Biblioxornal 32

Número 32

Verán 2013

I.E.S. “San Paio” — Tui

B

O

L

E

T

Í

N

D

O

E

Q

U

I

P

O

D

A

B

I

B

L

I

O

T

E

C

A

Vacacións para tod@s, Lecturas para tod@s Chega o verán e con el as vacacións escolares, un bo tempo para deixar de lado as obrigas académicas e os libros de texto. Agora é tempo de descanso, de sol e praia, de reencontro con antigos colegas e de facer novas amizades, tempo tamén para lecturas sosegadas, pendentes e desexadas, solitarias ou compartidas. Se cadra xa tes escollidas esas lecturas que serán as túas compañeiras de viaxe neste verán mais se non fora así queremos compartir contigo estas suxestións. Ler e descansar non son verbos incompatibles. En todo caso, con lecturas ou sen elas

Bo verán! para tod@s

Novela e cine a un tempo DOGAR, Sharon, Encerrados en la casa de atrás, Everest, 2013 A historia de Ana Frank e os seus compañeiros do Anexo dende o punto de vista do adolescente que se namorou de Ana. Emotiva e dura narración que podes complementar coa visión de filmes como: El diario de Ana Frank (Jon Jones, 2009, miniserie televisiva en cinco capítulos, 132 minutos) ou Recordando a Ana Frank (Jon Blair, 2005, documental, 122 minutos) SPARKS, Nicholas, El cuaderno de Noah, Roca Editorial, 2012 Noah Calhoun non esquece a unha moza que coñeceu catorce anos antes. De xeito inesperado atópaa e... a historia dun amor que vence todo tipo de obstáculos. E porque lectura e cine non son incompatibles tamén podes ver: El diario de Noah (Nick Cassavetes, 2004, 124 minutos)

Para @s adict@s ao Códice TOBARUELA, Pere, O códice do Santo Lugar, Xerais, 2013 Di o seu autor que esta novela non ten nada que ver co códice Calixtino, en calquera caso si ten relación con Santiago: o estudante Xelmírez está implicado no roubo do códice do Santo Lugar, o bispo de Iria envía a Xelmírez a Toledo para aclarar este roubo que pode cambiar a evolución histórica da Península...

VÁZQUEZ TAÍN, José Antonio, Santiago. La leyenda del santo oculto, Teófilo Edicións, 2013 O maxistrado encargado do caso do roubo do códice Calixtino inicia a súa carreira no mundo das letras cunha novela resultado dunha extensa investigación histórica, partindo do sigo IX co descubrimento do sepulcro do apóstolo Santiago. O libro mestura realidade e ficción conectando o descubrimento do sepulcro, o roubo do Códice Calixtino e unha loita ficticia entre ciencia e relixión coa Catedral de Santiago de fondo.

P á x i n a

2

N ú m e r o

3 2 –

V E R Á N

2 0 1 3

Para @s preocupad@s pola crise MÁRKARIS, Petros, Liquidación final, Tusquest, 2012 Un comezo estremecedor: catro anciás suicídanse ao decatarse de que son "unha carga" para o estado, para os médicos, "para as farmacias e para a sociedade enteira". “ímonos, así non teredes que preocuparvos por nós. Con catro xubiladas menos, mellorarán as vosas condicións de vida".

A terrible situación pola que atravesa o pobo grego narrada por un autor grego e protagonizada polo comisario Kostas Jaritos. Esta novela é a segunda parte da “Triloxía da crise” e acaba de recibir o premio “Arcebispo Juan de San Clemente” en cuxo xurado participaron alumnos de distintos institutos galegos (representando a Pontevedra o noso instituto) KRUGMAN, Paul, Acabad ya con esta crisis, Editorial Crítica, 2012 Unha visión diferente da crise coa perspectiva dun Nobel de Economía.

Un libro onde se expoñen as causas da actual crise e a forma de superala.

Para os que non estean tan familiarizados coas súas teorías sobre a crise, pode resultar interesante porque ademais Krugman escribe de xeito bastante directo e intelixible. Moi crítico co proxecto de moeda única europea, Krugman aseguraba nunha entrevista que escribira precisamente o libro para tratar de "salvar o euro".

