Decembro 2017
I.E.S. “San Paio” — Tui
Nº 50!
B
O
L
E
T
Í
N
D
O
E
Q
U
I
P
O
D
A
B
I
B
L
I
O
T
E
C
A
DAL
Un ano máis remata. Chega o tempo dunhas pequenas e merecidas vacacións despois A NA R T X E dun longo e intenso trimestre. Tod@s estamos de celebración, Nós tamén, este Biblioxornal fai o número 50. Comezamos a nosa xeira en outubro de 2006 e aquí continuamos pensando xa nos próximos 50 números. É momento de festexalo e por iso ás nosas xa tradicionais recomendacións de libros e cine para estas datas engadimos novas propostas de ocio cultural: concertos, exposicións e roteiros para gozar agora e sempre. E, para finalizar, desexarvos un inesquecíbel final de ano e que o vindeiro faga realidade todos os vosos devezos. Boas Festas e Bo Aninovo! CASARES, Carlos, A ledicia de ler, Galaxia, 2017, 824 pp. Para “fomentar a lectura do libro galego e fundar unha crítica literaria sostida e regular” Casares, entre 1975 e 1992, escribía artigos no xornal La Voz de Galicia, máis de catrocentos deles aparecen nesta recompilación, unha boa maneira de rematar este ano Casares.
COMSKY, Noam, ¿Quién domina el mundo?, Ediciones B, 2016, 400 pp. Unha documentada e meticulosa explicación dos conflitos e perigos do noso tempo. Un perspicaz Comsky demostra que Estados Unidos e os seus aliados, coas súas políticas militaristas e imperialistas están a promover unha posíbel catástrofe que esnaquizaría os bens comúns do planeta. SALISACHS, Mercedes, Reflejos de luna. Fragmentos de una correspondencia extraviada entre un hombre y una mujer, Planeta, 2005, 400 pp. Claudia, educada con rigorosidade pola súa distinguida familia, namórase en 1943 de Fernando, pero diversas circunstancias farán que o seu noivado non prospere. Anos máis tarde, Fernando de diplomático en París e Claudia dirixindo o negocio que herdou, atópanse en varias cidades, mais sempre xorde algún inconveniente para separalos. E agora, ambos xa na vellez, nas súas cartas cruzadas mostran con toda sinceridade a verdade das súas almas, o gozo e o sufrimento que lles levou a acertar ou a errar nas súas decisións, e un estado de ánimo co que se enfrontan ao seu presente e ao do mundo. SPERANI, Bruno, A obra, Hugin e Munin, 2017, 176 pp. Por primeira vez traducida ao galego esta historia ambientada en Milán a finais do século XIX cando se abrían novas avenidas, barrios e modernas infraestruturas, aborda a vida dos marxinados e desfavorecidos, aos que contrapón cos poderosos especuladores, mesquiños e hipócritas. Ao tempo, insírese na trama o xermolo das ideas socialistas entre a clase traballadora e as incipientes protestas sociais. Algúns episodios, coma os dos desafiuzamentos ou os das artimañas dos patróns, resultan dunha actualidade absoluta e demostran que a autora foi unha muller comprometida e atenta ao seu contorno.
P á x i n a
2
N ú m e r o
5 0 –
D E C E M B R O
2 0 1 7
VAROUFAKIS, Yanis, Comportarse como adultos: mi batalla contra el establishment europeo, Deusto Ediciones, 2017, 720 pp. Crónica sobre os cinco meses de 2015 nos que estiveron enfrontados Grecia e os seus acredores, narrada por un dos seus protagonistas, o ministro Varoufakis quen abandeirou as esperanzas de moitos cidadáns ao tentar infundir un cambio no réxime político, financeiro e económico europeo ante a evidente incapacidade do vello continente para superar a crise grega e, por extensión, a do euro.
