Número 57
Verán 2019
I.E.S. “San Paio” — Tui
B
O
L
E
T
Í
N
D
O
E
Q
U
I
P
O
D
A
B
I
B
L
I
O
T
E
C
A
Un verán de libro e película! O cambio climático non vai ser quen de modificar os nosos plans. Despois duns meses de intensas tarefas escolares, son chegados os tempos dun merecido descanso, un descanso que pode vir acompañado de actividades de ocio cultural: concertos, lecturas, viaxes... Aproveitemos a desconexión da nosa rutina curricular para atender ese libro que leva meses agardando a que entremos nas súas páxinas, esa película pendente de ver ou esa viaxe que aprazamos porque as urxencias escolares ocupaban todo o noso tempo. Leamos, viaxemos e gocemos deste período de vacacións para coller novos folgos de cara ao próximo curso. Dende a túa biblioteca queremos ofrecerche algunhas posibles lecturas e filmes, elixe en liberdade o que máis acaído atopes aos teus gustos e, en todo caso, con lecturas ou sen elas, con cine o sen cine, que teñas un bo verán, un verán de libro e de película! ALLENDE, Isabel, Largo pétalo de mar, Plaza & Janés, 2019, 384 pp. En agosto de 1939 Pablo Neruda organizou a migración do Winnipeg, o barco lendario que partiu desde a costa francesa rumbo a Chile con dous mil refuxiados españois que fuxían das brutais represalias do bando franquista. A partir deste acontecemento histórico, Isabel Allende relata a apaixonante odisea dunha pianista embarazada e un médico, obrigados a abandonar Barcelona cando cae a cidade en mans do inimigo e a buscar unha segunda oportunidade no exilio, nun país remoto onde empezar de cero. Para poder embarcar no Winnipeg Roser e Víctor finxen ser un matrimonio. En Chile, baixo a aparencia dunha familia convencional, atoparán unhas novas raíces e un prometedor porvir, pero a ameaza dunha nova ditadura dinamitará os seus proxectos. ANEIROS, Rosa, Orestes perde o sentido!, Xerais, Vigo, 2019, 112 pp. Cando unha mañá Orestes sae da casa atopa todo moi estraño. De súpeto, ve a súa irmá pequena soa na beirarrúa. Cóntalle que conseguiu fuxir do rei Koopa, pero que debe regresar axiña ao castelo onde estivo secuestrada e deixou esquecido o seu osiño. A partir dese momento, Orestes inicia unha disparatada carreira seguindo o rastro da súa irmá polas rúas dunha cidade onde vai ter que lidar coas normas de circulación viaria se quere chegar vivo á meta. BARCELÓ, Elia, O efecto Frankenstein, Rodeira, 336 pp. Unha novela que reflexiona sobre a igualdade entre sexos e clases. Nora viaxa ata finais do século XVIII. Alí terá que disfrazarse de home e tamén de señorita; adaptarse á vestimenta e aos costumes da época para lle axudar ao seu amigo Max a solucionar o problema coa criatura que o seu irresponsable amigo Víctor creou e abandonou no seu laboratorio. BERRONDO-AGRELL, Marie, Alicia en el País de los Pastelitos. Enigmas sobre teorías de álgebra, geometría y lógica, Gedisa, Barna, 2019, 189 pp. Enigmas matemáticos breves, sinxelos e escritos con sentido do humor. Ofrécense pistas, debuxos e rudimentos de teoría cun resumo de canto debes saber para atopar as solucións. Un exemplo: quero celebrar unha festa cos meus amigos e, coa miña paga semanal, comprarei uns doces. Se compro un, quedaranme 0,85 €. Con todo, se quero comprar catro, faltaranme 2,15 €. Canto custa un doce?
