt ġew esperjenzati fil-F1 u minħabba f’hekk tliet każijiet ta’ ċediment tal-istess tyres seħħew waqt il-GP tal-Ingilterra.

Dawn it-tibdiliet huma neċessarji, għax anke jekk l-effiċjenza aerodinamika se tonqos b’10% kif hija stmata millkap tekniku tas-single seaters Nicolas Tombazis permezz tar-regolamenti li semmejt diġá, it-timijiet mistennija jirkupraw lura mill-inqas 5% matul ix-xitwa, qabel jibda l-kampjonat u tinqabeż mal-milja tal-istaġun. Il-Pirelli jippreferu li jkunu ppreparati bilquddiem għal dan kollu. Ta’ min isemmi li s-sewwieqa kellhom l-opportunitá li jesperjenzaw it-tyres proposti għall-2021 f’numru ta’ sessjonijiet liberi waqt l-2020.

9. Is-sistema DAS projbita Regola waħda mposta din is-sena se tkun qed taffettwa tim wieħed biss, dak tal-Mercedes bil-projbizzjoni tassistema DAS (Dual Axis Steering). Matul l-2020 rajna l-karozza W11 mgħammra b’din l-innovazzjoni ġenjali li Hamilton, Bottas u Russell użaw, billi jiġbdu u jimbuttaw l-isteering wheel f’partijiet dritti fuq it-trakka. Waqt dan il-proċess kien jinbidel il-camber tar-roti ta’ quddiem u jgħin lit-tyres jisħnu aktar malajr u b’uniformitá qabel jidħlu filkantunieri, allura jkollhom aktar qabda mal-art mill-istess tyres fil-konfront tar-rivali tagħhom - sistema li tathom vantaġġ kbir fuq l-oppożizzjoni, peró bdil fil-kitba tar-regolamenti, tat iddaqqa tal-mewt lil din is-sistema li tant investew fiha t-tim Ġermaniż ibbażat ġewwa l-Ingilterra. Ir-regola tgħid li realignment tal-isteering irid jiġi definit unikament mis-sewwieq b’laxk ta’ 1° f’direzzjoni waħda biss - dik rotazzjonali, għalhekk ir-relazzjoni mill-anglu talisteering wheel għal mal-bażi trid tkun strettament f’direzzjoni waħda - regola sempliċi, peró definittiva!

10. Allokazzjoni awtomatika tat-tyres F’dan l-istaġun kull sewwieq, jekk mhux determinat mill-FIA bi ftehim ma’ Pirelli, se jkollu għad-dispożizzjoni tiegħu żewġ settijiet ta’ Hard tyres, tliet settijiet ta’ Mediums u tmien settijiet ta’ Softs kull Grand Prix. Infatti Pirelli

VII

diġá ħabbru l-compounds kollha li beħsiebhom ipoġġu għad-dispożizzjoni tat-timijiet għal kull GP li hemm previst (23) fl-2021.

11. Kull sessjoni ta’ provi liberi se tkun ta’ 60 minuta L-ewwel żewġ sessjonijiet ta’ provi liberi li jsiru nhar ta’ Ġimgħa s-soltu kienu jkunu ta’ 90 minuta ‘l waħda, bittielet sessjoni, dik tas-Sibt tkun ta’ 60 minuta.

Minn dan l-istagun il-format ġie mibdul, partikolarment dak ta’ nhar ta’ Ġimgħa, fejn kull sessjoni issa se tkun ta’ 60 minuta, jiġifieri 30 minuta anqas kull sessjoni, b’dik tas-Sibt tibqa’ l-istess. Dan se jitfa’ aktar piż fuq it-timijiet li issa se jkollhom aktar xogħol x’jagħmlu biex jissettjaw ilkarozzi għall-kwalifikazzjoni u t-tellieqa f’anqas ħin disponibbli għalihom. Qed jiġi diskuss ukoll format gdid ta’ Sprint Races li jseħħu nhar ta’ Sibt, bil-provi ta’ kwalifikazzjoni għalihom tkun nhar ta’ Ġimgħa u li jkunu qrib in-nofs distanza mill-GP prinċipali li mbagħad l-eżitu tagħhom jiddeċiedi l-pożizzjonijiet ta’ kif jibdew il-GP tal-Ħadd, fi tliet GP dan l-istagun stess. S’issa jidher li hemm qbil unanimu bejn it-timijiet, peró għadu ma ġiex iffinalizzat l-ebda ftehim għax it-timijiet talbu għal aktar informazzjoni mingħand l-organizzaturi tal-F1 u l-FIA ta’ kif se jiżvolgu u jseħħu dawn l-iSprint Races. Aktar żviluppi huma mistennija fuq din il-proposta!

