Biblioxornal 40

Número 40

Verán 2015

I.E.S. “San Paio” — Tui

B

O

L

E

T

Í

N

D

O

E

Q

U

I

P

O

D

A

B

I

B

L

I

O

T

E

C

A

Verán: estación lectora Chega o merecido descanso do verán. Lectura e descanso, descanso e cine son compatibles. Por iso se aínda non sabes que ler ou que ver aquí tes esta posible guía de suxestións.

Bo proveito lector! e sempre , con lecturas ou sen elas, boas vacacións!

ANDREWS, Jesse, Un final para Rachel, Nube de Tinta, 2015, 288 páx.

Greg é un mozo túzaro e solitario afeccionado ao cine. Como narrador desprestixia as súas propias vivencias pero é orixinal ao afrontar unha historia sobre o cancro, introducindo o humor como elemento principal. A relación entre Rachel, a moza enferma de leucemia, o protagonista e o seu compañeiro Earl, pasará por diferentes etapas nesta novela adaptada ao cine e premiada no Festival de Sundance.

BLUE JEANS, Algo tan sencillo como tuitear te quiero, Planeta, 2015, 544 pp.

O primeiro ano na universidade marca a vida de moita xente. Novos retos, novas ilusións e numerosos cambios que nos sorprenden e máis se estamos nunha residencia de estudantes. Abres os ollos de par en par e xorde o amor, chegan as decepcións, descobres a paixón, perséguenche as tentacións, coñeces a fondo os teus medos…

CARRÉ, Héctor, Hai que matalos a todos, Xerais, 2015, 312 páx.

Historia de intriga na que uns xornalistas galegos gravan accidentalmente ao Príncipe cando atropela a un borracho. O feito non aparece en ningún medio. Os rapaces pretenden vender as imaxes, mais o CNI quere ocultar os feitos. Unha historia que transcorre a través de tres continentes, falando ás claras sobre o poder e o xornalismo, sobre a identidade e o anonimato, sobre a violencia e sobre o amor.

FAJARDO, Montse, Matriarcas. Mulleres en pé de vida, Todogrove, 2013, 200 pp.

Dez mulleres moi distintas entre elas, dende a irmá dun republicano asasinado a unha emigrante, unha parteira centenaria ou unha mestra, pero cun nexo común: o seu empeño en sacar adiante as súas familias e os seus respectivos traballos; dez mulleres que serven como motor dunha narración que devolve a primeiro plano os dramas da guerra civil, o franquismo, a emigración e a fame, pero tamén outros máis actuais como o alzheimer e a loita contra a droga.

P á x i n a

2

N ú m e r o

4 0 –

V E R ÁN

2 0 1 5

FERNÁNDEZ PAZ, Agustín, A neve interminable, Xerais, 2015, 192 pp.

Un hostal solitario nas terras da Fonsagrada e unha gran nevada que deixa aos seus hóspedes illados serven a Agustín Fernández Paz para encetar unha nova novela de misterio na que os protagonistas van explorar os seus medos esenciais e tamén outros propios da desorde mundial do século XXI. Se che gustou Cartas de inverno esta nova novela tamén te enganchará.

GOSCINNY, Rene e UDERZO, Albert, Astérix 23: Obélix y Compañia, Salvat, 2014, 48 pp.

Divertido relato das consecuencias imprevistas que ten a posta en marcha de doutrinas económicas e proxectos empresariais. É a nova estratexia dos romanos: introducir o capitalismo na aldea con todas as súas consecuencias (envexa, avaricia, maldade...)

A Gramola gominola, Galaxia, 2015, 20 pp.

Partindo do blues, facendo parada no country, rock, pop, punk, reggae, heavy metal, ska... os Gramola fan neste libro-disco un divertido paseo polos estilos que escoitaban cando eran novos. Un traballo que conta coa participación de artistas como Mini e Mero ou Luís Tosar, complementado coas vistosas ilustracións de Lidia V. Cardeiro.

ORZEL, Chad, Conversaciones de fisica con mi perro, Ariel, 2015, 222 pp.

Emmy é unha cadelilla simpática, moi parlanchina e con moita curiosidade por saber como se gaña a vida o seu novo dono. Ao pouco tempo de ser adoptada, Emmy intentou aplicar as estrañas ideas da mecánica cuántica ao que de verdade importa na vida: perseguir bichos, conseguir lambetadas e dar paseos. Desbordando humor e claridade, Chad Orzel explica a Emmy e aos lectores que é a mecánica cuántica, como funciona e porque segue sendo estraña, sorprendente e importante para calquera can ou humano.

