Número 64
Verán 2021
I.E.S. “San Paio” — Tui
B
O
L
E
T
Í
N
D
O
E
Q
U
I
P
O
D
A
B
I
B
L
I
O
T
E
C
A
Polas xeografías das lecturas estivais Despois deste complexo curso no que fomos quen de manter en gran medida a presencialidade, chega o tempo do relax das vacacións, un relax para o que vos ofertamos unha selección de lecturas que pretenden cubrir un amplo abano de gustos e afeccións. Oxalá que con estas ou outras propostas percorrades xeografías que, humana e literariamente, vos enchan de optimismo e saúde, sempre tan necesarios pero máis que nunca nas actuais circunstancias. Para tod@s: un saudábel e pracenteiro verán! AMMANITI, Niccoló, Ti e máis eu, Rinoceronte Editora, 2021, 124 pp. Lorenzo, un mozo de catorce anos, dilles aos pais que vai esquiar cos seus compañeiros de instituto, pero en realidade crea un refuxio no rocho para pasar as vacacións ao seu aire, sen ninguén que o moleste. Mais, a súa medio irmá Olivia, nove anos maior ca el, irrompe no seu retiro e obrígao a enfrontarse ao mundo exterior e a superar o seu carácter introvertido e neurótico. Le as primeiras páxinas: https://issuu.com/rinoceronte_edit/docs/ maq_tiemaiseu_mostra BANDERA, Mª Carmen DE LA, África en el corazón, Casals, 2010, 160 pp. A historia de Diko, un neno camerunés de doce anos que vive co seu avó na pequena aldea de Kogle. Diko é orfo de nai e o seu pai formou outra familia na próxima cidade de Poli. Diko ama a súa aldea, ao seu avó e ao seu amigo Massandé; o día que este morre acába a felicidade infantil de Diko. A partir deste intre, tentará saber cal é o seu lugar no mundo. Juan é un antropólogo español que se instala unha tempada en Kogle. Diko converterase no seu axudante, alumno de español e amigo. Cando morre o seu avó, Diko refúxiase cada vez máis en Juan. Soña con irse a Madrid con el. Mais Juan pídelle que espere ata que sexa maior de idade e que, entón, decida. Tamén lle explica que en España as leis son moi estritas pero que, no seu momento, el daralle axuda. Así llo promete antes de irse. Pero Diko decide non esperar e emprende a viaxe a Madrid pola súa conta. A viaxe de Diko enfróntanos á realidade dos nenos sós que loitan por sobrevivir e que son terriblemente utilizados. Diko será neno soldado en Liberia e, en Tánxer, entrará en contacto cos patróns das pateras que trafican con persoas. Finalmente, Diko, cruzará o estreito e conseguirá chegar ata Madrid e ata o seu amigo Juan. CANOSA, María, H2… Oh!!! Pingas científicas, Galaxia, Vigo, 2021, 88 pp. Neste libro atoparás unha morea de curiosidades científicas relacionadas co noso día a día. Cousas simples que temos ao noso carón, pero que teñen un funcionamento moi complexo. E todo contado dun xeito moi sinxelo por María Canosa e ilustrado por Luz Beloso. Unha mínima mostra de preguntas para as que terás resposta se les este libro: quen inventou os cascos protectores?, por que hai espellismos?, hai animais que nunca beben auga?, por que o número pi é infinito?...
