Biblioxornal nº 65

Número 65

Decembro 2021

I.E.S. “San Paio” — Tui

B

O

L

E

T

Í

N

D

O

E

Q

U

I

P

O

D

A

B

I

B

L

I

O

T

E

C

A

O Nadal ten a palabra

Tempo de Nadal, tempo de bos propósitos e boas palabras, tempo de lecer e de ler, tempo de amigos invisíbeis e agasallos recíprocos. Por iso, un ano máis, ofrecémosvos esta pequena dose de lecturas para todo tipo de gustos e idades, para o teu gozo privado ou para compartir. En calquera caso e, por riba de todo, con lecturas ou sen elas, deixa que os óptimos devezos e as mellores palabras do Nadal enchan todos os corazóns e cheguen a todos os lugares, e ti tamén goza destes días de descanso a carón dos teus. Boas Festas e que o 2022 veña cheo de saúde e ledicia!

ALONSO, Mª et alii, Longas sombras na pedra, Urco Editora, 2019, 297 pp.

Unha nova visión arredor do nacemento de Compostela como urbe, sempre cun pouso de misterio e enigma. Nove relatos situados nun momento da historia da cidade, coa intención de abranguer desde o período en que esta nin sequera existe até a época contemporánea. Entremedias, destacan episodios tan sobranceiros como o achado do sepulcro do Apóstolo, a Inquisición ou a presenza da masonaría na cidade.

ARIAS, Xela, Cancións, Xerais, Vigo, 2021, 120 pp.

Xela Arias escribiu letras de cancións para o grupo de rock vigués Desertores. “Teño que recoñecer que me sinto moitísimo máis influída polo mundo do rock'n'roll que polo dos poetas galegos”, dixo a poeta. Hoxe podemos coñecer esas letras compostas na última metade dos oitenta do pasado século e escoitar un CD da banda Desertores gravado en xullo de 2021 que reúne todos os temas escritos pola poeta.

BARREIRA FREIJE, Andrea, Desmontando o corpo, construíndo a ciencia. As xemelgas Fernández de La Vega, Baía Edicións, 2021, 48 pp.

Descobre como funciona o teu corpo da man das xemelgas Elisa e Jimena Fernández de la Vega, as primeiras doutoras que estudaron na Universidade de Santiago e que contribuíron a debuxar o mapa do noso corpo e non ocultaron que eran mulleres BAUMAN, Yoram Bauman e KLEIN, Grady, Introdución á economía en banda deseñada. Volume I: Microeconomía, Laiovento, Compostela, 2021, 236 pp.

Unha ollada reveladora e amena ás razóns polas que as nosas decisións cotiás son importantes e a como se combinan unhas coas outras. En palabras do Nobel de Economía Eric Maskin: “Humor e economía non son cousas que adoiten ir xuntas, mais este libro contén abondo das dúas e ten o mérito de explicar conceptos económicos importantes dun xeito sinxelo, preciso e ameno – todo un acerto.”

COLOMBANI, Laetitia, A trenza, Rinoceronte, 2021, 200 pp.

As diversas historias de tres mulleres: Smita é unha intocable, que traballa recollendo excrementos como o fixeron todas as mulleres da súa familia anteriormente. Ela asumiu a vida que lle tocou vivir, pero non está disposta a que a súa filla Lalita teña que pasar polo mesmo. En Italia Giulia fai perrucas e postizos na empresa familiar. É a única que elixiu continuar os pasos do seu pai, pero cando este sofre un accidente Giulia descobre que o negocio está a piques de quebrar e afronta a adversidade con valentía e determinación.

P á x i n a

2

N ú m e r o

6 5 –

d ec em b r o

2 0 2 1

Pola súa banda Sarah é unha avogada canadense, que só vive para traballar e sacrificou a súa vida privada para romper o teito de cristal no bufete no que traballa. Mais un día…

CONNOLLY, Ray, Ser Elvis. Una vida solitaria, Alianza, Madrid, 2021, 440 pp.

A través desta biografía, que bebe de múltiples fontes, coñecemos ao ególatra, o actor frustrado, o bo fillo, o soldado comprometido, o amante insaciable, o orgulloso, o artista atormentado na intimidade, o xenio, o cantante magnético e carismático… As súas relacións e encontros con outros mitos do século XX e os momentos máis importantes da súa traxectoria. A obra servirá aos adolescentes melómanos de hoxe a valorar a importancia da discografía de Elvis ou a comprender a verdadeira dimensión da súa irrupción na cultura norteamericana, alterando a forma de afrontar as actuacións en directo, a estética imperante, xerando o “fenómeno fan”, fusionando culturas e ritmos…

COSTAS, Ledicia, Golpes de luz, Xerais, Vigo, 2021, 288 pp.

