Número 7
8 MARZO 2021
I.E.S. “San Paio” — Tui
B
O
L
E
T
Í
N
D
O
E
Q
U
I
P
O
D
A
B
I
B
L
I
O
T
E
C
A
Especial Día Internacional da Muller 2021
Cine en feminino ADAM, (Maryam Touzani. Marrocos, 2019, 98´) Na medina de Casablanca, Abla, viúva e nai dunha nena de oito anos, rexenta unha modesta tenda de repostería tradicional marroquí. A súa rutina diaria vese interrompida un día pola chegada de Samia, unha moza embarazada que chama á súa porta buscando traballo e un teito onde durmir. Warda, a filla de Abla, acepta á recentemente chegada desde o primeiro momento, pero a súa nai non quere acoller a unha estraña na súa casa. Abla nin se imaxina o que este encontro fortuíto do destino pode cambiar as súas vidas.
AKELARRE, (Pablo Agüero. España, 2020, 90´) País Vasco, comezos do século XVII. Os homes da rexión están no mar. Ana participa nunha festa no bosque con outras mozas da aldea. O xuíz Rostegui, encomendado polo Rey para purificar a rexión, fainas arrestar como culpables de bruxería. Decide facer o necesario para que confesen o que saben sobre o akelarre, cerimonia máxica durante a cal supostamente o Diaño inicia ás súas servidoras e se ten trato carnal con elas.
A AMABILIDADE DOS ESTRAÑOS, (Lone Scherfig. Dinamarca, 2019, 112´) Clara chega a New York cos seus dous fillos no asento traseiro do seu coche. A viaxe, que disfraza como unha aventura aos ollos dos nenos, pronto se revela como unha fuxida dun marido policía e pai maltratador. Os tres teñen pouco máis que o coche para subsistir no inverno de New York. Alice ensínalles que mesmo, ás veces, nas grandes cidades, tamén hai misericordia.
P á x i n a
2
N ú m e r o
7 –
8
m a r zo
2 0 2 1
EN BUSCA DE SUMMERLAND, (Jessica Swale. Reino Unido, 2020, 99´)
En Inglaterra, durante a Segunda Guerra Mundial, moitos nenos foron evacuados das cidades e enviados a pequenos pobos con familias que temporalmente se facían cargo deles. Cando Frank, un destes nenos, é asignado a Alice, unha escritora solitaria e atormentada por unha historia amorosa do pasado, ela resístese a aceptalo. Con todo, aos poucos, ao irse coñecendo, a inocencia e curiosidade de Frank fan que Alice abra o seu corazón, desbloqueando recordos e sentimentos que cría esquecidos.
E
CHOVERON PAXAROS, (Louise Archambault. Canadá, 2019, 124´) Esta é a historia de tres anciáns que elixiron retirarse do mundo e vivir nos bosques de Canadá. Á vez que un gran incendio ameaza a rexión, alguén chega ata o seu agocho: unha nova fotógrafa que busca a un tal Boychuck. E non é a única. Pouco despois, unha muller de máis de 80 anos aparece como unha brisa lixeira que revolucionará as súas vidas. Mentres tentan comprender a historia de Boychuck a través das súas pinturas, algo extraordinario xurdirá entre todos eles.
AS FILLAS DO REICH, (Andy Goddard. Reino Unido, 2020, 99´)
Inglaterra 1939. Thomas Miller é un profesor de inglés que aceptou un posto de última hora na escola Augusta-Victoria na costa sur inglesa, a onde os nazis alemáns de alto rango envían ás súas fillas. Baixo a atenta mirada da directora, a señorita Rocholl, e a súa devota axudante Ilse Keller, as mozas practican inglés e aprenden a representar o ideal da muller alemá. A aparición do corpo sen vida dun antigo profesor da escola poñerá en xaque o prestixio da institución e as vidas de todos os implicados.
INVISÍBEIS, (Gracia Querejeta. España, 2020, 83´) Julia, Elsa e Amelia son tres amigas que un día decidiron comezar a pasear xuntas unha vez por semana. O que comeza como una forma de facer exercicio acábase convertendo nunha necesidade, non só para saber o que lle ocorre a cada unha delas, senón que tamén descubrirán que a amizade non é sempre idílica e que se gardan secretos e recórrese á mentira.
N ú m e r o
7 –
8
m a r zo
2 0 2 1
P á x i n a
3
A LISTA DOS DESEXOS, (Álvaro Díaz Lorenzo. España, 2020,
102´) Eva e Carmen loitan contra o cancro de mama e coinciden nas sesións de quimioterapia. Carmen xa pasou por tres, así que anima a Eva a facer unha lista con tres cosas que nunca se atreveu a facer e pídelle que as faga tras o tratamento, pero antes de coñecer os resultados. A Carmen aínda lle queda unha última cousa que tachar da súa lista empezada hai 25 anos, así que xunto con Mar, unha amiga de Eva recentemente separada, embárcanse nunha viaxe chea de optimismo e vitalidade nunha caravana co obxectivo de completar as súas listas.
