Número 56
8 MARZO 2019
I.E.S. “San Paio” — Tui
B
O
L
E
T
Í
N
D
O
E
Q
U
I
P
O
D
A
B
I
B
L
I
O
T
E
C
A
Especial Día Internacional da Muller 2019
Mulleres de cine ALITA: ANXO DE COMBATE (Robert Rodriguez, USA, 2019, 121´) Mentres Alita toma as rendas da súa nova vida e aprende a adaptarse ás perigosas rúas de Iron City, Ido tratará de protexela do seu propio pasado e o seu novo amigo Hugo ofrecerase a axudala a desenterrar as súas lembrazas. Alita descobre que posúe habilidades únicas. Recreación do clásico anime de 1993 Alita, Anxo de Combate. TRES ANUNCIOS NAS AFORAS (Martin McDonagh, Reino Unido, 2017, 112´) Película moi premiada. Mildred Hayes, unha muller de 50 anos cuxa filla adolescente foi violada e asasinada, decide iniciar pola súa conta unha guerra contra os policías do seu pobo, Ebbing, ao considerar que non investigan o suficiente para resolver o caso e que se faga xustiza. O seu primeiro paso será contratar uns valos publicitarios denunciando a situación e sinalando ao xefe de policía, William Willoughby, como responsable principal da pasividade dos corpos de seguridade. A CÁMARA DE CLAIRE (Hong Sang-soo, Corea do Sur, 2017, 69´) Durante unha viaxe de negocios ao Festival de Cannes a moza Manhee, asistente de vendas dunha distribuidora, é despedida pola súa xefa acusada de ser deshonesta, pero no fondo hai unha cuestión de celos. Por sorte, coñecerá allí a unha profesora chamada Claire, que fai fotos coa súa cámara Polaroid. Cada unha delas ten unha peculiar visión da vida, e xuntas chegan a entender os seus mundos respectivos. CUSTODIA COMPARTIDA (Xavier Legrand, Francia, 2017, 93´) Myriam e Antoine Besson divorciáronse, e ela solicita a custodia exclusiva do seu fillo Julien para protexelo dun pai ao que acusa de violento. Antoine defende o seu caso como un pai desprezado, e a xuíz do caso sentencia a favor da custodia compartida. Refén do crecente conflito entre os seus pais, o mozo Julien vese empuxado ao límite.
P á x i n a
2
N ú m e r o
5 6 –
8
m ar z o
2 0 1 9
DESOBEDIENCIA (Sebastián Lelio, Reino Unido, 2017, 114´) Unha muller que se criou nunha familia ortodoxa xudía regresa ao seu fogar debido a morte do seu pai, un rabino. A controversia non tardará en aparecer cando comeza a mostrar interese por unha vella amiga da infancia. A NOIVA DO DESERTO (Cecilia Atán, Valeria Pivato, Arxentina, 2017, 77´) Conta a historia de Teresa, unha muller de 54 anos que traballa como empregada doméstica nunha casa familiar en Buenos Aires. Durante décadas refuxiouse na rutina das súas tarefas, pero agora que a familia decidiu vender a casa, a súa vida empeza a cambalear. UN SOL INTERIOR (Claire Denis, Francia, 2017, 94´) Isabelle, nai solteira, artista divorciada cun fillo, busca o amor verdadeiro, pero só vai atopando decepcións... Filme inspirada no ensaio de Roland Barthes Fragmentos dun discurso amoroso. SEMPRE XUNTOS (BENZINHO), Gustavo Pizzi, Brasil, 2018, 95´ Irene é unha ama de casa de Rio de Janeiro, que ten catro fillos e acolleu á súa irmá e ao seu sobriño, vítimas de malos tratos. Xunto ao seu marido forman un clan moi unido pero han de lidar con moitos problemas no seu día a día. TULLY (Jason Reitman, Estados Unidos, 2018, 94´) Marlo é unha nai con tres fillos, o último acaba de nacer, que recibe un inesperado agasallo de parte do seu irmán: unha aia para axudala polas noites. Ao principio parécelle unha extravagancia, pero Marlo acaba tendo unha relación única con Tully, unha aia moza, amable, sorprendente e, en ocasións, difícil.