P. LORENZO, Fran, Cabalos e lobos, Xerais, 2015, 192 pp.

Premio Blanco Amor 2014. Vigo serve de pano de fondo ao retrato íntimo dun século marcado pola guerra e a barbarie. Paula, a protagonista de 15 anos, despois de atravesar a cidade tomada pola policía franquista e en folga, descobre que non coñece súa nai, herdeira de empresarios alemáns asentados no porto vigués a finais da I Guerra Mundial. Este é o primeiro segredo dunha rede de mentiras e silencios que Paula deberá ir destecendo.

QUEIZÁN, Mª Xosé, Son noxento, Xerais, 2015, 112 pp.

Gran novela curta que conta a historia dunha relación presidida pola crueza dun individuo abominable, un deses personaxes de carne e óso que, lamentablemente, existen. Ademais de abordar a crítica social desde a boa literatura, Son noxento é unha novela presidida por ese humor imprescindible para achegarse ás circunstancias e aos personaxes máis dramáticos a fin de escribir un relato intelixente e literario sobre a violencia de xénero.

VAROUFAKIS, Yanis, Economia sin corbata, Planeta, 2015, 192 pp.

O actual ministro de Economia grego invítanos a coñecer dunha forma amena, educativa e critica algunhas cuestións fundamentais sobre economia: que é a riqueza, que é a pobreza, cando e por que se produciron estas desigualdades, que relación hai entre poder e cartos ou que son os mercados financeiros. Un libro que, cunha linguaxe desenfadada e co uso de exemplos relacionados co cine e a literatura se achega aos mozos e a todos os interesados por entender o funcionamento dalgúns dos mecanismos que gobernan a economía mundial.

WIERSMA, Mark e MOSQUEIRA, Miguel, Sira e o robot. Adventures on Titan, Xerais, 2015, 128 pp.

Unha aventura intergaláctica para ler e escoitar con ilustracións de Iván Sende. Galicia, 2050.

O inglés acaba de ser declarado lingua oficial xunto co galego. Para rachar coa aburrida vida terrestre, Sira (unha rapaza de dez anos) e o seu robot William van participar nun festival intergaláctico no que descubrirán un mundo novo que lles vai cambiar a súa forma de ver a vida para sempre. Ao estilo dos musicais clásicos, as cancións intercálanse de maneira natural na narración, conformando esta aventura espacial chea de humor e misterio.

N ú m e r o

4 0 –

V E R ÁN

2 0 1 5

P á x i n a

3

Verán: estación de cine AUGAS TRANQUILAS (Futatsume no mado, Naomi Kawase, 2014) Os habitantes da illa de Amami, no imperio do Sol Nacente, viven en harmonía coa natureza, están convencidos de que en cada árbore, pedra ou planta vive un deus. Unha tarde de verán, o adolescente Kaito descobre o corpo dun home flotando no mar. A súa amiga Kyoko axudaralle a descifrar o misterio. Crecerán xuntos, aprendendo a ser adultos, descubrindo os ciclos da vida, a morte e o amor.

A CANCIÓN DO MAR (Song of the Sea, Tomm Moore, 2014) A historia da viaxe a casa do último Neno Foca. Logo da desaparición da súa nai, Ben e Saoirse son enviados a vivir coa súa avoa á cidade.

Cando deciden volver á súa casa xunto ao mar, a súa viaxe convértese nunha carreira contra o tempo a medida que se internan nun mundo que Ben só coñece a través das lendas que lle narraba a súa nai. Mais este non é un conto para durmir; estas criaturas levan no noso mundo demasiado tempo. Ben pronto se dá conta de que Saoirse será a clave para a súa supervivencia.

A LECCIÓN (Urok, Kristina Grozeva, Petar Valchanov, 2014) Nun pequeno pobo de Bulgaria, a nova profesora Nadezhda trata de descubrir ao alumno ladrón da súa clase, de maneira que poida darlle unha lección acerca do que está ben e o que está mal. Pero cando se endebeda con prestamistas, pode ela saber cal é o camiño correcto? Que fai que unha persoa decente se converta nun delincuente?

MAD MAX: FURIA NA ESTRADA (George Miller, 2015) Perseguido polo seu turbulento pasado, Mad Max cre que a mellor forma de sobrevivir é ir só polo mundo. Con todo, vese arrastrado a formar parte dun grupo que foxe a través do deserto nun War Rig conducido por unha Emperatriz de elite: Furiosa. Escapan dunha fortaleza tiranizada por Immortan Joe, a quen arrebataron algo único. Enfurecido, o Señor da Guerra mobiliza a todas as súas bandas e persegue implacablemente aos rebeldes nunha "guerra da estrada" de altas revolucións... Cuarta entrega da saga post-apocalíptica que resucita a triloxía que a principios dos oitenta protagonizou Mel Gibson.