P á x i n a
2
N ú m e r o
6 4 –
V E R Á N
2 0 2 1
CANOSA, María, GREGORES, Bea, Emilia Pardo Bazán. Unha mente prodixiosa, Bululú, 2021, 48 pp. Achegamento á figura polifacética de Emilia Pardo Bazán a través de momentos da súa apaixonante vida. A nena curiosa e gran lectora, a muller namorada e independente e a autora de carácter, rebelde ao rol que se esperaba dunha muller nun ambiente social e familiar privilexiado. A través da lectura, o estudo e unha capacidade de traballo infinita, conseguiu ser recoñecida no seu tempo sobrepoñéndose, en non poucos momentos, ao desdén de moitos compañeiros e académicos mentres era recoñecida, nacional e internacionalmente. CARBALLUDE Pepe, In memoriam, Xerais, Vigo, 2021, 184 pp. A escavación nun parque da cidade, onde sospeitan que están os restos dun fusilado pouco despois da Guerra Civil, desencadeará múltiples sorpresas, que saldarán débedas pasadas e avivecerán vellas historias adormecidas. Unha novela que busca facer xustiza e homenaxear ás persoas que entregaron á vida en defensa dos seus ideais. DUBOIS, Claude K., Akim corre, Loguez, 2015, 96 pp. Álbum ilustrado contado a través de imaxes, sen apenas cor e reducidas a figuras e escenarios mínimos, que retratan unha traxedia. O protagonista é un neno árabe, Akim, que un día ve chegar a guerra á súa cidade. Non sabemos por que, nin quen loitan, só podemos seguir o drama persoal deste pequeno xunto á súa familia, da que pronto se verá separado. Só, desamparado, atopa a protección de adultos que, como el, son vítimas dun conflito que non provocaron, ata que finalmente consegue fuxir a outro país. Perdeuno todo, pero polo menos xa non está ao alcance das bombas. EASTON, T. S., As rapazas non saben pegar, Sushi Books, 2021, 298 pp. Fleur, unha moza den dezaseis anos, asiste a clases de boxeo para retar ao club, que non permite que as rapazas adestren cos rapaces. Inesperadamente Fleur atopará unha nova forma de vida que a transformará e que preocupará á súa sobreprotectora nai. Le as primeiras páxinas: https://issuu.com/rinoceronte_edit/docs/ maq_as_rapazas_non_saben_pegar_mostra ESTRADA, Oriol, Cultura manga, Ma non troppo, 2020, 228 pp. Historia do manga moderno desde os seus inicios, a súa evolución e os factores históricos, sociais, económicos e culturais que o condicionaron, acompañada dos principais títulos que chegaron ata nós e seleccionando os autores e autoras indispensables dun xénero que non parou de crecer. Unha obra imprescindible para coñecer a evolución do manga e as súas curiosidades a partir de 80 historias seleccionadas e que permiten entender o éxito do cómic xaponés. Comeza a lectura: https://www.tagusbooks.com/leer? isbn=9788499176383&li=1&idsource=3001 GARCÍA TEIJEIRO, Antonio, LÓPEZ DOMÍNGUEZ, Xan, Canta, miña rula, canta, Galaxia, 2021, 32 pp. Os versos de García Teijeiro e as ilustracións de López Domínguez compenétranse neste libro cheo de luz, cores e músicas. A parella perfecta: sons que inspiran ao poeta e versos que inspiran ao ilustrador.
N ú m e r o
6 4 –
V E R ÁN
2 0 2 1
P á x i n a
3
GÓMEZ JURADO, Juan, Loba negra, Edicións B, 2019, 478 pp. En Loba negra, continuación de Reina roja, Antonia Scott recoñece que seguir viva nunca foi tan difícil e xunto ao inspector Jon Gutiérrez e Mentor, buscarán á súa inimiga. O mal está cada vez máis preto, a súa historia cada vez máis clara, e ,por primeira vez na vida, Antonia está asustada. GÓMEZ JURADO, Juan, Rey Blanco, Edicións B, 2020, 528 pp. Última entrega da triloxía. Cando Antonia Scott recibe a seguinte mensaxe: “espero que non te esqueceras de min, xogamos?, sabe moi ben quen llela envía. Tamén sabe que nese xogo é case imposible triunfar. Pero a Antonia non lle gusta perder... Comeza a lectura: https://www.tagusbooks.com/leer? isbn=9788466668613&li=1&idsource=3001 JACOBS, Anne, Las hijas de la villa de las telas, (Saga “Villa de las telas” 2) Praza & Janes, 2018, 618 pp. Época da I Guerra Mundial. A mansión da familia Melzer pasa a ser un hospital militar. As fillas da familia, axudadas polo servizo, convértense en enfermeiras que curan, coidan e escoitan aos feridos en combate. Mentres, Marie faise cargo da fábrica de teas en ausencia de Paul Melzer, o seu marido, que caerá prisioneiro de guerra. JACOBS, Anne, El legado de la villa de las telas, (Saga “Villa de las telas” 3) Praza & Janes, 2019, 560 pp. Terminada a guerra, a vida na vila e a fábrica recuperarán o seu esplendor. Ademais, os novos amores de parte da familia traerán felicidade. Con todo, Marie decide que é tempo de cumprir o seu soño e ter o seu propio taller de moda. KELLEN, Alice, 33 razóns para volver a verte, Ed. Titania, 2016, 320 pp. Primeiro libro da serie “Volver a ti”. Mike, Rachel, Luke e Jason foron amigos inseparables desde pequenos. Pero os seus camiños afastáronse cando Rachel cometeu o erro de namorarse do mozo equivocado, Mike. Cinco