Número 39
8 MARZO 2015
I.E.S. “San Paio” — Tui
B
O
L
E
T
Í
N
D
O
E
Q
U
I
P
O
D
A
B
I
B
L
I
O
T
E
C
A
Especial Día Internacional da Muller 2015
Con f de filme e feminino ALMA SALVAXE (Wild, Jean-Marc Vallée, 2014). Filme inspirado na historia real de Cheryl Strayed. Despois dunha serie de tráxicas experiencias persoais, Cheryl Strayed decide percorrer en solitario, e sen experiencia, máis de 1600 quilómetros polo Sendeiro das Cimas do Pacífico, que atravesa o deserto de Mojave, nun intento de atoparse a si mesma. Un efectivo relato sentimental e optimista no que cobra importancia a aceptación dos erros como aprendizaxe da vida. DOUS DÍAS, UNHA NOITE (Deux jours, une nuit, Jean-Pierre e Luc Dardenne, 2014). Sandra dispón só dunha fin de semana para ir ver aos seus colegas e convencelos de que renuncien á súa paga extraordinaria e así ela poderá conservar o seu traballo. O seu marido acompáñaa para apoiala. Un guión austero e preciso para tratar temas delicadísimos cunha gran elegancia .
EVA VAN END (De Ontmaagding Van Eva Van End, Michiel Ten Horn, 2012). Entretida comedia ao estilo de películas como Pequena Miss Sunshine ou Juno. Unha familia burguesa aparentemente feliz pero carente de comunicación e empatía recibe de imprevisto a un estudante de intercambio amable, atento, perfecto, que fará que cada un dos membros da familia se reformule o seu lugar e ilusións na vida e comecen a ser conscientes das súas propias inseguridades, medos e dúbidas.
P á xi n a
2
N ú m er o
3 9 –
8
m a r z o
2 0 1 5
FERMOSA XUVENTUDE (Jaime Rosales, 2014) Natalia e Carlos son dous mozos namorados que loitan por sobrevivir na España actual. Os seus limitados recursos impídenlles satisfacer os seus desexos. Non teñen grandes ambicións porque non albergan grandes esperanzas. Viven nas casas maternas, depositan nas tendas currículos que ninguen vai a mirar, traballan por 10 euros o día que miran cara ao ceo tumbados en parques, facendo botellón, compartindo cos amigos unha desesperanza similar, fallando as súas precauciones van ser país dunha nena, malviven sen cartos, sen ocupación, sen proxectos,, cunha tristeza asfixiante.
IDA (Sister of Mercy, Pawel Pawlikowski, 2013). Polonia, 1960. Anna, unha nova novicia que está a piques de facerse monxa, descobre un escuro segredo de familia que data da terrible época da ocupación nazi. A historia dunha monxa que antes de aceptar os seus votos terá que atar un cabo que queda solto no seu pasado familiar, atoparse a si mesma e entender a que se está enfrontando. Co obxectivo de coñecer a verdade sobre os seus pais, é enviada a casa da súa tía, unha xuíza bastante liberal que a axudará na súa investigación..
LOREAK (Flores, José María Goenaga, Jon Garaño, 2014) A vida de Ane dá un xiro cando semanalmente comeza a recibir de forma anónima un ramo de flores na súa casa. Pola súa banda as vidas de Lourdes e Tere tamén se ven afectadas por unhas misteriosas flores. Un descoñecido deposita cada semana un ramo en memoria de alguén que foi importante nas súas vidas. Esta é a historia de tres mulleres, tres vidas alteradas pola mera presenza dunhas flores. Flores que farán brotar nelas sentimentos que parecían esquecidos. Pero á fin e ao cabo, non son máis que flores.
