Número 62
Decembro 2020
I.E.S. “San Paio” — Tui
B
O
L
E
T
Í
N
D
O
E
Q
U
I
P
O
D
A
B
I
B
L
I
O
T
E
C
A
Unha posible viaxe polas xeografías lectoras deste atípico Nadal A pesar da COVID-19 chega o Nadal e, con el, as vacacións, tempo de lecer e de ler, tempo de parabéns e agasallos recíprocos. Por iso ofrecémosvos esta pequena guía con propostas lectoras pensadas para todo tipo de gustos e idades, para o teu uso privado ou para facer un agasallo. Anímate a navegar polas xeografías deste mapa da lectura e, sexas lector ou non, goza destas merecidas xornadas de descanso sen que che falte o agarimo e a compañía dos teus seres máis queridos. Así que, para estas vindeiras festas e para o Aninovo, Resistamos e Reexistiremos! Bo Nadal! Saudábel 2021! ALONSO DIZ, Miguel A. e BELOSO, Luz, Unha folla vermella, 2020, 68 pp. Álbum ilustrado de edición numerada e limitada que, cunha soa voz, fai unha reflexión crítica sobre o proceso de creación e a vida do creador nun entorno difícil como o de hoxe, as máis das veces sometido á presión do sistema. Crítica extensiva a todas as ramas da arte e que agardamos aniñe nas vosas almas. AVENDAÑO e GOGUE, A tropa contra o virus, Xerais, 2020, 104 pp. Monchiña e Floreano, personaxes dos chistes de Gogue, e a doutora Peralta únense para acabar co coronavirus. Os lugares desta narración sitúanse entre as Rías Baixas e Compostela; é nesta última cidade onte se desenvolve a batalla principal contra a COVID-19. Humor, amor, esperanza e solidariedade van da man nesta historia onde se mestura a maxia do cine de animación e a divulgación científica. BLANCO, Concha, Feminino singular, en plural, Baía, 2020, 60 pp. Moitas mulleres foron silenciadas, esquecidas ou agochadas polo simple feito de ter nacido mulleres. Cómpre loitar pola equidade de xénero e recuperar ás pioneiras, bravas e loitadoras. E isto podemos facelo a través da lírica como neste libro onde atoparás unha serie de poemas biográficos, (ilustrados por Laura Romero) dedicados a mulleres galegas destacadas pero que foron ocultadas e silenciadas ao longo da historia, tamén outros que falan de mulleres anónimas e máis próximas a nós; poemas comentados por dous nenos, Sabela e Roi que, ás veces, quedan abraiados porque descoñecían a algunhas das protagonistas dos poemas e non sabían das súas vivencias e valía. DÁVILA, Berta, Illa Decepción, Galaxia 2020, 142 pp. Que queda de nós nas casas nas que nalgún momento vivimos? Velaquí a pregunta que impulsa á narradora de Illa Decepción a realizar unha viaxe por todos os fogares que habitou e que, a súa vez, a habitaron a ela. Un percorrido físico que a levará a coñecer a súa amiga Amandine, actual residente no antigo apartamento familiar, mais tamén unha viaxe polos sendeiros da melancolía, un percorrido entre as paredes da vida que xa foi. Todo isto narrado desde o marco dunha pandemia mundial, onde as casas se converten, máis ca nunca, nunha illa na que refuxiarse. Contado, tamén, desde Illa Decepción, un fogar virtual creado dentro dun videoxogo e desde o que reflexionaremos, da man da voz íntima que nos guía, sobre se as casas son un lugar onde nalgún momento da vida nos asentamos ou se en realidade as levamos dentro de nós.
P á x i n a
2
N ú m e r o
6 2 –
d ec em b r o
2 0 2 0
FDEZ. SEGURA, Vanessa, Once contos peregrinos/Eleven pilgrim tales, Toxosoutos, 2020, 106 pp. Obra, en edición bilingüe galego-inglés, que recolle as pegadas de antigas lendas, crenzas e rituais galegos, todo un pensamento máxico que conforma parte da nosa idiosincrasia como comunidade.
GOSCINNY e UDERZO, Astérix e os normandos, Xerais, 2020, 48 pp. Unha nova entrega das aventuras dos irredutibles galos a cuxa aldea chegan os normandos.
GOTTUSO, Prieto, Dende 1880, Kalandraka, 2020, 32 pp.
Neste álbum ilustrado (recoñecido co premio Compostela 2020) unha libraría convértese nun bo espello para reflectir os sucesos históricos, os cambios sociais ou os avances tecnolóxicos producidos dende os últimos lustros do século dezanove ata a actualidade.
KORK, Carmen, Hijas de una nueva era, Planeta, 2020, 544 pp. A historia de catro mulleres do primeiro terzo do século XX, que loitaron as súas propias batallas coa forza da súa amizade, o amor e a valentía. Unha apaixonante recreación que describe escenarios totalmente opostos: a zona máis humilde dunha cidade portuaria como Hamburgo, a zona máis rica na que viven as familias adiñeiradas, as que aparentan a súa riqueza, un hospital no que se mesturan ricos e pobres, idealistas e ambiciosos, arribistas e persoas íntegras… LLOR, Fernando e PORTO, Miguel, Subnormal. Una historia de acoso escolar, Panini Cómics, 2020, 152 pp.
