Número 43
8 MARZO 2016
I.E.S. “San Paio” — Tui
B
O
L
E
T
Í
N
D
O
E
Q
U
I
P
O
D
A
B
I
B
L
I
O
T
E
C
A
Especial Día Internacional da Muller 2016
Cine en feminino A BANDA DAS RAPAZAS (Girlhood ou Bande de filles, Céline Sciamma, 2014). Para Marieme a vida é unha sucesión de prohibicións. Séntese angustiada pola súa familia, pola escola e pola implacable lei dos mozos do barrio. Mais a súa vida cambia cando coñece a un grupo de mozas de espírito libre. Entón cambia o seu nome, o seu modo de vestir e abandona a escola para ser aceptada no grupo. Convertida en Vic, abraza o código da rúa onde se mesturan violencia, amizade e liberdade. Con esta película Sciamma pecha a triloxía (que comezou con "Os lirios da agua" e "Tomboy") sobre conflitos propios da adolescencia feminina. CAROL (Todd Haynes, 2015) Nova York, mediados do século XX. Therese Belivet, unha dependenta de vinte anos dunha tenda de Manhattan que soña cunha vida mellor, coñece un día a Carol Aird, unha muller elegante e sofisticada que se atopa atrapada nun matrimonio infeliz. Entre elas xorde unha atracción inmediata, cada vez máis intensa e profunda, que cambiará as súas vidas para sempre.
JOY (David O. Russell, 2015) Película biográfica que narra a historia de Joy Mangano, unha humilde traballadora de Long Island, nai solteira de dous fillos que acaba converténdose nunha popular inventora de produtos do fogar e tamén nun dos rostros máis coñecidos da teletenda americana.
P á x i n a
2
N ú m e r o
4 3 –
8
m ar z o
2 0 1 6
MIA MADRE (My Mother, Nanni Moretti, 2015) Drama típico italiano baseado nun feito real, o pasamento da nai do propio director mentres gravaba outra película . Margherita, unha directora de cine políticamente comprometida, está a piques de separarse de Vittorio, un actor co que ten unha filla adolescente. O seu irmán decide deixar o traballo para dedicarse a coidar á súa nai, gravemente doente no hospital. A enfermidade irreversíbel da 'mamma' (antiga profesora que ensina latín a una neta) e o proceso de asimilación da súa inevitable perda alterará completamente a vida cotiá e emocional dos seus fillos.
MILDRED PIERCE (Todd Haynes, 2011) Miniserie televisiva (5 episodios) baseada na novela homónima de James M. Cain e ambientada en Los Ángeles na época da Gran Depresión. Mildred vé como a súa vida vaise ao garete tras divorciarse do seu marido, tendo que sacar adiante ela soa o seu fogar e as súas dúas fillas. Atopar traballo nunha sociedade en crise e onde a muller non pasa do status de ama de casa será unha tarefa case imposible, e só o esforzo titánico da protagonista impedirá que as súas fillas morran de fame. A trama culmina coa historia da relación con Veda, a filla maior. Por ser Mildred unha nai que lle da á súa filla todo o que pide e incapaz de quitarlle os aires de grandeza cos que se pasea xa desde pequena, terá que lidar cunha muller adulta igualmente consentida cuxo carácter será difícil de levar para todos os que a rodean. Mais a nai está disposta a todo con tal de gañarse o amor da súa filla. A versión cinematográfica foi protagonizada por Joan Crawford, que recibiu o Oscar á mellor actriz.
O MUNDO ABANDONADO (Die abhandene Welt, Margarethe von Trotta, 2015) Sophie, unha cantante de jazz, recibe unha chamada telefónica do seu pai, que quere mostrarlle unha fotografía que viu na web dun xornal estadounidense. Nela aparece unha muller cun parecido asombroso coa nai de Sophie, morta recientemente. O pai pídelle a Sophie que a localice: trátase dunha famosa cantante de ópera. Ela acepta de mala gana para compracer ao seu pai e emprende unha viaxe a Nova York incapaz de imaxinar as revelacións que lle agardan.
N ú m e r o
4 3 –
8
m ar z o
2 0 1 6
P á x i n a
3
NAHID (Ida Panahandeh , 2015) Nahid é unha muller iraniana a quen as circunstancias a obrigan a mentir ou disimular permanentemente. Filme retrato da habitante dunha cidade do norte de Irán xunto ao Mar Caspio, consumida na súa propia existencia: una nova divorciada con dificultades para pagar o aluguer, a ausencia de traballo, a relación co seu fillo de dez anos e o seu exmarido drogadicto. Conforme ás normas que rexen a sociedade iraní, a custodia dun fillo correspóndelle ao pai, aínda que neste caso o exmarido cedeulla a condición de que non se volva a casar. A relación entre Nahid e outro home que a ama apasionadamente e desexa casarse con ela complicará a súa situación como muller e como nai.