Mulleres de libro AMIS, Martín, A viúva preñada, Galaxia, Vigo, 2017, 504 pp. Nun castelo italiano no verán de 1970 media ducia de mozos aboian nun mar de cambios, apreixados no interior da historia da revolución sexual. As rapazas compórtanse coma se fosen mozos e os mozos fan o mesmo de sempre. Keith Nearing é un estudante de literatura inglesa que tenta tirar proveito do feminismo e do triunfo das mulleres. Décadas despois, en pleno século XXI, Keith ten que termar das consecuencias. CASTRO, Rosalía DE, Rosalía feminista (edición de Helena González), Xerais, Vigo, 2019, 168 pp. O feminismo e a reivindicación da muller na obra literaria de Rosalía. A poesía de Rosalía de Castro non é allea á reivindicación das mulleres; a meniña gaiteira que tatexa palabras inaugurais dunha nación non prevista; e a ira contra a precariedade, a compaixón polas persoas inocentes e tristes, a certeza da vulnerabilidade. Rosalía dálle voz á moza, á violada, á solteira, á vella, á nai obrigada a deixar o fillo só, ás mulleres confinadas entre o amor romántico e unha idea estreita de familia. Avisa dos perigos do gaiteiro da festa, do emigrante que non ha volver, da violencia do poder. Defende a xustiza pola man. E crea a viúva de vivo: esa muller soa, sen rostro, sen amor e tamén sen amo que resolve, Penélope galega, deixar de agardar.
N ú m e r o
5 6 –
8
m ar z o
2 0 1 9
P á x i n a
3
IGNOTOFSKY, Rachel, Mujeres de ciencia, Nórdica Libros, 2017, 118 pp. Este libro salienta as contribucións de cincuenta mulleres aos campos da ciencia, a tecnoloxía, a enxeñería e as matemáticas desde a antigüidade ata o mundo moderno. Contén infografías sobre temas relevantes como equipos de laboratorio, mulleres que traballan actualmente en campos relativos á ciencia e un glosario científico ilustrado. JUNYENT, Anna, Mujeres de Ghibli. La huella femenina de Miyazaki en el anime, Diábolo Ediciones, 2018, 210 pp. Studio Ghibli, un dos mellores estudos de animación das últimas décadas. xurdiu para dar vida a míticos filmes que foron deixando pegada nos corazóns de todos os espectadores. Un dos detalles máis salientábeis das súas películas é a presenza de personaxes femininos con características que ata o momento estaban reservadas aos homes. Mulleres fortes, empoderadas, decididas, hábiles… pero para nada perfectas. Miyazaki retrata fielmente e con realismo a humanidade que hai en cada un dos seus personaxes. E este libro, precisamente, pretende ilustrar e dar a coñecer este feito. MARAÑÓN, Iria, Educar en el feminismo, Plataforma Editorial, 2017, 272 pp. Os xogos e referentes culturais adestran ás nenas e nenos sobre como teñen que comportarse, expresarse e relacionarse. Necesitamos nenas e nenos con conciencia e compromiso, que defendan en publico a igualdade. Para construír unha sociedade xusta e igualitaria, as nosas criaturas teñen que ser poderosas, xustas, solidarias e felices. Para todo isto, é necesario educar no feminismo. MCCOY, Edain, A muller celta. Espírito e misterio, Toxosoutos, 2001, 360 pp. Velaquí unha muller guerreira que “sabe cando loitar como un león... A coraxe das súas conviccións é o seu escudo, a súa alma é a súa lanza e a súa vontade, a súa fonte de sabedoría”. Moitas mulleres andan a buscar unha imaxe do divino que reflicta como queren ser: fortes, creadoras e femininas. Atópanse a si mesmas na espiritualidade céltica, unha tradición que louva tódolos aspectos da divindade feminina. OLIVEIRA, Chis e TRABA DÍAZ, Amada, Ám@me, Galaxia, Vigo, 2018, 352 pp A amar apréndese, pero tamén debemos desaprender os modelos nocivos baseados nos mitos románticos, unha sexualidade condicionada pola pornografía e polos modelos do patriarcado, elementos aos que está exposta a xuventude actual sen que poida facer moito por evitalos. As autoras falan, de xeito accesible e divulgativo, sobre a complexidade do amor nestes tempos onde todo cambia á velocidade da luz. PIZÁN, Cristina de, La ciudad de las damas, Siruela, Madrid, 2013, 252 pp. A argumentación desta obra medieval abordando temas como a violación, a igualdade de sexos, o acceso das mulleres ao coñecemento, etc., convértena nun libro capital para a historia das mulleres e para o pensamento occidental. “... Nova é A Cidade das Damas co seu novo reino feminino, pois, en efecto, é a primeira vez que unha muller se levanta en contra da tradición masculina para crear unha conciencia de xénero. Esta obra (...), constrúe unha imaxe da muller e da feminidade a partir da modelaxe dun pensamento forxado en diálogo coa cultura, a dos homes, claro, pois non había outra, tanto a cortés como a clerical, pero sorprendentemente diferente. E a diferenza estriba en que quen fala, quen escribe, é unha muller.” comenta Victoria Cirlot.
