Número 44
Verán 2016
I.E.S. “San Paio” — Tui
B
O
L
E
T
Í
N
D
O
E
Q
U
I
P
O
D
A
B
I
B
L
I
O
T
E
C
A
Verán: sol, praia e lectura Chegan as vacacións e con elas o tempo libre para facer o que máis nos agrada. Seguro que entre as nosas afeccións e gustos están as lecturas e o cine. Velaquí algunhas propostas por se aínda non fixeches a túa escolla.
Boas lecturas, bo cine e, sobre todo, boas vacacións! ABADÍA, Leopoldo, Como funciona la economía para dummies, CEAC, 2012, 328 pp. O complexo funcionamento da economía global explicado en linguaxe caseira e con exemplos das persoas do montón. Leopoldo Abadía, co seu coñecido sentido común e humor, explícanos que é e como funciona a economía, a escala nacional e a escala mundial. A inflación, o papel dos bancos, o impacto das decisións do FMI no noso peto, a crise actual e as súas causas, o desemprego, posibles saídas á crise ou consellos para aforrar. Como sempre, non faltarán o seu fiel can Helmut; os seus entrañables almorzos co seu amigo empresario, angustiado polo día a día do seu negocio, e o seu micro-ecosistema, San Quirico, un pequeno pobo onde reproduce a pequena escala todo o que ocorre no mundo. ARAGUAS, Vicente, Manuel María: un home de mil pezas, Embora, 2016, 64 pp. Araguas achégase dun xeito nada haxiográfico á figura de Manuel María, disposto a falar del tal como o coñeceu, a escoitar a música da súa voz no disco que gravara en Edigsa comezando así o proceso da serie Xistral e, xa que logo, A Nova Canción Galega. BANDERA, María del Carmen de la, Mi vida en el paraíso, Bambú, Barcelona, 2013, 139 pp. Diko, un mozo camerunés, xa está en España despois de múltiples problemas, e agora que? Cre que todo vai ser máis sinxelo no país das oportunidades. Pero pronto saberá que agora ten que enfrontarse a outras dificultades que nada parecidas ás do seu pasado como neno soldado: o racismo e os prexuízos. A axuda que recibe na casa de acollida e o amor, serán dúas pezas fundamentais na súa nova vida. BIERCE, Ambrose, 99 fábulas fantásticas, Libros del Zorro Rojo, Barcelona, 2016, 107 pp. O sarcasmo é o denominador común destes noventa e nove relatos onde todo tipo de personaxes, humanos e animais, enfróntanse a situacións entre a realidade e o surrealismo. Unha narrativa brillante e enxeñosa que descobre aos lectores do século XXI historias múltiples, perfectamente ambientadas. DÍAZ NÚÑEZ, Celia, A boca do monte, Galaxia, Vigo, 2016, 168 pp. Os nosos devanceiros foron esmagados polo imperio romano, ao que pouco lle importaban as xentes de Galicia máis que como man de obra á que escravizar. Pero sempre hai quen se rebela, sempre hai quen pelexa pola súa liberdade. Unha novela que narra a historia da Galicia romana pero tamén a da Roma imperial que conquistou a na nosa terra.