Xulia, unha xornalista separada, regresa a Galicia con Sebas, o seu fillo. Sebas ten dez anos e está convencido de que a avoa Luz é o deus Thor porque nunca se separa do seu martelo. Malia que agoche polvoróns nas medias, beba Sansón ata ver dobre e minta sen parar, Sebas adora a súa avoa. Xulia non pensa o mesmo. Para ela, volver á casa familiar supón enfrontarse a un pasado cheo de segredos que precisa desvelar.

O narcotráfico na Galicia dos anos noventa, o mundo dos coidados e a procura da verdade envolven esta novela.

DICK, Philip K., Tiempo de Marte, Minotauro, Barna, 2021, 250 pp.

Unha das obras máis representativas de Philip K. Dick, todo un referente da literatura de ciencia ficción. En Marte a sociedade reproduce as mesmas xerarquías de poder da Terra. Neste escenario, un esquizofrénico e un neno autista veranse atrapados nunha intriga de intereses enfrontados. O autor elabora unha sátira sobre o mundo dos negocios e reflexiona sobre a natureza humana, a enfermidade mental e a física do tempo, abordando unha infinidade de temas sociais e políticos.

FERNÁNDEZ BRAVO, José Antonio, O sorriso do coñecemento, Kalandraka, Pontevedra, 2021, 232 pp.

Un libro ''para aprender a ensinar e ensinar a aprender'', una obra que parte da premisa de entender a educación como un principio activo para ou desenvolvemento integral das persoas. Unha reflexión sobre a realidade da escola actual que nos descobre con humor formas de facer e ofrece maneiras de actuar respectuosas para ensinar desde quen aprende.

FELPETO LAGOA, Matilde, Doces e lambetadas. Receitas con historia, Xerais, Vigo, 2021, 152 pp.

Se ademais de comelos, gústalle coñecer a elaboración de doces e lambetadas, esta pode ser unha boa suxestión gastrolectora. Máis de 50 deliciosas receitas con historia: desde a torta de Santiago ás filloas, desde as natas de Belém ao mousse de chocolate, desde a torta real de Allariz ao arroz con leite, desde a crema queimada ao tiramisú e tamén o pão-de-ló á charlota, os brownies, os melindres, o roscón de reis, a torta San Marcos ou o pudin de castañas... Bo proveito e boa lectura!

GÓMEZ ÁLVAREZ, Lucía, Florencio Manuel Delgado Gurriarán. Un legado infindo, Galaxia, Vigo, 2021, 36 pp.

A vida de Delgado Gurriarán, autor a quen se dedica o Día das Letras 2022, ao alcance de todos nun formato breve e de lectura fácil.

GOSCINNY, René, UDERZO, Albert et alii, Astérix e o grifón, Xerais, Vigo ,2021, 48 pp.

Unha nova entrega de Astérix despois da morte de Uderzo. No ano 50 a. C. case toda a Galia está ocupada polos romanos mais uns poucos e irredutibles galos seguen rersistinto ao invasor e a situación das gornicións de lexionarios romanos nos reducidos campamentos de Babaórum, Aquárium, Laudánum e Petibónum non é fácil.

N ú m e r o

6 5 –

d ec em b r o

2 0 2 1

P á x i n a

3

HEUMANN, Monika et Hans-Günter, Historia de la música para niños, Siruela, 2021, 184 pp.

Magnífica panorámica da música desde a Antigüedad ata finais do XX. Exposición ilustrada, viva e suxestiva que estuda os movementos e correntes máis famosas, expondo xogos de preguntas... A viaxe no tempo de Clara e Federico permite coñecer o perfil de varios autores/ as, tamén os inventos asociados a cada momento, os nomes de emblemáticos virtuosos que destacaron na súa especialidade... Unha ampla información histórica, estruturada nunha dobre liña (relato da travesía imaxinaria, nas páxinas de cor amarela, e descrición e curiosidades de cada etapa, en papel branco).

HUXLEY, Aldous, Un espléndido mundo novo, Faktoría K, 2021, 344 pp.

Unha distopía visionaria e premonitoria. Esta novela presenta un futuro lonxano onde o mundo alcanza a felicidade absoluta grazas a unha nova realidade deseñada a partir do lema “Comunidade, identidade, estabilidade”. A poboación vive na ignorancia a través dun depurado lavado de cerebro. Naquela sociedade ideal, todo estaba planificado, non existe a violencia e os humanos clasifícanse en castes.

MORLEY, Christopher, O Parnaso sobre rodas, Rinoceronte, 2021, 226 pp.

Helen McGill é unha muller de 39 anos que vive nunha granxa co seu irmán, Andrew, ao que só lle interesa ser un escritor famoso. Helen está cansa de ter que coidar sempre del, así que, cando Roger Mifflin se presenta na súa casa coa intención de venderlle a súa librería ambulante a Andrew, decide mercala ela mesma. Helen quere aproveitar esta oportunidade para vivir as súas propias aventuras e percorrer o mundo, e a travesía co señor Mifflin, chea de andanzas e sucesos extraordinarios, fai que se entusiasme coa natureza e cos libros e descubra os valores e o estilo de vida dun vendedor ambulante.