anos despois, o destino volve unilos; pero agora Rachel cambiou, é tan arisca como o seu gato Mantequilla e xa non confía en ninguén. KORN, Carmen, Tiempo de mujeres, (Saga “Hijas de una nueva era” 2), Planeta, 2020, 573 pp. Catro amigas loitan pola conquista da súa liberdade, nunha cidade devastada pola guerra. Inspirada en feitos reais, as protagonistas son heroínas no sentido máis clásico; rebeldes que loitaron contra as inxustizas establecidas, e que tiveron que facer fronte ao terrible réxime nazi. KORN, Carmen, Las cuatro amigas, (Saga “Hijas de una nueva era” 3), Planeta, 2021, 528 pp. Hamburgo nos convulsos anos setenta: Henny prepara o seu septuaxésimo aniversario rodeada da súa familia e as súas amigas. O fío da amizade que unía a súa vida coa de Käthe, Lina e Ida continúa agora nas novas xeracións, e todas elas comparten a felicidade e a desgraza, os momentos insignificantes e os importantes. De transfondo, os grandes acontecementos políticos e sociais do seu tempo: a Alemaña dividida, a guerra de Vietnam e, finalmente, a caída do Muro de Berlín en 1989. Pero antes de que a historia interveña para romper esta barreira, pechar unha era e abrir unha nova, a vida das nosas queridas protagonistas sufrirá varios vaivéns máis.
P á x i n a
4
N ú m e r o
6 4 –
V E R ÁN
2 0 2 1
LABRAÑA, Carlos, Contra o reloxo, Galaxia, Vigo, 2021, 128 pp. Un vello reloxeiro dunha pequena vila sinte que xa chegou á idade na que o final está próximo, enviuvou quedando só e chegou o seu aniversario. Xa tomara a decisión de pechar a súa reloxaría, pero ese mesmo día comezan a pasar cousas estrañas nelía: chegan envíos anónimos, entra xente rara a mercar e comezan a sucederse problemas cos veciños… O paso do tempo e os maiores son o verdadeiro obxecto desta historia. Unha obra teatral de rápida e fácil lectura. LEVITHAN, David: Cada día, Ed. Molino, 2012, 304 pp. Cada mañá, A esperta no corpo e a vida dunha persoa diferente. Nunca hai aviso previo de onde ocorrerá ou quen será o elixido. Pero A xa se fixo á idea diso. Ten unha serie de normas que segue para vivir: nunca involucrarse, pasar desapercibido, non interferir. Todo está ben ata a mañá na que A se esperta no corpo de Justin e coñece á noiva deste. A partir dese momento, as normas polas que se guiou sempre deixan de ter sentido. LÓPEZ, Siro, Esencia. Diseño de espacios educativos, Edelvives, 2018, 367 pp. Obra de divulgación coa que percorreremos os espazos dun centro educativo coas lentes da innovación, para que todos os axentes educativos poidan poñer o mellor de si mesmos no día a día. Reflexión e ideas no deseño ou construción da escola que queremos con exemplos de escolas repartidas que son pura inspiración. Desde a entrada do centro, ata as aulas, os baños, as paredes, o patio, a biblioteca ou a sala de profesores… Un libro que axuda a deseñar, construír e amoblar o centro educativo. LUACES, Beto, Vicus. Un lugar aquelado, Bolanda, 2019, 373 pp. Segunda entrega da serie de novela negra centrada no mundo da conserva viguesa. O asasinato dun dos últimos representantes da “estirpe empresarial máis grande de Vigo” escabechado na súa propia fábrica leva á viúva a contratar ao detective Manuel Peixoto para descubrir que pasou. Polo camiño, descubrirá a historia da actual cidade de Vigo ligada ao mundo da conserva. O ex-policía expulsado do corpo tras os sucesos da primeira novela (Vicus. Un lugar do común) é agora o protagonista mentres o arquitecto Senén Barreiro pasa a un segundo plano. Quen segue moi presente de novo é a poderosa e enigmática serra do Suído. MANZANO, Eva, Recetas de lluvia y azúcar, Thule, 2010, 64 pp. Libro que reflicte o noso mundo emocional e que nolo acerca dunha maneira intelixente e emotiva sen deixar de lado uns lixeiros toques de bo humor. Nel atoparemos definicións de sentimentos, xogos de palabras, recursos variados e tanta imaxinación que será necesario ir facendo tempo para que asenten tantos termos. Un verdadeiro imaxinario para reflexionar sobre a nosa vida, sobre as sensacións e emocións. MARTÍNEZ GONZÁLEZ, Xurxo, Marxes. Guía ilustrada do Vigo rebelde, Xerais, Vigo, 2021, 208 pp. Unha xeografía viguesa na que se rememoran, con textos, fotografías e ilustracións, as batallas do Vigo rebelde e solidario. 40 historias reais que retratan con emoción episodios relevantes para as clases populares viguesas. Obra ilustrada por David Rodríguez que nos convida a percorrer lendo e andando os distintos escenarios das súas historias. MATA GLEZ., Karen, Fingiendo amor, Editorial Naranja, 2021, 413 pp. Hunter Cros. Como o describiría? Ben, é un mozo problemático. Pasatempo favorito? Participar en pelexas clandestinas. Que é o que máis lle gusta facer? Definitivamente romper as regras. Algo máis que agregar? Mmm... case o esquezo. Farías moi ben en non esquecer o seu nome. Por que? Porque Hunter Cros significa problemas.