TENA, Pilar, Cómo sobrevivir a un despido y volver a trabajar, Edicións Piramide, 2013 Que facer para superar o trauma dun despedimento? Como enfrontarse o mellor posible a un período de desemprego? A parte substancial deste libro analiza as consecuencias dun despedimento, os problemas que formula ao desempregado, as situacións que se producen habitualmente e as posibles formas de actuar e reaccionar ante este feito, a miúdo inesperado. Todo iso, en clave optimista e construtiva e no contexto actual.Con esta obra trátase de que o traballador despedido teña ferramentas abondo para reaccionar ante un acontecemento que pode marcar a súa vida definitivamente e, por que non, reinventarse, formarse ou emprender novos camiños.

Para @s futboler@s PINGUILLY, Yves, Soños de fútbol en Bangui, Galaxia, 2013 Zangba é un mozo orfo de 15 anos que vive na República Centroafricana.

Xa hai tempo que deixou a escola. No fútbol está toda a súa vida; descalzo, sen comer, no terreo de xogo, vibra. Os espectadores recoñecen a súa valía, sería unha boa fichaxe para a selección nacional xuvenil mais como avantaxar aos que teñen pais con moitos cartos e poder?. Un libro sobre o fútbol, sobre África e tamén que denuncia a situación da infancia en África.

ciencia--ficción Para @s amig@s da ciencia LEMA, Alberto, Da Máquina, Galaxia, 2012 Elementos do xénero policial, da novela psicolóxica e do ciberpunk únense neste relato de ciencia-ficción no que se decide o futuro da civilización.

Partidarios e inimigos desta Máquina revolucionaria cruzan os seus camiños, poñen en xogo as súas vidas. Mais só un dos bandos pode prevalecer.

N ú m e r o

3 2 –

V E R Á N

2 0 1 3

P á x i n a

3

Para @s que lle gusta filosofar WARBURTON, Nigel, Pensar de la A a la Z, Gedisa, 2005 Warburton, divulgador filosófico, presenta conceptos básicos do discurso argumentativo, mecanismos e recursos do razoamento e a argumentación e tamén formas de argumentos falaces. Os contidos están organizados como un dicionario, por orde alfabética. Pode lerse de varias maneiras: de xeito secuencial, facer lecturas fragmentarias tipo consulta ou seleccionar unha entrada e deixarse levar. Todas as entradas parten de casos concretos, divertidos, próximos e que calquera pode utilizar nas súas prácticas cotiás, tanto para escribir un argumento coma para analizar e comprender un texto organizado nesta clave.

YALOM, Irvin D., El problema de Spinoza, Barna, Destino, 2013 Utilizando os recursos da análise psicolóxica e da intriga Yalom, psicólogo e profesor de psiquiatría, desenvolve nesta novela histórica a fascinación exercida pola obra do filósofo xudeu Spinoza no ideólogo nazi Rosenberg, espoliador da biblioteca do filósofo.

Para @s seguidores da novela gráfica SACCO, Joe, Goražde, zona segura, Rinoceronte Editora, 2013 O debuxante e xornalista Joe Sacco é testemuña privilexiada da realidade traumática de Goražde, zona segura designada pola ONU durante a guerra de Bosnia cuxos habitantes, de maioría musulmá, soportan duros ataques e privacións para continuar na súa vila mentres no resto de Bosnia oriental se practicaba unha brutal limpeza étnica da poboación non serbia. Relato dun asedio terrible e retrato de persoas que lentamente pensan que a guerra está rematando e que van sobrevivir.

Para @s que prefiren os relatos breves ALONSO, Fran, A punta de pistola, Xerais, 2012 Este XII Premio de novela por entregas de La Voz de Galicia comeza cando o Varas e Rica, a súa cónxuxe, acoden a un centro de acollida para ver aos seus fillos, baixo a tutela dos servizos sociais. Unha vez alí, secuéstranos e lévanos a punta de pistola. Outra historia transcorre en paralelo: a dunha camioneira culta que admira a vida de Celia Rivas, a primeira muller en conducir un camión nos anos trinta do século pasado.

Moita acción e planos cinematográficos atrapan ao lector.

ANEIROS, Alberto G., A última viaxe e outros relatos, Baía Edicións, 2012 Oito relatos breves e un máis longo con personaxes algúns moralmente monstruosos, outros de comportamento irracional, con vicios inconfesables ou destrutivas paixóns (abusos sexuais, maltrato machista, falsas amizades...) Agás nunha das historias, o narrador é un dos protagonistas que en primeira persoa conta, sofre e coñece directamente o acaecido, o que facilita unha lectura dramatizada dos textos.

