Biblioxornal 51

Número 51

1º TRIMESTRE 2018

I.E.S. “San Paio” — Tui

B

O

L

E

T

Í

N

D

O

E

Q

U

I

P

O

D

A

B

I

B

L

I

O

T

E

C

A

CINE E LETRAS DE GUERRA e PAZ AMAR PERIGOSAMENTE (Beyond Borders, Martin Campbell, 2003) O cómodo mundo de Sarah Jordan, unha americana residente en Londres, muda cando Nick Callahan, médico cooperante dunha ONG, cóase nun baile para recadar fondos e fai unha apaixonada alegación a favor dos nenos famentos de África.

Atraída por Nick e a súa causa, Sarah abandona as comodidades da súa vida, decidida a comprobar os feitos por si mesma, non tarda en darse conta do duras que son as condicións en que vive Nick. Fascinada polo perigo ao que se enfronta todos os días, Sarah comprométese cada vez máis con Nick, adicándose a recadar fondos.

O CADERNO DE SARA (Norberto López Amado, 2018) Laura busca desde hai anos á súa irmá Sara, desaparecida no medio da selva do Congo. Nin a ONG para a que traballaba nin a embaixada tiñan noticias do seu paradoiro... ata que aparece unha foto dun poboado mineiro do leste do Congo coa imaxe borrosa de Sara. Sen dubidalo, Laura viaxa ata Kinshasa disposta a penetrar no territorio dos Señores da Guerra, deixando atrás as diferenzas que a separaron da súa irmá, e sen sospeitar que nesa aventura descubrirá os máis sucios, violentos e ocultos intereses dos grandes poderes occidentais.

ANTES DA CHOIVA (Before the Rain (Pred Dozdot), Milcho Manchevski, 1994) Película con tres historias que entrelazan amor e guerra e ilustra os efectos devastadores da guerra naqueles que, sen querelo, vense obrigados a participar nela. Dous dos relatos están ambientados en Macedonia, que se atopa ao bordo da guerra civil, e o outro sitúase en Londres. No primeiro episodio o monxe Cirilo dá acubillo a Zamira, unha moza albanesa acusada de asasinato. Ambos deixan o mosteiro e comezan un romance. A segunda historia segue a Anne, directora nunha axencia de noticias, que se debate entre dous amores: o seu marido Nick e o seu amante Aleksandar, un reporteiro gráfico de guerra que finalmente decide volver ao seu país. O terceiro e último episodio une as dúas historias anteriores: Hana, unha muller albanesa, pídelle a Aleksandar que atope á súa filla Zamira.

CHOIVA NEGRA (Kuroi ame (Black Rain), Shohei Imamura, 1989) Narración dun dos episodios máis tráxicos da historia da Humanidade: a caída da bomba atómica sobre Hiroshima. Yasuko, unha rapaza sobrevivente do masacre, vive cos seus tíos e a súa avoa. A través de paseos polas ruínas do pobo, e entre

P á x i n a

2

N ú m e r o

5 1 –

1 º

t ri m e s tr e

2 0 1 8

as partículas radioactivas que flotan no aire, pregúntanse que será do seu futuro. Yasuko parece non estar afectada pola contaminación química producida pola bomba, pero os seus tíos están preocupados por ela. Poderá casar algún día? Poderá ter fillos?.

Inspirada na novela do mesmo título de Masuji Ibuse (Libros del Asteroide, 388 pp., 2007) O OUTRO GARDACOSTAS (The Hitman's Bodyguard, Patrick Hughes, 2017) O mellor axente de protección do mundo ten un novo cliente: un asasino a soldo con quen se enfrontou noutras ocasións. Por iso ódianse mutuamente. Con todo, agora o gardacostas terá que colaborar con este criminal para lograr, en tan só un día, testificar en contra dun perigoso ditador de Europa do leste, quen tentará acabar coas súas vidas por todos os medios.

O INSTANTE MÁIS ESCURO (Darkest Hour, Joe Wright, 2017) Filme ambientado en 1940, cando Winston Churchill se converte en primeiro ministro británico nun momento crucial da Segunda Guerra Mundial. Os nazis avanzan imparables conquistando practicamente a totalidade do continente europeo e ameazando invadir Inglaterra. Churchill deberá estudar a posibilidade dun tratado de paz con Alemaña, ou ser fiel aos seus ideais e loitar pola liberación de Europa.

LONGO DOMINGO DE NOIVADO (Un long dimanche de fiançailles, Jean-Pierre Jeunet, 2005) A piques de rematar a I Guerra Mundial, Mathilde entérase de que o seu prometido é un dos cinco soldados que, despois de ser sometidos a un consello de guerra, foron enviados á terra de ninguén que hai entre o exército francés e o alemán, o cal supón unha morte case segura. A pesar de todo, emprende unha dura viaxe para coñecer o destino do seu prometido e, aínda que as noticias que vai recibindo son desalentadoras, segue adiante. A medida que se achega á verdade sobre os desafortunados soldados e o seu brutal castigo, coñecerá a fondo os horrores da guerra e as marcas indelebles que deixa en quen a padece.