P á x i n a
5
N ú m e r o
6 4 –
V E R Á N
2 0 2 1
McMAHOU, Patty: Ni tú eres un príncipe nin yo perdí un zapato, Ed. Planeta, 2019, 400 pp. A vida de Malena era case perfecta ata que, o día antes da súa voda, o seu futuro marido comunícalle que a súa relación foi unha equivocación e que non vai casar con ela. Afundida, acepta o plan da súa mellor amiga, aproveitar a viaxe de noivos e tomar unhas vacacións xuntas. O que ela non imaxina é que esa viaxe cambiará a súa vida para sempre. NEGRO, Carlos, OTERO, Benxamín, Estrita necesidade, Alvarellos Editora, 2021, 102 pp. Unha homenaxe, escrita e visual, á xeración de pais e nais da posguerra, a uns tempos de racionamento, austeridade, duro traballo, afectos fondos e resistencia. “Este libro establece un diálogo coa figura paterna, pescuda nas tensións íntimas da masculinidade, captura a relación entre un corpo e os obxectos que o rodean, entre as mans e a ferramenta, entre a palabra e os múltiples silencios que habitan nas elipses dunha biografía. Este libro retrata unha xeración de homes que nunca botou os restos de comida ao caldeiro do lixo. E deixa sobre o prato a prana dunha mazá, a esencia da luz, o termar da memoria entre as sombras. Este libro é de estrita necesidade, como as fotografías que o alumean” (Carlos Negro) NOGUEROL, Jei, Folgos. Trobas existenciais, Galaxia, Vigo, 2021, 64 pp. Música é poesía son irmás. Noguerol, cantautor imprescindíbel para entender a música galega do último medio século, descobre nesta obra ao poeta que xa albergaba nas súas músicas. “Unha (nova) gorxa que rebenta para sinalar a realidade e transformala” (da presentación editorial) OREIRO, Lois, Os mundos de agora, Galaxia, Vigo, 2021, 348 pp. Seremos ciborgs? Nacen, viven e morren os ciborgs? Aman e pensan como nós? As Big Tech abriron as fronteiras entre o laboral e o ocio e entre o íntimo e o social mentres explotan libremente os nosos datos e absorben a nosa atención. Chegaremos a albergar implantes cerebrais e corporais para transmitir mellor, aptos incluso para pensar por nós? As novas necesidades sanitarias e laborais lexitiman para modificar a intelixencia, os sentidos, as emocións?… PARDO BEDIA, Xavier, O Camiño de Nós, Aira das Letras, 2020, 156 pp. En xullo do 1926 un grupo de peregrinos saen de Ourense camiño de Compostela. Estes peregrinos son Xavier Pardo Bedia, Ramón Otero Pedrayo, Vicente Risco, Afonso Vázquez Monxardín, Lois Feixoo, Florentino López Cuevillas e Antón Sánchez: sete galeguistas que descubriron coas botas nos pés, o seu propio país. Un traxecto espiritual, simbólico e fundamental para a identidade galega. Mais tamén un camiño material que percorreu as parroquias e lugares dos concellos de Ourense, Amoeiro, Maside, O Carballiño, O Irixo, Lalín, Silleda, A Estrada, Vedra, Teo e Santiago de Compostela, deixándonos estampas de sublime beleza. Estamos diante da edición das crónicas que naquel momento publicou en A Nosa Terra o propio Xavier Pardo, acompañadas coas fotografías de Xulio Gil e das ilustracións de Isabell Seidel. ROONEY, Sally, Xente normal, Rinoceronte Editora, 2021, 270 pp. Marianne e Connell son dous adolescentes que só teñen en común a vila irlandesa onde habitan. Ela é altiva e marxinada, mentres que el é un dos rapaces máis populares do seu instituto. Con todo, comezan unha relación secreta que cambia as súas vidas. O intenso vínculo entre ambos continúa anos despois, no seu paso pola universidade, e marcará a súa entrada na vida adulta. Le as primeiras páxinas: https://issuu.com/rinoceronte_edit/docs/ maq_xentenormal_mostra
