Número 5
B
O
L
E
NADAL 2020
I.E.S. “San Paio” — Tui
T
Í
N
D
O
E
Q
U
I
P
O
D
AUGA SECA
A
B
I
B
L
I
O
T
E
C
A
SERIES (Toño López, Galicia, 2020, miniserie de seis
episodios) Coprodución galegolusa que capta e resalta a fotoxenia da Ría e a cidade de Vigo, e tamén de Lisboa, o outro enclave da acción. Drama policial sobre o tráfico de armas e as súas conexións co mundo empresarial. Paulo Duarte aparece morto no porto de Vigo. Un presunto suicidio que non convence nin a Teresa (a súa irmá) nin ao policía Viñas. Teresa deixa a súa vida en Lisboa e instálase en Vigo para descubrir o que oculta a morte de Paulo: unha rede de tráfico de armas liderada polo empresario Mauro Galdón, padriño de Teresa.
ANNE WITH AN E (tres tempadas)
Baseada na famosa novela de Lucy Maud Montgomery Ana la de las Tejas Verdes (Duomo Ediciones, 2020, 352 pp; tamén temos a novela gráfica: Maeva, 2020, 240 pp). A serie está ambientada a finais do século XIX na Illa do Príncipe Eduardo (Canadá). A súa protagonista é Anne Shirley, unha nena orfa que, despois dunha infancia difícil en orfanatos e casas de acollida, acaba sendo adoptada aos 13 anos por dous irmáns solteiros xa maduros. Coa súa gran personalidade e vitalismo, a esperta e imaxinativa Anne transformará as vidas de Marilla e Matthew Cuthbert e de todo o pobo. As aventuras de Anne reflectirán temas tan universais e intemporais como a identidade, o sexismo, o acoso e os prexuízos. Podémola igualmente ver en anime.
P á x i n a
2
N ú m e r o
5 –
N A D A L
2 0 2 0
GAMBITO DE DAMA (miniserie)
Baseada na novela homónima escrita por Walter Tevis (xa dispoñíbel en formato ebook e no vindeiro mes de xaneiro tamén en papel, editorial Alfaguara). Recreación ficticia da vida dunha rapaza orfa, prodixio no xadrez. A serie céntrase na súa evolución para converterse na mellor xogadora de xadrez do mundo, loitando contra as súas adiccións ás menciñas e ao alcohol. Historia cronoloxicamente situada a mediados do século pasado.
O SABOR DAS MARGARIDAS
(Miguel Conde,
Galicia, 2018, dúas tempadas) Ano 2010, véspera da chegada do Papa Bieito XVI a Compostela. A acción prodúcese nunha vila illada do interior de Galicia, onde unha moza conflitiva, Marta Labrada, é secuestrada. Rosa Vargas é a axente de policía encargada da investigación do caso, contando coa axuda de dous axentes locais. Porén, o caso non é tan sinxelo como semellaba nun principio e a investigación destapa toda unha serie de crimes que permaneceran ocultos na vila "onde nunca pasa nada"
SEX EDUCATION (tres tempadas)
Como Otis ten resposta para calquera dúbida sobre sexo grazas a que a súa nai é sexóloga, unha compañeira anímao a abrir unha "consultoría sexual" no instituto.
STRANGER THINGS
(tres tempa-
das) É a historia dun neno que desaparece, en 1983, nun pequeno pobo de Indiana, sen deixar rastro. Na súa procura desesperada, tanto os seus amigos e familiares como o shériff local vense sorprendidos por experimentos ultrasecretos, forzas paranormais terroríficas e unha nena moi pero que moi rara...
películas
As BRUXAS
(Robert Zemeckis, USA,
2020, 99´) Adaptación da novela homónima de Roald Dahl (Xerais, 20062, 245 pp.) Un neno de sete anos, que acaba de quedar orfo, vai a vivir coa súa avoa, quen lle advirte sobre a existencia de bruxas e o seu odio cara aos nenos. Cando o neno non só descobre que as bruxas son reais, senón que tamén queren converter a todos os nenos do mundo en ratos, el e a súa querida avoa deben unirse para derrotalos.
N ú m e r o
5
–
N A D AL
2 0 2 0
P á x i n a
3
A FAMILIA QUE TI ELIXES (Tyler Nilson, Mike Schwartz, USA, 2019, 97´)
Zak é un mozo con síndrome de Down que escapa da súa residencia para perseguir o seu soño de converterse nun loitador profesional nunha escola de loita. Na súa viaxe atoparase con Tyler, un delincuente que tamén se deu á fuga e que se converterá no seu adestrador e aliado; e con Eleanor, unha enfermeira un tanto peculiar que se une a eles na súa viaxe.