P á x i n a
2
N ú m e r o
4 4 –
V E R ÁN
2 0 1 6
FLIX, Don Quijote, Dibbuks, Madrid, 2014, 136 pp. Fantasía e realidade fúndense nos desvaríos idealistas do Sr. Quijano, un ancián que loita por preservar a súa terra fronte ás manobras dunha empresa de enerxía eólica. Cando a súa filla faille ver a situación precaria na que vive comeza a aventura de seguir soñando en compañía do seu neto, un Sancho-Batman do século XXI, quen o alenta na súa fuxida desesperada. Reinterpretación dalgunhas das pasaxes máis famosas da inmortal obra cervantina, cunha formulación en pequenas viñetas, que crece en intensidade co avance do relato, combinando escenas de gran complexidade con outras nas que priman os textos. Homenaxe gráfica a un clásico da nosa literatura no cuarto centenario da morte do seu autor. GARCÍA TEIJEIRO, A., Raiolas de sol, Galaxia, 2016, 88 pp. Libro de relatos que alumean vidas, historias que ofrecen pinceladas luminosas sobre parcelas da realidade que nin imaxinabamos. Unha mestura de personaxes inesquecibles. Vellos músicos, Mestres, poetas e mentes curiosas dispostas a cambiar a vida para sempre por un verso, por un bico, por un acorde. GOSCINNY, R. e UDERZO, A., A volta á Galia de Astérix, Xerais, Vigo, 2016, 48 pp. Ano 50 antes de Cristo. Toda a Galia está ocupada polos romanos agás unha aldea poboada por irredutibles galos que segue resistindo ao invasor. E a vida non é doada para as gornicións de lexionarios romanos nos reducidos campamentos de Babaórum, Aquárium, Laudánum e Petibónum… Nesta ocasión, por mor dunha aposta, os nosos heroes deben percorrer a Galia e regresar cunha especialidade culinaria de cada rexión. Conseguirano? GRAÑA, Bernardino, A fuga a Exipto, Galaxia, Vigo, 2016, 228 pp. Novela histórica que parte da tradición apócrifa cristiá. Cóntanse nela os cinco anos que María, Xosé e o seu fillo pasan en Exipto, escapando da furia de Herodes, que quere matar a Xesús. A fuga a Exipto aproveita os máis novidosos achados da investigación histórica para transmitir o acontecer da vida cotiá daqueles tempos. JANER MANILA, Gabriel, He jugado con lobos, La Galera, Barcelona, 2010, 166 pp. Na dura posguerra o pai de Marcos vendeu ao seu fillo de seis anos a un terratenente para que o empregase como pastor de cabras no máis illado do monte. Damián, o vello pastor, ensinoulle as artimañas necesarias para sobrevivir naquelas paraxes solitarias. Cando o ancián desapareceu un día, Marcos quedou só na súa cova e xa non tivo máis amigos que os animais. Entenderse cos animais era máis fácil que facelo coas persoas. A experiencia real como neno salvaxe de Marcos, que viviu só 13 anos en Serra Morena, cristalizou na presente novela. A voz do protagonista, xa adulto, vai debullando os seus recordos de forma desordenada, soldando realidade e fantasía, ao revelar a existencia dun ser humano fráxil e sensible, marxinado con crueza, que atopa na natureza e entre os animais o único lugar amable que o acolle. MUÑOZ PUELLES, Vicente, El misterio del cisne (El joven Skakespeare), Anaya, Madrid, 2016, 142 pp. O bibliotecario Marcel Briand descobre un enigmático manuscrito con algúns datos ocultos sobre a vida de Shakespeare. Antes de compartilo co resto do mundo decide ler o seu contido. O resultado e unha recreación imaxinativa da biografía do escritor a través da súa obra literaria. Cunha adecuada dosificación da información o lector pode descubrir quen foron os seus pais, algúns detalles sobre a súa voda prematura, a vida en Londres ou os inicios como actor, ademais doutros datos anecdóticos como a súa amante descoñecida, as curiosas peticións que lle enviaba a raíña ou os personaxes que lle axudaron nos momentos difíciles. NEGRO, Carlos, Masculino singular, Xerais, Vigo, 2016, 88 pp. Un diario poético íntimo que reclama a tenrura nunha revolución de magnolias, pero sen pólvora, porque xa non precisamos himnos de batalla nin falococracias. Masculino singular é un código aberto aínda inconcluso, que se constrúe máis alá do propio texto, naqueles espazos sociais onde algúns homes aprenden unha lingua sen sufixos de exterminio. Porque nada semella máis urxente que procurar unha saída de emerxencia dese templo onde a virilidade segue a ser o valor máis sagrado da tribo. https://es-es.facebook.com/biblio.sanpaio https://twitter.com/bibliopaio