A historia en banda deseñada do ex-xogador de baloncesto Iñaki Zubizarreta, cando de neno no colexio sufría acoso escolar por parte dos seus compañeiros e dalgúns profesores. Isto levaralle a tratar de cambiar a súa vida tras estar a piques de suicidarse. A partir de aí tenta vivir a súa vida o mellor posible tratando de facerse respectar, aínda que non foi nada sinxelo e isto tivo consecuencias terribles para el. Anos despois seguiu pasándolle factura ata que, polo seu propio esforzo e vontade, conseguiu converterse na persoa que é hoxe en día.
LOUREIRO, Manel, La puerta, Planeta, 2020, 352 pp.
Raquel abandona o seu posto de investigadora nunha unidade especializada da Garda Civil, para irse a traballar a un remoto cuartel da Galicia profunda. O seu fillo ten un cancro incurábel. E nunha das aldeas próximas ao posto da Garda Civil, vive Ramona, unha curandeira que conseguiu milagrosas curacións. Mais cando chega Raquel atópase con que Ramona desapareceu e ademais ha de enfrontarse ao misterioso asasinato dunha muller. A nosa axente comezará unha desesperada carreira contra o reloxo para resolver o caso e así conseguir a última táboa de salvación que lle queda ao seu fillo.
MALLORQUÍ, César, O círculo escarlata, Rodeira, 2020, 264 pp.
Continuación de As lágrimas de Shiva. A acción sucede catro anos despois de que Javier e Violeta atopasen as lágrimas de Shiva. Javier pensa irse con dous amigos no verán nun Interrail pero uno deles sofre un pequeno accidente e non queren marchar sen el. Entón Violeta pídelle que vaia a Santander para resolver outro misterio. O misterio esta vez sucede coa familia de Elena, unha amiga de Violeta, que herdou unhas leiras pero non aparecen as escrituras. Na Mansión Kraken, unha parte da herdanza, pasa algo estraño, nótase como unha presenza, algo que xea o sangue. Cando os nosos protagonistas van á mansión, notan moito frío, un cheiro nauseabundo e golpes que fan tremer a casa. Ao longo da investigación atoparémonos cun relato mecanografado sen terminar, unha colección de selos desaparecida, unha habitación oculta nun armario, un ancián bondadoso, unha sociedade masónica secreta, un símbolo (o círculo escarlata) que se remonta a miles de anos antes de Cristo, tráfico de escravos, misterios familiares, ambicións… Moitos elementos cheos de misterio que cobran sentido cando Javier resolve o misterio.
N ú m e r o
6 2 –
d ec em b r o
2 0 2 0
P á x i n a
3
MCCARTHY, Michael, A brea de avelaíñas. Natureza e gozo, Kalandraka, 2020, 300 pp. Cada vez son máis as especies en perigo de extinción, cada vez son menos os espazos naturais incólumes. Este libro, combinando lembranzas, anécdotas e datos rigorosos enfocados á urxencia de frear a perda da biodiversidade, convídanos a redescubrir e gozar da natureza, a protexela e a contribuír a súa recuperación. MOREIRAS, Ana, Madialeva, Aira, 2020, 128 pp. Recompilación de historias contadas e protagonizadas por mulleres no medio rural. Esta banda deseñada comeza cando a xornalista televisiva Pelines, despois de sufrir comentarios machistas do seu xefe, chega a súa aldea de Miraz para buscar consolo no seo familiar. Ao vela tan aflixida, a súa nai preséntalle a Mirta e Gloria, dúas mulleres maiores que conquistan a Pelines cos relatos que lle contan. OGAWA, Yoko, La fórmula preferida del profesor, Funambulista, 2020, 320 pp. Conta a historia dunha nai solteira que entra a traballar como asistenta na casa dun vello e túzaro profesor de matemáticas que perdeu nun accidente a autonomía da súa memoria (só lle dura 80 minutos). Illado socialmente e obsesionado polos números, o profesor irase encariñando coa asistenta e o seu fillo de 10 anos, con quen comparte a paixón polo béisbol, ata que se fragua entre os tres unha improbable historia de amor, amizade e transmisión do saber. Unha novela onde os números primos teñen un evidente protagonismo. ORUÑA, Mª., O souto dos catro ventos, Aira, 2020, 352 pp. A comezos do XIX, o doutor Vallejo e a súa filla Mariña trasládanse dende de Valladolid á Ribeira Sacra onde o pai exerce como médico no mosteiro de Santo Estevo de Ribas de Sil. Alí descubrirán uns curiosos costumes e vivirán o esmorecemento do mosteiro. Mariña, muller interesada na medicina e a botánica, loitará contra as convencións da época e verase inmersa nunha aventura que garda un segredo de máis de mil anos. Na actualidade, o antropólogo Jon Bécquer (hóspede do parador situado