P á x i n a
2
N ú m e r o
5 7 –
V E R ÁN
2 0 1 9
CEA, Xosé DE, Revolución Detrito, Xerais, Vigo, 2019, 184 pp. Ticho, neno de once anos, malvive nunha chabola xunto co seu pai eivado e a súa irmá Area; traballa de sol a sol nunha mina de carbón mentres a irmá fai outro tanto nun vertedoiro de lixo. É o que fan para sobrevivir na República de Ocidia, un país gobernado con man de ferro por un ditador extravagante e sanguinario. A vida de Ticho estará marcada por ese traballo inhumano para un rapaz, pola ausencia da nai e por buscar na fantasía a válvula de escape a unha realidade tan terríbel. Mais Ticho cruzarase cun trasno na mina onde traballa e ese feito revolucionará a súa existencia e a da súa xente. COSTAS, Ledicia, Infamia, Xerais, Vigo, 2019, 272 pp. Unha historia de amor, odio e loucura na que Ledicia Costas explora o máis recóndito da alma humana. A avogada e profesora de dereito penal Emma Cruz trasládase a Merlo para impartir clases na Universidade, sen saber que ese lugar está sinalado pola desgraza. Cando chega alí cúmprense o 25 anos da desaparición das irmás Giraud, dúas nenas ás que semella que tragou a terra. Emma descubrirá que os habitantes de Merlo gardan segredos inconfesables, algúns deles imposibles de dixerir. ESMORÍS, Érica, Quen salva un can, (ilustracións de Iria Fafián), Xerais, Vigo, 2019, 208 pp. Por amor á súa cadela Nona, Rai lánzase á aventura máis disparatada e arriscada, na terra onde os cans falan. Conducido polos cans Brutus Máximus, Matateu von der Lempertaler, Sete e Garlapata, e pola gata Laika (voluntarios da asociación Amigos dos Humanos), Rai terá que atravesar as montañas Xemelgas, cruzar o bosque Escuro, superar o río Inquedo e, o máis importante, descifrar o corazón dos cinco voluntarios. Aventuras, emoción e humor nunha historia de busca e de sorprendentes achados. FERNÁNDEZ REGO, Fernando, Unha historia da música en Galicia. 19522018, Galaxia, Vigo, 2019, 848 pp. A partir de distintas entrevistas o autor presenta unha enciclopedia da nosa música, desde as orquestras dos anos cincuenta ata os grupos pop, rock, beat, yé-yé, progresivo, jazz rock, folk, garage, blues, surf, a canción de autor, a movida viguesa dos anos 80. Unha historia da música galega ilustrada con máis de mil imaxes de discos, grupos e festivais. GARCÍA TEIJEIRO, A., MARTÍN RAMOS, Juan Carlos, Versos e viceversos, (ilustracións de J. R. Alonso), Kalandraka, 2019, 64 pp. Unha obra coral de dous poetas, o galego García Teijeiro e o andaluz Martín Ramos, cuxo lirismo é potenciado polos debuxos de Juan Ramón Alonso. Versos do norte e versos do sur que van e veñen como as ondas do mar, vrsos que saben, arrecenden e soan a mar, para contemplalo e soñalo: vento, ondadas, caracolas, horizontes lonxanos, noites e lúas. LABRAÑA, Carlos, Estrelecer, Galaxia, Vigo, 2019, 88 pp. Un grupo de amigas atópanse pola noite nunha casa especial na que habita unha estraña muller que parece que trae a morte con ela. Carlos Labraña presenta unha historia negra onde todo é moito peor do que parece. Unha historia de medo, en que cada sombra agocha unha pregunta. LONGO, Andrej, A outra nai, Rinoceronte Editora, 2019, 194 pp. Genny ten dezaseis anos, traballa nun bar, xoga ao fútbol e fai o parvo co scooter. Tania ten quince anos, vai ao instituto e dorme nun cuarto con estrelas no teito. A nai de Genny ten corenta anos, pero aparenta máis; pasa o día arranxando pantalóns e de cando en vez bota o tarot. A de Tania é policía e non dubida en empregar a súa arma cando as cousas se complican. As vidas de Genny e Tania crúzanse traxicamente e unha nai decide tomar a xustiza pola man. MARTÍNEZ DE MIGUEL, Alejandra, Báilatelo sola, Plan B, 2019, 104 pp. A autora recolle neste poemario as súas contradicións, desexos, prantos, soños, as súas ganas de ser alguén na vida e non alguén de proveito. Está a súa voz e a de moitas mulleres. Están todas as veces que tivo que dicirse: «Báilatelo sola».