12. Materjali ġodda permissibbli Regola sabiħa u innovattiva li se nispiċċa biha hija li l-istess regolamenti tekniċi issa se jippermettu l-introduzzjoni ta’ ċerti materjali ġodda magħrufa bħala eco friendly fil-F1 bħal: flax, hemp, linen, cotton u bamboo fost l-oħrajn.

B’dan l-isport meqjus bħala wieħed teknoloġiku mmens, se tkun interessanti kif it-timijiet se jirnexxielhom jintegraw dawn il-materjali fil-kostruzzjoni talkarozzi jew fl-operat tagħhom!

Tistgħu ssegwu għal aktar materjal li jkun aġġornat ħafna drabi kuljum fuq ilpaġna tiegħi ta’ Facebook: Formula One Insights – by Jason.

Barra min hekk, għandi wkoll ilwebsajt www.formulaoneinsights.com għal artikli aktar speċifiċi mid-dinja talFormula Wieħed.

VIII |

ROTI

|

LEADERS IN JAPANESE CAR IMPORTS

Near San Silvestru Chapel, Mosta 9949 8775 or 9985 8775

IX

X|

ROTI

Is-

Kampjonat Dinji tal-Formula Wieħed minn Jordy Brincat

L-istaġun tal-Formula 1 ta’ din is-sena li se jibda proprju għada, se jara r-ritorn tas-sewwieq Spanjol u darbtejn champion tad-dinja, Fernando Alonso, matDan l-istaġun mistenni jkun mifrux fuq 23 tiġrija madwar iddinja. Is-sebà darbiet champion tad-dinja, Lewis Hamilton flimkien mal-Mercedes se jkunu qed jiddefendu it-titlu ta’ champions, wara li t-tnejn li huma reġgħu rebħu dan il-kampjonat matul l-2020.

Tibdil fit-timijiet McLaren ħabbru li għall-2021 se jkunu qed jibdlu l-magni - minn dik Renault għal Mercedes. Huma se jkunu qed jirritornaw lura malĠermaniżi wara seba’ snin. IlMcLaren Mercedes ħadmu flimkien bejn 1995 u l-2014 fejn fihom rebħu tliet darbiet il-kampjonat tas-sewwieqa (1998,1999,2008) u darba l-kampjonat tal-kostrutturi (1998). It-tim minn ġewwa Silverstone, Racing Point (ex Force India u Jordan fost l-oħrajn) issa sar Aston Martin. Dan wara li l-kap tattim Lawrence Stroll xtrara ismha fil-marka tal-karozzi lussużi Aston Martin. Ir-Renault issa ħadu l-isem ta’ Alpine wara li dawn tal-aħħar ħadu l-isem ta’ din id-ditta famuża tal-karozzi sportivi.

Tibdil fis-sewwieqa L-erbà darbiet champion taddinja l-Ġermaniż, Sebastian Vettel, ħalla lit-tim tal-Ferrari fit-tmiem tal-2020 sabiex jingħaqad mattim tal-Aston Martin. Minfloku se jsuq l-Ispanjol Carlos Sainz Jr. li ħalla lill-McLaren. Daniel Ricciardo ingħaqad mal-McLaren, filwaqt li darbtejn champion Fernando Alonso jirritorna għat-tielet darba ġewwa Enstone sabiex isuq matteam tal-Alpine. Dan is-sewwieq l-aħħar li saq fil-Formula 1 kien mal-McLaren Honda fl-2018.

Sergio Perez, li kien f’riskju li jispiċċa mingħajr tim, wara staġun mill-aqwa mar-Racing Point ingħaqad mat-tim tar-Red Bull minflok Alex Albon li dan tal-aħħar spiċċa s-sewweiq ta’ riserva malistess tim. Tajjeb wieħed jinnota, li Perez se jkun l-ewwel sewwieq wara l-Awstraljan Mark Webber, li se jsuq mar-Red Bull li ma ħarigx mill-akkademja tar-Red Bull.