EN GUERRA CO MEU AVÓ (Tim Hill, USA, 2020, 94´)
O mozo Peter vese obrigado a abandonar a súa habitación cando o seu avó Ed, viúvo, se muda á súa casa. Coa axuda dos seus amigos, Peter declara a guerra ao seu avó para facerlle abandonar a habitación, pero Ed é un testán e non vai facilitar o desexo do neto.
HISTORIAS LAMENTABLES (Javier Fesser, España,
2020, 129´) Comedia, formada por historias de humor interconectadas, protagonizada por catro personaxes: Ramón, un coitado mozo a piques de herdar o imperio levantado polo seu rigoroso e hermético pai; Bermejo, un veraneante metódico, enfermizo da orde e inimigo da improvisación; Ayoub, un africano sen papeis que persegue o seu soño acompañado por unha muller insoportable; e Alipio, un pequeno empresario ludópata sen remedio...
LONGA NOITE (Eloy Enciso, 2019, Galicia, 93´)
Durante a posguerra española, Anxo regresa ao seu pobo no interior de Galicia. Alí crúzase con outros personaxes, gañadores e vencidos dunha España dividida: unha viúva que non quere lembrar, un comerciante que emigra, un prisioneiro republicano que describe o seu calvario. A entrega dunha carta obriga a Anxo a cruzar a fronteira e adentrarse na longa noite franquista. As pantasmas que todos crían esquecidas invaden o presente.
O MAGNÍFICO IVÁN (Thea Sharrock, USA, 2020, 95´)
Esta película que mestura animación e acción en vivo está baseada na novela infantil El único e incomparable Iván de Katherine ApplegateIvan (Océano Editorial, 2013, 324 pp.) Iván é un gorila afeito á cidade, que xa non lembra os días nos que vivía na xungla. Agora vive nun centro comercial xunto aos seus compañeiros: a elefante Stella e o can Bob. Coa axuda dos seus amigos e da bebé elefante Ruby, Iván tratará de reconstruír o seu pasado mentres todos eles traman un plan para escapar do cativerio.
NACIÓN (Margarita Ledo, Galicia, 2020, 92´)
Filme que combina material de arquivo de diversas institucións (como imaxes da televisión de Galicia), con testemuños reais e secuencias propias do cinema de ficción. “É un exercicio de memoria que está baixo a categoría de cinema de non ficción” di a directora desta película que, ademais, evita a representación literal dos feitos cunha montaxe que se carga de simbolismo ao mesturar paisaxes e referencias á poesía galega. A través das enérxicas traballadoras galegas da fábrica de cerámica de Pontesa, Margarita Ledo constrúe un relato emocionante, combativo e poético dunha loita inconclusa: “unha película que trata do moito que tardamos as mulleres en ter dereitos, non só en votar senón en acceder ao traballo asalariado e á posibilidade de ser independentes. En resumo, o moito que nos custou ser Nación”
P á x i n a
4
N ú m e r o
5 –
N A D A L
2 0 2 0
SOUL (Pete Docter, Kemp Powers; USA, 2020, 100´)
Joe Garner é un profesor afronorteamericano de música, de secundaria, que sempre soñou con tocar música jazz no escenario, e finalmente pode facelo despois de impresionar a outros músicos de jazz durante unha práctica aberta no Half Note Club de Nova York. Con todo, un accidente fai que a alma de Garner sexa transportada ao "Seminario You", un centro no que as almas crecen e adquiren emocións antes de ser transportadas aos nenos recentemente nados...
UN PARA TODOS
(David Ilundain, España, 2020,
94´) Un profesor interino asume a tarefa de ser titor dunha clase de sexto de primaria nun pobo completamente descoñecido para el. Cando descobre que ten que reintegrar a un alumno enfermo na aula, atópase cun problema inesperado: case ningún dos seus compañeiros quere que volva a clase.
WONDER WOMAN 1984
(Patty Jenkins, USA,
2020, 151´) En 1984, en plena guerra fría, Diana Prince, coñecida como Wonder Woman enfróntase ao empresario Maxwell Lord e á súa antiga amiga a Muller-Leopardo que posúe forza e axilidade sobrehumanas.
O XARDÍN SECRETO (Marc Mun-
den, Reino Unido, 2020, 99´) Adaptación da novela homónima de Frances Hodgson Burnett (Cátedra, 2013, 360 pp.) Mary Lennox é un nena nada na India, filla de pais británicos. Cando os pais morren de súpeto, Mary é enviada a Inglaterra co seu tío, Archibald Craven. Alí comeza a descubrir segredos familiares, sobre todo despois de coñecer ao seu curmán. Xuntos, os dous nenos exploran un xardín descuberto por Mary, que lles axuda a pechar as feridas que sufriron na súa curta existencia.