N ú m e r o
5 7 –
V E R ÁN
2 0 1 9
P á x i n a
3
MCMANUS, Karen M. Un de nós mente, Sushi Books, 322 pp. Dos cinco estudantes castigados nunha aula dun instituto, só catro saen con vida. Todos os superviventes teñen algo que agochar: Bronwyn, a alumna brillante que nunca rompeu un prato; Addy, a loura superficial; Nate, o traficante a pequena escala; e Cooper, o atleta. Simon, que desenvolveu unha app para móbiles na que divulga rumores sobre os seus compañeiros, morre na aula. Os catro superviventes convértense en sospeitosos. Ou talvez só sexan cabezas de turco… NÚÑEZ GONZÁLEZ, Pablo, As fillas do César, El Andén, 2008, 408 pp. Unha recreación do Lugo romano. As fillas do César chegan a Lucus Augusti para levar a cabo unha perigosa misión. Alí atoparán dous pobos galaicos enfrontados, os seus aliados das Sete Aldeas e os maléficos sureños de Gualmar. A morte da aspirante ao trono celta complicará a situación, pero o Consello de Sabios recibirá unha nova que provocará un xiro inesperado nos acontecementos. PORTABALES SANTOMÉ, Arantza, Beleza vermella, Galaxia, Vigo, 2019, 428 pp. En Santiago cométese un espantoso crime que ten a aparencia dunha obra de arte. A asasinada é a sobriña da máis importante artista galega e a maneira en que aparece o cadáver semella un dos seus traballos de vangarda. Todo o cuarto cuberto uniformemente co sangue da vítima. Seis persoas achegadas á vítima son sospeitosas. Arantza Portabales manexa a intriga coma unha mestra da novela negra galega contemporánea. REGUEIRA CEREIJO, Mª Rosario, Compañeira, non serva, Toxosoutos, 2019, 244 pp. As protagonistas desta obra loitan como poden contra as ofensas, insultos, discriminacións, opresións ou agresións que padecen polo feito de seren mulleres. Unhas, como Dona Herminia, víronse na obriga de vivir en soidade para poder manter a dignidade; outras como Filomena, asumiron un "rol masculino"; Amandina tivo que enfrontarse a unha sociedade fascista que lle negaba o dereito a estudar... E Elvira padeceu o maltrato físico no seo dunha familia que o sistema patriarcal e clerical vixente, lle ofreceu como un ideal de vida... Múltiples son al maneiras de vivir en igualdade, sen servilismos nin abusos. RÍOS, Eli, Remexido de patacas, Baía, 2019, 84 pp. Unha lectura para “emendar os hábitos aprendidos nesta sociedade. A partir do momento que experimentes a eliminación das desigualdades nos teus costumes comezarás a sentir os beneficios tanto na túa existencia como na da xente que te rodea” cuns ingredientes cifrados en acaídas doses de “equidade, empatía, sororidade e disidencia”. SANTOS, Care, Medo, Rodeira, 2019, 284 pp. Ás veces na vida das persoas ocorren sucesos que o cambian todo. O medo. Medo a vivir. Medo a non soportar vivir. Medo a ter que facelo. Medo a non saber como. Medo ao propio medo. Esta historia trata dunha desas persoas. Tamén trata dos celos. Os celos destrúennos por dentro e, ás veces, tamén por fóra. Os celos acaban con todo. E sempre pagamos por eles un prezo moi alto. Coma Éric, coma Xenia, coma Hugo. Porque aprender a vivir nunca é fácil. TIROLE, Jean, La economía del bien común, Debolsillo, 2018, 584 pp. Jean Tirole, premio nobel e director da Escola de Economía de Toulouse, fálanos de temas fundamentais da economía recente como poden ser a crise do 2008 coas súas latentes consecuencias, automatización versus desemprego, o cambio climático, o rol do estado ou a disrupción no paradigma económico que produciu a dixitalización dos bens e servizos. TOBARUELA, Pere, Formig4s. Misión Camiño de Santiago, (ilustracións de A. Meixide) Xerais, Vigo, 2019, 112 pp. Os FORMIG4S son unha brigada especial que vai ata calquera recuncho do mundo para esclarecer os casos máis enigmáticos e complicados. En Misión Camiño de Santiago investigan o estraño roubo dos restos do apóstolo Santiago. E para chegar ao fondo do asunto, emprenderán unha peculiar peregrinación no tempo: viaxarán polo camiño que, segundo conta a lenda, os discípulos do apóstolo percorreron para levar o corpo petrificado do seu mestre ata Compostela. YOUSAFZAI, Malala, Todas somos desplazadas, Alianza Editorial, 2019, 248 pp. Millóns de seres humanos viven no medio da guerra cada día. A súa realidade é a violencia, fogares destruídos, vidas inocentes perdidas. E a súa única elección para ter seguridade é marcharse. "Elixen" ser desprazados. Pero non é que sexa precisamente unha elección. Malala narra a súa propia experiencia de adaptarse a unha nova vida ao mesmo tempo que se estraña o fogar, e comparte tamén as historias persoais dalgunhas das mozas extraordinarias que coñeceu nas súas viaxes: mozas que perderon a súa comunidade, a súa familia e con frecuencia o único mundo que coñeceron.
