Biblioxornal 34

Número 34

1º TRIMESTRE 2014

I.E.S. “San Paio” — Tui

B

O

L

E

T

Í

N

D

O

E

Q

U

I

P

O

D

A

B

I

B

L

I

O

T

E

C

A

Filmando a Guerra e a Paz DOCE ANOS DE ESCRAVITUDE (Twelve Years a Slave, Steve McQueen, 2013) Baseada nun feito real ocorrido en 1850. A historia de Solomon Northup, un culto músico negro -e home libre- que vivía coa súa familia en Nova York. Tras compartir unha copa con dous descoñecidos, Solomon descobre que foi drogado e secuestrado para ser vendido como escravo no Sur nunha plantación de Louisiana. Renunciando a abandonar a esperanza, Solomon contempla como todos ao seu redor sucumben á violencia, ao abuso emocional e á desesperanza. Entón decide correr riscos incribles, intentar recuperar a súa liberdade e reunirse coa súa familia.

ONDE ESTÁ A FRONTE? (Which Way to the Front?, Jerry Lewis, 1970).

Sátira antibélica sobre os avatares dun home que decide formar, pola súa conta e risco, un disparatado exército para aniquilar aos nazis.

A EXECUCION DO SOLDADO SLOVIK (The Execution of Private Slovik, Lamont Johnson, 1974) Eddie Slovik foi o único soldado americano executado polo exército en 1945 tras ser acusado de deserción.

FILLOS DO III REICH (Unsere Mütter, unsere Väter, Philipp Kadelbach, 2013 ). Miniserie de TV ambientada no Berlín de 1941. Cinco entusiastas amigos alemáns, ansiosos de converterse en heroes, reúnense unha noite de verán para despedirse antes de marcharse aos seus respectivos destinos. Todos pensan atoparse despois da guerra.

Pero a guerra, que cambiará Europa, tamén os cambiará a eles para sempre.

P á x i n a

2

N ú m e r o

3 4 –

1 º

t ri m e s tr e

2 0 1 4

A FIN DA VIOLENCIA (The End of Violence, Wim Wenders, 1997) Dous homes contratados para asasinar ao produtor de cine Mike Max, que amasou unha gran fortuna facendo películas violentas, son asasinados ao día seguinte. O produtor, en cambio, consegue fuxir, pero o crime quedou rexistrado en vídeo: o Observatorio Griffith Park, situado nun outeiro, viola a intimidade individual gravando toda clase de sucesos. A escusa é a loita contra a violencia.

AS FLORES DE HARRISON (Harrison's Flowers, Elie Chouraqui, 2000) Tralo derrubamento dun edificio, a Harrison, un coñecido reporteiro que cobre a información sobre a guerra de Iugoslavia, dáselle por desaparecido. A súa muller, que se nega a crer que o seu marido morra, decide ir buscalo a Croacia. Cando chega alí, atópase no medio da guerra máis atroz e cruel que poida imaxinar.

COMO GAÑEI A GUERRA? (How I Won The War, Richard Lester, 1967) Parodia do cine bélico. Segunda Guerra Mundial. As peripecias dun inepto militar que dirixe unha compañía de inadaptados.

O tenente Goodbody intenta suplir a súa falta de experiencia cun entusiasmo desbordante. Por iso, cando lle ordenan construír un campo de criquet no Norte de África, en pleno deserto, cen quilómetros por detrás das liñas inimigas, non o pensa dúas veces e acomete a empresa incluso arriscando a vida dos seus homes.

A GAIOLA DE OURO (La jaula de oro, Diego Quemada-Diez, 2013) A historia de dous adolescentes que saen da súa aldea e aos que pronto se suma unha indíxena. Xuntos vivirán a terrible experiencia que padecen millóns de persoas, obrigadas polas circunstancias a emprender unha viaxe chea de perigos e cun final incerto. No camiño aflora a amizade, a solidariedade, o medo, a inxustiza, a dor.

GUERRAS

SUCIAS (Dirty Wars, documental, 2012) O xornalista de investigación Jeremy Scahill persegue a verdade detrás das guerras encubertas de Estados Unidos.

O que empeza como un informe sobre o ataque nocturno de EE.UU. nun remoto recuncho de Afganistán convértese nunha investigación global. O reporteiro penetra nun mundo de perigosas operacións secretas, disposto a destapar unha rede de guerras encubertas dirixidas polo goberno estadounidense. Un traballo de investigación trepidante e implacable que mostra unha das caras máis escuras da primeira potencia mundial.

N ú m e r o

3 4 –

1 º

t ri m e s tr e

2 0 1 4

P á x i n a

3

HOMES CONTRA A GUERRA (Uomini contro, Francesco Rosi, 1970) Drama antibélico. Durante a Primeira Guerra Mundial (1914-1918), na fronteira italoaustríaca, as tropas italianas sofren unha estrepitosa derrota ao atacar posicións austríacas. O resultado é un motín das decimadas tropas italianas.

INCH'ALLAH (Anaïs Barbeau-Lavalette, 2012). Nun campo de refuxiados palestino en Cisxordania, unha moza canadense coida a mulleres embarazadas. A súa relación con persoas que se atopan aos dous lados dos muros e puntos de control do campo, fará cambiar as súas crenzas e conviccións.