P á x i n a
6
N ú m e r o
6 4 –
V E R ÁN
2 0 2 1
VANDER ZEE, Ruth, A historia de Erika, Kalandraka, 2007, 32 pp. Este álbum ilustrado narra a historia de Erika, unha supervivente do Holocausto, que conta, de maneira aterradora os seus recordos, acercándonos o tema da guerra e do odio intercultural e pretendendo inculcar valores de respecto cara outras culturas, aos refuxiados… As ilustracións hiperrealistas semellan fotogramas dun filme e acompáñanse cun texto moi duro que describe a situación. VARELA, Carme, As desterradas, Xerais, Vigo, 2021, 108 pp. Peza teatral que recrea a loita entre a Coroa de Castela e os mosteiros bieitos galegos nos séculos XV e XVI, en concreto o mosteiro de Albeos. Unha historia de resistencia protagonizada por un pequeno grupo de monxas que mantiveron unha valente e desigual pelexa cos grandes poderes do seu tempo: a coroa e o papado. VARELA FERREIRO, Alberto, Wolfram. Espías, nazis e maquis, Xerais, Vigo, 2020, 87 pp. A explotación do volframio das minas galegas, as labores de espionaxe e contraespionaxe a cargo da Alemaña nazi e dos aliados, o papel colaboracionista do goberno español coas potencias do eixe camuflado na suposta neutralidade ou na política de non belixerancia xa foi tratado en diversos textos de carácter histórico e novelístico. Agora estes mesmos temas aparecen en formato de banda deseñada. VON HOLLEBEN, Jan, Taller de fotografía fantástica, Gustavo Gili, 2019, 96 pp. Cun móbil na man o noso potencial como fotógrafos non ten límites. E si queremos crear mundos imposibles dun xeito moi doado? Este libro ensinarache a facer realidade calquera fantasía imaxinable. So precisas unha cámara ou un móbil para por en marcha a túa imaxinación e descubrir todo o que podes chegar a crear neste taller de fotografía fantástica. Este libro é para te divertir só ou en compañía das túas amizades, para darlle calidade aos teus traballos da clase, para montar unha fantástica exposición… WANG, Jen, El príncipe y la modista, Sapristi, 2018, 284 pp. Os pais do príncipe Sebastian están a lle buscar noiva porque el anda demasiado ocupado tratando de agochar o seu pequeno secreto: vestirse de muller e saír a gozar da noite parisiense, sempre ocultando a súa identidade. A arma secreta de Sebastian -e tamén a súa mellor amiga- é a brillante costureira Frances, quen debe ocultar publicamente o seu propio oficio para non delatar ao príncipe, o que tamén converte a súa vida nun misterio para todos. Día a día, a súa colaboración co príncipe aumenta case tanto como os seus mutuos sentimentos: admiración, respecto pola diferencia, tolerancia, identidade sexual, amor… van da man nesta marabillosa novela gráfica. Campo de plumas. Poemas LGBT+ para a mocidade dende a Antigüidade ata hoxe (escolma e tradución de Jesús Castro Yáñez), Sushi Books, 2021, 194 pp. Moitos poetas compuxeron versos que dan conta de diversas identidades e orientacións sexuais. Nesta obra aparecen algúns deles traducidos á nosa lingua, con gran coidado e sensibilidade. mantendo unha relación fluída e natural entre si e dialogando coa xuventude actual. Le as primeiras páxinas: https://issuu.com/rinoceronte_edit/docs/ campo_de_plumas_mostra