ESO ALCOLEA, Ana, El secreto del espejo, Anaya, 2016, 232 pp. Dúas historias enlazadas a dous mil anos de distancia: a de Yilda, moza valente e decidida que escapa duns malvados druídas, atópase coas tropas romanas do tribuno Claudio Pompeyo e cre na imaxe que se lle presenta no espello; este é unha peza atopada na escavación dunha vila romana próxima a Zaragoza, e é tamén o motivo polo que os pais de Carlos volverán traballar xuntos; aquí temos a outra historia: a dos namorados Carlos e Elena e os problemas que teñen que enfrontar como parella: o amor, a amizade, a música… FAVILLI, Elena; CAVALLO, Francesca, Cuentos de buenas noches para niñas rebeldes, Planeta, 2017, 224 pp. Científicas, astronautas, levantadoras de pesas, xuízas, chefs... cen exemplos de determinación e audacia femininas: de Frida Kalo a Jane Goodall, de Coco Chanel a Nina Simone, das irmás Bronte a Marie Curie... este libro con ilustracións presenta “un abano de protagonistas o máis amplo posible, da política a trompetista, da boxeadora a raíña; buscamos mulleres do maior número de países; e queriamos que a súa historia persoal tivese elementos que acendesen a fantasía...” di Francesca Cavallo, unha das autoras. HOPE JAHREN, A., La memoria secreta de las hojas: una historia de arboles, ciencia y amor, Paidos Ibérica, 2017, 336 pp. Esta xeobióloga americana narra como se forxa unha vida adicada á ciencia dende os inicios familiares e os primeiros traballos ata os seus logros e tamén o funcionamento do seu propio laboratorio en Hawaii. NEIRA CRUZ, Xosé A., O sono das sereas, Galaxia, 2017, 158 pp. Na Costa da Morte, unha igrexa garda un segredo. Á sombra del, ao longo de séculos de silencio e infortunio, as mulleres dunha mesma familia (habitantes da Casa do Soño) padeceron a condena de seren mortas en vida. Só a chegada de tres estraños permitirá desvelar o segredo. Unha verdade repleta de prexuízos e de supersticións tan estrañas e inesperadas como as sereas que aduban as paredes dese templo dentro do que latexa a marabilla, o misterio e a maldade. RICART LEAL, Raquel, O cidadán perfecto, Galaxia, 2017, 216 pp. Biotrés é unha cidade onde non existen a imperfección, nin a vellez, nin a enfermidade, pero onde tampouco está permitido rir, soñar, nin ter unha vocación. Mais todo cambaleará por mor duns informes que poñen en dúbida as certezas máis fondas desta sociedade e que descobren outras maneiras de estar no mundo. SÁNCHEZ CRESPO, A. e GALENDE; I., Animales raros: los animales más extraños del planeta, Ed. Guadarramistas. 2017, 75 pp. Se eres un apaixonado dos animais este será o teu libro. Aquí sorprenderáste cos aspectos e formas dalgúns animais; pero non só iso, o máis incríbel son algunhas das súas capacidades, poder escoitar baixo a neve, cambiar de cor... Ti tamén es un dos animais máis raros deste planeta. Es único, aínda que moi parecido a todos eles...
N ú m e r o
5 0 –
D E C E M B R 0
2 0 1 7
P á x i n a
3
VV. AA., Camiña/Camiño. De Porto a Santiago, El Patito Editorial, 2017, 60 pp. Catro ilustradoras: dúas portuguesas e dúas galegas debuxan os lugares emblemáticos (Póvoa de Varzim, Esposende, Viana do Castelo, A Guarda, Pontevedra, Vigo, Caldas de Reis, Padrón...) das etapas do camiño portugués pola costa cara Compostela, para promover esta ruta e,ao tempo, facer visíbel o papel das mulleres no ámbito da ilustración.
BACHARELATO ANDREWS, Jesse, Me & Earl & The Dying Girl, Allen & Unwin, 2015, 304 pp. Obra que inspirou o filme homónimo dirixido por Alfonso Gómez-Rejón. Ata o seu último ano de instituto, Greg pasaba desapercibido. Só ten un amigo, Earl co que xoga aos videoxogos e fai películas mais aparece Rachel que ten leucemia, e a nai de Greg quere facelo amigo do seu fillo. Cando Rachel decide deixar o tratamento, Greg e Earl fanlle unha película, e Greg deberá abandonar a invisibilidade e facerse notar. Unha historia divertida, escandalosa e verdadeira acerca do instituto, a vida e a morte. PENA, Xosé Ramón, Martín Codax e os xograres do mar de Vigo, Xerais, 2017, 152 pp. Moitos dos textos que compuxeron trobadores e xograres dan cumprida noticia de episodios, temáticas e lugares que forman parte do noso devir cotián. Aproveitando a exposición do pergamiño Vindel, a lectura desta obra pode ser un bo complemento que favoreza unha viaxe ao tempo dos cantares de amor, de amigo, de burlas e ironías de permanente actualidade. PÉREZ-REVERTE, Arturo, Hombres buenos, Alfaguara, 2015, 592 pp. Unha novela eloxio dos libros e do seu poder para cambiar o mundo. Unha defensa da razón como óptima arma fronte aos fanatismos. Remata o século XVIII, cando os académicos da RAE, o bibliotecario don Hermógenes Molina e o almirante don Pedro Zárate, van a París para conseguir a Encyclopedie de D' Alembert e Diderot, que estaba prohibida en España, enfrontándose a todo tipo de intrigas e sobresaltos. PORTABALES, Arantza, Deixe a súa mensaxe despois do sinal, Galaxia, 2017, 319 pp. Coas mensaxes deixadas nun contestador constrúense a trama desta novela; é así como un aparello gravador de voces, con aparencia fría, devén cheo das vidas, pensamentos e accións de persoas que non van deixarnos indiferentes.
UN POUCO DE CINE ARMOUSE O BELÉN (Timothy RECKART, 2017) Filme de animación. Bo é un asno pequeno e valente que coñece a Ruth, unha ovella extraviada, e a Dave, unha pomba con grandes aspiracións. Durante o seu camiño, no que seguen unha estrela moi especial, atoparán tamén tres camelos e outros excéntricos animais. Todos eles converteranse en protagonistas do primeiro Nadal.