MONZÓ, Quim, Vinte e nove contos, Sotelo Blanco, 2008 Os temas desta recompilación son, entre outros: as obsesións, os equívocos, as particulares interpretacións da realidade que cambian unha vida enteira, as casualidades reais que constrúen o destino individual, a terrible incomunicación no ámbito máis íntimo, as rebelións que se revelan absurdas, en fin, a burla constante que nos fai a vida. Unhas historias nas que o individuo se converte a miúdo nun ridículo monicreque en mans da casualidade.

P á x i n a

4

N ú m e r o

3 2 –

V E R Á N

2 0 1 3

Para @s enredad@s coa poesía CAPÓN SÁNCHEZ, Silvia, Sete ch´iens a um posso, Através Editora, 2013 Breve pero intenso poemario desta profesora de portugués, ex-alumna do noso centro. “se as palavras fossem prescindíveis. no fundo, na superfície, o poema é a fugida, a cambalhota a procura do além. escrevo para rebentar o tempo pelas costuras, como quem pega na vida arrastada do passado, borborigma até parir dias como gomos. se o mundo fosse um fundo de oceano atravessado de uma lentidão que torne tudo tacto, líquido acariciando ombros, ondeantes os cabelos e os gestos. mole, afinal de contas. Detesto as arestas, fujo sempre à questão, porque à questão no fundo é a distãncia, a fossa que nos afasta, escrevo para esquecer que a matéria é breve e os corpos são impenetráveis”

FERNÁNDEZ RIAL, Rosalía, Vinte en escena, Positivas, 2012 As persoas empobrecidas e ocultas pola sociedade consumista enchen este emocionante poemario: mendigos, prostitutas, drogadictos...

RODRÍGUEZ FER, Claudio, Extrema Europa, Positivas, 1996 Poesía para ler mais tamén para tocar, para apalpar. Desde o confín da terra e na fin do milenio a poética do extremo alternativo é chave para todos os límites.

Para @s enganchad@s á novela BLANCO, Concha, Misterio resolto, Everest, 2012 Suso é un mozo que vive tranquilo na súa aldea. Divírtese cos seus colegas. O cura da parroquia tamén comparte con el momentos de lecer. Aínda así Suso é protagonista de certas vivencias, envoltas en misterio, que o desacougan ata que o seu xemelgo lle axuda na explicación dos acontecementos.

COUTO, Mia, Antes de nascer o mundo, Companhía das Letras, 2009 (hai tradución ao castelán co título Jerusalén, Alfaguara, 2012) Nesta obra do escritor mozambicano os protagonistas son Silvestre, os seus dou fillos, o Tio Aproximado e Zacarias. Nun imaxinario Jerusalén, onde viven, non se pode cantar, rezar, ler, escribir, imaxinar ou soñar. O mundo rematou, non existen as mulleres (que son unha desgraza para os homes) ou iso querería Silvestre porque un día unha fermosa muller…

FUNKE, Cornelia, Reckless. Vida nas sombras, Xerais, 2013 Segunda parte da triloxía Reckless. Jacob está predestinado a morrer só, a Fada Escura condenouno, cómpre buscar un antídoto que evite o fatal desenlace ... salvarase Jacob do maleficio da Fada?

LOURENZO GONZÁLEZ, Manuel, Flor de area, Xerais, 2013 Continuación de Irmán do vento. Unha moza iraquí conta dende un campo de adestramento a súa vida; unha vida inconformista cunha sociedade machista. A loita por tentar construír un mundo mellor, máis xusto, máis igualitario…

MAYORAL, Marina, O anxo de Eva, Xerais, 2013 Acabada de saír do prelo, pola novela da escritora mindoniense deambulan unha nena moi lista, un mozo belísimo con ás de anxo, unha nai entrometida, un pai engaiolador e un pouco tarabelo, unha amiga que lle está aprendendo a bicar coa lingua, un irmán ateo, unha avoa que fala co marido morto. Un ático fronte ao mar nun cálido verán no que a nena comeza a ser muller... O amor, a morte, o Alén, os grandes temas de sempre e uns personaxes cheos de humanidade e cun sentido do humor característico.