HAIR (Milos Forman, 1979) Filme baseado no musical de Brodway dos anos 60, do mesmo nome. O protagonista é Claude, un labrego mozo que se muda desde Oklahoma a Nova York para facer a instrución militar. Alí coñece un mundo onde miles de mozos proclaman o non á guerra e o si o amor libre, faise amigo dun grupo destes hippies e namórase perdidamente de Sheila, unha moza procedente dunha rica familia. Con todo, a vida de Claude cambia por completo cando non queda máis remedio que ir á guerra de Vietnam.

JOHNNY MAD DOG: OS NENOS SOLDADO (Jean-Stéphane Sauvaire, 2008) Nun país africano, devastado pola guerra civil, Johhny Mad Dog de 15 anos e os seus amigos (Good Advice, Small Devil e Young Major), nenos guerrilleiros -tamén chamados "nenos soldado"-, campan pola cidade, saqueando, disparando, violando mulleres e destruíndo todo o que se lle pon diante sen que ninguén lles pare os pés.

Son adolescentes fascinados polas fantasías do cine americano e a desinformación e xogan a facer a guerra... Por outro lado Laokolé, de 13 años, tenta imaxinar un futuro próspero ao que podería conducilo o seu éxito nos estudios e xunto co seu irmán Fofo, de 8 anos, tenta fuxir da súa cidade, caída en mans das milicias infantís, evitando a toda costa os constantes perigos das rúas. Infancias truncadas, un continente africano cheo dunhas guerras sen sentido, un pobo que, pese a todo, intenta sobrevivir e conservar a súa dignidade humana.

N ú m e r o

5 1 –

1 º

t ri m e s tr e

2 0 1 8

P á x i n a

3

KINYARWANDA (Alrick Brown, 2011) Filme ambientado no xenocidio de Ruanda de 1994 onde se mestura amor, perda e perdón e que leva o nome dun dos moitos idiomas falados no país. Baseado en testemuños de sobreviventes, Kinyarwanda conta a historia dos ruandeses que non cederon ao odio durante o xenocidio de 1994, antes ben converteron as mesquitas en refuxios para musulmáns e cristiáns, hutus e tutsis. Brown imaxinou unha historia que capturara a esencia do país e a xente, non só a guerra. Di Brown: "O que sucedeu en Ruanda foi unha traxedia, pero tamén había un pobo e un país, así que realmente tentei sacar esoutra dimensión que non viramos antes". A película gañou múltiples premios: Starz Denver Film Festival 2011, Sundance Festival 2011, Heartland Film Festival 2011, American Film Institute Festival 2011 ou Skip City International D-Cinema Festival 2012.

MULLERES Á FRONTE, A LEI DAS MÁIS FORTES (Lula Gómez, 2015) A historia de sete mulleres colombianas de distintas clases, idades e etnias cuxo denominador común é a súa loita contra o patriarcado, as súas ansias de xustiza, reparación e futuro tras ser vítimas do conflito armado do seu pais. As protagonistas deste documental decidiron construír una nova realidade onde a violencia non sexa a norma imperante; cren na paz porque non poden máis coa guerra; cren no diálogo e no consenso. Fartas de tanto sangue decidiron montar cidades de mulleres, deixar as armas (quen as tomou), enfrontarse ao Estado e pedir e reclamar a memoria dos seus mortos. Queren tamén un sistema novo que lles recoñeza dereitos tan básicos como a propiedade das súas terras ou a soberanía alimentaria. Presentan unha nova Colombia, unha sociedade máis xusta e igualitaria. A súa postura fai que vivan ameazadas de morte e acosadas.

Tamén en formato libro (colección A contraluz, Libros.com) NAFAS (RESPIRO) (Narges Abyar, 2017) Da man dunha nena chamada Bahar sentirémonos transportados ao final do reinado do xa Mohamad Reza Pahlevi, ao triunfo en 1979 da Revolución Islámica encabezada por Jomeini e ao comezo da guerra entre Iraq e Irán (1980-1988). Un filme que mostra os horrores do conflito e a natureza destrutora da guerra.

NON MATARÁS (Krótki film o zabijaniu, Krzysztof Kieślowski, 1987) Un berro polaco contra a pena de morte: a historia de Jacek Lazar, un labrego de 21 anos chegado a Varsovia e trastornado pola morte accidental da súa irmá Maritza, de 11 anos. Paralelamente explícase a historia de Piotr Baliki, licenciado en dereito, que se somete ao exame de aptitude e admisión do Colexio de Avogados. Ao mesmo tempo temos a historia de Waldemar Rekowski, taxista, que se detén para lavar o vehículo. As vidas dos tres personaxes veranse enlazadas por un tráxico asasinato.