O NOSO ÚLTIMO VERÁN EN ESCOCIA (What We Did on Our Holiday, Andy Hamilton, Guy Jenkin, 2014) Doug e Abi son dous pais normais que teñen tres fillos encantadores aínda que moi excéntricos. Cando o estrés de ser pais pon en perigo a súa estabilidade mental e o seu matrimonio, deciden realizar unha viaxe a Escocia cos seus fillos. Alí participarán nunha gran reunión familiar e reencontraranse con Gordie, o incriblemente extravagante pai de Doug. Con todo, o que ían ser unhas vacacións para a reconciliación pronto se converten nun campo de minas non exento de situacións hilarantes nas que rancores familiares, malentendidos e egos maltreitos conforman a orde do día. Cando os nenos precipitan un xiro inesperado nos acontecementos, a familia vese obrigada a aparcar as súas diferenzas e a colaborar, pois pola contra corren o risco de perder aquilo que máis aprecian.

UNHA NOVA AMIGA (Une nouvelle amie, François Ozon, 2014) É a historia de dúas mulleres, amigas da infancia. As dúas casan e unha ten un bebé.

Ao pouco tempo, a nai doente gravemente, faille prometer á súa amiga que coidará do bebé e ao seu marido. Logo da súa morte, a amiga decide ir visitar ao pai e ao bebé, pero espéralle unha tremenda sorpresa.

P á x i n a

4

N ú m e r o

4 0 –

V E R ÁN

2 0 1 5

PHOENIX: ANO CERO (Christian Petzold, 2014) Unha cantante é traizoada e enviada a un campo de concentración. Ao finalizar o seu calvario, volve coa cara totalmente desfigurada e pide a un eminente cirurxián que lla reconstrúa para que sexa o máis parecida a como era antes. Recuperada da operación comeza a buscar ao seu marido, un pianista. Pero o reencontro non é o que ela esperaba.

A PROFESORA DE HISTORIA (Les héritiers, Marie-Castille Mention-Schaar, 2014) Anne Gueguen é unha profesora de Historia de instituto preocupada polos problemas dos seus alumnos. Este ano, como sempre, Anne ten un grupo difícil. Frustrada polo seu materialismo e falta de ambición, Anne desafía aos seus alumnos a participar nun concurso nacional sobre o que significa ser adolescente nun campo de concentración nazi. Anne usa toda a súa enerxía e creatividade para captar a atención dos seus alumnos e motivalos. A medida que se achega o prazo, os mozos comezan a abrirse aos demais e a crer en si mesmos. Un proxecto que cambiará as súas vidas.

UNHA SEGUNDA NAI (Anna Muylaert, 2015) Val é unha interna que se toma o seu traballo moi en serio. Serve a un adiñeirado matrimonio de São Paulo día e noite, e coida ao seu fillo adolescente, ao que criou desde a súa infancia. A orde deste fogar parece inquebrantable, ata que un día chega desde a súa cidade de orixe a intelixente e ambiciosa filla de Val, Jessica, á que deixara ao coidado duns familiares no norte de Brasil 13 anos atrás. A presenza da moza pon en perigo o balance de poder na casa. Esta nova situación poñerá en cuestión as lealdades de Val e obrigaraa a valorar o que está disposta a perder.

TOMORROWLAND: EL MUNDO DEL MAÑANA (Brad Bird, 2015) Unidos polo mesmo destino, unha adolescente intelixente e optimista chea de curiosidade científica e un antigo neno prodixio inventor canso polas desilusións embárcanse nunha perigosa misión para desenterrar os segredos dun enigmático lugar localizado nun tempo e espazo coñecido na memoria colectiva como “Tomorrowland”, e así salvar á Humanidade.

OS VINGADORES: A ERA DE ULTRON (The Avengers: Age of Ultron, Joss Whedon, 2015) Cando Tony Stark intenta reactivar un programa caído en desuso cuxo obxectivo é manter a paz, as cousas empezan a torcerse e os heroes máis poderosos da Terra, incluíndo a Iron Man, Capitán América, Thor, O Incrible Hulk, Viuda Negra e Ollo de Halcón, terán que afrontar a proba definitiva cando o destino do planeta se poña en xogo.

Cando o villano Ultrón emerxe, corresponderalle aos Vingadores deter os seus terribles plans, que xunto a incómodas alianzas levarán a unha inesperada acción que facilitará o camiño para unha épica e única aventura.

Máis información en: http://bibliosanpaio.blogspot.com.es/2015/06/cine-de-veran.html Tamén podes seguirnos en: https://es-es.facebook.com/biblio.sanpaio https://twitter.com/bibliopaio