LORE (Cate Shortland, 2012). Primavera de 1945, o exército alemán derrúbase por momentos. As forzas aliadas están entrando por todo o país, e así, cos seus pais ausentes e o Terceiro Reich esborrallándose, a moza Lore decide levar aos seus catro irmáns 500 quilómetros a través de Alemaña ata un lugar seguro na casa da súa avoa, no Mar do Norte...

Adaptación da novela O cuarto escuro, de Rachel Seiffert.

MATADOIRO CINCO (Slaughterhouse-Five, George Roy Hill, 1972) En Dresde vive Billy Pilgrim, un mozo tranquilo, sen paixóns nin curiosidade polo mundo que o rodea, malia que lle tocou vivir a Segunda Guerra Mundial. Vive tan absorto, tan fóra da realidade, que nin sequera se decata do terrible bombardeo da súa cidade.

O MÉDICO ALEMÁN (Wakolda, Lucía Puenzo, 2013 ) No verán de 1960, un médico alemán coñece a unha familia arxentina na rexión máis abatida da Patagonia, e súmase a eles, en caravana, pola ruta do deserto. O viaxeiro non é outro que Josef Mengele, un dos criminais máis grandes da historia. Esta familia revive nel todas as obsesións relacionadas coa pureza e a perfección.

MELONG (A Clear Mirror, Seshi Ten Tagudh, 2002).

Ogen, un mozo tibetano no exilio, vai a Katmandú, onde viven algúns dos seus amigos da escola, para buscar un traballo. A película aborda a cuestión da comunidade tibetana que vive no exilio e especialmente concéntrase nos problemas enfrontados pola xuventude tibetana para manter a súa cultura e tradición viva e integrarse na cultura e formas de vida dos novos países nos cales fixeron os seus fogares. Moitos tibetanos, pola graza do Dalai Lama, tiveron oportunidades dunha boa educación, pero para a maioría dos titulados as opcións son aínda moi limitadas.

O PORCO DE GAZA (Le cochon de Gaza, Sylvain Estibal, 2011). Jafar, un pescador palestino de Gaza, atopa un día nas súas redes un porco. Como bo musulmán quere librarse rapidamente dese animal impuro e, dada a súa penosa situación económica, decide vendelo. Esta operación poñerá de manifesto a indixencia da poboación de Gaza, atrapada entre o bloqueo de Israel e dos islamitas que controlan a zona.

P á x i n a

4

N ú m e r o

3 4 –

1 º

t ri m e s tr e

2 0 1 4

REDE DE MENTIRAS (Body of Lies, Ridley Scott, 2008) Roger Ferris é o mellor axente da CIA. O seu traballo lévao de Oriente Medio a Washington. Cada un dos seus pasos depende da voz do veterano Ed Hoffman (responsable das operacións da Axencia en todo Oriente Medio) ao outro lado do teléfono . Desde a súa confortable casa, Hoffman séguelle a pista a un líder terrorista que está sementando o terror mediante atentados con bomba e parece capaz de eludir á rede de intelixencia máis sofisticada do mundo. Para sacar aos terroristas da súa tobeira, Ferris terá que entrar no seu turbio mundo. Adaptación da novela homónima de David Ignatius, antigo columnista de asuntos internacionais do diario The Washington Post.

REI E PATRIA (King and Country, Joseph Losey, 1964), Drama antibélico.

A un soldado, acusado de desertar durante a batalla, os seus superiores queren impoñerlle un castigo exemplar.

TRAMPA 22 (Catch-22, Mike Nichols, 1970) Segunda Guerra Mundial. Nunha base aérea estadounidense do Mediterráneo, os pilotos caen como moscas. Un deles, para librarse dunha disparatada misión, finxe estar tolo e consegue fuxir a Suecia.

O ÚLTIMO DOS INXUSTOS (Le dernier des injustes, documental, Claude Lanzmann, 2013), Claude Lanzmann recupera unha serie de entrevistas con Benjamin Murmelstein, o último presidente do Consello Xudeu do campo de concentración de Theresienstadt. O filme narra como era en realidade a vida nese campo de exterminio, que se pretendeu presentar como un campo modélico. As entrevistas móstrannos a Murmelstein como un home dotado dunha intelixencia fóra de serie, un gran valor e unha memoria incomparable que o converten nun extraordinario narrador.

NO VAL DE ELAH (In the Valley of Elah, Paul Haggis, 2007) O veterano de guerra Hank Deerfield investiga a desaparición do seu fillo Mike, o cal, tras regresar de Iraq, ausentouse inexplicablemente da súa base sen permiso. Coa axuda da detective Sanders irá revivindo as experiencias do seu fillo en Iraq, pero as autoridades militares non deixan de poñer trabas á súa investigación.

VICENTE FERRER (Agustín Crespi, 2013) Vicente Ferrer foi un home que loitou contra a pobreza, transformando a terra desafiuzada de Anantapur, un distrito desértico da India, nunha paisaxe fértil e produtiva. A película céntrase nos últimos trinta anos do xesuíta catalán para narrar a súa batalla contra inimigos que de entrada, parecen imbatibles.