P á x i n a
4
N ú m e r o
5 7 –
V E R ÁN
2 0 1 9
Cine para o verán ALADDIN (Guy Ritchie, USA, 2019, 128´).Aladdin é un adorable pero desafortunado ladrón namorado da filla do Sultán, a princesa Jasmine . Para conquistala, acepta o desafío de Jafar, que consiste en entrar nunha cova en metade do deserto para dar cunha lámpada máxica que lle concederá todos os seus desexos. Alí é onde Aladdin coñecerá ao Xenio, iniciando unha aventura como nunca antes imaxinara. A BIBLIOTECA DOS LIBROS REXEITADOS (Rémi Bezançon, Francia, 2019, 100´).Baseada na novela homónima de David Foenkinos (Alfaguara, 2017, 296 pp.) chea de misterio, romanticismo e humor e que ensina como un só libro pode cambiar a vida dos lectores. Nun pobo da Bretaña existe unha peculiar biblioteca que alberga libros rexeitados polas editoriais. Unha moza editora visita o lugar e descobre unha novela maxistral. O seu autor é alguén chamado Henri Pick, un cociñeiro dunha pequena pizzaría xa falecido. Segundo a súa viúva, Pick xamais leu un libro e o único que escribiu na súa vida foi a lista da compra. Quen era en realidade Henri Pick? ELISA E MARCELA (Isabel Coixet, España, 2019, 113´).Película baseada en feitos reais sobre o primeiro precedente de matrimonio homosexual en España. Galicia, finais do século XIX, Elisa e Marcela coñécense na escola onde estudan. O que empeza como unha simple amizade termina nunha relación amorosa tan intensa, que deberán vivila ás agachadas. No ano 1901, deciden casar. Para logralo, Elisa adopta a identidade masculina do seu falecido primo Mario e casan na parroquia dun municipio da Coruña. Claro que o ruxeruxe continúa, e ao descubrirse o engano, as dúas mulleres son denunciadas e perseguidas. Ambas as mozas deberán fuxir así para evitar entrar na cadea. MEN IN BLACK INTERNATIONAL (F. Gary Gray, USA, 2019, 115´).Adaptación cinematográfica dos cómics de Lowell Cunningham. Os Homes de Negro sempre protexeron a Terra das escouras do universo. Nesta nova aventura, enfrontaranse a súa maior ameaza ata a data: o topo na organización MIB. MR. LINK. A ORIXE PERDIDA (Chris Butler, USA, 2019, 95´).Sir Lionel Frost considérase o maior investigador de mitos, monstros e lendas. Estes cualificativos foron cuestionados polo seu círculo máis próximo, o que lle anima a comezar unha investigación polo noroeste americano en busca do Elo Perdido, unha misteriosa criatura metade humano, metade besta. O REI LEÓN (Jon Favreau, USA, 2019).Estrea no vindeiro mes. Tras o asasinato do seu pai, un novo león abandona o seu reino para descubrir o auténtico significado da responsabilidade e da valentía. Nova versión de "O Rey León", dirixida e producida por Jon Favreau, responsable da actualización, co mesmo formato, de "O libro da selva" (2016) ROCKETMAN (Dexter Fletcher, Reino Unido, 2019, 121´).Versión fílmica da historia de Elton John, desde os seus anos como neno prodixio do piano na Royal Academy of Music ata chegar a ser unha celebridade mundial grazas á súa influente e duradeira asociación co seu colaborador e letrista Bernie Taupin. SMALLFOOT (Karey Kirkpatrick e Jason Reisig, USA, 2018, 96´).Xiro á lenda de Bigfoot cando un Yeti novo e listo atópase con algo que pensaba que non existía: un ser humano. A noticia deste "humano" tráelle a fama e a oportunidade de conseguir á moza dos seus soños. Así mesmo, provoca unha conmoción na sinxela comunidade de Yetis ao preguntarse que outras cousas poden existir máis aló da súa aldea nevada. X-MEN: FÉNIX OSCURA (Simon Kin, USA, 2019, 116´).O equipo de mutantes deberá enfrontarse á súa propia compañeira Jean Gray, quen foi corrompida por unha forza dimensional demasiado poderosa como para controlala. Na súa misión por salvar á Terra do perigo inminente que supón Jean, deberán atopar a forma de poñer a salvo á súa amiga, quen se converteu en 'Fénix Escura' VINGADORES: ENDGAME (Anthony Russo e Joe Russo, USA, 2019, 181´).Despois dos eventos devastadores de 'Avengers: Infinity War', o universo está en ruínas debido ás accións de Thanos, o Titán Tolo. Coa axuda dos aliados que quedaron, os Vingadores deberán reunirse unha vez máis para tentar desfacer as súas accións e restaurar a orde no universo dunha vez por todas, sen importar cales son as consecuencias... Esta é a cuarta e última entrega da saga "Vingadores".