Iż-żewġ sewwieqa li saqu malHaas fl-2020, Romain Grosjean u Kevin Magnussen, ħallew lil dan it-tim wara kważi erba’ snin isuqu mal-istess tim flimkien.

team tal-Alpine, il-marka tal-karozzi lussużi Aston Martin u wkoll l-isem leġġenda tas-snin disgħin u bidu tal-millenju Schumacher, fost l-oħrajn...

Minflokhom, dawn se jid­de­ butaw żewġ piloti żgħar. Ir-Russu Nikita Mazepin u l-Ġermaniż iben ic-champion tad-dinja għal sebà darbiet Michael Schumacher, Mick. Yuki Tsunoda mill-Ġappun se jkun qed jieħu post ir-Russu Daniil Kvyatt mal-Alpha Tauri.

Dan tal-aħħar ingħaqad bħala s-sewwieq ta’ riserva mat-tim talAlpine. Tsunoda ser ikun l-ewwel xufier mill-Ġappun wara Kamui Kobayashi, li l-aħħar li saq kien fl2014.

Il-Kalendarju 2021 Dan il-kampjonat mistenni jibda għada fuq iċ-ċirkwit talBahrain u jintemm fit-12 ta’ Di­ ċembru f’Abu Dhabi. Dan mistenni jkun l-itwal kampjonat li qatt sar sa mill-1950 mifrux fuq 23 ċirkwit differenti. Tajjeb wieħed jinnota dawn il-punti li se naraw din issena: • It-tiġrija ġewwa l-Portugall fuq iċ-ċirkwit ta’ Portimao sabet postha din is-sena wkoll. Dan wara li kellha tkun tiġrija ta’ darba matul l-2020 minħabba l-pandemija tal-Covid19.

• L-Olanda mistennija tirritorna fil-Formula 1 wara nuqqas ta’ 36 sena minn meta saret l-aħħar tiġrija f’dan il-pajjiż.

• It-tiġrija ġewwa Saudi Arabia hija mistenija tiddebutta din is-sena. Din it-tiġrija se ssir matul il-lejl fuq iċ-ċirkwit temporanju fil-Belt ta’ Jeddah.

Il-pjan hu li fl-2023, timxi għal fuq iċ-ċirkwit ta’ Qiddiya. Din se tkun it-tielet tiġrija li se ssir bil-lejl matul din is-sena. Dan wara li diġá hemm it-tiġrija tal-Bahrain u dik ġewwa Sin­ gapore.

• It-tiġrija ġewwa l-Brażil se tieħu l-isem ta’ Sao Paolo Grand Prix wara li l-Gvern Lokali se jżid l-involviment tiegħu.

Tibdil fir-regoli matul dan l-istaġun: Il-Kampjonat tal-2021 kien se jkun staġun fejn fih kienu se jsiru diversi tibdiliet fosthom fir-regoli u wkoll fid-disinn tal-karozzi.

Però minħabba l-effett li ħalliet il-pandemija, dawn ġew sospiżi għall-kampjonat tal-2022.

|

Ħarsa lejn it-timijiet u s-sewwieqa li se jkunu qed jikkompetu f’dan il-Kampjonat MERCEDES AMG PETRONAS F1 TEAM

Klassifika finali fl-istaġun 2020: L-ewwel post b’573 punt Bażi: Brackley fl-Ingilterra Magna: Mercedes-AMG Chassis: F1 W12 EQ Performance Kampjonati Kostrutturi: 7 Kap tat-tim: Toto Wolff Sponsor priċipali: Petronas Sponsors oħrajn: Ineos – Epson – Tommy Hilfiger 44 | Lewis Hamilton [Ingilterra] 77 | Valtteri Bottas [Finlandja]

RED BULL RACING HONDA

Klassifika finali fl-istaġun 2020: It-tieni post b’319 punt Bażi: Milton Keynes fl-Ingilterra Magna: Honda Chassis: RB16B Kampjonati Kostrutturi: 4 Kap tat-tim: Christian Horner Sponsors priċipali: Red Bull Sponsors oħrajn: Mobil – Claro – TAG Heuer 33 | Max Verstappen [Olanda] 11 | Sergio Perez [Messiku]