N ú m e r o
4 4 –
V E R ÁN
2 0 1 6
P á x i n a
3
PRADO, Miguelanxo, Presas fáciles, Norma Editorial, 2016, 96 pp. Un comercial do Banco Ovejero aparece morto no seu domicilio por presunto envelenamento. Tres días, antes un conselleiro delegado de Bancamar, foi atropelado por un coche; esa mesma tarde morre no hospital. Nun escenario onde os altos cargos que levaron o país á quebra son recompensados con indemnizacións millonarias mentres a cidadanía sofre as consecuencias da fraude bancaria pola venda de accións preferentes, a Inspectora Tabares e o inspector Sotillo deben descubrir que relación existe entre os crimes recentes e a crise financeira. Unha historia de vinganza que aborda dous temas actuais: os desafiuzamentos e a corrupción. PORTABALES, Arantza, Sobrevivindo, Galaxia, Vigo, 2015, 136 pp. Unha trama arredor dunha muller que loita contra si mesma e contra o resto do mundo. A novela vai deixando ao descuberto a noiva adolescente, a alumna, a esposa, a viúva, a nora, a nai, a xefa, a reclusa e a empresaria dunha traxectoria vital apaixonante que avanza sen tregua e sen acougo. Corresponde ao lector xuntalas nunha busca que o levará a coñecer o misterio escondido detrás desta muller triunfadora e, ao tempo, eternamente derrotada. QUICK, Matthew, Boy 21, Anaya, 2016, 280 pp. Finley McManus vive unha complicada realidade social e familiar, talvez por iso aférrase ao baloncesto como única evasión aos seus problemas. Xunto á súa noiva Erin tenta construír unha rutina para manterse a salvo e, algún día, empezar unha nova vida. Só cando Russ, que sufriu as consecuencias dun mundo violento e sen futuro, aparece no seu camiño, empeza a confiar e, á vez, a comprender o pasado. Unha historia estraña, conmovedora e optimista, a pesar de todo, narrada con sensibilidade e orixinalidade, unha alegato a favor da amizade como vehículo ideal para superar calquera obstáculo. REIMÓNDEZ, María, A dúbida, Xerais, Vigo, 2016, 136 pp. Unha muller é sorprendida pola chegada da policía á súa casa para deter ao seu home, un político, por un presunto delito de abusos sexuais de menores, circunstancia que provoca un conflito psicolóxico na muller que empeza a dubidar se coñecía realmente ao seu home. A autora fai uso da súa experiencia como narradora para ofrecer unha historia que engancha a atención dos lectores e aborda, desde a denuncia social e a intriga, un tema pouco frecuente na literatura galega. SOUTULLO, Daniel, Historia do ADN. 40 anos de revolución biotecnolóxica, Xerais, Vigo, 2016, 168 pp. Os principais acontecementos na historia do ADN, a revolución biotecnolóxica desencadeada polo coñecemento da súa estrutura e pola capacidade de manipulalo case a vontade a partir dos anos setenta do século XX son tratados neste libro; escrito nun estilo claro e ameno, podemos lelo sen necesidade de coñecementos previos de xenética, mais con curiosidade por achegarse a ela con rigor, fuxindo de simplificacións empobrecedoras.
Verán: estación de cine AGORA SI, ANTES NON (Right Now, Wrong Then, Hong Sang-soo, 2015) Un director de cine independente sae a cear e atópase cunha pintora. A partir dese instante, as cousas empezarán a cambiar. "Palpita o recordo da obra de Rohmer, coa súa implacable capacidade de observación das minúsculas fraxilidades cotiás e a vontade de converter a anécdota (...) en espello universal." di Jordi Costa, crítico do xornal El País. CORAZÓN XIGANTE (Fúsi-Virgin Mountain, Dagur Kári, 2015) Con 43 anos, Fúsi é un obeso inadaptado, nunca tivo noiva e o seu único interese son as batallas da Segunda Guerra Mundial, que reproduce en miniatura no apartamento no que vive coa súa nai. Un día recibe un cupón para acudir a unha escola de baile, onde coñece a Sjöfn, unha muller solitaria, como el, e con profundas feridas psicolóxicas.