nas dependencias do mosteiro), na súa busca de pezas históricas perdidas, investiga unha lenda. Nada máis comezar as súas pescudas, na horta do antigo mosteiro aparece o cadáver dun home vestido cun hábito de monxe bieto decimonónico. Ante isto Bécquer adentrarase nos bosques galegos para atopar respostas e viaxar no tempo. (NOTAS: A novela recolle unha lenda de aneis episcopais “máxicos”, catro deles acaban de aparecer nas obras de restauración dun relicario da igrexa monacal. A tradición mantén que catro dos bispos santos de Ribas de Sil ocuparon a sede tudense e tras a súa morte en aroma de santidade forman parte deste elenco de santos de Ribas de Sil ) ROONEY, Sally, Gente normal, Random House, 2019, 256 pp. Marianne e Connell son compañeiros de instituto pero non cruzan palabra. El é un dos populares e ela, unha moza solitaria que aprendeu a manterse lonxe do resto da xente. Todos saben que Marianne vive nunha mansión e que a nai de Connell encárgase da súa limpeza, pero ninguén imaxina que cada tarde os dous mozos coinciden. Un deses días, unha conversación banal será o inicio dunha relación que podería cambiar as súas vidas. Estamos ante unha historia de fascinación mutua, de amizade e de amor entre dúas persoas que non conseguen atoparse, unha reflexión sobre a dificultade para cambiar quen son. A serie televisiva Normal People (Lenny Abrahamson, Hettie Macdonald, Gran Bretaña, 2020) baséase nesta novela: nunha escola dun pequeno pobo ao oeste de Irlanda conviven Connell (un xogador de fútbol moi querido, atractivo e atlético e Marianne (unha moza orgullosa, impopular e solitaria que evita constantemente aos seus compañeiros de clase e desafía a autoridade dos seus profesores) Desde o momento en que Connell vai recoller á súa nai Lorraine ao seu traballo na casa de Marianne, comeza unha relación entre os dous adolescentes que eles queren ocultar diante dos seus compañeiros.
P á x i n a
4
N ú m e r o
6 2 –
d ec em b r o
2 0 2 0
TAHAN, Malba, El hombre que calculaba. Un cuento oriental para descubrir las matemáticas, RBA, 2018, 304 pp. Un clásico da literatura divulgativa cheo de enigmas e historias inesquecibles. Malba Tahan é o pseudónimo do profesor brasileiro Júlio César de Mello Souza que neste libro fala da viaxe de Beremís e Hanak na gran cidade de Bagdad, onde Beremís se fará famoso resolvendo situacións que para outros eran matematicamente imposibles (como a división dos 35 camelos entre 3 irmáns, ou o problema das sete perlas). No curso da historia, Beremís relacionarase con personaxes cada vez máis importantes como o Maharajá de Lahore; mentres que no seu momento de máxima gloria desposará a Telassim, a filla dun xeque, e a súa antiga estudante de matemáticas. A aventura está acompañada por un gran número de adiviñas e curiosidades matemáticas, como a incrible propiedade do número 142857. VV. AA., Antoloxía escolar da época Nós (edic. de Patricia Arias), Galaxia, 2020, 292 pp. A celebración do centenario da revista Nós e un óptimo momento para profundar nos textos, na ideoloxía e no pensamento das máis sobranceiras figuras da xeración Nós como Otero Pedrayo, Florentino Cuevillas, Castelao, Antón Losada ou Vicente Risco. VV. AA., Coraxe: poemas audaces para rapazas afoutas, Sushi Books, 2020, 188 pp. Para vencer os contratempos do mundo presente e futuro cómpre moita coraxe, a coraxe que zumegan os poemas desta escolma que aparecen clasificados por temas como o corpo e a identidade, a resilencia e a verdade, o poder e a protección, o amor e a perda, a familia e a fe... moi acaídos, sobre todo para as adolescentes de hoxe en día. YÁÑEZ, Antía, Plan de Rescate, Xerais, 2020, 176 páxinas. Pode que Xeila teña un cromosoma de máis, que a Heitor, ás veces, lle dea o mal cando o seu cerebro lle manda ordes confusas ao resto do seu corpo, que Aldán non se comunique demasiado -polo menos non sen os seus pictogramas- e que a Noela lle custe o seu moverse coas súas enormes rodas, pero cando se decatan de que o seu cole está en perigo, non o pensan dúas veces e axiña argallan un plan de rescate. Unha estratexia urdida desde a aula de apoio, onde cada un deles amosara ter adquirido as capacidades para desenvolverse en calquera situación, incluso ante un secuestro! Lograrán salvar a súa escola, os seus compañeiros, as súas mestras? Unha fermosa historia de superación, de amizade e de valentía. Non a perdades!
Bo Nadal!
Feliz 2021!