PENALONGA, Anxo, Alicia en el pais de la economía, Compartiendo Conocimiento, 2020, 148 pp.

Alicia viaxa ao país da economía para recuperar o seu móbil. É un mundo absurdo pero ao mesmo tempo fascinante e máxico, onde só as regras económicas parecen ter lóxica. A través das súas aventuras, Alicia non só aprenderá economía, senón que tamén se atopará con ela mesma e mesmo chegará a apreciar o valor do tempo e o das cousas pequenas do día a día.

PÉREZ PÉREZ, Tito, O grupo, Medulia, 2021, 138 pp.

Os personaxes desta novela curta, localizada en A Coruña, acaban por conformar o entorno urbano do que eles mesmos participan. O modo de falar, a pandilla, os lugares ós que adoitan ir. Todo queda reflectido nestas páxinas que poderían ser protagonizadas por calquera grupo de rapaces.

RIVAS, Manuel, A nena lectora, (ilustracións de Susana Suniaga), Xerais, Vigo, 2021, 40 pp.

Entre finais do século XIX e comezos do XX a cidade da Coruña foi faro do pensamento libertario en Galicia. Os ateneos e as bibliotecas de barrio eran a porta de acceso á cultura das clases populares, a solidariedade obreira floreceu. Nas fábricas de tabacos e de mistos as traballadoras organizáronse para mellorar as súas condicións de vida. A lectura dentro das fábricas é o símbolo poderoso deste movemento de esperanza que se viu truncado a partir de 1936.

RODRÍGUEZ SALINAS, Santiago, Illote P, Barraca 16, Galaxia, Vigo, 184 pp.

Tras o final Guerra Civil española, miles de refuxiados acabaron nos campos de concentración franceses. Santiago Rodríguez Salinas, un deses refuxiados, achéganos á vida nos campos de concentración, narrando feitos reais e circunstancias que amosan o grande espírito de acomodación e de improvisación dun pobo que soubo sobrepoñerse á traxedia e, con estoicismo, ás veces heroico, resolver con inventiva e graza innatas, situacións difíciles.

P á x i n a

4

N ú m e r o

6 5 –

d ec em b r o

2 0 2 1

RUBÍN, David, O salón de té do oso malaio, Demo Editorial, 184 pp.

Novela gráfica que presenta unha compilación de historias co fío común do local que dá título ao libro, un salón de té moi especial rexentado por Sigfrido, un oso antropomórfico especialista en infusións e licores, cunha sensibilidade tal que el mesmo define o seu negocio como un consultorio psicoanímico. Este curioso oso levanta acta de relatos de amor e desamor, de lealtades, de emocionadas lembranzas, de violencia e de estratexias para sortear o naufraxio do individuo.

TAMARIT, Nuria, Dúas moedas, Retranca Editora, 2020, 120 pp.

Novela Gráfica que é a colorista mirada a unha parte da realidade africana, tan vasta e complexa como fascinante nas súas particularidades. Mar, unha adolescente europea, viaxa a Senegal acompañando á súa nai, que traballa no proxecto de construción dunha biblioteca e unha emisora de radio nun pobo de agricultores e pescadores. Habituada ás comodidades e dinámicas do chamado primeiro mundo, a medida que se vaia aclimatando aos ritmos e costumes do lugar irá tomando conciencia de que a metade da súa equipaxe eran tópicos, prexuízos e descoñecemento. Sobre o terreo, Mar descubrirá unha cultura sensual e hospitalaria, unha paisaxe de beleza insólita e unha sociedade con problemáticas moi específicas e sometida a graves desaxustes políticos, pero tamén allea a moitas das nosas servidumes cotiás.

WEGELIUS, Jakob, Os espías de Oreborg, Sushi Books, 2021, 96 pp.

Un descoñecido baixa do ferrobús na estación de tren de Oreborg. Ten unha leve coxeira e leva unha coroa de pequenas flores no sombreiro. Pouco despois Oreborg vese sacudida por un enorme escándalo de espionaxe e piratería. Nunca foi desvelada toda a verdade sobre este enredo criminal, e a día de hoxe ninguén, agás o comandante de Snårholmarna e o propio interesado, sabe quen era o forasteiro coxo...

WHITMAN, Walt, Oh, capitán! Poemas de Walt Whitman para a xente do instituto, Sushi Books, 2021, 102 pp Escolma de máis de trinta poemas do autor estadounidense que, por estilo e temática, son moi acaídos para a mocidade. O poeta interpelaravos e verédesvos na obriga de darlle unha resposta, pero o esforzo pagará a pena.