A ODISEA DE ALICE (Fidelio, l’odyssée d’Alice, Lucie Borleteau, 2014) Alice, a prometida de Félix, forma parte da tripulación dun vello barco. Entre os dous interpónse inesperadamente o comandante Gaël, o primeiro gran amor da moza. Na cabina dun mariñeiro que acaba de morrer, Alice atopa un caderno de notas, unha estraña mestura de observacións técnicas relacionadas co cargueiro, conquistas sexuais e reflexións melancólicas sobre unha vida baleira de afecto. Este caderno de bitácora revela a Alice aspectos da súa propia vida difíciles de afrontar.
RESPIRA (Ein Atem, 2015, Christian Zübert) Elena e Tessa son dúas mulleres completamente diferentes pero á vez cunha mesma preocupación: a maternidade. A primeira é unha moza grega cualificada que decide marcharse a Frankfurt para fuxir da crise económica que non a deixa progresar no seu pais. Tessa é unha directiva de éxito que intenta atopar o equilibrio entre a maternidade e a carreira profesional. Cando Elena queda embarazada decide buscar rapidamente un traballo que lle permita gañar diñeiro, momento no que se atopa con Tessa, quen necesita unha ama de forma urxente. Tralas dificultades dos primeiros días coidando a Lotte, de ano e medio, Elena empeza a gozar do tempo que pasa co bebé e ata se fai amiga de Tessa. Pero un descoido fai que Elena perda un día de vista á pequena Lotte. A empresaria alemá non será capaz de asimilar a perda da súa filla e seguirá a Elena ata Atenas ao estar convencida de que é a culpable da súa desaparición. A partir dese momento as súas vidas cambiarán para sempre.
P á x i n a
4
N ú m e r o
4 3 –
8
m ar z o
2 0 1 6
SUFRAXISTAS (Suffragette, Sarah Gavron, 2015) O movemento sufragista naceu en Inglaterra en vésperas da Primeira Guerra Mundial (1914-1918). A maioría das sufragistas non procedían das clases altas, senón que eran obreiras que vían impotentes como as súas pacíficas protestas non servían para nada. Entón radicalizáronse e, na súa incansábel loita por conseguir a igualdade, arriscáronse a perdelo todo. Nesta historia sobre os primeiros movementos feministas, atopamos a Maud Watts, unha moza explotada nunha lavandería desde nena. Ao ver que a súa protesta de maneira pacífica non ten resultados, Maud decide radicalizarse ata o punto de utilizar a violencia para forzar o cambio e conseguir o dereito ao voto. Na súa loita pola dignidade e a das súas compañeiras, a moza non poñerá soamente en risco o seu traballo, a súa familia e o seu fogar, senón tamén a súa propia vida.
TEITO E COMIDA (Juan Miguel del Castillo, 2015) Jerez da Fronteira, 2012. Rocío, unha nai solteira e sen traballo, non recibe ningún tipo de axuda nin subsidio. Vive co seu fillo de oito anos nun piso cuxo aluguer non paga nos últimos meses, de modo que o dono a ameaza continuamente con botala á rúa. Para facer fronte aos gastos de manutención e aluguer, realiza traballos ocasionales mal pagos e vende no top manta obxectos atopados. Unha película que pretende ser unha descrición crúa, emotiva e perfectamente comprometida da crise.
A MULLER DO ANARQUISTA (Peter Sehr, Marie Noëlle , 2008) Manuela, unha muller apaixonada e adiantada ao seu tempo, é unha moza de familia adiñeirada que casou con Xusto, un destacado avogado e líder anarquista, aínda que a súa irmá teña un marido no bando fascista. Manuela vive a loita do seu esposo desde o acomodo dunha boa posición, sen decatarse apenas do que sucede ao seu arredor. A finais da Guerra Civil, cando o seu marido marcha a Barcelona, Manuela queda soa, cunha filla pequena, Paloma, e embarazada, esperando o retorno de Xusto a quen quere por riba da revolución e os seus ideais. No medio do inferno da guerra, o seu amor por el é o que a mantén viva, e o que lle fará remover ceo e terra ata tentar atopalo, non perderá a esperanza de que Xusto reapareza con vida...
Podes ver a lista de reprodución de vídeos coa presentación de todas estas películas no noso facebook e twitter ou en: http://bibliosanpaio.blogspot.com.es/2016/03/cine-feminino.html