COCO (Lee UNKRICH, Adrián MOLINA, 2017) Miguel, un mexicano de 12 anos, quere ser músico a pesar dos impedimentos familiares. Na mañá do Día de Mortos protagonizará unha fantástica aventura xunto ao seu can Dante. Ambos lograrán entrar no Mundo dos Mortos, onde coñecerán aos seus antepasados e a un espírito amigo chamado Héctor. Coco trasladaranos ao mundo colorido e musical da celebración mexicana do Día dos Mortos: unha maneira de celebrar tamén a vida, a familia, os recordos e a conexión a través de diversas xeracións.
P á x i n a
N ú m e r o
4
5 0 –
D E C E M B R O
2 0 1 7
A FÁBRICA DE NADA (Pedro PINHO, 2017) Ficción cinematográfica inspirada na máis pura realidade: as consecuencias da crise económica, o pozo de desigualdades creadas polo capitalismo agresivo, a explotación da man de obra cualificada, as sucias estratexias de despedimento dos empresarios… Ante todas estas problemáticas, os traballadores elixen a dignidade. Seguir traballando e, eventualmente, autoxestionar a súa propia fábrica, unha acción con precedentes de éxito que fai tremer aos xefes. O FANTÁSTICO SR. RAPOSO (Fantastic Mr. Fox, Wes ANDERSON, 2009) Filme en stop motion baseado na novela homónima de Roald Dahl. O señor Raposo ten muller e fillo, traballa nun xornal e leva unha vida feliz e sen sobresaltos, procura manter os seus instintos baixo control; ten debilidade polas galiñas, abandona a súa vida doméstica e convértese no ladrón de galiñas máis perigoso da comarca, é un verdadeiro pesadelo para os granxeiros Boggis, Bunce e Bean; pon en perigo a súa seguridade e a da súa familia. conseguirá salvalos? QUÉ FERMOSO É VIVIR! (It's a Wonderful Life!, Frank CAPRA 1946) Chamar aos amigos ou á familia, preparar chocolate quente, coller unha boa manta e poñernos todos a ver este clásico americano de todos os tempos debería ser de obrigado cumprimento nestas datas. George Bailey é un home común que antepón o deber aos seus soños. Angustiado polas débedas e desesperado atópase con Clarence Odbody, o seu anxo da garda. Na véspera de Nadal, Clarence ten unha misión: salvar o seu protexido para recuperar as ás. Un filme que emociona e reconcilia co Nadal e coa vida. JUMANJI: BENVIDOS Á XUNGLA (Jake KASDAN, 2017) Vinte anos despois da anterior versión, catro adolescentes introdúcense nunha aventura a partir dun videoxogo que serve como un portal a través do espazo-tempo. Absorbidos polo mundo de Jumanji, un xogo que non se pode abandonar ata que acaba a partida, os mozos enfrontaranse a rinocerontes, mambas negras e unha infinita variedade de trampas da selva. STAR WARS: OS ÚLTIMOS JEDI (Rian JOHNSON, 2017) Johnson ofrécenos un par de grandes tramas paralelas: a viaxe de Rey, iniciado no anterior capítulo, en busca de Luke Skywalker e a súa propia aprendizaxe dos camiños da forza co fin de traer a salvación a uns rebeldes superados amplamente pola Primeira Orde. Por outra parte, a trama máis colectiva, onde a princesa Leia, Finn e a recentemente incorporada Rose Tico fan o posible por sobrevivir á fustrigación do Xeneral Hux...
OUTRAS PROPOSTAS CONCERTOS De Nadal: 22 de decembro ás 21 h. na Área Panorámica de Tui; a Orquestra Sinfónica de Tui e a Coral da Academia de Música de Valença interpretarán obras clásicas e composicións de Nadal. Carlos Núñez en concerto: 23 de decembro ás 20.30 h. no teatro Afundación (Vigo)
EXPOSICIÓNS Pergamiño Vindel, un tesouro en sete cantigas no Museo do Mar (Vigo) Da Vinci. A exposición na nave “El Tinglado” (ao lado do edificio administrativo da Xunta, Vigo)
XEIRAS POLA NATUREZA E A HISTORIA Nestas vacacións tamén podemos achegarnos á natureza e a unha das manifestacións máis orixinais da nosa cultura, os petróglifos. Tres rutas pola contorna levaranos a tres das estacións de petróglifos máis importantes do sur de Galicia que están entre as máis importantes de Europa (Petróglifos do Monte Tetón-Tomiño, de Outeiro dos Lameiros-Santa Cristina da Ramallosa e de “Auga da Laxe”ou “Pedra das Procesións”-Vincios). Poderemos facelas xuntas nun día indo no coche ou, o máis aconsellable, en varias expedicións pateando de cada vez a zona. Se vos engancha a experiencia nos seguintes enlaces poderedes explorar novas rutas pola nosa prehistoria e historia: http://rutasdehistoria.com/, https://www.galiciamaxica.eu/ galicia/pontevedra/comarca-do-baixo-mino/tomino/ecoteton/, http://iem.gal/seccions/ xeiras/calendario, http://centros.edu.xunta.es/iesasangrina/apetroglifos/ bainna_ampliacion.htm