MAMÁ MARÍA, (Jean- Paul Salomé. Francia, 2020, 106´)
Patience Portefeux é unha intérprete xudicial franco-árabe, especializada en escoitas telefónicas para a brigada de estupefacientes en París. É un traballo precario, pagado en negro. Un día descobre que un dos traficantes de drogas aos que están a perseguir é o fillo dunha amiga súa e decide apoialo. Desta forma, involúcrase cada vez máis no mundo do tráfico de drogas, utilizando os coñecementos e recursos obtidos traballando como policía, construíndo a súa propia rede criminal, sendo coñecida co alias de "Mamá María".
A MIÑA NENA, (Lisa Azuelos. Francia, 2019, 85´)
A simple historia dunha nai que enfronta a chamada síndrome do “niño baleiro” .Heloise é nai de tres fillos. Jade, a súa "filla pequena", acaba de facer dezaoito anos e pronto abandonará o fogar para continuar os seus estudos en Canadá. A medida que se achega a partida de Jade, a tensión de Heloise aumenta e lembra os momentos compartidos con ela.
NUNCA, CASE NUNCA, ÁS VECES, SEMPRE, (Eliza Hittman. Esta-
dos Unidos, 2020, 101´) Autumn, unha apática e calada adolescente, traballa como caixeira nun supermercado rural de Pennsylvania. Véndose obrigada a soportar un embarazo accidental e sen alternativas viables para poder realizar un aborto no seu propio estado, ela e a súa curmá Skylar reúnen algún cartos e embarcan nun autobús rumbo a New York. Coa dirección dunha clínica apuntada nun papel e sen un lugar no que pasar a noite, as dúas mozas entran nunha cidade que descoñecen.
P á x i n a
4
N ú m e r o
7 –
8
m a r zo
2 0 2 1
PAPICHA, SOÑOS DE LIBERDADE, (Mounia Meddou. Alxeria,
2019, 106´) Na Alxeria dos anos 90, Nedjma, de 18 anos, estudante aloxada na cidade universitaria de Alxer, soña con converterse en estilista e négase a que os tráxicos sucesos da guerra civil alxeriana lle impídan levar unha vida normal e saír pola noite coa súa amiga Wassila. Á noitiña, salta o aramado da cidade coas súas mellores amigas para acudir á discoteca onde vende as súas creacións ás ‘papichas’, as mozas alxerinas. A situación política e social do país non deixa de empeorar. Nedjma négase a aceptar as prohibicións dos radicais e decide loitar pola súa liberdade e independencia organizando un desfile de moda.
PERSOAL ASSISTANT, (Nisha Ganatra. Estados Unidos, 2020, 113´) Grace Davis é unha veterana superestrella da música cuxo mánager pensa que é mellor que xa non grave novos discos e que se retire a dar lucrativos concertos en Las Vegas. Opinión que non comparte Maggie, a asistente de Grace, unha moza con máis traballo do que pode abarcar e na que segue latente o seu soño da infancia: converterse en produtora musical.
RESPECT,
(Liesl Tommy. Estados Unidos, 2021) Filme que narra a meteórica carreira da inigualable Aretha Franklin, a extraordinaria viaxe desta icona da música en busca da súa propia voz: desde os seus inicios no coro da igrexa do seu pai ata converterse nunha superestrella internacional. Poderemos ver esta película neste próximo verán.
PARA SAMA, (Waad ao- Kateab, Edward
Watts. Reino Unido, 2019, 93) Unha muller nova loita por unir o amor, a guerra e o seu papel como nai durante cinco anos no contexto da guerra de Siria. Narrado en primeira persoa, este documental é unha carta de amor a Sama, a filla da directora e protagonista do filme, cuxo bebé naceu no medio da guerra. Sama crece escoitando como explotan bombas que destrúen os hospitais onde o seu pai médico loita por salvar a vida de miles de feridos. A historia vai e vén no tempo para construir un relato que entrelaza o desenvolvemento da guerra coa historia de amor dunha parella que decide quedar a loitar pola vida da súa xente.
QUE SOE A MÚSICA!, (Peter Cattaneo. Reino Unido, 2019, 110´)
Inspirada no fenómeno global dos coros de esposas de militares, a historia céntrase nun grupo de mulleres inglesas que forman un club de canto. A medida que florecen lazos inesperados de amizade, a música e as risas transforman as súas vidas, axudándose mutuamente a superar os seus temores polos seres queridos que combaten en Afganistán.