SEN NOVIDADE NA FRONTE (Delbert Mann, 1982) Filme antibelicista que describe o paso dende o idealismo á desilusión, evolución que sofre un grupo de estudantes adolescentes recrutados e enviados á fronte de batalla na 1ª Guerra Mundial de cuxa finalización celebramos o primeiro centenario.

Adaptación da novela homónima (relato veraz da vida cotiá dun soldado durante a guerra do 14) do alemán Erich Maria Remarque: "Son novo , teño vinte anos, pero non coñezo da vida máis que a desesperación, o medo, a morte e o tránsito dunha existencia chea da máis absurda superficialidade a un abismo de dor. Vexo aos pobos lanzarse uns contra outros e matarse sen protestar, ignorantes, tolos, dóciles, inocentes. Vexo aos máis ilustres cerebros do mundo inventar armas e frases para facer posible todo iso durante máis tempo e con maior rendemento." (Edhasa, 230 pp, 2003- 12ª edición)

P á x i n a

4

N ú m e r o

5 1 –

1 º

t ri m e s tr e

2 0 1 8

A REVOLUCIÓN DOS SARIS ROSAS (Pink Saris, Kim Longinotto, 2010) Documental que protagoniza Sampat Pal, muller india líder do movemento das “Pink Saris”, cuxo símbolo de distinción é a vestimenta tradicional india, o sari, cunha rechamante cor rosa que irrompe coma un berro na multitude para denunciar e combater que as mulleres sexan tratadas como escravas por una sociedade fortemente machista e clasista. Sampat Pal, pertencente a casta dos intocables sabe ben do que fala, e sabe ben da importancia da súa misión: ela mesma foi obrigada a casar cando era una nena, pasando anos de fame e penurias na rúa ata conseguir facerse oír. Enfrontarase a quen sexa preciso para poder a axudar a calquera muller e levar orgullosa o sari rosa, símbolo da súa causa.

O TOURO FERDINANDO (The Story of Ferdinand', 1936) e FERDINAND (Carlos Saldanha, 2017) Ferdinand é un touro sensible e nada guerreiro, prefire cheirar as flores en lugar de competir en ferocidade cos outros touros. Non é covarde, é pacifista.

Como vive en España, alí, o soño de todo touro é que lle deixen participar nas corridas de Madrid. Pero isto non lle interesa a Ferdinand.

Todo cambiará o día en que o leven a tourear, cando o capturen por ser o touro máis grande, forte e rápido de toda a gandería, obrigándoo a adestrar para combater. Decidido a regresar a súa rutina, Ferdinand unirase a un grupo de inadaptados cos que vivirá unha gran aventura...

Película de animación baseada no conto A historia do touro Ferdinando (Kalandraka, 2016, 72 pp.) do escritor americano Munro Leaf. Unha fábula sobre a gran humanidade dun touro que se nega a atacar, fronte á bestialidade da xente que trata por todos os medios de facer que o touro sexa feroz.

ATA O ÚLTIMO HOME (Hacksaw Ridge, Mel Gibson , 2016) Filme baseado na historia real dun soldado do exército de EE. UU, o médico militar e seguidor da igrexa adventista do Sétimo día, Desmond Doss, quen se negou a portar armas na fronte e que, a pesar diso, foi condecorado coa Medalla de Honra do Congreso polo presidente Harry S. Truman, por salvar a vida a máis de 75 homes baixo o constante lume inimigo durante a brutal batalla de Okinawa, na Segunda Guerra Mundial. Doss quería servir ao seu país, pero desde pequeno fíxose unha promesa a si mesmo: non coller endexamais ningunha arma.

CANDO O VENTO SOPRA (When the Wind Blows, Jimmy T. Murakami, 1986) Unha parella de xubilados vive tranquilamente nunha remota zona rural de Gran Bretaña, distraídos nos seus nada agoniantes quefaceres.

De súpeto, a radio anuncia o inicio das hostilidades e ambos, con experiencia nos bombardeos da II Guerra Mundial, afánanse en construir un refuxio doméstico antinuclear. A deflagración non se fai esperar e o matrimonio pon en práctica os consellos dos folletos gobernamentais coa esperanza de sobrevivir.

Filme baseado na novela gráfica homónima de Raymond Briggs (versión de Rosa Montero, Editorial Debate, 1983) A VIDA E NADA MÁIS (La vie et rien d'autre, Betrand Tavernier, 1993) Unha acomodada parisiense busca ao seu marido desaparecido na I Guerra Mundial.

Tamén unha profesora nova, desesperada, tenta atopar ao seu noivo desaparecido.

As dúas mulleres coñecerán ao comandante Delaplane, encargado dunha sección do exército que realiza o penoso traballo de localizar e identificar aos mortos en acto de servizo e ao que ademais lle encomendaron a misión de elixir a un deses soldados mortos para levantar un monumento conmemorativo xunto ao Arco do Triunfo de París. Nova mostra de cine antibélico.