N ú m er o
3 9 –
8
m a r z o
2 0 1 5
P á xi n a
3
NINGUÉN QUERE A NOITE (Nobody Wants the Night, Isabel Coixet, 2015) Josephine, unha muller rica e culta, vai ao Polo Norte para reunirse co seu marido, o explorador Robert Peary. Durante a viaxe acompáñaa unha humilde esquimal que lle serve de guía. Malia as súas diferenzas, ambas terán que unirse para poder sobrevivir ás duras condicións climáticas da tundra. "Baseada en personaxes reais pero os feitos están ficcionados nuna trama moi moderna que reflexiona sobre que é barbarie e que é civilización" ( Isabel Coixet)
ONTE NON REMATA NUNCA (Isabel Coixet, 2013) No ano 2017, en Barcelona, nunha España afundida pola crise, unha parella reencóntrase en Barcelona tras cinco anos sen verse. Separáronse logo de perder ao seu fillo por unha neglixencia hospitalaria froito dos recortes. El emigrara a Alemania, pero volveu... Unha reflexión sobre o posible futuro que nos espera.
PURGE (Puhdistus, Antti Jokinen, 2012) Esta película trata sobre a violencia que sufriu e segue a sufrir a muller nos países de Europa Oriental. Pese aos cambios de rexímenes económicos e políticos a sociedade segue sendo a mesma e a muller paga as consecuencias. Puhdistus introdúcenos na historia de dúas mulleres en dúas épocas diferentes, unidas por situacións de engano, desesperación e medo. Aliide experimentou os horrores da era de Stalin e a deportación dos habitantes de Estonia a Siberia, pero ten que facer fronte á súa culpa de oportunismo e ata homicidio. Unha noite de 1992 atópase cunha moza no patio da súa casa. Zara acaba de escapar das gadoupas da mafia rusa que a mantivo como escrava sexual. Aliide, máis tarde, descobre que a moza está relacionada con ela e o seu pasado. Sobreviventes ambas, Aliide e Zara involúcranse nunha aritmética complexa de sospeita e revelación. Aos poucos, vai xurdindo un drama familiar tráxico de rivalidad, luxuria e perdas que se desenvolveu durante os peores anos da ocupación soviética de Estonia.
P á xi n a
4
N ú m er o
3 9 –
8
m a r z o
2 0 1 5
REFUXIADO (Diego Lerman, 2014). Impecable e contundente drama que ten como tema principal a violencia machista contra unha muller grávida, narrado a partir da perspectiva dun neno de sete anos. Matías e Laura, a súa nai, vense obrigados a abandonar precipitadamente a súa casa trala enésima reacción violenta do seu pai. Matías ten 7 anos e Laura está embarazada, pero non teñen máis remedio que deambular en busca dun lugar onde poidan sentirse protexidos e amparados.
SEMPRE ALICE (Still Alice, Richard Glatzer, Wash Westmoreland, 2014) Alice Howland está orgullosa da vida que tanto esforzo lle custou construír. Aos cincuenta anos, é profesora de psicología cognitiva en Harvard e unha experta lingüista de fama mundial, cun marido exitoso e tres fillos adultos. Cando empeza a sentirse desorientada, un tráxico diagnóstico cambia a súa vida, á vez que a súa relación coa súa familia e co mundo, para sempre. Con elegancia e delicadeza, a autora achéganos aos sentimentos dos que padecen alzhéimer e as súas familias. TIMBUKTU (Le Sissako, 2014)
chagrin
des
oiseaux,
Abderrahmane
Historia inspirada en feitos reais. En 2012, unha parella foi brutalmente lapidada polos islamistas na cidade de Aguelhok, situada ao norte de Malí. ¿O seu crime? Non estar casados e, por tanto, estar cometendo un grave delito contra a lei divina. A parella foi conducida ao centro da cidade e apedreada ata a morte en presencia de centenares de espectadores impávidos. Este suceso espertou a atención dos medios de comunicación de todo o mundo e tivo unha grande repercusión. Ano 2012, a cidade maliense de Tombuctú caeu en mans de extremistas relixiosos. Kidane vive tranquilamente nas dunas coa súa esposa Satima, a súa filla Toya e Issam, un neno pastor de 12 anos. Pero na cidade os habitantes padecen o réxime de terror imposto polos yihadistas: está prohibido escoitar música, rir, fumar e ata xogar ao fútbol. As mulleres converténse en sombras que intentan resistir con dignidade. Cada día, uns tribunais islamistas improvisados lanzan sentenzas tan absurdas como tráxicas.