P á x i n a
4
N ú m e r o
5 6 –
8
m ar z o
2 0 1 9
REY NÚÑEZ, María del Carmen, Mulleres, Toxosoutos, 2018, 290 pp. Novela centrada nas vidas de varias mulleres e en como se fan coas rendas da súa existencia arrepoñéndose a todo ao que o mundo as condenou. Mulleres afoutas que levantan a cabeza, que saen adiante, que se enfrontan aos seus medos e conquistan un futuro mellor sacando as unllas, erguendo a voz. RODRÍGUEZ, Anair, Pioneiras 2, Galegas que abriron camiño (ilustrado por Abi Castillo), Xerais, Vigo, 2019, 32 pp. Son fotógrafas, arquitectas, mestras, políticas, actrices, astrónomas, aviadoras... Neste segundo volume de Pioneiras. Galegas que abriron camiño aparecen novas mulleres donas de si; galegas que foron capaces de desviarse do vieiro que a sociedade do momento lles reservaba e faceren grandes contribucións sociais e conquistas de dereitos que legan ás novas xeracións. TURÍN, Adela, A historia dos Bonobos con lentes, kalandraka, 2013, 40 pp. Eles comían, viaxaban e modernizábanse mentres elas apañaban comida e criaban á prole. Pero os bonobos non aceptaban que as bonobas tamén puidesen aprender e evolucionar. Historia moi acaida para promover a equidade e romper cos estereotipos de xénero. UVE, Sandra, Supermujeres, superinventoras, Lunwerg. 2018, 216 pp. Esta obra presenta a máis de noventa mulleres de todos os tempos cuxas ideas brillantes transformaron a nosa vida e que lograron patentar un invento e, en definitiva, conquistar a súa liberdade física e intelectual. Esta viaxe ao mundo da creatividade permite dar a coñecer a tarefa destas mulleres e o cambio significativo que supuxo cada un dos seus inventos na nosa historia. VARELA, Nuria, Feminismo para principiantes, Ediciones B, 2019, 480 pp. Edición revisada, actualizada e ampliada do cómic do mesmo título de 2018 ilustrado por Antonia Santolaya. Nuria Varela repasa tres séculos de facer e desfacer o mundo, de alumar teorías, propostas e liderados fascinantes, e narra a aventura dunha axitación social que ningún outro movemento conseguiu manter durante tanto tempo. “O feminismo é a lanterna que revela as sombras de todas as grandes ideas xeradas e desenvoltas sen as mulleres e, en ocasións, á conta delas [...] As feministas empuñamos esa lanterna con orgullo por ser a herdanza de millóns de mulleres que, partindo da submisión forzada e mentres eran atacadas, ridiculizadas e vilipendiadas, souberon construír unha cultura, unha ética e unha ideoloxía novas e revolucionarias para enriquecer e democratizar o mundo. Levámola con orgullo porque a súa luz é a xustiza que ilumina as habitacións escurecidas pola intolerancia, os prexuízos, os abusos. Levámola con orgullo porque a súa luz dános a liberdade e a dignidade que fai xa demasiado tempo roubáronnos en detrimento dun mundo que sen nós non pode considerarse humano.” di a autora VV. AA., El futuro es femenino, Nube de Tinta, 2018, 48 pp. Libro ilustrado que reúne ás mellores ilustradoras do momento, e recolle contos inspiradores sobre as situacións ás que se enfrontan nenas e mulleres a diario, mostrando como os seus protagonistas dánlle a volta para empoderarse. Para coidarnos e querernos máis. Para dar voz ao que xa non se pode calar.