Número 49
Outono 2017
I.E.S. “San Paio” — Tui
B
O
L
E
T
Í
N
D
O
E
Q
U
I
P
O
D
A
B
I
B
L
I
O
24-0: Día das Bibliotecas
T
E
C
A
I ESPEC
AL
Os libros entran e forman as bibliotecas mais hoxe queremos fixarnos nas bibliotecas que entran e teñen un papel máis o menos importante dentro dos libros ARMIÑÁN, Jaime, Os amantes encadernados, Espasa-Calpe, 1999, 324 pp.Nos anos oitenta a bibliotecaria. Maria Rosa Arana non é quen de rexeitar, debido á alta remuneración que lle ofrecen, o encargo de organizar unha biblioteca de miles de exemplares, que pertencera a don Ramón Gimeno-Coes. Aquela biblioteca é un caos ordenado e, a traves dela, Rosa empezará a sentir fascinación pola figura de Don Ramón, e vaise dando conta que este, coa axuda das pistas premeditadamente escondidas entre as follas dos libros, lle narra unha historia postuma: a do amor do propietario da biblioteca coa nai da bibliotecaria. BONNET, Jacques, Bibliotecas cheas de fantasmas, Anagrama, 2010, 144 pp.Pensaches morrer esmagado polos libros da túa biblioteca? Pon a acumulación de libros en perigo a existencia da nosa familia? Clasificamos os volumes por temas, por idioma, por autor, por data de publicación, por formato ou seguindo un criterio só coñecido por nós? Pódese poñer na mesma estantería a dous autores irreconciliables na súa vida real? As bibliotecas son seres vivos a imaxe e semellanza da nosa complexidade interior, acaban por formar un labirinto do que podemos perfectamente non saír xamais. E as páxinas que enchen as nosas bibliotecas están habitadas por pantasmas moi vivas que, endexamais nos abandonan. BORGES, Jorge L., "A biblioteca de Babel" (conto incluído en Ficciones, Debolsillo, 2016, 224 pp.).- Borges analiza as posibilidades, os axiomas e a historia desta biblioteca, composta de galerías hexagonales que posúen, cada unha, un pozo de ventilación no seu centro, catro paredes recubertas de vinte anaqueis distribuídos a razón de cinco por cada unha delas. Cada galería conecta, por medio dun angosto zaguán, con outra idéntica; cada anaquel alberga trinta e dous libros compostos por catrocentas dez páxinas que á súa vez conteñen corenta rengllóns e cada renglón oitenta letras. Os libros son uniformes, e o alfabeto consta de vinte e cinco caracteres incluíndo os signos de puntuación.. CALDERÓN,Emilio, A biblioteca, Zut, 2013, 346 pp.Narración da historia de Pepe Dalmau, un mozo que chega a Madrid procedente de Nova York para enterrar ao seu pai, morto en estrañas circunstancias e que retoma unha vella relación con súa veciña Natalia, filla dun coñecido libreiro de vello. De súpeto, Natalia desaparece e Dalmau terá que levar a cabo para atopala unha serie de accións que acabarán por envolvelo nunha espiral de intrigas e aventuras ao redor dun libro roubado, que terá que localizar, e que se atopa na Biblioteca Nacional. O protagonista acaba descubrindo que o libro que ten que subtraer contén a propia historia que está a vivir.
P á x i n a
2
N ú m e r o
4 9 –
o u t on o
2 0 1 7
COOPER, Glenn, A biblioteca dos mortos, Debolsillo, 2011, 464 pp.Na abadía de Vectis (Bretaña), no século VII. crece Octavus, un neno con poderes diabólicos. Octavus crea unha lista de nomes e datas sen ningún sentido aparente. Pero pouco despois, cando unha morte na abadía coincide cun nome e unha data da lista, o medo apodérase dos monxes. Tamén na actualidade un asasino en serie ten atemorizada toda Nova York: pouco antes de morrer, as vítimas reciben unha postal coa data da súa morte escrita. Quen está detrás destas mortes? Un segredo oculto desde fai séculos, está a piques de ser descubeerto.