P á x i n a
4
N ú m e r o
4 4 –
V E R ÁN
2 0 1 6
AS ESTACIÓNS (Les saisons, Jacques Perrin, Jacques Cluzaud, 2015).- Os directores logo de viaxar polo mundo e filmalo desde o alto, coma se fosen aves migratorias, e navegar por todos os océanos en compañía de baleas e outras criaturas mariñas, volven de novo con este documental pero en espazos máis familiares. Invítannos a unha viaxe marabillosa a través do tempo para redescubrir estes territorios europeos. É unha epopeia sensible e orixinal que relata a longa e turbulenta historia común que une ao home cos animais. THE LADY IN THE VAN (Nicholas Hytner, 2015).- Filme inspirado nunha novela de Alan Bennet. Un bo día, a señorita Shepherd, unha muller de orixes incertas, aparca a súa furgoneta nunha beirarrúa de Londres, no acceso á casa do escritor Alan Bennett. O que ao principio ía ser algo temporal, un favor de mala gana, acábase convertendo nunha relación que cambiará as vidas de ambos. O LIBRO DA SELVA (The Jungle Book, Jon Favreau, 2016).- Nova adaptación da novela de Rudyard Kipling. Mowgli, un neno criado na selva por unha grea de lobos, emprende unha fascinante viaxe de autodescubrimiento cando se ve obrigado a abandonar o único fogar que coñeceu en toda a súa vida. MÁIS ALÁ DAS MONTAÑAS (Shan he gu ren - Mountains May Depart, Jia Zhangke, 2015).- China, a finais de 1999. A Tao, unha moza de Fenyang, fanlle as beiras dous amigos da infancia, Zang e Lianzi. Zang, propietario dunha estación de gasolina, está destinado a un futuro prometedor, mentres que Liang traballa nunha mina de carbón. O seu corazón está dividido entre os dous homes, e debe tomar unha decisión que comprometerá o seu destino e o do seu futuro fillo. A MEIGA (The Witch, Robert Eggers, 2015).- Nova Inglaterra, 1630. Un matrimonio de colonos cristiáns, con cinco fillos, vive preto dun bosque que, segundo as crenzas populares, está dominado polo mal. Cando o fillo que acaba de nacer desaparece e os cultivos non crecen, os membros da familia rebelanse os uns contra os outros: un mal sobrenatural aséxalles no bosque cercano. QUE INVADIMOS AGORA? (Where to Invade Next, documental dirixido por Michael Moore, 2015).- Sátira na que Moore embárcase nunha "invasión" por Europa para atopar solucións que se poidan aplicar aos problemas internos de Estados Unidos. RAÍÑA CRISTINA (The Girl King, Mika Kaurismäki, 2015).- Coroada en 1633, aos seis anos, e educada coma se fose un príncipe, a Raíña Cristina de Suecia foi unha moza dirixente, enigmática e brillante, que combateu ás forzas conservadoras para revolucionar Suecia á vez que experimentaba o amor e exploraba a súa incipiente sexualidade. Revolucionaria, estudiosa das artes e as ciencias, amiga de Descartes, librepensadora, precursora do movemento feminista..., en síntese, unha nova europea políticamente visionaria. Dividida polo conflito que lle suscitaban as súas aspiracións políticas e os seus desexos persoais, Cristina tomaría unha das decisións máis controvertidas da historia. O RECORDO DE MARNIE (Omoide no Mânî-When Marnie Was There, Hiromasa Yonebayashi, 2014).- Anna é unha moza solitaria, sen amigos, que vive cos seus pais adoptivos. Un día é enviada xunto ao señor e a señora Pegg. Alí, onde se estenden as dunas de area, coñece a unha rapaza chamada Marnie, quen pronto se converterá na súa mellor amiga. Tendo aprendido moitas cousas sobre a amizade, Anna darase conta de que Marnie non é quen parece... TRES RECORDOS DA MIÑA XUVENTUDE (Trois souvenirs de ma jeunesse, Arnaud Desplechin, 2015).- Paul Dedalus deixa Tayikistán lembrando a súa infancia en Roubaix, as tolas crises da súa nai, o vínculo que lle unía ao seu irmán Ivan, neno piadoso e violento. El recorda os seus 16 anos, ao seu pai, viúvo inconsolable, a viaxe á URSS onde ofreceu a súa propia identidade a un mozo ruso...os seus estudos en París, o encontro co doutor Behanzin, a súa vocación pola antropoloxía. E, sobre todo, Paul lembrará a Esther, o corazón da súa vida.