McLAREN MERCEDES F1 TEAM

Klassifika finali fl-istaġun 2020: It-tielet post b’202 punt Bażi: Woking fl-Ingilterra Magna: Mercedes-AMG Chassis: MCL35M Kampjonati Kostrutturi: 8 Kap tat-tim: Zack Brown Sponsors priċipali: A New Tomorrow Sponsors oħrajn: DELL – Gulf – Coca-Cola 3 | Danièl Ricciardo [Awstralja] 4 | Lando Norris [Ingilterra]

ASTON MARTIN COGNIZANT F1 TEAM

Klassifika finali fl-istaġun 2020: Ir-raba’ post b’195 punt (BWT Racing Point F1) Bażi: Silverstone fl-Ingilterra Magna: Mercedes-AMG Chassis: AMR21 Kampjonati Kostrutturi: 0 Kap tat-tim: Otmar Szafnauer Sponsors priċipali: Cognizant Sponsors oħrajn: BWT – JCB – Peroni 5 | Sebastian Vettel [Ġermanja] 18 | Lance Stroll [Kanada]

ALPINE F1 TEAM

Klassifika finali fl-istaġun 2020: Il-ħames post b’181 punt (Renault F1 Team) Bażi: Enstone fl-Ingilterra Magna: Renault E-Tech Chassis: A521 Kampjonati Kostrutturi: 0 Kap tat-tim: Laurent Rossi Sponsors priċipali: Castrol Edge Sponsors oħrajn: Mapfre – yahoo – DuPont 14 | Fernando Alonso [Spanja] 31 | Esteban Ocon [Franza]

SCUDERIA FERRARI MISSION WINNOW

Klassifika finali fl-istaġun 2020: Is-sitt post b’131 punt Bażi: Maranello fl-Italja Magna: Ferrari Chassis: SF21 Kampjonati Kostrutturi: 16 Kap tat-tim: Mattia Binotto Sponsors priċipali: Mission Winnow Sponsors oħrajn: Shell – UPS – Ray-Ban 16 | Charles Leclerc [Monaco] 55 | Carlos Sainz [Spanja]

SCUDERIA ALPHATAURI HONDA

Klassifika finali fl-istaġun 2020: Is-sebà post b’107 punti Bażi: Faenza fl-Italja Magna: Honda Chassis: AT02 Kampjonati Kostrutturi: 0 Kap tat-tim: Franz Tost Sponsors priċipali: AlphaTauri.Fashion Sponsors oħrajn: Edifice Casio – RDS – Pirelli 10 | Pierre Gasly [Franza] 22 | Yuki Tsunoda [Ġappun]

ALFA ROMEO RACING ORLEN

Klassifika finali fl-istaġun 2020: It-tmien post bi 8 punti Bażi: Hinwil fl-Isvizzera Magna: Ferrari Chassis: C41 Kampjonati Kostrutturi: 0 Kap tat-tim: Frédéric Vasseur Sponsors priċipali: ORLEN Sponsors oħrajn: Carrera – Singha – EIGHTYONE 7 | Kimi Räikkönen [Finlandja] 99 | Antonio Giovinazzi [Italja]

URALKALI HAAS F1 TEAM

Klassifika finali fl-istaġun 2020: Id-disà post bi 3 punti Bażi: Kannapolis fl-Amerika Magna: Ferrari Chassis: VF-21 Kampjonati Kostrutturi: 0 Kap tat-tim: Guenther Steiner Sponsors priċipali: Uralkali Sponsors oħrajn: 1&1 – Under Armour – Pirelli 9 | Nikita Mazepin [Russja] 47 | Mick Schumacher [Germanja]

WILLIAMS RACING

Klassifika finali fl-istaġun 2020: L-għaxar post b’0 punti Bażi: Grove fl-Ingilterra Magna: Mercedes-AMG Chassis: FW12 Kampjonati Kostrutturi: 9 Kap tat-tim: Simon Roberts Sponsors priċipali: Lavazza Sponsors oħrajn: Sofina – Acronis – Versa 63 | George Russell [Ingilterra] 6 | Nicholas Latifi [Kanada]

XI

XII |

ROTI

Ready for

anything.

The all-new Hyundai TUCSON.

Yours from:

€

HYUNDAI SHOWROOM, MDINA ROAD QORMI, QRM 9010, MALTA T. +(356) 2269 2259 E. HYUNDAISALES@MOTORSINC.COM.MT W. HYUNDAI.COM.MT | FB. /HYUNDAIMALTA | IG. @HYUNDAI_MALTA

27,900