CORTÁZAR, Julio, "Fin do mundo do fin" (conto incluído en Historias de cronopios y de famas, Alfaguara, 2017, 144 pp.).O aumento ininterrumpido de escribas produce un incremento desbordante de libros. Xa non hai espazo para almacenar os libros, as bibliotecas non chegan a nada, utilízanse novos terreos, úsanse os libros como ladrillos e levántanse grandes paredes que ao caer, como calquera edificio, ocasionan accidentes. Para solucionar o problema de espazo propónse botar ao mar o sobrante de libros. O mar cheo de libros solidifícase retendo os barcos que se converten en illas ou casinos mentres do outro lado das montañas de papel os escríbas seguen coa súa tarefa. CRESPO, Mario, Biblioteca Nacional, Eutelequia, 2012, 160 pp.Novela situada no ambiente cotián e nas preocupacións comúns dun empregado da Biblioteca Nacional ou de calquera dos posibles lectores. O protagonista, a quen lle resulta monótono o seu traballo, atópase no medio duns sucesos que, en principio, nin sequera chegan a raros, sucesos que a calquera outro pasaríanlle inadvertidos, por exemplo: a presenza, cada vez que se mira a un espello, do rostro dun famoso adestrador de fútbol, casualidades á hora de facer procuras en Google, de artigos xornalísticos asinados por un tal Mario Crespo (en efecto, o autor) que en gran medida parecen anticiparse aos pensamentos do protagonista...A obra fala ademais da importancia das bibliotecas como centros de saber e fainos reflexionar sobre o seu futuro ante a chegada do libro dixital. FOENKINOS, David, A biblioteca dos libros rechazados, Alfaguara, 2017, 296 pp.En Bretaña, un bibliotecario decide albergar todos os manuscritos que foron rexeitados polos editores. Estando de vacacións, unha moza editora e o seu cónxuxe escritor visitan a biblioteca dos libros rexeitados e atopan nela unha obra mestra: As últimas horas dunha historia de amor, novela escrita por un tal Henri Pick, morto dous anos antes. Pick, segundo a súa viúva Madeleine, nunca leu un só libro e endexamais escribiu nada agás a lista da compra; tiña, logo, unha vida secreta? LYNDS,Gayle, A biblioteca de ouro, Bóveda, 2013, 616 pp.-
Reis, políticos e historiadores levan tempo buscando sen éxito a Biblioteca de Ouro de Iván o Terrible, que contiña manuscritos de incalculable valor, encadernados con incrustaciones de ouro e pedras preciosas, e compendio do saber da humanidade. O axente da CIA Tucker Andersen é testemuña do asasinato en Washington do seu mellor amigo. Jonathan Ryder, antes de morrer, fálalle dunha abultada conta bancaria relacionada co terrorismo islámico e da Biblioteca de Ouro. Os primeiros indicios apuntan a un selecto club de bibliófilos, formado por potentados de todo o mundo, que se implicou en actividades criminais. Coa axuda dun fillo do seu defunto amigo, e de Eva Blake, Tucker Andersen tratará de descubrir as claves do asasinato de Ryder. Londres, Roma, Estambul ou Atenas son así etapas dunha emocionante viaxe...
Sen bibliotecas, que temos? Nin pasado nin futuro. (Ray Bradbury)
N ú m e r o
4 9 –
o u t on o
2 0 1 7
P á x i n a
3
MAKKAI, Rebecca, O devorador de libros, Maeva, 2012 (ebook).Lucy Hull, encargada da biblioteca de literatura infantil nun apartado pobo de Missouri, bótalle unha man a Ian Drake, un rapaz de dez anos fascinado pola lectura, para elixir libros ás costas da súa nai, unha muller mandona que inspecciona e pasa pola censura todo o que o neno quere ler. A anódina vida de Lucy deixa de selo cando ten que facer fronte a un dilema ético ao decatarse do plan ideado por Ian para esquivar o control da súa nai. SAORÍN, José Luis, Gógar e o misterio do punto infinito, Edelvives, 2003, 200 pp.Un axente de seguros por azar convértese en detective privado ao descubrir o misterioso asasinato dun home nunha biblioteca. En realidade, asasinárono os personaxes literarios dos libros, que queren facerse reais. Por iso, coa intención de que dependan deles, aprenderon a subministrar aos seres humanos todo tipo de drogas. O último obxectivo destes seres de ficción é inverter os papeis: tomar a realidade e trasladar ao home á ficción. Gógar, o axente de seguros, trata de desenmascararlos, mentres a policía investiga o que cre é unha nova banda de narcotraficantes. AA. VV., As bibliotecas imposíbeis. Escolma de relatos fantásticos sobre a biblioteca, Cuadernos del Vigía, 2017, 192 pp.Relatos de once autores en homenaxe á fascinación que as bibliotecas espertan nos lectores ao descubrir alí o seu mellor refuxio. Aquí atoparemos unha biblioteca minúscula e estraña escondida noutra biblioteca, compartiremos a obsesión por conservar o escrito fronte a calquera agresión externa, observaremos os manuscritos dunha biblioteca de grandes obras rexeitadas polas editoriais, examinaremos sorprendentes títulos na Gran Biblioteca de Oz, acompañaremos a uns investigadores ata a sé da biblioteca digital Diabase, intentaremos evitar o encontro co Libro maldito, buscaremos a forma de escapar descubrindo a Pasaxe na biblioteca da casa escura, comprobaremos algunhas das consecuencias que traen os recortes económicos en cultura, discriminaremos os libros construídos para confundir a literatura científica coa de ficción, aprenderemos a namorarnos dunha persoa a través das súas lecturas privadas ou penetraremos nos almacéns do Ministerio da Ficción onde están escritas todas as posibilidades históricas, mundos futuros imaxinados que en calquera momento poderían servir para construír a realidade.
Bibliotecas de cine CADEA PERPETUA (Frank Darabont , 1995).Adaptación da novela de Stephen King Rita Hayworth y la redención de Shawshank. Andy, acusado de dous asasinatos e condenado a cadea perpetua, converteráse en bibliotecario da prisión; en contestación aos seus reiterados pedidos, Andy recibe de parte do Senado estatal un cheque por 200 dólares e unha partida de libros e discos para equipar a biblioteca, non satisfeito, insiste nos seus pedidos, ata que o Senado dispón un pago anual de 500 dólares para el. Coa súa aguda capacidade para os negocios e a inestimable axuda dos seus amigos, Andy obra marabillas con ese diñeiro e logra montar a mellor biblioteca carceraria de toda Nova Inglaterra. CORAZÓN DE TINTA (Iain Softley, 2008).Baseada na novela homónima de Cornelia Funke. Meggie e o seu pai comparten a paixón pola literatura e teñen tamén un talento único para facer que os personaxes dos libros cobren vida con só ler en voz alta. Pero existe un perigo: por cada personaxe dun libro que traen á vida, unha persoa real debe desaparecer. Unha noite, un home advirte ao pai de Meggie dun perigo inminente, Mo (así se chama o pai) escóndese na casa da súa tía Elinor, propietaria dunha engaiolante biblioteca...Mo é secuestrado e a filla terá que pedir axuda a amigos, reais e imaxinarios, para poder atopalo.
P á x i n a
4
N ú m e r o
4 9 –
o u t on o
2 0 1 7
O GARDIÁN DAS PALABRAS (Joe Johnston, Pixote Hunt, 1994).Un neno medorento chega a unha misteriosa biblioteca fuxindo dunha tormenta. Alí meteráse nunha situacion inesperada: ao esvarar por culpa da humidade do chan, leva un golpe na cabeza e queda inconsciente. A partir dese momento, entra a formar parte dunha incríbel aventura acompañado duns personaxes con moitas historias que contar.
A LIBRARÍA (Isabel Coixet, 2017).Adaptación cinematográfica da novela homónima de Penelope Fitzgerald. A finais dos anos 50 Florence abandona Londres e abre unha pequena libraría nun pobo da costa británica. Pero para a súa sorpresa, esta decisión provocará todo tipo de reaccións entre os habitantes da localidade: a ignorancia, a envexa, e a falsa moral acabarán irremediablemente coa empresa de Florence. Unha parábóla sobre o perigo e as dificultades que hoxe corre o mundo da literatura e da palabra escrita ao enfrontarse a unha sociedade burocrática, inculta e ignorante que se move polo diñeiro e a envexa. Película que pon o punto de mira na desaparición das tradicionais librerías, cuxas consecuencias poden compararse mutatis mutandis coas da desaparición da biblioteca de Alexandría. MATILDA (Danny de Vito, 1996).Mathilda Wormwood é unha nena moi intelixente, os seus pais non valoran as súas dotes; con 6 anos é enviada ao colexio mais a directora do colexio tampouco, aprecia o talento da nena. Rapidamente, a gran intelixencia de Matilda, cuxo hábitat son os libros e a biblioteca, fai que desenvolva un misterioso poder: a telequinese que lle permite elaborar un plan para facer que a directora marche. Adaptación ao cine da novela hománima de Roald Dahl. MISS MARPLE: UN CADÁVER NA BIBLIOTECA (Silvio Narizzano, 1984).De novo estamos ante un filme inspirado nunha novela Un cadáver na biblioteca de Agatha Christie. Ao despertar, os Bantry atópanse co cadáver dunha moza descoñecida na súa biblioteca; Quen é ? Como chegou ata alí? Que conexión hai entre este asasinato e o doutra moza atopada tempo despois no fondo dun barranco? Para dar resposta a estas preguntas e para que o misterio do sucedido se aclare antes de que as murmuracións das malas linguas se impoñan, os Bantry invitan á señorita Marple a que investigue. MONSTROS UNIVERSITY (Dan Scanlon, 2013).A historia de Mike Wazowsky e James P. Sullivan durante os seus días na Universidade do Medo. Teñen que superar varias probas, unha delas consiste en coller unha bandeira da biblioteca sen que a bibliotecaria se entere para non enfadala e pagar as consecuencias. A función da bibliotecaria, mestura de caracol e polbo, é manter o silencio e protexer os libros de calquera daño. A PROPÓSITO DE HENRY (Mike Nichols , 1991).Henry é un avogado de gran éxito e poucos escrúpulos. Un día, comprando tabaco, atópase nun supermercado cando se produce un atraco, recibe un disparo e, como consecuencia, sofre graves danos cerebrais que se causan amnesia. Ten que volver a aprender todo o que logrará coa axuda da súa filla. Ela, levarao á Biblioteca Públi-
ca de Nova York e ensinaralle o funcionamento da mesma.
Polo grosor do po nos libros dunha biblioteca pública pode medirse a cultura dun pobo. (John Steinbeck)